ملف اكل مصرى صميم: حتى المصريين ميعرفوهوش

[عروس الجنه]

وكمان الملوخيه


عندنا الملوخيه مطبوخه زى الخضار وبتتاكل برز او عيش

يعن تحمرى بصله مفرومه وتضيفى الصلصه والتوابل وتسيبيهم يتسبكو شويه

وبعدين تحطى الملوخيه وتقلبى

وتجهزى التقليه طبعا ثوم وكسبره ناشفه

ودى جميله جدا جربوها ودى كمان اكله من بحرى

[عروس الجنه]

وعندى كله تانيه اتحدى حد يكون عارفها


ههههههههههه


مش حلبه


ودى نجيب حلبه ونطحنها ونحط عليها كوبايه ميه كبيره ونسيبها لتانى يوم تتخمر


هتلاقى حجمها زاد وشربت الميه


تجهزى بطرمان وتحطى مايه وملح وشطه مطحونه وبعدين تحطى الحلبه وتقلبيهم

وتدقى 4 فصوص توم وتضيفبه عليهم



ودى بتتاكل بعيش محمر ومعاها سطله

[nancy kareem]

ملك هية دية البامية و لا بلاش زى ما جدتى كانت بتعملها بالظبط جربوها يا بنات بالذات الويكة
اما تالت نوع بامية انا اول مرة اسمع عنة بس هجربها

و كمان اول مرة اسمع عن المكرونة الحلوة دية و الملوخية اللى بالصلصة بس يمكن عشان جدتى صعيدية و الاكلات دية من بحرى اظن تسلم اديكى ملك و شمس

[ملك المالكى]

شكرا ليكم يا بنات ع التشجيع
ازميرالد الف شكر وبالنسبة للوبيا انا اعرفها بصلصة بس معرفش زى اللى زى القلقاس
وتسلمى يا شمس ع الوصفات الجميلة فعلا استفدت كتييييييير منها
وحابه اعدلكم طريقة العيش الشمسى:
اولا اللى معندوش عيش اصلا وعاوز يعمله من الاول خاااالص
يجيب نص كوباية دقيق ويحط عليه ميه لحد ما تبقى شبه عجينة الزلابية بس اتقل شوية وبعدين نحسيبها بره يوووووم كامل وتانى يوم نحط عليها كوبايتين دقيق وبرضه مية لحد ما تبقى شبه الزلابية شوية ونحطها فى التلاجة تلات ايام وبعدين دى هتبقى الخميرة وبعدين ناخدها ونحطها على كيلو دقيق "لازم يكون الدقيق من النوع الممتاز ونضيف ملح طبعا ونعجن على اد ما نقدر وبعدين اختصار لقصة التخمير فى الشمس نغطيه ونسيبه ساعتين مثلا وبعدين ممكن نحطه فى صينية مدهونة قليل من الزيت بشرط ان ارتفاع العيش يكون ربع الصينية فقط لانه هيعلى وندخله فرن متوسط زى الكيك لحد ما يحمر وجهه

[ملك المالكى]

ملك هية دية البامية و لا بلاش زى ما جدتى كانت بتعملها بالظبط جربوها يا بنات بالذات الويكة
اما تالت نوع بامية انا اول مرة اسمع عنة بس هجربها

و كمان اول مرة اسمع عن المكرونة الحلوة دية و الملوخية اللى بالصلصة بس يمكن عشان جدتى صعيدية و الاكلات دية من بحرى اظن تسلم اديكى ملك و شمس

نانسى بالهنا و الشفا للبامية وبالنسبة للمكرونة دى تحفففففففففففففه وسهلة جدا جربيها وهتحبيها هى قريبة شوية من ام على بس بجد هتعجبك

[ملك المالكى]

وكمان الملوخيه


عندنا الملوخيه مطبوخه زى الخضار وبتتاكل برز او عيش

يعن تحمرى بصله مفرومه وتضيفى الصلصه والتوابل وتسيبيهم يتسبكو شويه

وبعدين تحطى الملوخيه وتقلبى

وتجهزى التقليه طبعا ثوم وكسبره ناشفه

ودى جميله جدا جربوها ودى كمان اكله من بحرى

شموسه غريبة الملوخية دى بمناسبة عندنا هو انتى منين اصلا
اصل شكلك شاطرة قوى
مرسى جدا لتفاعلك ولوصفاتك

[ملك المالكى]

يسلم ايديكو يا بنات بس مش عارفة ليه ماحدش مشارك فى الموضوع غير المصريات حتى لو بالاستفسار او التشجيع

