تجمع الراغبات فى الحمل

[عندى ثقه فيك]

السلام عليكم و رحمه الله و بركاته

اولا كل سنه و انتم طيبين بمناسبه شهر رمضان الكريم

ثانيا , اتمنى ان كل من تعانى نفس مشكلتى تشاركنى و نشجع بعض

مشكلتى ان وزنى الزائد ادى الى تأخرى فى الحمل, و طلب منى الدكتور انى اخس , ولانى محبطه و مش هاقدر اخد الخطوة دى لوحدى

فأنا محتاجه تشجيعكم لى و محتاجه حد يكون عنده نفس حالتى علشان نتحمس

انا مش عارفه ابدأ رجيم ايه و لا اعمل ايه و محتاسه خااااالص

فياريت الأخوات الحلوات اللى هيشاركونى يقترحوا نظام كويس نمشي عليه و اوعدكم انى التزم بيه



يا ترى هلاقى حد يشاركنى ؟؟


بالله عليكم ما تتأخروش على فى الرد .

[♥أم عبد الله♥]

موفقة أختي و ربنا يرزقك بالذرية الصالحة
اكتبي طولك و وزنك عشان نساعدك إن شاء الله

[meme1982]

السلام عليكم
كل سنه وانت طيبه وان شاءالله مايخلص رمضان الا واحنا حملا يارب
انا نفس مشكلتك حبيبتى وان شاءالله ربنا يرزوقنا عاجلا غير اجل ولا يحرم احد يارب
انا كان وزنى 86والحين الحمدلله 78والى الامام ان شاءالله وانا قلت ان شاءالله فى رمضان انزل كمان 10كيلوا ويارب يسهل الامور
بس ادا تبغينى معاك توعدينى ان شاءالله مافى شئ يخليك تبطلى وتدخلى كل يوم مره ادا تقدرى
لانى مره اشتركت مع جروب واسبوعين ولا ادرى عن احد وانا عوزه واحده على طول معايا عشان تشجعنى
بس انت كم ليك متزوجه انا ليا سنه وشهر

[عندى ثقه فيك]

السلام عليكم

شكرا حبيبتى ام عبدالله , ربنا يكرمك

meme82 , و انتى طيبه يا جميله ربنا يخليكي

تخيلوا انا خايفه من امبارح ادخل ما الاقيش حد دخل اتقفل من قبل ما ابدأ

انا مبسوطه اوى اوى بجد انى لاقيت حد يشاركنى و يشجعنى

انا طبعا كنت مشتركه فى موضوع قبل كده هنا مع اخوات فضليات بس لاسف سافرت فتره و ما قدرتش التزم فبطلت ادخل

انا طولى 164 سم تقريبا
الوزن 113 كيلو

انا متزوجه من 5 سنين و عندى بنت و من بعد الولاده و انا عندى مشاكل و بتعالج بهرمونات زودت وزنى جدا جدا زى لحد ما وصلت للوزن الفظيع ده

meme انا مستعده ادخل كل يوم اكتر من مره بس المهم انتى كمان تدخلى

نبتدى على بركه الله

يا ترى عندك نظام معين نمشي عليه و لا ؟؟

هستنى ردك علشان نتفق و نبدأ

[چيهان أبو الغيط]

حبيبتى اهلا بيكى ربنا يحقق مرادك باذن الله

حبيبتى مهم قبل عمل اى نظام فى حال زياده الوزن اكثر من مؤشر كتله وزن 40 او فوق ال 100 كيلو عمل تحاليل للاطمئنان على حاله الصحيه ككل

صوره دم كامله + سكرى صايم وبعد ساعتين + وظائف كلى + وظائف كبد + وظائف غده درقيه + كوايسترول وجلسريدات ثلاثيه

وتراجعى دكتور ليطمنا عليكى و الريجيم سهل باذن الله ( لو كنتى عملتيهم من مده لا تزيد عن 6 شهور خلاص ينفع لو اكثر يا ريت تعيديهم )

وادخلى الموضوع ده اختارى ما يناسبك و اتشجعى مع الاخوات

ابغى رجيم لرمضان السعراات 1000 وينك يالرااجيه

وهنا كمان

ღ**ღ فنجان قهوه فى ضيافه رشيقه ღ**ღ ضيفه جديده كل اسبوع

او لو تحبى هنا تحت امرك

*✿*• ريـجـيـمـك فـى رمـضـان علـى ذوقــك •*✿*

[عندى ثقه فيك]

ربنا يخليكي اختى جيهان و ان شاء الله اسمع نصايحك و ربنا يسهل باذن الله

و ان شاء الله ادخل المواضيع اللى اقترحتيها على
وشكرا مره تانيه لاهتمامك و ردك على

[عندى ثقه فيك]

من اولها كده يا ميمي ما دخلتيش ؟؟؟

ماشي

انا على العموم دخلت كام موضوع هنا زى ما جيجي قالتلى

و طلعت تقريبا بنظام عجبنى ربنا يسهل و امشي عليه

الافطار :

تمر و لبن + عصير


بعدها بفتره 3 ملاعق من اى اكل موجود فى البيت

بين الوجبات :

اى مشروبات عصائر و نسكافيه و طبعا ماء قدر الامكان

السحور :

فول او بيض او جبن أو زبادى او اى اختيارات المهم معاهم ربع رغيف بس بالكتييير نص


ربنا يقدرنى و التزم بيه

و كل يوم هادخل اكتب اكلت ايه و نشوف

[meme1982]

السلام عليكم
كيفك ياقمر
لا والله على بالى
انا امس الافطار من كل نوع لكن تخفيف والسحور كان حبه تفاحه وبرتقاله
واليوم كمان بس اكلت ملعقه واحده من الحلا
وكمان عايزه اقولك حاجه ماجربتى البردقوش او الدوش انا من ليا 3ايام باديه فيه والله كريم
كتر سمعت حريم استفادوا منه بعد الله عز وجل ويارب يرزوقنا قريب يارب

[عندى ثقه فيك]

لا ولا يهمك المهم انك دخلتى

ما شاء الله ربنا يعينك يا جميله

انا النهارده التزمت بالنظام اللى كتيته لغايه دلوقتى

اما بالنسبه للبردقوش انا كنت جربته مره بس كان زود كميه البريوت فبطلته بس فعلا انا سمعت ناس كتير بتقول انه جاب نتيجه حلوة معاهم
ربنا يوفقك يا جميله , و ياااا رب نسمع اخبار حلوة قريب
انا لقيت شويه وصفات بس مش عارفه اجربها ولا ايه؟؟؟

المهم انا سمعت ان الحلبه كويسه برضه بس طبعا من غير سكر , بس مش عارفه يا ترى الكلام ده بجد ولا هتزود الوزن ؟؟؟؟

[عندى ثقه فيك]

انا وزنت النهارده قبل الفطار لقيت الوزن 112 و غيرت شريط الوزن
البدايه من اليوم

25 -8 -2009
يااااااا كريم