اهتمامات سنة اولي مدارس...ياللا يا هوانم

[nashwa1]

جوجو هو محل متكامل فيما يخص الاطفال من الالف للياء
ملابس والعاب وادوات مدرسيه وتعليميه وحلاق وستوديو كل حاجه
لا انتى بتخدى حاجتك وانتى واقفه بس انا علشان اخترت حاجه كانت لسه ما اتسعرتش وقالولى بكره وانا طبعا مش هنزل مخصوص امبارح
هروح النهارده وبالمره يحلق والحلاق بيشغل افلام كارتون وحركات كده للاطفال عجبنى جدا 15 جم

[noga76]

انا شوفت شنطه صغيره بأيد طويله الراجل قالي دي لانش بوكس و لا دي شنطة الرحالات الي بتقولوا عليها؟

[nashwa1]

غالبا هى يا نوجا 35 جم تنفع لانش وتنفع رحلات

[nashwa1]

انا رايحه النهارده هصورها واحاول انزلهالك يا نوجا بليل

[miama]

بالنسبه للزمزميه اهم حاجه ماتدلقش في الشنطه

[noga76]

أحسن حاجه تبقي الشنطه لها جراب بره للزمزميه عشان يبقي سهل من بره و كمان بعيد عن اي حاجه جوه. علي فكره انا كمان عجبتني شنطه في نايكي شيك أوي جوزي كان عايز نجيبهاله للمدرسه بس انا حاسيت انها صغيره كانت ب 130 بس كده بتاعت اديداس سعرها أحلي

[nashwa1]

الشنطه بتاعت المدرسه اللى جبتها ليها جيبين من بره
عجبتنى جدا وليها جيب كبير شويه هخليه للانش بوكس
كان فى حد قال على محسن الفيومى عنده شنط رحلات حلوه
عاوزه اروح بس اشوف النهارده الدنيا فيها ايه

[noga76]

نوشا أم جوري ما دخلتوش Mothercare في كارفور؟ أختي كانت هناك و قالتلي عامل خصم 75 في الميه

[miama]

انا غالبا هخلي شنطه الحضانه للرحلات لسه سليمه و صغيره تنفع رحلات

[miama]

فعلا يا نوجا
انا روحته لما كان عامل 50% كان عاجبني فستان جينز هاروح ابص عليه تاني

[nashwa1]

رحته يا نوجا مفيش حاجه للاولاد شديتنى
بس عامل اوكازيون حلو

[أم ملك و مريم]

شكرا ليك يا ام جوري

[miama]

ام ملك و جوجو
انتم قصدكم الزمزميه اللي زي عصير يس بتتشد لفوق تفتح

[أم ملك و مريم]

ايواااااااااااااااااااا

[أم جورى]

ازيكوا يا حلوين

نوجا لأ مادخلتش انا يا بنتى كنت عاوزة اخرج بأى طريقة من كارفور

ميمو ايوا اللى شبه ازازة عصير الياهو

وبعدين تعالى هنا هو انتى بتبصى الأول على اللبس وبععدين تشتريه يا رايقة انتى

بصيتى وهتروحى تبصى بصة تانى وناوية تشترى امتى ان شاء الله (هزاااااااااااااار)

ميمو اوعى تحطى الزمزمية جوا الشنطة ممكن تبوظ الدنيا

يا بنتى الانش بوكس فى الجيب اللى ادام والزمزمية فى الجيب الجانبى

ولو عصير فى الجيب الجانبى التانى فخمتو

انا شفت اللانش باج بس معجبتنيش بصراحة دى السندوتشات هتباة

فتة فيها خصوصا ان الشنط فى الباص بيحطوها عل بعضها أو الولاد

بيحطوها ورا ضهرهم وهما قاعدين

فى شنط للرحلات تحفة جداااااااااااااااااااااااا هى بتتحط على الضهر بس مش كبيرة

وقماشها زى الشيموا كدة وألوانها روعة وملزوق عليها شخصيات مجسمة

يعنى مثلا خضرا وعليها بور رينجر مجسم دبدوب

وللبنات ستروبرى الشنطة بينك وشخصية ستروبيرى

انا جايباها للولاد بيحبوها أوى

انا شفتها فى كايرو مول محل فى الدور التانى اسمه مايكل

وفى الملحق التجارى لرمسيس هيلتون فى الدور السادس تقريبا أو الخامس

وكمان فى اديداس اوت ليت فيصل

جبت شنطة كروس حلوة اوى بس اصلا جايباها لجوزى

تنفع برضه وكانت ب60 زى نوشى ما بتقول

وعندهم باسكت كدة فى شنط كتيييييييييييييييير أوى تنفع للرحلات

وكمان فى الملحق التجارى محل فى الدور السادس بيبيع شنط حريمى وشنط

تنفع للأطفال حلوة اوى وأسعاره جميلة

كنت جايبة شنطة ب20 من 3 سنين وعندى لحد دلوقتى