ربي ييسر حملكم وولادتكم
للبحث في شبكة لكِ النسائية:
|
شوفو بئي الجديد عندي
انا لو مولدتش طبيعي لحد الجمعه هروح المستشفي اولد قيصري
ادعولي اولد طبيييييييييييعي يارب
اللهم انك سلطت علينا عدوا عليما بعيوبنا - يرانا هو وقبيلة من حيث لانراهماللهم أيسه منا كما آيستـه من رحمتك وقنطه منا كما قنطـته من عـفوك - وباعــدبيننا وبينه كما باعـدت بينه وبين رحمتك وجنتك
صباح الخير يا حوامل وامهات وزوجات وكل الحاجات عاملين اية
مبروك الموضوع الجديد ايوة كدة عايزين نرجع للرغى تانى
قطة : اخبارك اية انهاردة يارب تكونى بخير وجوجو عاملة اية تصدقى من زمان كان نفسى اسألك على اسمها بس ماشاء اللة اسمها جميل ربنا يخليهالك
ليتتل : انتى فين ياقمر طمنينى عليكى
لولو : حظى وحش بدخل وانتى نايمة وانتى بتدخلى وانا محتاسة مع سيف وباباة واللة انا حاسة ان ضغطى على منهم عندى صداع مش راضى يروح شوفتى بئة كويس سيف طلع اكبر من ملك بشهرين وشوية عشان نخطبها بقلب جامد طمنينى عليكى اخبارك اية ؟؟
شيماء عاملة اية ؟؟
أمورة : ربنا معاكى وتولدى طبيعى ان شاء اللة وربنا ييسرلك الخير
اهلا يا سموحة منورة انتى ودودو قوليلى انتى اداب اية اصل انا اداب انجليزى بس عندى 29 سنة وعندى سيف الدين 3 سنين وكام يوم عقبال ماتشوفى احمد وتشوفى الشقاوة والنكش اللى على اصولة والحروف اللى نصها طاير وانتى افهمى وفكى الحروف عشان توصلى للى عايزة وعلى رأى لولو كلمة عايز اللى مبتخلصش ربنا يخليهولك
أميرة : عاملة اية ؟ شوفتى عملنا لك جمعية للحموات الفاتنات بس زى ما قطة قلتلك مدام جوزك مش مانع انك تروحى لمامتك روحى ريحى هناك شوية وخدى بالك من نفسك عشان البيبى وبكرة يجى بالسلامة ولا تفضى لحماتك ولا جوزك
بطة : سلامتك وان شاء اللة تخلصى من الوحم دة على خير اما الامساك دة علاجة الوحيد الفاكهة والعصاير الفرش والاكل كويس اما اذا عندك حموضة الدكتورة كانت كتبالى على (ميكوجيل ) دة قبل الاكل ومالوش اضرار وربنا معاكى
زوجة وأم : وحشتينا عاملة اية ؟؟
hosamero : اخبارك اية ؟ لسة ملاقتيش لنا اسم عربى نكتبة هههههه
طماطم : عاملة اية ؟؟
منةة : انتى فين ولدتى ولا لسة !!! ربنا معاكى شكلك حتولدى انتى وأمورة سوا ولا اية
أم عمر : فينك طمنينا عليكى ؟؟؟؟؟؟؟
يارب مكونش نسيت حد من اعضاء الجمعيتين الحلوين هههههه
اهلا ام سيف انا اداب القاهرة فلسفه عقبال عندك ربنا يخلهولك 0000 عارفه برضه مش بيبطل طلبات بفهمها بس مش بيقول عاوز لسه ربنا يهديه احسن تعبت واعصابي تعبت منه
بس كنت عاوزة اسأل اللى ليهم خبرة ومخلفين بقالهم فترة انتى وغيرك ياريت تقولولى عاودتوا اولادكم على (البوتى) ازاى ربنا يكرمكم احسن خلاص هشد فى شعرى منه
واهلا بيكم كلكم
اهلا بطة .. ايه اخبار الوحم ؟؟ انا يا ستى ولدت فى مستشفى وادى النيل بحدائق القبة لأنى ساكنة فى مصر الجديدة وكنت بتابع مع الدكتور / حسين يوسف وعلى فكرة انا ولدت تقريبا ب4000 جنيه لأن المستشفى مجهزة تجهيزات عاليه جدا وهى مفتوحة للجيش وللمدنيين وهى تابعه للجيش اصلا او الضباط يعنى ... وليهم خصم .. اما المدنيين لا ..
الروابط المفضلة