تجمع مغتربات المانيا ..

[zomorod]

أسعد الله صباحكن
يارب تكونو بخير أنتو وأحبتكم أيضا
سلامة أولادك جوتشي
راح نخليها على الله أنا العام ودورانو مرضانين
بسبب الجو هنا في ألمانيا الخميس والجمعة ما روحو عل الروضة,............ أحسنلي أسكت, ويا رب يشافيلنا أطفالناوالحمد لله رب العالمين

[جوتشي]

صباح الخير زمرد سلامتهم الله يشفيهم
تعرفي من يوم ما يفوتوا الاولاد على الروضه
بيزيد المرض اولادي من قريب السنه وهم
مرضه ورا التانيه الحمد لله طبعا ..
قوليلي زمرد هي حماتك عايشه في المانيا ؟

[hala.ph]

صباح الخير جوتشي وزمرد
سلامة اطفالكن يا رب ما تشوفوا شر
جوتشي والله الحمد لله انا كمان بقول رب العالمين اكيد ما بينسى حدا خاصة \انو نحنا متغربين
ومتل ما قلتي الثقة كبيرة بالله بس المشكلة انا طبيعتي هيك بضل احسب حساب لكل شي
بعرف مو منيح هيك كتير بس دايما بضل افكر كيف وشلون بما نو اول مرة
بس طبعا الثقة بالله كبيرة والحمد لله

[جوتشي]

ما انا متلك ويمكن اكتر دايما بفكر قبل وقت اي شي حتى لو عزومة اكل بفتره كبيره
وببقى احسب واوقات بكتب على ورقه واللي متلنا شوي بيتعبوا بس كمان خطوه مهمه

[hala.ph]

ههههههههههههههه عنجد ضحكتيني جوتشي
لانو عنجد انا هيك وخاصة بالفعل وقت عزومة او شي بقعد اكتب قبل مدري كم يوم
بس متل ما قلتي والله هالطبيعة كتير متعبة
وبرجع بقول انو الحمد لله كمان انو نحنا هيك
يا ستي والله مسلمة امري لله بس بتعرفي كمان الغربة بتخليكي هيك تفكري لانو ماحدا معك
او ممكن انك تعتمدي عليه شو بدنا نعمل
الحمد لله

[lara87]

السلام عليكم..طعا انا متاخره جدا بس حابه انضم معاكم..ممكن؟

[lara87]

شكرن لكل الأخوات الدين رحب بي فهم يشجعوني علئ الإستمرار
عززتي جوتشي لله كبر ميزة وكنت محضوظة بنسبة للمدرب عربي فليست في كل المدارس فهناك بعض المدن موجودين فيهم فانا ب دوسلدوف هناك عدمنهااما انا فادهب إلئ غاية مدينة ديزبورك علئ بعد نصف ساعة تقريبا
وياتون سيدات كتيرات من كل المدن ممكن تدهبي للمكان في مدنتك المخصوص برخص اسسيارات ووتسالي وهناك سوف يدلكي إنشاء الله بالتوفيق
سلامي زومردة و نسمة داليا لكي طبعا

سلام اخت يارا..انتي بنفس المدينةممكن اسالك كم بتكلف الدروس لو سمحتي؟

[hala.ph]

اخت لارا اهلا وسهلا ومرحبا فيكي
ونحنا مسرورين بوجودك معنا

[جوتشي]

اهلين لارا انضمي وكوني صاحبة بيت كمان
بس شو هالمختصر المفيد عرفينا عليكي
اكتر .. مستنيينك

[جوتشي]

صباااااااااااااااااااااااح الخير
كيفكم وكيف البرد معكم
هاله ديري بالك من اللفحات
قبل الولاده اليوم دخلت بالتاسع
ان شاء الله على خير وسلامه

[hala.ph]

صباح النور جوتشي
ان الحمد لله منيحة
طمنيني كيفك انتي والبنات ان شاء الله تحسنوا
لانو بجد هالايام بلش البرد منيح وقولتك بتخوف الواحد بدو يضل داير بالو
ما شاء الله عليكي ماشية معي منيح بالحساب الله يهون بس مدري ليش حاسة انو مارح
كمل هالشهر لانو بجد حاسة بتقل كبير

[جوتشي]

الحمد لله هاله البنات احسن والولد ما مرض عاملتله عزل لانه هو اللي بيتعب اكتر لا بيمشي
ولا بيحكي ولا بقول اخ ..
التقل هذا عادي حتى لو بدك تطولي اكتر بس حطي في بالك انه والعلم عند الله بعد الاسبوعين
ممكن باي وقت .. والله صاحبتي اخدت شهرها وفوقه اسبوعين بس حكولها بالمستشفي
شي طبيعي وممكن يكون غلط بالحساب ... انا ما بتقل بالحركه ابدا بس بالتنفس وبيصير عندي تقلصات كتير بالبطن والرجلين
حسره علي ليوم ولادتي وانا بنط نط ما هو كل شي بدو نط في هاي البلد

[hala.ph]

كانو ابنك وحيد ما لانو هيك الوحيد منعزل شوي
متلي يعني ههههههههه
الله يخليلك اياهن والحمد لله ع سلامتهن
والله هو متل ما قلتي انا فوق التقل بحس انو نفسي رح ينقطع وهي التقلصات كتيرة
والله مزبوط بهالبلد كلو بدو نط ويادوبك تلحقي

[جوتشي]

ابني اه وحيد بس انا قصدي انا عازلته يعني مبعدته عن الكل عشان ما يعدوه
بس تعرفي الواحد بيتعود على الحركه وقله الراحه ولما يتغير الشي بتصيري
تحسي انك نفسك ترجعي لايام الانشغالات ..
انت كمان وحيده يا هاله يعني بنت بين صبيان ولا من غير شر لا بنات ولا صبيان
غيرك ..ما قلتيلي شو بتدرسي هون ......... تحقيق

[جوتشي]

تعي تغدي هاله عم اعمل اكله للمره الاولى اكلتها عند صاحبتي عراقيه وعم اطبقها
الله يستر ..