في سبيل الله نمضى .....نبتغى رفع الاخوة

[الشذى الفواح]

بصو يابنات احنا دايما بنقضي وقت حلو ومفتخر جدا عالنت ااة صحيح اننا بنتناقش في حاجات مفيدة زى تربية الاطفال وزى المدارس و ..و...

لكن بردو لااازم نخلى الطاعات قدام عينينا عارفين ليه؟


لان الرسول صلى الله عليه وسلم(اوعو ماتصلوش وتكسلو )يقول :"لاتزولا قدم عبد يوم القيامة حتى يسال عن اربع عن عمره فيما افناه.........وعن ماله من اين اكتسبه وفيم انفقه"


وبعدين كمان بما اننا بنحب بعض فليه نفوت على نفسنا فرصة زى دى يقول صلى الله عليه وسلم:"سبعة يظلهم الله في ظله يوم لاظل الا ظله.........منها ورجلان تحابا في الله اجتمعا عليه وتفرقا عليه"

واخر حاجة بئة يقول الله عزوجل في الحديث القدسي:"المتحابون في جلالي لهم منابر من نور يغبطهم النبيون والصديقون والشهداء"



من هنا كان الدافع ومن هنا يكون الحماس يلا بينا نتفق نعمل حاجة كل يوم بس بشروووط

الاول نقول هانعمل ايه:

1-الصلاة على وقتها
قال صلى الله عليه وسلم:"عن ابي مسعود رضي الله عنه قال : قلت يا رسول الله اي العمل احب الى الله تعالى قال:الصلاة على وقتها ....الخ الحديث"


2-قراءة من صفحة الى صفحتين ورد يومى

3-الاستغفار 100مرة في اليوم

4- نحافظ على صلاة الفجر حاضر يعنى قبل شروق الشمس

5-ازكار الصباح والمساء

6-جددى النية وانتى داخلة المنتدى بانك داخلة تستفيدى او تفيدى فقط

بس كده دى البداية

]
الشروط بئة



اولا: اللى تعمل تخش تقول بنية اننا نشجع بعض والله الشرط دا مش باقول نتمنظر على بعض لا اعوذ بالله طبعا لكن عشان نشجع بعض ونتحمس اكتر

ثانيا: بئة اللى مش هاتعمل لاابد تانيبها بس بشويش يابنات مش عاوزينحد يكره لمتنا وبردو المقصرة تتزكر ان كلامنا دة هايكون خوفا عليها وحبا لها ليس الا ..


اسال الله الذى لا اله الا هو ان يجعل جميع اعمالنا خالصة لوجهه وان يحفظنا من الرياء ومن احباط العمل

سبحانك اللهم وبحمدك اشهد ان لا اله الا انت استغفرك واتوب اليك



في سبيل الله نمضى .....نبتغى رفع الاخوة (الحزء الثانى)
دروس اسبوعية لاسماء الله الحسنى

[nashwa1]

ما شاء الله عليكى موضوع ممتاز والحمد لله انى اول ما يشاركك واتوكل على الله وابدء معكى من الغد ان شاء الله
اللهم اجمعنا على طاعته وتطبيق سنة نبيه صلى الله عليه وسلم

[ghofran2009]

السلام عليكم يا شذى بارك الله فيكى ....كويس اوى كده ...نبتدى على بسيط ونكتر الواجبات حبه حبه براحة ونفتكر دايما ان افضل الاعمال اقلها ان دام......ونتنافس دايما على الطاعات (وفى ذلك فليتنافس المتنافسون)....وفى برضه دعاء بيتقال عشان ننقى انفسنا من الرياء بس انا مش فاكراه اوى ...تقريبا اللهم انى اعوذ بك من شر ما نعلم ومن شر مالا نعلم...مش متاكدة ان كان مضبوط والا لا ....المهم هانبتدى من بكرة ان شاء الله ..يعنى كل واحدة تدخل تقول عملت اية النهاردة من الورد دة ...وهل هانحدد وقت معين نبقى فيه كلنا مع بعض ..

