هل اطيع اوامر ربى ...... ام اطيع اوامر زوجى ؟؟؟؟؟ انقذونى من حيرتى

[naglaa22]

لا حول ولا قوة إلا بالله .. إنا لله و إنا إليه راجعون ..

بصي أنا ندمت أني رديت ردي الأول .. بس هعيد لك الجملة اللي قلتها فوق برضو .. النقاب مالوش دعوة بخراب البيت ..

و معنديش غير أني أقولك صالحيه و بلاش يحصل شرخ بينكم عشان الموضوع دا .. ترجعي تصالحيه أنتِ عاندت وهو عاند بس لازم نوصل لحل وسط ..

لو ينفع بس من غير مشكلة بينكم تتفقوا على حل .. مثلا عدم الخروج حاليا باعتبار وجود انفلات أمني أصلا ..

أصل بصي أنا بعد اللي حضرتك قلتيه مش هقدر أتخذ قرار بسهولة .. بس في المقابل هاتفق مع الشخص اللي قدامي أن مشاكلنا لها حلول غير الفراق ( لا قدر الله ) دي نقطة مهمة جدا جدا ..

بس ما تنسيش الاستغفار فهو بيفرج الهموم ..

و ربنا يفرج همك وهموم المسلمين أجمعين ..

و ياليت تسامحيني لو كلامي سبب لكِ مشكلة ..

ليه يا ايه بتقولى كده

لا حبيبتى مش عيزاكى تندمى وكما انتى كنتى صريحه معكى انا الاخر تكلمت معكى بكل صراحه

بجد يا ايه انتى خلتينى اخرج كل ما فى قلبى خلتينى اقول كلام يمكن مكنتش عايزه اقوله بس كنت اريد ان اشرح لكى كل الموقف حتى تستطيعى ان تعيشى معى المشكله وترفى ما امر به

ايه حبيبتى انتى لما ذكرتى موضوع الاحلام صدقينى وموضوع غيرت زوجى كنتى عندك كل الحق فى كل كلامك بس اديكى شفتى ما توصلت اليه الامور وكيف كبرت المشكله

لو كنت اريد ان اخلع النقاب ما كنت استعنت بكم لاستشيركم ولكى استطيع ان ارى ما كنت لا اراه

وهذا ما حدث بالفعل

صدقينى موضوع غيرته اليوم ستكون من ضمن الاشياء التى سنتناقش فيها لانى اعلم انى لو غلعت النقاب ستحدث مشاكل بسبب غيرته

ويجب ان يضع حد لهذه الغيره

وانا بالفعل احاول ان اتجنب اى شيئ يمكن ان يسبب فى زيادة غيرته لابعد عن اى مشاكل محتمله


انا سعيده لانك لم تبخلى على برأيك وكنتى صادقه معى وسعيده ايضا انك اشتركتى مخصوص فى المنتدى من اجل موضوعى هذا


اشكرك اختى الغاليه على كل ما كتبتى والله انتى كنتى نعم العون لى وصدقينى انتى لم تتسببى لى فى اى مشاكل المشكله موجوده بالفعل وبأذن الله ستحل اليوم وسأرضى جميع الاطراف وساجد مخرج من مشكلتى وسأعتذر لزوجى عن ما بدر منى

وسنضع النقاط على الحروف لنتجنب اى مشاكل بأذن الله

بجد ألف شكر على نصائحك الغاليه ربنا يكرمك يارب وميحرمنيش منك واتمنى ان تقبلى صداقتى

[naglaa22]

حبيبتى نجلاء ..
انا قلبى وجعنى عليكى جداااااااااااا والله
بصى يا نجلاء انتى ولادك كبار مش صغيرين وبعد الجواز الواحدة ملهاش الا بيتها وعيالها
انتى زوجك فى الاول طلب منك انك تقلعى النقاب علشان وضع البلد وانتى عاندتى او بمعنى اصح تمسكتى لعل وعسى يرجع فى كلامة
لكن لانة بيخرج وبيقعد مع الناس عرف الخطر اللى عليكو وعلية وعلى ابنك
وانتى للاسف فعلا كبرتى المشكلة ليكى حق تخافى من انة يغير تانى وتحصل مشاكل اكبر لكن مكنتيش سبقتى الاحداث وفى قعدة واحدة كنتى فهمتية وكلمتية قصاد اولادة علشان يكونو شهود وخاصة انهم وةاعيين كل المشاكل والاحداث والحوارات الموجودة بينكم

