اهتمامات سنة اولي مدارس...ياللا يا هوانم

[أم جورى]

نشوى شنطة الرحلات دى فى نادى سمسم برضه ؟؟ جميلة ماشاء الله

أحلى ام هى بنتك عندها أد ايه ؟؟

[kouky5]

النهاردة رحت الرحاب مول 2 وشفت الاوت ليت بتاع اديداس في الشوز ..للاسف مالقتش في مقاسات الاطفال اي حاجة حلوة خالص واللي شكلها معقول برباط او ملونة مفيهاش اسود خالص
ولا قيت هناك برضه اكتيف ابو علاء اسعاره حلوة بس برضه المقاسات الصغيرة نفس مشكلة اديداس برباط

[kouky5]

نوشا اللانش باج بتاعة كارز انا شفتها النهاردة في محل تانجو اللي مساكن الشيراتون هي اخت اللي انتي جبتيها بالضبط بس بحاجة واربعين قلت لجوزي لا واحدة صحبتي اشتريتها بحاجة وتلاتين المحل ده غالي
بس جبت من عنده اللانش بوكس كارز برضه اللي بمفصله واحدة ب 26
لما رحت الرحاب لاقيت لطفي بتاع الشوز والشنط عنده لانش باج شكلهم حلو اوي وتنفع للرحلات لانها بتتعلق علي الضهر هي نفس مقاس اللي جايباها تقريبا بس بتتعلق علي الضهر وب 25 بس ابني الصغير شبط فيها وفضل شايلها علي ضهره لغاية ما روحنا
ان شاء الله اعمل زيارة ل sesame علشان اجيب زمزمية لاني مش مرتاحة للزمزمية ام جراب دي خالص قلقانة منها مش عارفة ليه

[kouky5]

حياة احلي ما تقلقيش ... زي ما اناناسة قالت لك الدادة بتكون معاهم والمدرسة بيكون معاها واحدة تانية مساعدة فماتقلقيش وهما بيساعدوهم في كل حاجة ومشرفة الباص دي مسئوليتها وهي هتخاف اوي علي الاطفال لان دول مسئولية في رقبتها و برضه ابقي اديها فلوس علشان تخلي بالها من بنوتك

[noga76]

مبروك يا كوكي علي الحاجات شنطة الرحالات انا شايفه انها لو بتتشال علي الضهر يبقي احسن انا جبت زي الي نوشا حاطه صورتها من سمير و علي بس عليها بات مان ب 35 بس هاشلها لإني حاسه انها صعبه عليه في الشيل لاقيت عندي واحده عليها بارني صغيره و بتتشال علي الضهر احسن. علي فكره انا لفيت في اديداس و تمبرلاند بصراحه نايكي هو الوحيد الي لاقيت عنده حاجات حلوه مقاسهم علي اسود و كمان الكحلي حلو و ابيض في كحلي. الزمزميه اسهل حاجه الي بشاليموه و خاليه يفتحها و يقفلها لوحده ابل ما تجبيها انا جبتها ب18 من سمير و علي و جربيها كمان في جيب الشنطه الي بره ساعات بتبقي كبيره مابتدخلش.

[kouky5]

الله يبارك فيكي يا نوجا ...فعلا اديداس مش حلو ..ان شاء الله هحاول ارح نايك اللي عند الميرلاند بنت مصر قالت عامل اوت ليت برضه ..طيب انتي رحتي الفرع اللي في سيتي ستارز ؟؟اسعاره ايه؟؟
الزمزميات عند سمير وعلي حلوة فعلا انا كنت ناسياه ..ان شاء الله اعدي عليه... اللي بشاليموه اسهل وحلوة يدوس علي الزرار تطلع الشاليموه ... بس مشكلة الزمزميات انها بتتكسر من الجنب وبتسرب الميه ..انا جربت كل الاحجام وكل الانواع ومفيش فايدة

[noga76]

لأ انا روحت نايكي الي في المعادي بس لسه ماجبتش قالوا لسه هينزلوا كمان اسبوع حاجات تانيه الأسعار من 200 لي 250 اصلوا مش اوت ليت بس بصراحه عنده حاجات حلوه انا حتي بفكر ماجبهاش سودا اجبها ابيض في كحلي او اي لون تاني عشان تبقي حلوه في الخروج برضو.

[kouky5]

الابيض بيبقي يجنن وخصوصا مع الازرق تحفة ..بس عيبه وخصوصا مع الاولاد انه بعد اسبوعين بيبقي اسود

[noga76]

لو هتجيبي ابيض لزم الكوتشي مايكنش فيه ولا حته قماش عشان يبقي سهل في التنضيف ، الجلد بينضف علي طول

[حياة احلى]

الله يطمنكوا يابنات..انا عارفة انا مزوداها بس انا معنديش غيرها وبخاف عليها خوف غير طبيعى

حاسة انى انا بس اللى هتأثر وهزعل لما تروح المدرسة وهيا هتكون ولا على بالها

دة الموضوع دة مخلينى لحد دلوقتى مقدمتش ليها...هيا 3 سنين ونص

بس بجد بجد موضوعكو دة روووووووعة للى زى حالاتى اول سنة مدرسة ...بنكون ملخومين اوى ومش عارفين هنعمل اية

بس فهمت منكو حاجات كتير واول ما اجيب حاجتى هنزلكوا صورها واخد رايكو فيها ...بس ادعولى استقر على مدرسة الاول

[noga76]

احلي حياه ان شاء تستقري ادخلي علي لينك مدارس مدارس هيساعدك علي إختيار المدرسه . انتي ساكنه فين ؟ و مقدمه في مدارس إيه ؟ علي فكره انا برضو ابني رايح كاجي 1 و عمري ما وديته حضانه و أي حته غير معايا. ربنا يستر و يعدي أول كام يوم دول علي خير.

[bent masr]

بنت مصر مبروك على الشنط و يا ترى من محل ايه فى ميدان الجامع و بكام؟؟!!!!

الله يبارك فيكى يا قمر
من محل فى شارع هارون مش فاكرة اسمه طبعا
الواحدة ب 60

[nashwa1]

نوجا انتى فين وحشانى جداااااااااااااا
احنا معانا 2 كوكى صح

[noga76]

ازيك يا نوشا انتي كمان وحشاني. هتسافري بكره إن شاء الله ؟ علي فكره المدرسه ردت عليا النهارده أخيرا قالولي اتكلم علي الأسبوع الجاي عشان اعرف معاد الدراسه و الفصل بتاعه.

[nashwa1]

ان شاء الله يا قمر مسافره بكره
طيب لو اتصلتى ممكن تسألى على محمد وتبعتيلى رساله
انتى بجد مش بتحبى تيجى معانا هناك ؟