هذي مشكلتي ومنو وده يبدي معاي !!

[ghada00]

السلام عليكم

ازيك يا لولو وراك وراك في اى ركن تقتحى موضوع حتلاقينى وراك

يا ستى انا متابعة موضوعك بس مكنتش منضمة علشان انا نظامى مختلف شوية لكن حاحطه لكم و نتابع مع بعض

النظام اخدته من دكتور تغذية و ماشية عليه من يوم 1/7 و فضلت عليه اسبوعين متواصلين و رحت له نزلت في الاسبوعين دول 4 كيلو و بعدين اخدت يوم مفتوح (بحبه قوى اليوم ده بس مش بعرف اكل ايه ولا ايه ) المهم اليوم ده تاكلى كل ما تتخيله و بعدها ادانى نظام كيميائى لمدة 3 ايام عبارة عن (4 تفاحات + فراخ + سلطة باى كمية +2 شاى بلبن) و بعدها 3 ايام على النظام اللى في الورقة و بعدين رحتله لقيتنى نزلت 2 كيلو اخدت اليوم الفرى الجميل و بعدين 3 ايام كيميائى (2 فاكهة و شاى بلبن + سمك مشوى او تونة = سلطة باى كمية + زبادى او جبنة قريش + شاى بلبن) هو متعب شوية اكتر من الفراخ و التفاح .............. لكن الحمد لله النهاردة اخر يوم فيه فطرت 2 كمثرى و شاى بلبن و ان شاء الله الغدا تونة و سلطة و بليل جبنة قريش

من بكرة بقى حاكل رز (بينى و بينك امبارح عملت فرخة محشية رز بالخلطة و مستنية بكرة علشان انتقم منها ) حاسة نفسى حعانة مش عارفة ليه

يا رب يثبتنا و يعننا على افعال الرجيم بس كله يهون في سبيل نزول الوزن و سبيل الحمل كمان

سورى يا جماعة طولت عليكم ....... الرجيم موجود في المرفقات

[ghada00]

الرجيم اهو و سورى جدا على التطوي بس حبيت احكى لكم بالتفصيل الممل

[~lulu~]

اهلا غاده

ياهلا وغلا فييج ياغاده ماشاء الله شهالنشاط العجيب والارده الحلوه عيني عليج بارده
ربي يوفقج يارب ياغاده ومثل مابشرتيني بالنزووول هذا تبشريني بالحمل ياقلبي
والله والله والله فرحتيني وعطيتين امل انا قلت مع العلاج ماراح انزل
بس من اول اسبوع نزلت كيلو ونص وانا راضيه بالشهر انزل 4 كيلو ماعندي اي مانع
بس اهم شي احمل واحقق هالامنيه

تسلمين ياغاده وطولي على كيفج ياقلبي كلنه اذان صاغيه وفضضفضي كل الي بخاطرج
قوليييه وكل يوم طلي علينه وخندردش ونشجع بعض اكثر

انا الدايت الي عطتني اياه الدكتوره دايت الكالوريز يعني مافي اكل غريب ابدا
من اكل البيييت بس بكميه محدووه ومنوع مثل ماشفتييييه
وصراحه انا مرتاحه علييييييه وايد لان اكل كل الاكل الي احبه
بس لللاسف بكميه قلييله
ههههههه ضحكتيني على الفرخه والله ذكرتيني بنفس احسب ايام
الوجبه الفري بالساعه من كثر ماانا ناطره هاليوم بفارق الصبر
عشان اهجم على الاكل هجووووم
بس انا ماخذيت هاليوم باخذه بعد يوم الربعاء بعد مراجعة الدكتوره
نورتيني ياغاده في صفحتي وكل يوم خنشوفج حبيبتي

[~lulu~]

ماشاء الله الرجيم روعه مشابه للدايت الي بسويه بس الفرق
كمية النشويات احنا الفطور زايده شريحة توست
والغاد 6 ملاعق رز وحتى الدكتوره قالتلي 6 الى 9 ملاعق رز بس انا دايم اخليها 6

