تويت
مرسى يا نانو على مجهودك وعلى فكرة الثخينة دى اكله جوزى المفضلة وانا بعملها على طول لانها سهلة جدا اسهل من صينية الرقاق باللحمة ومبتاخدش وقت
وهكتبهالك بالتفصيل
وهكتبهالك بالتفصيل
-
-
طريقة عمل الثخينة:
اولا نجيب الرقاق عارفينه طبعا ونكسره قطع كبيرة نسبيا فى طبق عميق ونسخن الشوربة ونضيف بالملعقة بعض الشوربه على الرقاق حتى يتشرب ويلين بس مش كتير
لاننا هنجيب بعد كدة عصاج " لحمة مفرومة مع بصل مفروم " معروف طبعا ونحطه على النار مع شوربه برضه ونتركه يغلى ثم نضيف اللحمة بباقى الشوربة على الرقاق
ونحمر لحمه " قطع" بالسمنة البلدى ونضعها على الوجه
كلها لحوم؟؟؟؟طبعا " لانها اكله صعايدة" وعلى فكرة بتتاكل بالايد مش بالشوكة ولا المعلقةتعليق
-
بصراحة تسلمي يا ملك علي الفكرة الجميلة
وعلي مجهودك
بالنسبة لاني من الصعيد فاحب أعلق علي شئ
اولاالمخروطة نفس طريقة العجن والقطيع ولكن بنسويها مثل الرز باللبن يعني بنحطها في كمية من اللبن
المضاف اليه ذرة ملح علي النار عندما يغلي نضيفها ونحرك باستمرار الي ان تستوي وعدها تغرف وتحلي بالسكر ويضاف اليهاعلي الوجه السمن البلدي
او يضاف العسل الاسود علي الوجه وهي فعلا لذيذة
وعلي فكرة ممكن بعد تقطيعها تنشر في الشمس حتي تجف مثل الشعرية
وتسوي بنفس الطريقة
اما طريقة المخروطة للاخت نانو
بنسميها القادوسية
وهي بتكون تقطيعتها ارفع من المخروطة
يعني زي الشعرية او المكرونة الاسباجتي
وبتسوي علي البخاروتحلي بالسمن البلدي والسكر
وفي حلة مخصوص لها عبارة عن حلة وفوقها مصفاة
يا رب اكون قدرت اضيف شئتعليق
-
ملف رااااااااااااائع يا قمر بانتظار البقيه تسلمي الف شكرتعليق
-
الف شكر يا سالى والله انا بصراحة اكتشفت اهمية الملف ده بعد ما عملته لانى فوجئت ان محدش عارف الاكل بتاعنا خالص وفى اختلاف كبير حوالين الاسامى و الطرق يعنى المخروطة انا حماتى انهارده قالتلى انها بتعملها نفس العجين ونفس التقطيع وبعدين تحطها فى صينية مدهونة سمنه تحط طبقة من المخروطه وبعدين طبقة مكسرات "حسب الرغبة وبعدين معلقة سمنة لحد الاخر ططبقة مخروطة وعليها سمنة كتيييير على الوش وتدخل الفرن وبعد ما تخرج تسقيها شربات زى الكنافة و البسبوسة
بجد والله الاكل المصرى فى خطرتعليق
-
سالى بمناسبة طريقتك فى المخروطة فكرتينى فى اكله تانية وهى عشا سهل وخفيف وسريع
الشعرية باللبن
وهى عبارة عن شعرية عادة نحمصها فى طاسة حتى تحمر ثم نضيف اليها اللبن تدريجيا يعنى شوية ولما تغلى نزود وهكذا حتى تستوى لان لو صبينا اللبن مرة واحدة هتتشربه وتعجن وهى المفروض تبقى شبه الشوربة وبعدين نزودها ملح حسب الرغبة
وطعمها تحففففففففففه...
وفى اكله كمان بالشعريه هى
الشعرية بالسكر:
نسلق الشعريه فى ماء عادى حتى تنضج وتشرب مائها ثم نضيف لها السكر وناكلها بالهنا و الشفاتعليق
-
موضوع رائع رائع بجد لان الواحد بيفتقد الاكلات اللى كان بياكلها عند جدتة و بداءت تختفى
انا كنت ناوية اسالك على القلقاس لانى بموت فية لاقيتك كاتباة
تسلم ايدك يا رب
و فية كمان حاجة ان ساعات نفس الاكلة بنفس الاسم بتختلف طريقتها من بلد لبلد يعنى مثلا الويكة او المفروكة اكلة صعيدية بالبامية بتبقى فى الصعيد تقيلة و مفرمة كويس اوى
بس فى الفلاحين بتبقى شوربة خفيفة و قطع البامية فيها كبيرة
الف شكر على الملف الرائعتعليق
-
مرسى يا نانسى وانشاءالله هكتبلك كل طرق الباميةتعليق
-
ماشاء الله عليكي يا ملوكة كل دى مش شاطرة
انا بقى عايزة ملوخية بالارانب من تحت ايديكي ممكنتعليق
-
اهلا اهلا ملك
موضوعك جميل
طبعا الدنيا بتتطور والأكلات بتتطور
واكلات زمان كانت مفيدة ومغذية
وانا كنت حاطة بالمنتدى وصفة الحلبة المعقودة من مطبخي طبعا لأني ما زلت أعملها كل شتاء
وهذا رابطها http://www.lakii.com/vb/showthread.php?t=249279&page=2والصور في صفحة 2
هذه الوصفة اسمها المخروطة او الرشتة او القادوسية وليس المفروكة
