هدرزة ليبية ...........5

[نسمه الليل]

81

اهلين يا اروى كيف حالك وشكرا على الاغنيه انحبها الاغنيه هذى وانحب اغانى الليبيه كلهن ...

[أروي]

انا جيت (( ماتقولوش لحد القفطان طلبه من مرت خوي شفتوه في العرس ))

هذه اروي

[أروي]

اهلين بيك يا للت عيني هي بري بدلي حويجاتك العويله قريب ايجو يانسومه

حبيبتي وضيفتنا ركوزه انستينا اسفرت وانورت

[نسمه الليل]

81

اهلين يا راكوزا انشالله تنسجمى معانا فى الهدرزة ...انتى ليبيه ؟؟؟
أروى قفطانك ايهبل بس يا خسارة لولا المسافه راهى انقوله عرفينى على مراة خوك ..هههههه
هيا انا اليوم لبستلكم لبسه عربيه عشن قاعده فى ليبيا

[والدة عبدالرحمن]

شن الحفلة بدت والا مازال ,وين الزمزمات

[دموع مـهـ جرــا]

السلام عليكم
كيف حالكم اليوم
ماشاء الله صار اليوم في حفلة ان شاء الله يارب ديمة ايماتكم هناء وفرح
لكن يابنات اني والله لانعرف انزغرط ولا انغني

نعرف انصفق بس اعدروني

[دموع مـهـ جرــا]

اعدروني يابنات توة اني طالعة باذن الله انولي
ومرحبتين بضيفتنا راكوزا انستينا ونورتينا بطلتك

[والدة عبدالرحمن]

كيف حالكم يا بنات
مرحبتين يا نسمة نورتى المنتدى ..
كيف حال ابنياتك يا جبالية .
وينك يا جورى ,وشن اخبار الامارات .
اروى كيف حال وليدك ,وعلى فكرة عجبتنى (عبوده بو العيون السوده)مع ان عبدو عيونة عسلية لمن والله حلوة وعجبتنى ..
سفن سيس شن الجو .اليوم صقع الجو ومسحب .
مش معقولة كيف حال بنيتك اليوم
دموع ان شاء الله ربى يهنيك .وكيف حالك اليوم
كيف حالك يا اوشن دريم , الحكاية صقع ومطر اليوم ...

[نسمه الليل]

81

وين الحفله باديه من بدرى وانا واروى نستنوا فيكم عشان نلتمو ونهدرزوا كلنا

[والدة عبدالرحمن]

اهم جو الزمزمات ..
الى شعلو ي
ضيهم ان شاء الله انديرو زيهم.....هههههههههههههههههههه نعرفها قديمة لكن ما نعرقش انغنى ...

[نسمه الليل]

81

رميت النظر ماريت فيكم والى ...لقيتكم يا مكانات العزيز خوالى

وينكم ولا مش فاضيين عشان العويله ..انا قاعده مافيش ورايا حاجه

[نسمه الليل]

81

والده عبدالرحمن مافيش احلى من القديم ..
نابدا البادى اول مانبدى البادى ..نابدا البادى والصلاة على الهادى
نابدا انقول اول مانبدى انقول ..نابدا انقول والصلاه على الرسول

[أروي]

علي سلامتك يا ام عبدو كيف حالك هي بري بدلي جري جري

دموع لالا تصفيق مافيش نهانا عليه رسول الله هي بري حتي انت بدلي حويجاتك وتعالي قريب بدا التفريق

متقولوليش يا بنات وين اوشن دريم ؟؟؟؟؟؟؟؟؟؟

[أروي]

رورروروروروروروروروروروروروييييييييييييييييييييييي ي

مرحبتين منين لفيتي ** يا شمعه في الحوش ضويتي

وين اوشن انخاف يايفوتها التفريق بعدين تحرج هي غاليه عليها الماكله

[juri]

خيرات


كيف حالكم

كنكم بسم الله بادين الحفله بدري