ياجماعة انا مضايقتني فكرة تدخل الغير في تربيتي لبنتي رغم أنه غالباً يكون بحسن نية لكن من بعض الأطراف يكون مستفز جداً
في البداية انا بيتي بجانب بيت أهلي في نفس السور يعني تقريباً بيتي صار للنوم بس... بنتي دائماً مصرة تروح عند جدتها وفيه أوقات كثيرة أقدر عليها ونقعد سوى في بيتنا لكن أهلي ما يتركوني بحسن نية طبعاً خاصة الوالد مايرضى أقعد لوحدي كثير وبالتالي صار الكل يتدخل في تربيتها بشكل مباشر أو غير مباشر
زوجي إنتقل عمله خارج المدينة لمدينة بعيدة وصار يزورنا اسبوع كل شهر وانا اذهب صباحاً لعملي ومساء لدراستي .....يعني الحمل صار كله على رأسي
لما تغلط بنتي أنا أعرف أتفاهم معها بطريقتي وأفهمها لكن يستفزني أنه البعض يتدخل بشكل همجي وما يعجبه انه أتكلم معها ..لا لازم توريها العين الحمرا
والعكس أيضاً لما أجي أتفاهم معها (جدتي أنا) بحسن نية منها تقول : خلوها اتركوها لا أحد يقولها شيء
يعني اليوم كان وقت الغداء و انا معودتها لازم تجي وتأكل معنا وهي كانت تبغى تجلس تتفرج على الكرتون
قالت جدتي : خليها
طيب ياجدتي ياحبيبتي لو ما سمعتك كان عرفت أتفاهم معها واحايلها لأني أنا أدرى بها
والنتيجة انها ما تغدت ورحت لمعهدي وانا مشغولة عليها مع اني عارفة أنه الوالدة مو مقصرة معها لكن انا ادرى بها وبمزاجها في الأكل
احياناً جدتي لما يكون مزاجها متعكر شوي ومالها خلق لعنودة وتشوف بعض شقاوتها تقول: انتم اللي تركتوها على كيفها من الأول
بالله كيف أمسك العصى من النص مع اني عارفة أنه هذا طبع الجدات
نجي للجانب المستفز جداً أخي وأختي لما يبدر أي تصرف من بنتي على طول زي الهمج يصرخوا عليها ولا حتى عطوني فرصة أفتح فمي بكلمة
في كل مرة أعيد نفس الكلام عليهم بس أبو طبيع ما يخلي طبعه
أمس خلاص انفجرت وحطيت النقط على الحروف مع أني حاطتها مليون مرة بس مو مشكلة نخليها مليون وواحد
وقلت : انا أمها والمسؤولة عنها وبس واللي عنده استعداد للتربية يربي نفسه بالأول
ووووووو
وقلت كلام كثييييييييييييير وحسيت أني ارتحت بعد الصراخ
وقلت للوالدة تنبه كل اللي في البيت خلاص ما يتدخلوا لا في صغيرة ولا كبيرة
والله تعبت وانا أرقع وراهم بصراحة انا خايفة على نفسية بنتي أنا عنيدة وهي ما تقل عناد
واحاول دائماً اتماسك وأهدي نفسي لكن يجي تصرف طايش على غفلة يهد كل اللي أسوية
انتم إيش رأيكم الوضع مستفز ولا أنا اللي مكبرة الموضوع شوي؟
الروابط المفضلة