تجمع مغتربات المانيا ..

[جوتشي]

الله يسلمك هالا كله تمام بركض ركض متل الانسان الالي
ان شاء الله تقوميلنا بالسلامه وبتفرحي باحلى صبي ..
يمكن النسبه الاكبر من البكريات بياخدوا كل الشهر بس
كمان ممكن البكريه تولد قبل الموعد لاني ولدت بنتي الاولى قبل الموعد
انا بزيد بالحمل بس 6 كيلو وخلي الباقي لبعد الولاده
ازا شاطره بتديري بالك بعد الولاده ما تنصحي .. انا
هلأ مجهزه حالي لريجيم بس كام يوم وراح ابلش بكون
فطمت ابني اذا الله راد

[hala.ph]

ماشاء الله عليكي 5 كيلو بس نيالك انا الله اعلم من هون لاولد قديش رح زيد لسا
بس ليش زيادة الوزن بعد الولادة اكتر مع انو الوحدة بتكون بترضع
والله شكلو جسمي رح ينتزع وااااااااااااااااااااااع
اخ دخيلك هلا همي كلو الولادة بنام وبقوم بحلم فيها والبكرية دايما اصعب شي والطلق معها بطول
دخلك بدي اسالك ان شاء الله هون الالمان معاملتن منيحة بالمشفى وبراعوا الوحدة ولا لا
لانو حتى انا بالمشفى مو ناوية اقعد اكتر من يوم لانو تامين زوجي مو حكومي خاص
و طالب دكتورا ما بحقلو يامن حكومي ومتل ما سمعت الولادة هون بتكلف كتير
فما بعرف الله يسترنا

[جوتشي]

هالا انا مش فاهمه كيف تامين خاص وما بيحق له يتعالج او يتعامل على حساب التامين
انا بعرف ازواج صاحباتي كذا وحده تامينهم خاص بس بيتعالجوا وين ما كان بس
الهم ميزات يعني رئيس الاطباء هو اللي بيفحصهم والهم تصوير اكثر من اللي عندهم
تامين عادي يعني عندهم مميزات زياده والتامين شركات خاصه مش حكوميه هي
الحكومه بتدعمهم بس .. اكيد انتوا بتكونوا سالتوا بتعرفوا اكتر بس والله انا اول مره
اسمع هيك يعني حتى اللي بييجي زياره بس ينعملوا تامين بيحق له كل يا يحق
لاي الماني او مقيم يا ريت تتاكدوا
وشوفي الزياده في الوزن لانك مع الرضاعه بتكوني عم تحرقي سعرات كتير وغير حرقك
بالحركه العاديه يعني مش بايدك راح تجوعي وتاكلي وكمان عشان يكون في حليب
منشان الرضاعه اذا بتخففي اكل راح يروح الحليب ... بس الشاطره اللي بتاكل شي
ما بينصح انا اول مره بنصح هيك دايما بيزيد وزني بعد الولاده 5 كيلو كمان يعني
بكون 60 ل 62 بس اخر ولاده زايده 13 كيلو يعني وزني الان 69 وانا عارفه لاني
غيرت نظام اكلي وادمنت على شوكولاتة نوتيلا مع اني عمري ما حبيتها

[hala.ph]

لا هو بيحقلو يتعالج ع حساب التامين بس المشكلة انو التامين الخاص ما بيدفع تكاليف الحمل والولادة الا اذا مر على فترة تسجيلي بالتامين 8 اشهر وانا مسجلة بدك تقولي باول شهر اربعة يعني ب 1 نيسان وولادتي بشهر 12 متل ما بتعرفي يعني ع الحفة
واحيانا في ناس بتحكي انو شركات التامين هي ممكن انها تتملص او تزعبر وما يدفعوا عرفتي كيف
بعدين لو التامين حكومي يعني هون ببسموه (غززستلش) بكون التامين بيشمل الزوجة والاولاد
وجامعة دمشق يلي وافدة زوجي بتعوضو
بس لانو التامين خاص يعني (بريفات) فكل شخص بامن لحالو يعني تامين زوجي لحال وانا لحال وحتى الولد لحال وهون الجامعة ما بتعوض زوجي عني وعن الولد.