فهمية انك هتقلعى النقاب ارضاء لية وخوق على بيتك وعيالك من البهدلة
يا نجلاء انتى عارفة البهدلة للى بيشوفوها هناك محدش هيسامحك لا يقف ف صف ك الكل هيقولك غلطانة وعنيدة ومش هتستفادى حاجة وبيتك هيتخرب

زوجك بيحبك جدا ولهذا بيغيير عليكى
انتى كلمية بحب وصالحية باى طريقة واطلبة انة يسامحك

واقعدو اتكلمو بهدوء وحلو الموضوع ببساطة وبحب وتقولى كل اللى جواكى من مخاوفك من غيرتة عليكى

وابقى طمنينى عنك

اختى الغاليه وحبيبة قلبى ميرو ربنا يخليكى ليا وشكرا حبيبتى على وقوفك معى فى هذه المشكله الصعبه كنتى نعم الصديقه واشكرك على صدقك معى وصراحتم ايضا

وبأذن الله ستسمعين قريبا شيئا يسعدك وسأحل هذه المشكله لانها طالت زياده عن اللزوم

وساخبرك بكل ما حدث بأذن الله

ادعيلى حبيبتى

[DAHUBA14]

اللهم صلي و سلم و بارك على سيدنا وحبيبنا محمد و على آله و صحبة أجمعين
أسال الله العظيم رب العرش العظيم
في هذه الساعات المباركة في هذه الليالي المباركة في هذا الشهر الفضيل
ان يفرج اختنا الغالية نجلاء
اللهم فارج الهم و كاشف الغم مجيب دعوة المضطرين نسألك يا كريم
أن تفرجها على اختنا في الله نجلاء و نسألك أن تسعد ايامها و هدي بالها و هدي سرها
يااارب و اختار لها الخير حيث كان اللهم آميــــــــــــــــــــــــــــــن .

اللهم فرج هم المهمومين من المسلمين في مصر الشقيقه
وفي سوريا الشقيقة ياارب العالمين
اللهم آآآآآآآآآآآآآآآآميــــــــــــــــــــــــــن .

[أم عبد الرحمن3122010]

حبيبتى نجلاءانتظر منكى رسالة عالخاص هنا تطمنينى عنك بالتفصيل

[أم عبد الرحمن3122010]

بصراحة يا نجلاء اجمل ما قرات فى ردك ان ابنك عاقل كتير ما شاء الله وفعلا ملهاش لزمة ان تدخلى اى احد من العائلة فى حواركم واتبنك كبير قادر ان يكون خير شاهد لكما

[آيـة]

ابقي طمنينا عليكِ ..

[أم عبد الرحمن3122010]

طمنينى عليكى يا نجلا ضرورررررررررررررررررررى

[naglaa22]

شكرا لكل اخواتى ربنا ميحرمنيش منكم ابداااااااااااااا

May59.gif

اخواتى الاتى احبهن فى الله

احببت ان اقدم لكم كلمة شكر لكل اخت اهتمت بمشكلتى ووقفت معى اما بنصيحه او دعوه عن ظهر الغيب

مهما كتبت ومهما قلت لن استطيع ان اوفى حقكم على

كنتم لى نعم الاخوات ونعم العون فى ازمتى لم تبخلوا على بشيئ لم ارى منكم غير كل صدق ودنصائح غاليه كانت لى مثل الشمعه التى اضائت لى طريقى

خلتونى احس انى مش لوحدى بجد انتم كنز حقيقى بالنسبة لى بدعلكم من كل قلبى ان ينعم الله عليكم بالستر والسعاده فى الدنيا والاخره

واتمنى من الله ان تظل هذه المحبه والاخوه خالصه لوجهه الكريم

لكم منى جميعا كل الشكر والتقدير والاحترام جمعنى الله واياكم فى الفردوس الاعلى بأذن الله

alfriends-34ecd9ed78.gif

[naglaa22]