ودي اقلل الكميه بس ناطره الى الاربعاء واشوف شنو راح يصير وكم النزووووووول
باسبوعين وراح اعمل برجيمج واقلل الكميه عشان انزل اكثر

مشكوره مشكوره مشكوره ياقلبي والله فرحتيني كنت شايله هم اني ماانزل
وخصوصا قالولي الدفستووون يتخن بس والله طمنيتيني الله يطمن قلبج ياغاده ويفرحج يارب :*

[ward_84]

الله يوفقك يا لولو حبيبتي
والله حمية متوازتة موفقة
من شان أنا الوزن الي عندي 62 يعني ما أحتاج للريجيم ان شاء الله أبقى كده وما أزيد عليه

[~lulu~]

هلا وغلا ورد نورتي صفحتي ياقلبي موفقه ماشاء الله وزنج ممتاز نفس وزني قبل لااترك الحبوب بشهر
ههههه يعني بالضبط من سنه بس من تركت الحبوب صار 64 وبدت رحلة الزياده الى 77
الدكتوره تقول لازم اوصل 61 يارب ياورد ادعيلي انا مشكلتي تركت الحركه والرياضه
وبلشت علاج وبلشت بعد اكل وتركت نفسي ولا حسيت
بس الحين انا قررت اني ارجع انزل واوصل للوزن المثالي
اذا حملت خير وبركه ورزق من الله يارب يارب احمل واذا ما الله اراد لاسمح الله
اسمي نزلت وزني وكسبت صحتي ورشاقتي من جديد
شاكره مرورج العسل ياورررروووده :*

[ghada00]

كلامك صح تمام يا لولو
و الدكتور قالى ان العلاج مالوش علاقة بزيادة الوزن بدليل اننا و الحمد لله بننزل على الرجيم

ان شاء الله ربنا ينولنا اللى في بالنا ياااااا رب

على فكرة : انا كمان معادى يوم الاربعاء يا رب اكون نزلت

[~lulu~]

تصدقيين الدكتوره قالتي ياثر على زيادة الوزن هذي دكتورة امراض النسا مو
التغذيه وقالت عادي العلاج يزيد الوزن

الحمدلله انج طمنتيني ياقلبي وان شاء الله الاربعا ببخبرج شصار معااااي
مشكوره ياغاده والله طمنتيني الله يطمن قلبج

[ghada00]

ربنا يكرمك يا لولو

[(( ألماسه ))]