يا ستي الحمد لله على كل حال ونحنا يعني سالنا والله كتير بس مافي غير نستنا
والله هي شغلة الوزن بتخوف لانو انا جسمي قابل للسمنة الله يستر
بس كيف ادمنتي ع شوكولا نوتيلا وما بتحبيها ههههههه هي انا بحسها تقيلة كتير ما بقدر اكلها
المهم الواحد صحتو تكون منيحة

[نسمة داليا]

انا جيتوا هههههههه
اهلا بنات كيف حالكم
ان شاء الله بخير
كيفكي يا هاله
ان شاء الله بخير

[hala.ph]

اهلا نسمة
الحمد لله ماشي الحال
انتي كيفك شو عاملة اليوم

[جوتشي]

اهلين نسمة كيفك ان شاء الله امورك تمام
دوامك يوم الاثنين القادم مزبوط ؟ هيك انا فهمت
زمرد عزيزتي وينك شو اخبارك ؟
هالا كيفك قوليلي انت هالا ولا هاله ولا حلا
عشان اكتبلك صح وطمنيني دايما عنك

[zomorod]

جمعة مباركة على الجميع
جوتشي أنا بخير وكلو تمام والحمد لله
فقط كنت مشغولة وأنت كيف الحال
jienالله يكون معاكي يا أختي وتفرحينا بخبر حملك عاجلا
نسمة وهالا تحياتي لكم وربي يعينكم
لا تنسو قراءة سورة الكهف اليوم والإكثار في الصلاة على الحبيب محمد

[جوتشي]

الله يسلمك زمرد وانا بخير ولله الحمد
تسلمي على التذكره

[hala.ph]

السلام عليكم
جمعة مباركة ان شاء الله على الجميع
اهلا فيكم جوتشي وزمرد انا الحمد لله بخير
جوتشي اسمي هالة ازبط شي بس معك حق قد ما كان غير بالعربي ما بتزبط
الله ييسر للاخوات جين ونسمة ونطمن عليهن
شوعاملين اليوم جوتشي وزمرد طمنوني عنكم
والحمد لله قريت سورة الكهف اول ما وصلت ع الجامعة شكرا الك زمرد

[جوتشي]

اوكي هاله هيك تمام شو عامله ؟
انا بخير طالعه كمان شوي اجيب البنات من
الحضانه ما بحب اطلع بهيك ساعه لاني
بكون عم اطبخ بس شو بدي اعمل ابوهم
بالشغل الله يفرجينا يوم وانت تراكدي ورا
هالولاد بس وانت مبسوطه طبعا ..

[hala.ph]

جوتشي شفتي ردي مبارح منشان التامين
ما بعرف اسم انتي صارلك فترة منيحة بالمانيا شو رايك
بس ما بعرف كمان بالنسبة للتامين الخاص يا ترى الولد بدو تامين لحالو ولا بيتامن مع الام او الاب
بدي عزبك معي شوي بهالشغلة

[hala.ph]

ماشاء الله عليكي ليش بتطبخي بكير
شو زوجك بيرجع بكير كانو الله يعطيكي العافية
انا برجع الساعة 6 المسا ع البيت حتى بلش اعملي شي غدوة
شايفة هالشنططة هههههههههههههه
وبكرا مع البيبي لسا احلييين يا حبيبي الله يستر هههههههههههههههههههههه

[جوتشي]

حبيبتي هاله والله انا امبارح سالت زوجي بس ما حبيت احكيلك لانه قولتيلي سالتوا كتير
قلت بلا ما اتفصحن ... زوجي اله 25 سنه في المانيا حكالي اول مره بيسمع هيك شي
وانه شركه التامين ملزمه بكل المصاريف اللي متل هيك .. بس بدك بسالك بصوره اكبر
وبالنسبه للولد ضروري يتبع لحدا لانه بصفته شو هون بصفته ابن اما انت على ما يبدو
مش جايه على اسم زوجك ولا كيف وضحيلي كل شي عشان اسالك

[جوتشي]

زوجي بييجي الساعه تنتين ونص
بس حتى لو بيتاخر ما عندي ما شاء
الله 5 لازم ياكلوا قبله .. غير ممكن
اروح بطريقي اشتري اغراض ممكن
اتاخر بره بكون منجزه لو نص الاكل