الان

احب ان اخبركم بما توصلت اليه من حلول فى هذه المشكله مع زوجى

اعتذرت لزوجى عما بدر منى من عصبيه وعدم توازن فى قراراتى فى هذه الفتره والحمد لله هو كان متفهم لهذا جدا وخصوصا انى كنت لسه فى فترة نقاهه بعد عمليتى الجراحيه

سامحنى وقال لى انه مقدر شعورى والموقف الذى كنت فيه

سمع كل منا للاخر وكل واحد قال ما بداخله بهدوء طلب منى بعض الاشياء التى يجب ان اقوم بها وفى المقابل طلبت انا ايضا بعض الاشياء

وتنازل كل منا من اجل الاخر علشان نقدر نتخطى هذه الازمه وهذا ما توصلنا اليه فى النهايه بعد مناقشات دامت ل3 ايام


كان الطبيب امرنى بعدم الخروج من بيتى لمدة 3 شهور بعد العمليه والان مر شهر ونصف فطلبت منه ان ننتظر المده المتبقيه من هذه الفتره ولو الامور هديت والوضع اتحسن فى مصر
يبقى افضل بالنقاب والا اخلعه ولو لم يتحسن يبقى ما باليد حيله ونخلعه كان نفسى اوى يوافق على هذه النقطه لانى كان عندى امل ان الوضع سيتحسن ولكنه رفض وقال لى لسه بدرى اوى لما الامور تتحسن فى مصر واننا هنفضل فى القلق ده لغاية ما البلد تنضف خالص وياعالم امتى ده هيحصل والموضوه ده انا عايزه يخلص علشان نفوق من المشكله دى

وهذا ما تنازلت انا عنه رغم انى كنت متخيله ان الامور هتتحل لو عاد الدكتور مرسى للحكم ولكنه يقول لى اننى اتوهم ذلك

طبعا محبتش اطول فى النقاش لانه كان خلاص وصل لاخره فوافقت وقلت له سأخلع النقاب ومنهم لله الى كانوا السبب


وافقت على خلعى للنقاب وكان عندى بعض الشروط وهو وافق على بعضها منها

اننى لن اخرج من بيتى نهائيا الا للضروره القصوى فوافق

كان يجب ان اذهب للطبيب لمتابعت العمليه التى قمت بها لان لها بعض الاثار الجانبيه فطلبت منه ان يأتى الطبيب الى البيت لمتابعتى حتى لو زاد هذا من بعض التكاليف فوافق

كنت انا المسؤله بنسبة 90 فى المئه عن كل ما يخص اولادى بالنسبه للفتره الدراسيه بذهابى للمدرسه ومتابعتهم ودفع المصاريف وشراء الملابس والكتب وغير كل هذا
وهو من سيكون مسؤل عنه حتى لا اضطر للخروج من بيتى فوافق

ايضا اننا سنظل نتبع كل ما كلن يفرضه علينا النقاب ولن نغير اى شيئ فى اسلوب حياتنا الاجتماعيه من علاقات مع الاقارب وغيره فوافق


ان يحاول ان يقلل غيرته القاتله التى اعلم انها ستزيد بعد خلعى للنقاب رغم انه يستبعد ذلك ولكنى اعلمه جيدا واعلم غيرته الصعبه

اتفقنا انه سيكون سبب خلعى للنقاب سيكون سبب مرضى وان الطبيب امرنى بذلك حتى لا ندخل فى حوارات وتناقضات نحن فى غنا عنها لان مفيش حد هيقدر يفهم ما مررنا به
وتفهمت معه انى رضيت بخلع النقاب لابعد عن اسرتى الضرر وانك تتحمل تبعات هذا واشهد الله انى خلعته رغما عنى لانك امرتنى بذلك وانه ليس لى اى رغبه فى خلعه فقال لى انا سأتحمل كل العواقب لانى انا المسؤل عن حمايتكم

جعلته يجلس مع ابننا الكبير ويشرح له الموقف كله ويحاول ان يفهمه الوضع ولماذا كان هذا اختيارنا حتى لا يفهم الوضع خطأ