[الشذى الفواح]

تسلمى يانانووش يارب نتقابل بكرة ان شاء الله

غفران وعليكم السلام ورحمة الله وبركاته ربنا يكرمك ياارب بصراحة مش فاكرة دعاء بيتقال كده جايز يكون بصيغة تانية اعتقد تقصدى:"اللهم انا نعوذ بك من ان نشرك بك شيئا نعلمه ونستغفرك لما لانعلمه"؟؟؟؟؟؟

ااة كل وحدة تدخل تقول وياجماعة اللى عندها حاجات جديدة تقول الباب مفتوح للجميع

انا شخصيا افضل بلاش وقت معين عشان في اللى بتشتغل وبردو كل وحدة حسب وقت رجوع جوزها وكده فعشان تبئا براحتها مايبئاش المعاد قيد فتضطر تسيبه خالص وتكسل دا رايي الشخصي

انتو رايكو ايه؟

[possy26]

يا سلام عليكى يا شذا وعلى موضوعك الجميل وان شاء اللة اشترك معاكمونتوكل كلنا على اللة

[ليتني اسلى]

فاح شذى عطرك فناداني

فبوركتي اخيتي بشذاك الفواح

لكن ان سمحتي لي بتعقيب بسيط

قلتي بارك الله فيك ...

6-جددى النية وانتى داخلة المنتدى بانك داخلة تستفيدى او تفيدى فقط

ومن راي المتواضع هو اننا لاندخل هنا الا لاحد هذان الامران

ولكن ليكن وضعنا للفائده واخذنا لها نابع لوجه الله تعالى الكريم

لنحتسب في سائر اعمالنا لننال الاجر عليها

وفقك الله اخيتي وسدد بالحق خطاك

دمتي بحفظ الله تعالى

[muslium]

بارك الله فيكى يا شذا ان شاء الله معاكم بس أستنونى يومين كده فاهمين قصدى طبعا

[abeerbebo]

السلام عليكم
يا شذى بارك الله فيكى مش لائية كلام اوصف بيه البداية الجميلة دى ربنا يعطيكى العافية

وفعلا زى ما قالت غفران (وفى ذلك فليتنافس المتنافسون)....

وانا معاكم ان شاء الله من تاريخه 10/6 ان شاء الله....................

[أم جورى]

ما شاء الله ياشذا بداية جميلة بارك الله فيكى

وانا معاكم من بكرةان شاء الله لأنى حاسة انى فى النازل اوى

وفعلا دة دعاء الرياء اللهم انى أعوذ بك ان أشرك بك شيئا اعلمه واستغفرك لما لا اعمله
الله أسأل لى ولكم الاخلاص فى القول والعمل

ويا ريت نزود الأذكار شوية يعنى واحنا فى المطبخ واحنا بنعمل شغل البيت الذكر يطهر القلب ويزيد خشوعه ألا بذكر الله تطمئن القلوب

[فرح1983]

جزاك الله يا اخت شذى وجعله في ميزان حسناتك يارب
وانا معاكم باذن الله
ولي تعقيب بسيط
ان احنا يا جماعة قدر المستطاع نستخلص النية دائما لله في كل قول او عمل
لان احنا كدة كدة هنعمل الحاجة دي
فليه ما نجعلهاش لوجه الله ناخد ثوابها باذن الرحمن
يعني مثلا واحنا بنعمل الاكل نستغفر كتيييييييييير ودة شيء كان زوجي قاللي عليه اول زواجنا وانه سبحان الله بيخلي فيه بركة فيه وانه بيبقى هايل بذكر الله وكمان نفكر ان احنا بنعمل الاكل دة لولادنا عشان يكبروا في طاعة الله ولازواجنا يتقوتوا على متاعب الدنيا والعمل ولكي يقوينا على الصلاة وذكر الله وكدة يعني
مثلا الزوجة وهي بتتزين لزوجها تعملها بنيةعفة زوجها وتحصينه و................الخ
يعني من الاخر وضع نية حسنة في كل قول او فعل وباذن الله نؤجر جميعا عليه
وربنا يرزقنا حسن عبادته