مشى نهار يوم الجمعة على ما يرام

قمت الصباح اشتغل لان شغالتي في اجازة

وما فطرت لاني ما لقيت وقت والغدا تغديت قطعة لحم مع سلطة و6 معالق رز

يعني تمام التمام

بعد صلاة المغرب جاء زوجي من الصلاة يالله قومي

وين ؟؟

نفسي آكل روبيان مطهي بالبخار وسمك فيليه وحبار وو

طيب لازم اليوم الظاهر اني تعبانة << اتهرب >>

ها ما تبين بانزل انا واصحابي

لالالالالالابس

يالله قومي انتي والعيال

طيب طيب

قمت البس العيال وراسي يلف ويدور

ايش اسوي ؟؟؟

وخرجنا وصلنا المطعم

جابو القائمة وانا مطنشة

ايش تبين ؟؟

اي شئ

لا لازم اطلبي شئ

انت تقوم بالواجب

<الرجال شافني مالي نفس وخلقي ضايق >

دحين انتي ايش فيك ؟؟

بصراحة انا ماسوية ريجيم ياابو سالم وانت تبغى تخربه

اي ريجيم بس لا تنقصين ولا شئ

كلي بس وانسي الموضوع

جابوا العشاء اول المقبلات وبعدين المقالي والسمك

العيال كلهم رفعوا ايدينهم

ايش فيكم كلوا

ما نبغى سمك نبغلا دجاج ولا لحم

لا يا عيال الله يخليكم كلوا الاكل كثير مين بياكله حرام

انتي وبابا

<< خبرهم امهم حق زمان اللي تاكل بدون حساب >

خلاص باطلبلكم عشا يا عيال وانا بكل السمك انا وامكم

ديك الساعة حسيت بكتمة وعيوني زغللت وسرحت ما فقت الا على صوت ابو سالم

كليييييييي الاكل كثير حرام نص انا ونص انت

ورفعت المعلقة وبسم الله بدينا

خلص العشاء الحمد لله

بنتي الله يهديها ابغى ايس كريم

طلبنا الجرسون عندك ايس كريم

لا خلص مافي

احسن قلتها في خاطري

ابو سالم : باسكن روبنز قريب من المطعم قومو نتبرد

وخرجت من المطعم وراسي يلف ويدور ما باكل ايس كريم ويصير اللي يصير

والله حرام ما يصير الاربعة كيلو بيردون اليوم على طول

وهوووووووووووووب

وانا ماشية مسرحة طحت لا وفي الشارع العام

آي رجلي طالعت منظري روعة والناس يناظرون قمت بسرعة

الحمد لله ابو سالم ما شاف بيتشمت فيني زين

المهم مشيت ولقيت نفسي قدام الباسكن دخلوا دخلت

تعالي اختاري

قعد ت فوق الكرسي ما ابغى اختار انت والعيال انا ما ابغى

بكيفك راحوا كلهم يختارون قلت لهم الصغيرة لا تشترون لها ما تاكله بعدين باقعد انا اقضي عنها

طيب ما بنشتري لها

اشتروا وجاو وقعدوا حولي بس صمدت ما ابغى

صاحت وفا وسط الناس وين حقي ؟؟

طيب اعطيها يا سالم

لا ما ابغى

ارتفع صوتها قام ابوها واخذ لها طبعا حركت المعلقة شوية وخلته

ابو سالم : كليه حرام بترمينه والله بطرانة

لا بس ما ............

كلي انتي تحبين الايس كريم ايش فيك اليوم


واكلت شوية وبعدين اخذته بنتي الكبيرة الحمد لله فكتني

ونزلنا وركبتي تعورني من الطيحة وردينا البيت

ها كيف العشاء ؟

مشكور ابو سالم ما قصرت

بس اليوم انا مسوية ريجيم بصراحة خبص معاي

بس عاد اي ريجيم لكي اسبوع مسويته لا نحفتي ولاشئ

الا نزلت اربعة كيلو

مو باين عليكي

الظاهر انك حالة ميئوس منها

شفتوا كيف صاير زوجي ياااااااائس مني طيب برويه

وبانحف يارب اشدد من عزيمتي وساعدني يا كريم

قلت الحين لازم احكي خوياتي اللي صار

حبيبتي لولو الحمد لله انك احسن اليوم طمنتينا عليكي

كيف الدايت معك

ان شاء الله حسب الاتفاق بس ان شاء الله ما تجيك عزومة طارئة زي اللي جاتني اليوم

من زمان ما تعشينا بره وحبكت مع ابو سالم الا الليلة الحمد لله

لولو ان شاء الله تكون نفسيتك احسن من اول بخصوص الحمل

الحمد لله ان ربي رزقك ولدين غيرك مو لاقي لا واحد ولا اثنين

اصبري وتوكلي على الله وعليك بالاستغفار والله زين ويفرج الهموم ويكشف الكروب باذن الله

والله صرت افكر فيكم واتمنى ربي يرزقكم اللي تتمنونه

يارب في هذه الساعة الشريفة ترزق اختي لولو وافرح قلبها وارزقها بنوته ياااااااااارب انك سميع الدعاء

وارزق يارب اختي الماسة وانلها ما تتمنى واجعل ابناءهم وابنائي وجميع ابناء المسلمين من اوليائك الصالحين

وانصر بهم الامة يارب اللهم امين

هلا أختي أمال ..
تعرفين وين المشكله ؟؟؟ المشكله أحلى العزايم والأكلات تجي وقت الدايت .. كأنهم مستقصدينا والله .