\انا كمانفى اكلات كتير ما اكلتهاش من يوم جدتى الله يرحمها توفت زى البصارة و الخبيزة
ان شاء الله لما اكلم ماما قريب على النت هسألها على طريقة الكشك و اشارك بيها فى الموضوع هنا ان شاء الله ولو حد عارفها ينزلها و اهو نستفيد كلنا مع بعض و جزاكم الله خيرا

بالنسبة للكشك انا اعرف كشك الصعايدة اللى هو عبارة عن كور ناشفة كدة بتتباع
تجيبها وتحطيها فى مية لحد ما تتطرى وبعدين بنعملها بالبي المقلى يعنى تحطى السمنة وبعدين البيض وبعدين تحطى عليه الكشك وتقلبيهم
الكشك التانى هو اصلا تركى انا شفت طريقته اكتر من مرة ع النت وهى الكالتالى
الكشك
من الأطباق التركية المحبوبة لدى المصريين ، وهو سهل الإعداد والتحضير ومفيد فى نفس الوقت لإحتوائه على اللبن والدقيق .

المقادير :
- 2 كوب شوربة ( فراخ – بط – أوز ) مضاف لها ملح وفلفل .
- 3 ملعقة دقيق .
- كوب كبير لبن .
- بصلة متوسطة .
- 2 ملعقة أرز.

الطريقة :
- ترفع الشوربة على النار وبعد غليانها يضاف الارز بعد غسيله .
- يخفق اللبن مع الدقيق جيداً ثم يضافوا على الشوربة بعد نضج الأرز ويقلب .
- يستمر التقليب حتى يصبح القوام مناسباً .
- ثم يصب فى أطباق ويستخدم البصل المحمر للتجميل .
انا عاوزاكى بقى يا جميل تركزى مع مامتك فى وصفة الخبيزا لانى مش لاقيه حد يعرفها خااااااااااالص

[ملك المالكى]

انا نقلتلك طريقة الخبيزة يا ملك زى ما بنعملها بالظبط

الخبيزة على الطريقة المصرية


.

مرسى يا نانسى على الخبيزة تسلم ايديكى انتى عارفة لما ماما كانت بتعملها مكنتش برضى اكلها بس سبحان الله دايما لما افتكرها افترك ماما لانها كانت بتموت فيها وبتعملها كتيير وتاكل لوحدها لو مرضيش حد ياكلها

[ملك المالكى]

نوشا وام حبيبة مرسى لمروركم وتعليقكم وياريت تشاركو معانا او لو فى اكله تحبوا تعرفوها تحت امركم

[ملك المالكى]

كفتة الارز :
لحمة مفرومة مع رز مصرى مغسول مع بقدونس وتوم وبصل وتوابل "ملح وفلفل اسمر وكمون"
وتطحن مع بعضها
وبعدين تتعمل صوابع وتتحمر فىالزيت و بعدين " انا شخصيا باكلها كدة وهى سخنة " هههههه
بس المفروض تتحط فى صلصة توم "توم محمر نحط عليه عصير طماطم حتى يتسبك" وفى ناس بتحب تحط معاها بطاطس مقطعة مكعبات وعلى فكرة دايما بتتعمل فى الافراح معرفش ليه
وتتاكل جنب الرز حبة وحبة وهو بالمناسبة نجيب شوية رز ونحمرهم حتى يتحولو للون الذهبى وبعدين نحط باقى الرز ونقلب ونزود الملح وبعدين الشوربة وهكذا الى اخر طريقة الرز العادى
نرجع للكفته
انا بقى بعملها بطريقة تانية اخف من الصلصة
نجيب بصل ونحمره حتى يصفر فقط وبعدين نحط الكفته ونقلبها مع البصل ونزودها قليل جدا من الماء " يعنى نفس طريقةالكباب حلة" وناكلها جنب مكرونة بتطلع حلوة جدا جدا جدا

[ملك المالكى]

