يا مؤمنه ابقي ادينا اميلك انا ولولا لو عندك علشان نبقي نرغي لو تحبي طبعا
للبحث في شبكة لكِ النسائية:
|
يا مؤمنه ابقي ادينا اميلك انا ولولا لو عندك علشان نبقي نرغي لو تحبي طبعا
لولا انت فين طمنيني عليك ....
انا عارفه اليهقوهولك هتضربيني عليه
بس فعلا الانسان ده طاقه
والله حاولت على اد ما اقدر امنع نفسي النهرضه من كوب النسكفايه باللبن الجامد اوووي
ومقدرتش
عندي مقابله مهمه جدا ولازم اكون فايقه مش نايمه .... اصل حاسه اني تعبانه ومش مركزه خالص
وفي نفس الوقت مش مشتهيه الاكل اوووي زي الاول بس
همدانه ...ز وكمتن هعترف بحاجه انا كلت تفاح وبرتقال
انا عارفه انه لازم صنف واحد بس كده حلو اووووووووي وان شاء الله مش هيحصل حاجه
ما هو كلهم فاكهه .... طبعا ضميري انبني بس
ريحته باني قلت لنفسي ضميرك يانبك لما تاكلي مانجا شوكلاته لكن ده برتقال
مش حاجه من نفس العائله
وادي كل اخباري
وبنسى اشرب ماء بس هحاول ما انساش
اوعي يا لولا تكوني لغبطي انا
لغاية دلوقتي تمام التمام بالرغم من التجاوزات اليقلتك عليها بس كده نحمد ربنا
وربنا يستر لاخر اليوم ولاخر الايام الي فاضله
مستنيه اخبارك ....
ربنا يكملك على خييير يا قمر
مبرووووووووووووووك يا قمر
ويا رب تنقصي اكتر واكتر بكل صحه وعافيه
اما انا موزنتش وممكن اوزن بكره
بس انا بفكر اوزن في اخر الاسبوع الجاي اصل بتضايق لما اوزن كل يوم والمؤشر يسببلي قلق
مره يزود كيلو ومره ينقص كيلو.... خليها في الاواخر لاني بجد بتعب نفسيا من الميزان
ويارب نخلص بقى ونقل في اوزنا ونحافظ بقه
اللهم اميييييييين
آخر مرة عدل بواسطة 0مؤمنه بالله0 : 29-02-2008 في 11:09 AM
مؤمنة معلش اللخبطة بسيطة ومش فى الممنوع اوي عموما كملي يومك بقى مظبوط وبعدين خلي بالك الهمدان دة بسبب الاكل ماتنسيش اننا عاملين زي المدمنين اللي بنسحب المخدر من جسمنا
وعلى فكرة ال3 ايام اللي فاتو واليوم دة كمان يعتبروا تنضيف للجسم انا مرة تابعت مع اخصائية تغذية قبل ماتعملي اي دايت عملتلي 3 ايام تنضيف لجسمي كانو بيعتمدوا بس على عصير الفواكه ووقالتلي المفروض دة يتعمل كل شهر مش بس علشان الريجيم لكن حتى للي مش بيعملو ريجيم وفعلا انا حاسة اني خفيفة ونشيطة وعلى فكرة انا قلتلك اوزني النهاردة علشان تحسي انك حتبداي فى ريجيم جديد مدته اسبوع واكيد كنتي حتلاقي الميزان اتحرك ودة حيديكي نشاط وحيوية وحماس علشان باقي الاسبوع وصدقيني مفيش اسرع من الايام
لا طبعا تبليه زي مانتي عاوزة وحطيله كل البهارات اللي عايزاها بس يكون مشوي انا لما باشويه باحطه فى الفرن باتبله بالتوم والكمون والفلفل الاسود وبابشر بصلة صغيرة مع التوم وكمان لمون
وبافرش الصينية بالبطاطس وبحطلها جزء كمان من تتبيلة السمك علشان طعمها يبقى حلو بس طبعا اوعي تاكلي انتي البطاطس خلى الولاد وجوزك ياكلوهاوباحط االسمكة كاملة او سمكتين على حسب الحجم طبعا وباحشي السمك بقى بترانشات طماطم مع ترانشات بصل مع ترانشلت ليمون وكمان فلفل اخضر وبادخلهم الفرن وازود مية شوية شوية يعنى كل ما تتشرب زوديها حبة لغاية ماتحسي انه اتحمر واستوى بجد بيبقى طعمه رائع والف هنا وشفا يا جميل
ايه هوا انا فتحت صفحة المطبخ ولا ايه
انا سجلتك يا مؤمنه بس يا ريت يبقي عندك اميل عالياهو
لولا هو ما ينفعش اخلي يوم الخضروات (اليوم السادس)زبادي ؟؟؟؟؟
انا عارفه اني غلباويه بس استحمليني
الروابط المفضلة