بس يالله معلية . بس لو كنتي طالبه روبيان مشوي مع سمك مشوي كان مشيتي الحال ..
أو كان طلبتي آيس كريم دايت باسكن روبنز عنده دايت .. يعني هي مرة تطلعين فيها مع العيال و أبو العيال .
يالله عدت هالليله على خير .. بس أظبطي نفسج هالكم يوم .

شكراً حبيبتي على هذا الدعاء الخالص من القلب .
الله يسمع منج .

[(( ألماسه ))]

توكلي على الله والي فيه الخير بصير
ويارب تفرحين باحلى خبر وعسى ربي يفرح قلبج بالنتيج يا الماسه
ودي اصوم وقاعد افكر بجد فيه بس المشكل بالعلاج طول الشهر
وماني قادره اضبط اوقات الي اقدر اخذها
الله يعين والاجر على قدر المشقه وربي يتقبل منا ومنكم ولاتنسونه بصالح دعائكم

لولو تصدقين مالي خلق أدخل المنتدى

بس الحمدالله رب العالمين ... (( عسى أن تحبوا شيئاً وهو شر لكم ))
سويت تحليل دم اليوم الساعه 12 إلا ربع وقالت لي النتيجة بعد ساعتين .. أتصلت بعد ساعتين فرحانة قالت لي النتيجة سلبيه والنتيجه 0 يعني صفر .
قلت الحمدالله رب العالمين . بس حسيت الدنيا ضاقت فيني وجاتني النودة . وانا أدري أن زوجي سمعني وما حب يسألني عشان ما أتضايق .

[~lulu~]

لولو تصدقين مالي خلق أدخل المنتدى

بس الحمدالله رب العالمين ... (( عسى أن تحبوا شيئاً وهو شر لكم ))
سويت تحليل دم اليوم الساعه 12 إلا ربع وقالت لي النتيجة بعد ساعتين .. أتصلت بعد ساعتين فرحانة قالت لي النتيجة سلبيه والنتيجه 0 يعني صفر .
قلت الحمدالله رب العالمين . بس حسيت الدنيا ضاقت فيني وجاتني النودة . وانا أدري أن زوجي سمعني وما حب يسألني عشان ما أتضايق .

قاعد احاتيج وناطرتج من الصبح وايدي على قلبي ابي البشاره منج
والله حاسه فيج ياقلبي صارلي اشهر احلل ونفس النتيجه
الماسه انا ماادري شنو وضعج بس ليش ماتراجعييين او هل انتي تراجعين امراض نسا
ولا لا ياريت تراجعين عشان تكشفيين اذا في شي لاسمح الله ولا لا
والله ضيقتي خلقي والله يعينج انا مثل ماقتلج عندي لو مافي حمل اهون ماتتأخر الدوره
ربي يرزقج الشهر الجاي ويعوضج خير ياقلبي قولي امييييين
كثري من الاستغفار وربنه كبير وبين لحظه والثانيه يغير الحال الى احسن الاحوال يارب
ويرزقج من باب واسع

[آمال غير]

اختي الماسة ما ادري ان عنده ايس كريم دايت

ماسة معليش الحمد لله اصبري وكل اللي يجي من ربنا خير والله خير

ارضي بما قسم الله لك لا تقعدين تحسبي عمرك والا كم بجيب لا تفكرين في المستقبل ابدا

ما في احد يعرف ايش في المستقبل يمكن نعيش يمكن نمرض يمكن نموت ما احد يدري لذلك ثقي انها خيرا لك

