كتبت بواسطة
dr_emy
حبيبتي روبي معلش ربنا معاكي وما تقلقيش خالص انا من كام شهر كده عملت عملية ازالة الكيس واشعة صبغه واستئصال ورم ليفي وبعد ده كله كان في قرحه في عنق الرحم كويتها والحمد لله اخر مره كشفت كنت تمام والان منتظره فرج ربنا فما تقلقيش خالص وربنا يسهل وانا حالاتي دي كلها كانت صعبه متجيش بالادويه فكانت الدكتوره تضطر للعمليات والكي والحلول اللي من الاخر لكن انتي ان شاء الله تيجي بالعلاج بس عايزة اقولك شوية حاجات حاولي تعالجي الحاجات دي كلها قبل ما تفكري في الحمل لانها ممكن تتعبك في الحمل و ممكن لا قدر الله الكيس ما يصغرش ويحصل حمل عليه ويضطروا يعملولك عمليه اثناء الحمل بعد الشهر التالت لو عدتيه على خير ولو اتاخرتي وماتعملتش ما ينفعش تعمليها بعد الخامس وتضطري تتحملي الالم والحمل يظل مهدد فعلى ايه ده كله فلعل تاخير الحمل ليكي دلوقتي رحمه من ربنا ونعمه احنا غافلين عنها وربنا يقدرلك اللي فيه الخير يا رب ويرضيك ويتم نعمته عليكي ويمتعك بالذريه الصالحه
الحاجه التانيه لو اضطريتي تعملي كي للقرحه ( ويارب ماتضطريش وتتعالج بالادويه) اتاكدي ان الكي بالتبريد لان كي الحراره ممكن يعمل تليفات في عنق الرحم وعموما هو بقى نادرا ما حد بيستخدمه بس احسن تتاكدي وهو مابيوجعش بس ممكن تحسي بمغص زي مغص الدوره وبيقعد بعدها شويه نص ساعه مثلا بس مش بيعطلك عن حياتك عادي زي الدوره وكمان اعملي حسابك تاخدي معاكي الويز وتحطيها في ساعتها لان بينزل عليكي ميه كتير قوي وبتقعد بتاع اسبوعين كده وطبعا مع الامتناع عن الجماع طول فترة العلاج سواء بالكي ولا من غيره وربنا يعافيكي يا رب وبما انها اتكررت عندك انصحك بالكي
ايمي حبيبتي ياااااااااااارب يكرمك ويطمنك زي ما طمنتيني ويارب يقر عينك بالذرية الصالحة عاجلا غير اجلا
بصي يا جميل انا الدكتورة ادتني علاج وقالتلي ممكن يبقي فيه جماع عادي مع العلاج لاني في فترة التبويض وهي ادتني لبوس كنت بخده لما كنت حامل هو مش بياثر علي الحمل او علي الحيوانات المنوية وبعدين هي قالتلي ان القرحة بسيطة وما اخفش منها
وعلي فكرة رغم اني عندي الكيس ده وعندي القرحة لكن انا املي في ربنا كبيييييييييييييييييير والحمد لله
بس ان بثول لنفسي كده علشان ما احوطش الموضوع في دماغي كتير ولو جت البريوت ما ازعلش
فهمتي انا بقصد ايه يا ايمي؟
ويارب قريب نفرح بخبر الحمل بتاعك يا ايمي وربنا معاكي
ربي لا تذرنا فردا وانت خير الوارثين
الروابط المفضلة