المفروكة بتكون خبز معجون بالحلبة ونتركة لتاني يوم ثم نفركة ونضعه على النار ونضع له سكر أو عسل وتقدم عادة للوالدة ( المرأة التي انجبت حديثا ) ترجمة علشان لا يحدث خلط بين الأم وما اقصده
اما المخروطة كما وصفتي فعلا وتلف العجينة على النشابة وتقطع رفيع زى المكرونة الإسباجتي
وتسمى هذة الوصفة ايضا الرشتة- والقادوسية مثلها ولكن تقطع رفيعا جدا
وتطبخ حسب الرغبة ولكن عادة بتؤكل مع الحليب الساخن والسكر
***
أما الثخينة او السخينة فانا دقتها عند ناس اقاربي وكانت عبارة عن خبز مفتت يوضع في العسل الأسود المخفف والمغلي على النار ثم تترك تبرد قليل وتقدم ويقدم معاها القشطة حسب الرغبة
بس انتم وصفتوها هنا بشكل مختلف مش عارفة ايهما اصح
***
اما الشلولو فسمعت عنها في التلفزيون فقط
والقلقاس اللي وصفتيه لسة عايش لغاية دلوقت وبنطبخوه عندنا في اسكندرية
أنا كنت عاملة موضوع في منتديات اخرى اسمه جميز وفسيخ يبقى انت اكيد في مصر
وحاطه فيه صورة للعيش الفلاحي وكيفية تنظيف الفسيخ وصور للجميز والتوت
ولما شفت موضوعك بافكر اني احط هذا الموضوع هنا أيضا بس بصراحة مترددة لأن الفسيخ بعض الناس بتقرف منهتعليق
-
طريقة السخينة الصعيدية كالتالى
عارفين الرقاق بتاع العيد
بتجيبى بصلة و تحمريها كويس فى الزيت و بعد ما تتحمر بيتحط عليها شوربة اللحمة
و بتبليها طبعا حسب الرغبة ملح و فلفل وكدة يعنى
و بعدين تفتتى الرقاق و تسقية بالشوربة دية و طعمها رائع
بيعملوها كدة فى الصعيدتعليق
-
الله يعطيك العافيةتعليق
-
ملوخية
الملوخية بانواعها عشان خاطر هنا
هنوووووووو حبيبة قلبى عشانك اعملك ملوخية مخصوص فى طرد سريع للجزائر
بصى يا ستى الملوخية بالارانب هى هى الملوخية العادية بس على شوربة ارانب
معرفش عندكم فى الجزائر ارانب اصلا بس لو عندك انصحك تشتريها وتاكليها عشان تقوى البيبى لانها صحية جدا لان بيقولو ان حركة الارنب السريعة بتخللى لحمته مفيدة جدا وكمان الارنب مبياكلش غير حاجات صحية خس وجزر وخضار وده بيعلى قيمة اللحم بتاعه وعندنا فى مصر بيقدموه دايما للستات فى فترة النفاس ولاى شخص مريض
ولو مش عارفة الملوخية هى ليها طريقة شائعة انك تسخنى الشوربة " شوربة الارانب هنا" وبعدين تحطى الملوخية وشوية ملح وتقلبى وبعدين فى طاسة تكونى حمرتى التوم مع الكزبرة الناشفة وتطشيها "تضعيها يعنى" على الملوخية وعشان الملوخية متسقطش لازم تشهقى "تعملى نفسك اتخضيتى يعنى من صوت التوم لما بينزل فى الشوربة هههههههه الحتة الاخيرة دى من التليفزيون من مسلسل ونيس
بس انا حماتى علمتينى طريقة اسهل وافضل
وهى انك تبداى بالتوم تحمريه وبعدين الكزبرة الناشفة وبعدين الملوخية وتقلبيها شوية فى التوم والكزبرة وبعدين تحطى الشوربة حسب ما تحتاج الملوخية وبعدين الملح الطريقة دى بتخللى الملووخية تتشرب طعم التوم افضل وفعلا طعمها افضل كتير واسهل لانك بتتحكمى فى الشوربة
اما الملوخية الناشفة:
فهى مشهورة اكتر فى الصعيد وبتتعمل كالتالى
نحمر التوم وبعدين نحط عليه الكزبرة وبعدين الملوخية الناشفة وبعدين طماطمايه مبشورة"عصير طماطم وكله يقلب بسرعه متنسوهاش ع النار كتير عشان الملوخية متشيطش وبعدين تزودى الشوربة و الملح وهى تعتبر طبيخ اكتر يعنى انا بعملها جنب رز ابيض وبناكل بيها الارز
تعليق
-
روزا تسلم ايديكى على المفتئة " الحلبة المعقودة " بس اوعى تاكلي منها كتير لحسن بتخن مووووووووت ايديك معايا بقى يا جميل نجمع الاكل اللى نعرفه
اما الثخينة فهى الاصح الللى انا كتبتها
اللى انتى بتقولى عليها دى اسمها خبيصة
وهى فعلا عيش مغموس فى العسل الاسود
اما الفسيخ فانا عن نفسى مباكلوش
بس بصراحة دايما اشوف الناس يا بتموت فيه يا بتارف منه
بس اكتبيه يمكن حد بيحبه وعلى فكرة هو اكلة مفيدة جدا "للرجال" ولو اتعمل صح ش مؤذى ولا حاجة بالعكس مفيد زى اى سمكتعليق
-
اهلا يا ملك ازيك موضوعك جميل
انا مره كنت اكلت اكله بيعملوها الفلاحين بس هى حلوه عامله زى الكيك بيتقطع وبيبقى ناشف شويه
مش عارفه تقريبا اسمها الحلبه ياريت لو تعرفيها تقوليلى عليهاتعليق
تعليق