يا بنات الله ربنا كريم ويعطي بدون حساب ادعوه وهو قادر ان يعطيكم باذن الله

ساحكي لكم عن تجربتي في كرم ربنا

من وانا صفيرة وانا اعاني من حب الشباب وجهي دايم معدوم بالذات بعد زواجي

وما خليت دكتور في جدة الا رحته ولا ليزر ولا تنظيف واغلى الادوية واقواها حتى المعدة تتعب من قوة الدواء اللي اخذه

قبل فترة انعدم وجهي وصاير فيها حفر عميقة وصارت نفسيتي تعبانة تعرفون الوجه مراة جمال المراة

دلوني على اخصائية مشهورة رحت لها وكنت يومها يائسة

قلت لها عندك دوا غير اللي اخذته

عندك علاج سحري والا بانزل ما في حيل للتعب يا دكتورة

قالت لي يا امال حب الشباب اللي عنك مزمن ما بيروح الا لما تصير الدورة ما تجيك !!

يعني وعمري اربعين ولا خمسة واربعين

بعطيك مقشر ومطهر خذيه بتستفيدي وتابعي معي يمكن تستفيدي لكن علاج نهائي ما في

خرجت وكلي احباط ما تتصورو قديش وجهي مسمر ومعدوم غير عن جسمي فاتح

ورجعت حطيت عباتي ولجات الى ربي وبكيت يومها بحرقة

ومن يومها دوم على لساني يارب ارزقني وجه نظيف ومشدود بدون حبوب يا رب

اساله وانا متمددة وانا قايمة كل ما طالعت المراية كل ما حطيت ماكياج وفي اوقات الاجابة وكل وقت

الان وجهي ولله الحمد والمنة مشدوود ونظيف بدون حبوب الحد لله والشكر لك يارب

قالت امي لي يا امال الظاهر الاخصائية اللي رحتي لها ممتازة

قلت لها هي ممتازة انها نصحتني ام الدواء حطيته في الدولاب ما استخدمته بس لطف ربي اوسع واكرم

كل ما انظر المراية اقول سنييييييييين يا امال وجهك معدوم وما تفكرين غير الدوا الدكتور الليزر وبس ما فكرتي يوم

برب العباد الكريم اللي يعطي بدون حساب بس يبي منا الدعاء واحسان العمل له


حبيباتي صرت افكر فيكم كل ما اشوف اولادي قلت الله يرزقهم يا رب

صرت حاسة فيكم لذلك حكيت لكم عن تجربتي رغم كل من حولي يسالوني امال وجهك صاير زين وين رحتي

اي دكتور اقول لهم الحمد لله ربي شافاني يقولون بس من غير دكتور لان حالتي كانت صعبة

ايه والله من غير دكتور اشفاني رب الدكتور ورب الدواء وخالق المرض والعافية سبحااااااااااااااااانه

ادعوا لي وبادي لكم وكل مسلم لان الدعاء بظهر الغيب مستجاااااااااااب

[آمال غير]

اختي الماسة ما ادري ان عنده ايس كريم دايت

ماسة معليش الحمد لله اصبري وكل اللي يجي من ربنا خير والله خير

ارضي بما قسم الله لك لا تقعدين تحسبي عمرك والا كم بجيب لا تفكرين في المستقبل ابدا

ما في احد يعرف ايش في المستقبل يمكن نعيش يمكن نمرض يمكن نموت ما احد يدري لذلك ثقي انها خيرا لك

يا بنات الله ربنا كريم ويعطي بدون حساب ادعوه وهو قادر ان يعطيكم باذن الله

ساحكي لكم عن تجربتي في كرم ربنا

من وانا صفيرة وانا اعاني من حب الشباب وجهي دايم معدوم بالذات بعد زواجي

وما خليت دكتور في جدة الا رحته ولا ليزر ولا تنظيف واغلى الادوية واقواها حتى المعدة تتعب من قوة الدواء اللي اخذه

قبل فترة انعدم وجهي وصاير فيها حفر عميقة وصارت نفسيتي تعبانة تعرفون الوجه مراة جمال المراة

دلوني على اخصائية مشهورة رحت لها وكنت يومها يائسة

قلت لها عندك دوا غير اللي اخذته

عندك علاج سحري والا بانزل ما في حيل للتعب يا دكتورة

قالت لي يا امال حب الشباب اللي عنك مزمن ما بيروح الا لما تصير الدورة ما تجيك !!