البامية:
اولا بامية بالصلصة معروفة طبعا "تسبيكة اللى هى بصل محمر مضاف له طماطم معصورة وبعدين تترك على النار حتى تتسبك ثم نضع فيها البامية وافضل طعم ليها لما بتتزود لحمة ضانى وشوربة ضانى ومعاها فصين توم مدقوقين نحطهم عشان يدوا ريحةوتتحط فى طاجن فخار وتغطى وشها بورقة فويل وسيبيها تستوى فى الفرن براحتها وبالهنا و الشفا
المفروكة او الويكا:
بامية خضرا نقطعها قطع ونحطها فى الشوربة مع فصين توم سليمين بدون تقطيع وقليل من الملح تترك على النار حتى تنهرس البامية او يعنى تستوى تماما وبعدين بالمفراك " وهو حاجة كدة خشب ذراع وفى اسفلها قطعه تشبه المروحة توضع فى الطعام ويتم لف او برم الذراع الخشبية للتقليب وممكن بمضرب سمى مضرب اليايى وهو مضرب حلزونى او حطيها فى الخلاط وريحى دماغك حتى تختفى قطع الباميا تماما وبعدين صبيها فى طبق وصبى عليها باقى سمن تحمير اللحم على الوجه
الباميا الناشفة:
باميه مجففة وبعدين نطحنها حتى تصير بودرة وبعدين تتعمل زى الملوخية الناشفة بالظبط لكن بدون طماطم يعنى نحمر توم وبعدين نحط البامية قليل جدا لانها بتتقل بسرعة وبعدين نحط عليها الشوربة و الملح ونقلب وتغلى غلوة واحدة فقط

وممكن كمان البامية المجففة تتعمل زى البامية العادية بالصلصة بس ده لما يكون موسم مفيهوش بامية

[yehia2007]

ايوة هية عاملة زى الكيك بس لونها بيبقى اصفر اوى و بتبقى ناشفة اكتر هبقى اسال عليها و انزلها لو عرفت

ايوه فعلا يا نانسى عامله زى الكيك ولونها اصفر فعلا
ياريت والله لو لقيتى طريقتها

[ملك المالكى]

يحيى لو قصدك على الفايش دى طريقته
نبدا بالمفادير للفايش

4 كوب دقيق
3\4 كوب سمن
م\ص سكر + قطعه خميره قد البندقه و ربع كوب حليب دافىء و يتقلبو مع بعض
كوب ميه دافيه للعجن م\ص ممسوحه ملح
م\ص ممسوحه كركم علشان يدى اللون الاصفر للفايش
الخميره بتاعت الحمص ماشى
الطريقه
نحط الدقيق و السمن ونفركهم مع بعض و بعدين نحط الخميره و اللبن و السكر اللى خلطناهم مع بعض
و خميره الحمص و الملح و الكركم و نعجن و نفضل نحط الميه و نعجنكويس قوى الفتره دى انا
بعجن كل حاجه فى العجانه لانى تعبانه ماقدرش اعجن بايدى المهم
نغطيها و نسيبها تخمر 3 ساعات
و بعدين نبدا نقع ندهن الصينيه و ندهن ايدينا زيت و نبدا نصبه القطع على حسب الحجم اللى عايزاه انا عملت كبير و صغير علشان الانسه ايمى وبعدين نغطيه و نسيبه يتخمر قد ساعه و شويه او لغايه ما تلاقي حجمه تضاعف
بعد التخمير
بعدين فى فرن ساخن نحطه حوالى نص ساعه لغايه ما يتحمر و بعدين نطلعه و نسيبه يبرد
و نفككه من بعضه زى كده و نسيبه لغايه ما يبرد خاص
بعدين نحطه فى الصنيه تانى بدون ما ندهنها بس نحطه على الناحيه الجانبيه يعنى زى كده و ندخلها الفرن علشان يتقرقش و تلاقيه الوش اتحمر و بعدين نقلبه على الناحيه التانيه و بس ومع كوبايه شاى بحليب يا سلام
نقلا عن سائلة الرحمن وهى عاملاه بالصور فى موضوع خاص
بس انا اعرف ان فى فايش بيتعمل بالحلبة مش بالكركم وهى اللى بتديله لونه الاصفر هحاول اجيبلك طريقته

[nancy kareem]

ملك الحقينى باكوارع لو ليكى فيها

[ملك المالكى]

الكوارع:
بصى يا نانسى تشتريها من عند الجزار سهلة دى وبعدين تنضفيها لو فيها شعر بانك تعرضيها للنار عشان الشعر يطير
لو نضيفة
يبقى تغلى شوية مية وتسخنيها مش تغليها وتحطى فيها الكوارع وبعدين تشيليها بسرعة عشان تتخلص من الزفارة
وبعدين تحطيها فى ماء مغلى مع بصل وورق لورى و مستكة وجزر مقطع فلفل اسمر
وبالهنا و الشفا
وانا اكلتها مرة عند العهد الجديد فى الحسين "عارفاه طبعا" كان مقطع اللحم اللى فيها بعيد عن العظم وعامله قطع صغيرة جوه الشوربة بس بصراحة هى احلى حاجةفيها النخاع والجو نفسه وانتى بتخبطى العضم وتطلعيه