اهتمامات سنة اولي مدارس...ياللا يا هوانم

[kouky5]

نوشا تروحي وترجعي بالسلامة يا قمر

نوجا اول يوم اخدت معايا يوسف عادي هو كان لسه بيبي كنت مقعداه في الكار سيت..وخدته معايا برضه يوم عيد الميلاد بتاعهم ..فعادي مفيش مشكلة هو كمان بيبقي مبسوط وبيحب يلعب في الالعاب اللي موجودة عندهم في الجاردن

مسز محسن الف مبروك علي الحاجات الجميلة ..ما شاء الله سعرها حلو اوي

[mrsmohsen]

كوكي ميرسي يا قمر علي فكره احنا جيران انا في التوفيق علي يوسف عباس و انتي قريبه من سونستا مظبوط
بنوته ازيك ربنا يستر و ميطلبش شنطه تانيه

[kouky5]

مسز محسن ده احنا جيران فعلا ...انتي قريبة مني جدااااا ...انتي ولادك في مدرسة ايه ..معلش اصل انا عندي زهايمر

[mrsmohsen]

ولا يهمك يا كوكي كلنا عندنا زهايمر ده العادي
ولادي في مدرسه اخناتون في التجمع الخامس و انتي ولادك في المصريه مدينه نصر صح !!
انتي عندك في سنه كام عشان الزهايمر عامل عمايله

[أم جورى]

السلام عليكم ورحمة الله

ازيكم وحشتونى جداااااااااااااااااااا

انسانة وحشتينااااااااااااااااااا

أحلى حياة ان شاء الله تستقرى يا قمر

كوكى 5 بصى يا قمر أنا بموووووووووووووووت فى حاجة اسمها كوتشى ابيض

بحس انه شياكة كدة وهقولك انا بنضفه ازاى وبيبأة كأنى لسة جايباه دلوقتى

أنا بحطه فى الغسالة الأوتوماتيك والله بيطلع فلة فلة

بعمل دورة كدة للكوتشيلت كلها عاوزة اقولك الابيض بالذات بيكون مش ممكن نضيف

جدااااااااااااااااااااااا ومتخافيش مش هيتقطع ولا هيحصله اى حاجة

أنا بعمل كدة علطول كل يوم خميس بغسلهم ويروحوا المدرسة أول الاسبوع بيهم

جربى وهتدعيلى

[أم جورى]

أنا الحمد لله رحت اشتريت حاجة المدرسة والعيد امبارح

رحت سيسم كلوب وبجد هايل جبت من هناك كل حاجة الحمد لله

بس حلا وجوجو مالقيتش حاجة عجبتنى للخروج خالص

بس جبت لبس بيت حلو أوى وجبت الشنط بس برضه حلا لأ لقيت شنط البنات

غالية أوى

وجبت شنطة الرحلات زى اللى اللى نوشا صورتها

على فكرة لبسها مش صعب انا الحاجات اللى شبه كدة بلبسها كروس بتكون اسهل

وجبت يا كوكى الزمزمية اللى بجراب الولاد شبطوا فيها والراجل قاللنا انها افضل علشان الزمزمية اللى بشاليمون الزرار بيبوظ

وروحت اور كيدز علشان اشوف للبنات لبس خروج اتصدمت هناك ومشيت

مالقيتش حاجة حلوة خااااااااااالص والصدمة باة انى لقيت شنطة الرحلات دى

هى هى بالظبط ب49 ج وانا لسة جايباها ب 35 مشيت وما جبتش من هناك حاجة

بفكر اروح جراند مول اشوف لبس خروج هناك

وكل سنة وانتم طيبين

[kouky5]

مسز محسن فعلا يا جميلة في المصرية مدينة نصر كي جي 1 ان شاء الله

[kouky5]

ام جوري الف الف مبروك علي حاجة المدرسة والعيد يارب يتهنوا فيهم ..وكل سنة وانتم كلكم طيبين
sesame club محل نظيف جدااا والناس هناك ذوق اوي انا بحبه جداا...
بالنسبة للزمزمية اللي بجراب دي هتتغسل من جوه ازاي ؟؟

فكرة الكوتشي انه يتغسل في الغسالة حلوة اوي ربنا يكرمك ياااارب ...انا كنت بغسلها بفرشاة اسنان قديمة واقعد اغسل فيها حته حته لحد ما تطلع عيني

[حياة احلى]

مبروك يا ام جورى على الحاجات الحلوة ربنا يهنيكى بيها

بس معلش هتعبك معايا بقة ...قوليلى الحاجات بتاعة المدرسة اجيبها منين؟؟؟

ياريت تقوليلى على كذا مكان جنب بعض انزل الف عليهم عشان لما بشترى حاجة بحب اتفرج كتير الاول

اهة نجيب حاجة المدرسة قبل مانقدم ...اى خطوة عشان مانتحسدش على الكسل اللى احنا فية

[أم جورى]

الله يبارك فيكم يا قمرات

كوكى انتى هتغسليها ليه مش انتى جايباها للميا؟

عموما لو للميا أو للعصير وعاوزة تغسليها كويس ممكن تحطى فيها ميا سخنة وبريل أو فيرى بتاع الصحون وتسيبيها شوية وبعد كدة ترجيها وتغسليها كويس أوى

لحد ما الرغوة تروح وتروح منها ريحة الصابون خالص

وحل تانى تجيبى الريشة اللى بتتباع فى محلات الأدوات المنزلية بتاعة ازايز الميا

فعلا سيسم كلوب روعة وأحسن حاجة عجبت جوزى فعلا الخدمة هناك ممتازين جدا

حياة أحلى هجاوبك باستفاضة لما أرجع بس قولى انتى عاوزة فى أى منطقة

بالظبط؟؟

[mrsmohsen]

جوجو ازيك يا قمر مبروك لبس العيد والمدرسه
مازن ابني بيسلم عليكي و بيقولك انا بحبك قوي يا طنط جوجو وفين الحوايت الجديده

[أم جورى]

مس محسن سلميلى على مازن كتير وقوليلو معلش طنط جوجو نسيت واتفضل يا موزموز حدوته جديدة

http://www.lakii.com/vb/showthread.php?p=8732767#post8732767

[om body&yousef]

ازيكو يا حلوييييييييييييييين وحشتونى اوى اوى اصلى كنت بصيف و لسه راجعه امبارح عملين ايه و اناناسه عامله ايه كنت عاوزه اعرف اجيب الشانطه بتاعت بودى منين لانى اتلاخبط our kidsولا سيسم كلاب ولا كارفور قولولى الاحسن علشان انزيل اجيبها انتو عارفين لو رمضان جيه علينا لاحنعرف ننزل ولا هانجيب حاجه و كل سنه و انتو طيبين

[miama]

مبروووووووووووووووووووووك يا جوجو الحاجات

[أم جورى]

الله يبارك فيكى يا ميمو

ام بودى روحى سيسم كلوب احلى بكتير أنا جبت الشنطة لدودو حلوة اوى

تروللى شبط فيها ومسك فيها كانه مسك حرامى

هو اختار بن تن شخصية كرتون وسعرها معقول بالنسبة لأسعار تانية ب89

وممكن توفقى من هناك المقلمة والانش باج او الانش بوكس نفس الشخصية

ويباة طقم على بعضه