يعني وعمري اربعين ولا خمسة واربعين

بعطيك مقشر ومطهر خذيه بتستفيدي وتابعي معي يمكن تستفيدي لكن علاج نهائي ما في

خرجت وكلي احباط ما تتصورو قديش وجهي مسمر ومعدوم غير عن جسمي فاتح

ورجعت حطيت عباتي ولجات الى ربي وبكيت يومها بحرقة

ومن يومها دوم على لساني يارب ارزقني وجه نظيف ومشدود بدون حبوب يا رب

اساله وانا متمددة وانا قايمة كل ما طالعت المراية كل ما حطيت ماكياج وفي اوقات الاجابة وكل وقت

الان وجهي ولله الحمد والمنة مشدوود ونظيف بدون حبوب الحد لله والشكر لك يارب

قالت امي لي يا امال الظاهر الاخصائية اللي رحتي لها ممتازة

قلت لها هي ممتازة انها نصحتني ام الدواء حطيته في الدولاب ما استخدمته بس لطف ربي اوسع واكرم

كل ما انظر المراية اقول سنييييييييين يا امال وجهك معدوم وما تفكرين غير الدوا الدكتور الليزر وبس ما فكرتي يوم

برب العباد الكريم اللي يعطي بدون حساب بس يبي منا الدعاء واحسان العمل له


حبيباتي صرت افكر فيكم كل ما اشوف اولادي قلت الله يرزقهم يا رب

صرت حاسة فيكم لذلك حكيت لكم عن تجربتي رغم كل من حولي يسالوني امال وجهك صاير زين وين رحتي

اي دكتور اقول لهم الحمد لله ربي شافاني يقولون بس من غير دكتور لان حالتي كانت صعبة

ايه والله من غير دكتور اشفاني رب الدكتور ورب الدواء وخالق المرض والعافية سبحااااااااااااااااانه

ادعوا لي وبادي لكم وكل مسلم لان الدعاء بظهر الغيب مستجاااااااااااب

[آمال غير]

امـــــــــــــال
صبحج الله بالخير
شخبارج ياقلبي
مشكوره على السؤال حبيبتي فديتج والله
أأأخ من هالعزايم الطارئه الله يعينج اعرف صديقتي زوجها نفس زوجج
بس هي اكثر كان يشجعها على الاكل ولو واكلت ماياكل ويزعل
وهي خايفه على زعله فتاكل الى ان وصل وزنها فوق الميه
شوفي انا شسوي اخبر زوجي من البدايه عن وضعي وعن الاشياء الي اقدر اكلها
فتصير طلعتنه مكان اقدر اكل فييه سلطات او مشاوي
والحمدلله هو متفهم هالشي واكيد 4 كيلو ماراح يبين وايد
بس صدقيني من تنزلين 7 كيلو بيفرق معاج حتى بالقياس ااكدلج هالشي بأذن الله
بس قوي العزيمه وثبتي لبو سالم انج قادره تنزلييييين
ولاتحاتين وجبة امس لان الدايت فيه وجبه فري وعتبريها هذي هي الوجبه

