موضوعك رائع وممتاز .. لى تعليق بسيط .. ليه بتتكلمى عن البنات وبس؟؟؟
انا مثلا معنديش بنات ,, لكن اتمنى من الله انى اقدر احافظ على ابنى ولا يقع ابدا فى خطيئة كبيرة مثل الزنا -لاقدر الله- ديننا الحنيف لم يفرق بين الرجل والمرأة فى العقاب عكس عادات الجاهلية البالية التى تعطى الحق للشاب بل ويعتبره البعض شاب مقطع السمكة وديلها زى مابيقولو عندنا فى مصر .. فى حين البنت توصم بوصمة العار الى الابد
لا ادافع ابدا عن مثل هؤلاء الفتيات ولكن حبيت اوضح ان الخطر على الاولاد كما هو على البنات
للاسف فى الغربة فى دول غير اسلامية تجدى اغلب الناس تخلو عن كل شئ يفكرهم ببلادهم بل وصادفت هنا من تركو دينهم والعياذ بالله .. قبل ما اجى هنا -استراليا- مكنتش اتخيل ابدااااااا ان فى مسلم ممكن يترك ديانته .. ابداااااااا واول مرة اتعرف على واحدة وتقوللى انتى مسلمة مثل امى هى ايضا ترتدى الحجاب مثلك طبعا قالتها بالانجليزية لانها لاتعرف العربية اصلا .. ساعتها توقف عقلى عن التفكير وبالمصرى (تنحت) يعنى ايه ماما هى اللى مسلمة ؟؟؟ طيب وانتى ؟؟ والبابا؟؟؟؟ طيب ماما عايشة معاكو على اى أساس؟؟؟ كلها اسئلة دارت فى رأسى بعد ان تركتنى هذه الفتاة ولا اعرف اجابتها الى الان!!!!

عايزة تعرفى ايه اللى ممكن يحمى ابنائنا وبناتنا ... الام
الام هى الاساس فى التربية وفى كل شئ ... الام اللى لو اعتنت بابنائها وربتهم بهدف وخطة مرسومة ومنهاج اسلامى صحيح لتبتغى رضا الله اولا ثم صلاح ابنائها اكيد لن يضيع الله تعبها ومجهودها فى سنين طويلة وسيعوضها خير بابناء تقر بيهم اعينها
المشكلة ان اغلب الامهات اما فى العمل وطبعا فى هذه البلاد العمل بيكون full day من 8:5 بعده تروح الام منهكة وتعبانة ويادوب تقدر تحضر عشا وترتب البيت على خفيف وتنام عشان تصحى تانى يوم بدرى للعمل الذى لا ينتهى ويوم السبت للمشتريات والتنظيف .. والاحد خارج المنزل مع الزوج والاولاد للفسحة
اوام لا تعمل من النت للتلفزيون للتليفون للشوبينج .. تتخيل ان تربية اطفالها هى تحضير طعام وشراء ملابس والعاب وتنظيف و .........فقط
ام ليس لها هدف من تربية ابنائها او غير واعية للخطر المحدق بهم من كل جانب وانها لابد ان تعدهم لمواجهته جيدا سواء فى بلدها او فى بلد اجنبى
وقلة من الامهات هن من رحم ربى يعرفون جديا ما معنى امومة .. وما واجباتهن تجاه هؤلاء الابناء

انا اسفة للاطالة لكن موضوعك اثار شجون من حال المسلمين وكيف وصلو الى هذه الحالة الاخلاقية المتردية الا من رحم ربى
واخيرا احب اقولك ان فى ناس شرفاء كثيرين ومنهم من فكر فى هذه المواضيع مثلنا بل وزاد علينا .. بالفعل ..
هنا فى سيدنى يوجد Islamic Egyptian Society وهو تجمع لابناء الجالية المسلمين نعرف بعض واسر تتعرف على بعض .. نلتقى فى المناسبات والاعياد .. فى مشروع كبييييييير للاطفال المعاقين عملته الجمعيه نتبرع علشانه وطبعا طبعا طبعا هدف رئيسى جدااااا ان الاسر تتعرف وابنائها لكى يسهل الزواج للشباب والفتيات على حد سواء
واحيانا يحضر معنا بعض اخواننا من اللبنانيين او العراقيين او غيرهم عن طريق اصدقائهم المصريين وكذلك الاستراليين وخاصة الاستراليات حديثى العهد بالاسلام حتى يندمجو مع المسلمين ويساعدوهم على فهم دينهم واقامة الشعائر .. وستندهشى من ان القائمين على هذه الجمعية فتيات وصغيرات السن ..
فى النهاية .. الام .. الام .. الام .