تويت
والله مركز بيجنن واجهزته روعه وكبير ومش بعيد عنا تمشايه
-
-
هلا معقول ما عندكن وقت يكون فيه بنات بس انتي اسالي
بس ما بعرف يمكن انا بشوف هون ببرلين لانو المسلمين والاتراك كتار فبخصصولهن وقت لحالهن
طيب حتى لو مختلط انتي قليلو بلبس لبس شرعي يعني بجامة رياضية تكون مسترة
احسنلكتعليق
-
انا بسمع انه في المدن الكبيره في هيك شي حتى كانوا صاحباتي كمان يعملوا هون دكتوراه
كانوا يحكولي انه حتى في مسابح فيها يوم خاص للنساء .. بس هم كانوا يروحوا رحلات على
هيك مدن ويشوفوا فيها هاي الميزات
على فكره انا قضيت هون في المانيا اول ما اجيت 4 سنوات في مدينه جامعيه ما كنت اعرف الا
طالبات الجامعه يا الله كانت احلى ايام حتى وحده منهم حبت جوزي هههههههه وكانت تعمله
حركاتتعليق
-
هههههههههههههههه حلوة هي حبت جوزي والله شغلة هالبنات
هي عنجد احلا شي الرفقة والبنات بشجعوا بعض
هو جوزي انا واعدني بس اولد يجيبلي جهاز عالبيت اتمرن عليه ما بعرف لنشوفتعليق
-
يا ريتك جنبي كان عطيتك الجهاز اللي عندي حاطيته بالقبو لحد ما انقل على بيت
جديد ما اله مكان هون اجانا هديه من سلفي .. اذا نشيطه جيبي روعه انا
لما سافرت على الاردن ماما كان عندها واحد مش عارفه كيف اوصفلك اياه بتشتغلي
عليه وفيه متعه والله انه غيرلي الشكل خلال 10 ايام هداك رهيب حكتلي ماما
لو بتقدري تاخديه معك حكيتلها طيب خلوا اواعيه عندكم وهاتوا الجهازتعليق
-
شو نوع الجهاز يلي بتحكي عنو هاد يلي الو دواسات وغيارات كتير انا هاد كتير حابة اجيبو
ولا البسكليتتعليق
-
هيك دواسات طويله وايدين بتتحكمي فيه بايديكي ورجليكي يعني رجل اليمين بتروح لورا
وايد الشمال لقدام والعكس بتعرفي اول ما تشوفي التغيير على الخصر والزرار ومنطقة
الكتف والصدر يعني تحت الرقبه عن جد روعه بدي احاول الاقيلك صورته بالنت وبنزلك اياهاتعليق
-
اي عرفتو هاد يلي بحكيلك عنو والله ان شاء الله ناوية اجيبو
بس لشوفلي شي عرضتعليق
-
السلام عليكم يا بنات ألمانيــا
إن شالله طيبين
بمسي عليكي جوتشي حبيبتي
وحشتيني أخبارك إيه؟
وأخبار إسم الله عليهم أولادك
تعليق
-
السلام عليكم بنات
كيف حالكم ان شاء الله بخير
انا عمداوم في المعهد وعم ارجع اعمل اكل وانام
ولهذا ما يصير لي وقت بفوت على المنتدى
سلامي ل تيوليب و جوتشي وهاله وزمرده وجينتعليق
-
وعليكم السلام
يا مية اهلا وسهلا
كيفك حبيبة قلبي تيوليب ؟
انا الحمد لله بالف خير والاولاد
كانوا مرضي والان في رحلة
الشفاء ولله الحمد واولادك الله يخليهم
كيف اخبارهم ؟.. بوسيلي اياهم
تسلميلي يا تيوليب انا والله بشتاقلك
وبحبك في اللهتعليق
-
وعليكم السلام نسومه كيفك
وين رحتي وقلتي عدولي طمنينا كيف المدرسة
ان شاء الله كانت الامور تمام اول يوم ؟تعليق
-
اهلا فيكم توليب ونسمة
طمنينا نسمة كيف هاللغة معك ان شاء الله عم تستفيدي
موفقة ياربتعليق
تعليق