اما بخصوص موضوع الحمل من بديت الدايت وتفكيري اقل من اول لاني سلمت امري لله
صارلي 11 شهر وماصار شي بس مستمره بالعلاج وراح استمر بالمراجعات
لان هذي اسباب والله امر باتخاذ الاسباب
ومتى مالله كتب خير وبركه الحمدلله ربي ماقصر وعطاني
بس يختج الله رزقني ريال يموت بالاطفال لو تشوفينه شلون اذا شاف اطفال سصغار
في بيت اهلى اوهله يستخف وشيلهم ويبوس فيه
تقولين جنه ماعنده اطفال واذا كنه بالسوق وشوف عيال صغار شوفي هذا شوفي هذ تشوق
يحليله يحليلها وبيني وبينج انا بعد اموت على الاطفال بشكل
غرييييب في حنان مو طبيعي يمكن لاني فقدت الحنان
انا متحسفه اني اخذت حبوب منع حمل وعندي لو حامل على طول ابرك من معاناتي الحين
لكن املي بالله كبير وثقتي فيه اكبر وبي يوم وابشركم بحملي



بخصوص الدايت ماشي تمام الحمدلله

امس الفطور
صمونه صغيره فيها نص جبنه كيري وملعقه صغيره عسل
ونص كوب حليب ماكملته
الضحى شربت عصير برتقال
الغداء كان في بيت اهل زوجي وماشاء الله الكل هناك مو طبيعي اشكال وانواع
انا كليت3 ملعقه معكرونه بيضه بالكريمه وبعديت تعوذت من ابيلس وحطيت لي 5 ملاعق رز
وقطعت لحم وسلطه ادري كثرت شوي بس مالعيييه ملعقتين زياده مو محرزه

طبعا شربت شاي وشاي زعتر 2 تمرتين

العشاء شربت شاي بنعناع و2 توست اسمر وجبن ابيض وطماط

بس بنات الساعه 2 فجرا ماقدرت انام حاسه روحي يوعانه يمكن عشان اليويمن الي فاتوا اكلي قليل
فقمت على 2ونص صباحا اكلت 2 بسكويت صغير جدا منيز وشربت ماي ونتظرت اذان الفجر
صليت ونمت

هذا كان امس والحين ريوقي
حليب بنسكافيه + 2 شريحة توست اسمر وجبن سلايس قليل الدسم وطماط وخيار وخس
و4 حباب زيتوون الاسباني الي لاملح ولا زيت فييييه الماصخ احبه طعمه
هذا كل شي والله يسهل

موعدي مع الدكتوره يوم الاربعاء صباحا ويكون لي اسبوعين
ياريت اضعف 3 كيلو الى ذاك اليوم اتمنى من كل قلبي
بنات لاتنسوني بدعائكم بما انتوا صايمييين
عسى الله يتقبل منكم يارب ويرزقكم كل الي تتمنونه

الله يصبحك بكل نور

حبيبتي لولو صمت اليوم الحمد لله الله يتقبل ويجعل عملي في ميزان حساني وميزان اختي الماسة

اما انت اذا كنت تاخذين علاج انتبهي كل شئ باجره يوم تتمنين الصوم كانك صمت والزم ما عليك صحتك

الله يعطيك ويفرحك دووووووم يارب ويفرح زوجك

الرجال كده ما يحسون بالمرا كيف تتعب في الحمل والولادة بس يعدون العيال المهم عندهم العدد مو الكيف

ناظرتك يوم الربوع تبشرينا بكل خير ان شاء الله تنزلين

لمن قمتي الساعة ثنتين في الليل ليه ما اخذتيلك فاكهه قرات مرة ان الفاكهة تستغرق سعراتها في الحرق

يعني يوم تاكلين التفاحة تروح سعراتها في هضمها كثري فاكهه من اجل صحتنا ما تتعب ويصير عندنا فقر دم

الحين باروح بازور جدتي وجدي الله يحفظهم ان شاء الله امسك نفسي بعد المغرب

اليوم قمت تعبانة لان امس بنتي سهرت بطنها تتقيا واسهال الله يكرمك

في فيروس عند اخوها وصار عندها الحمد لله على كل حال

صرت ادور وقت لازم ادخل اشوف البنات ايش سوو

لازم ادخل حتى لو انا مشغولة

الله يديم المعروف بيننا