اما ابنتى مريم لم تستطيع ان تفمه اى من ذلك لانه مازالت صغيره فأتفقنا اننا سنقول لها ما سنقوله لاقاربنا هو اننى خلعت النقاب لاننى مريضه وهو يتعبنى حتى لا تجد كلامنا مختلفا عن ما نقوله لمن خارج العائله

وطلبت من زوجى انه لو تحسن الوضع فى البلد واصبحت بلد اسلاميه على حق وانتهت الازمه وعدنا احرارا فى مصر واتنهى هذا التطرف سأعود الى النقاب مرتا اخرى دون حتى ان استشيره للاسف رفض هذا وقال انا من يقول لكى امته الوقت يكون مناسب علشان منعملش مشكله تانى على الفاضى
وقال لى لو انتى حزينه على تركك للنقاب انا احزين اكثر منكى بكثير

لانى اكثر واحد كنت فرحان ان زوجتى منتقبه وقت فخور بكى وبدفاعك عن النقاب والرساله التى كنتى تنشريها للناس عنه بس هعمل ايه غصب عنى محتاج اكون مطمئن عليكى انتى والاولاد فى هذه الفتره المحرجه التى تمر بها البلد الناس بقت وحشه اوى وكله بيخون بعضه صدقينى انا بحميكم لان ده ما يطلبه منى الله هو الحفاظ عليكم من اى سوء هذا هة اعتقادى وربنا يغفرى لو كنت عىل خطأ

متعرفوش فى الفتره دى حسيت قد ايه هوه حزين وبيتألم على ما وصل له حال المسلمين فى مصر ونحن كنا منهم

فى النهايه كل كل منا اعتذر للاخر على ما بدر منا فى هذه الفتره من عصبيه وتوتر واكثر حاجه كانت صدماه منى عنادى الشديد فى عدم تلبية رغبته كما كان متعود منى

بس فهمته وجهة نظرى وخوفى الشديد من خلعى للنقاب وان انا كنت مش عارفه اخذ مثل هذا القرار بسهوله ومكنتش شايفه حاجه غير ان انا لو سمعت كلامك هكون بعصر ربنا وده الى عمرى ما كنت هعمله

الحمد لله الموضع انتهى على خير وكل واحد فينا قال كل الى جواه وكل ما يخاف منه

انتوا عارفين اتعلمت حاجه مهمه اوى

ان مهما كنت معتقده ان انا على حق وواثقه فى قرارى لازم اسمع للراى المختلف عنى وخصوصا لو صادر من شخص احبه واعلم جيدا مقدار حبه لى

لما بنسمع للمختلفين معاهم بهدوء بنقدر نشوف حاجات مكناش قادرين نشوفها قبل كده ومن هنا تتضح الرؤيه كامله وبنقدر نحكم العقل وبنخرج بقرارات صائبه وليست متسرعه

مش هقدر اقولكم انى سعيده لكنى حزينه اكيد انى هخلع النقاب وده الى مش قادره اظهره لزوجى والاولاد

بس منكرش انى ارتحت كثيراااااااااا ان المشكله خلصت وان التوتر الى فى البيت خلص والكل ارتاح زوجى والاولاد والان اشعر برضى زوجى وسعادته لانى هنفذ طلبه

الان الجميع يشعر عندى فى البيت براحه كبيره لانهاء المشكله وزوجى بيحاول يعوضنا الفتره الماضيه بفسحه وشراء لبس العيد للاولاد علشان نفرحهم

الجو رجع هادى تانى ومفيش حد زعلان من حد

بس مخبيش عليكم انا من جوايا بتقطع وحزينه حزن بس بحاول مش ابين وبخبى حزنى جوايا واتمنى من الله ان يعوضنى خيرا

والا اكون اخطأت فى هذا واتمنى ان يرضى الله عنى ويغفر لى لو كنت اخطات فى هذا القرار

يارب اغفر لى لو كان خلعى للنقاب اغضبك عنى ولا تبتلينى بذنبى هذا فأنت تعلم ما بداخلى وما هى رغبتى الحقيقيه وانى تركت النقاب رغما عنى ودون ارادتى لاحافظ على بيتى وسلامة اولادى

يارب اغفر لى وسامحنى

************************************************** *******

اخواتى اشكركم جميعا ويارب يارب تنالوا رضا من الرحمن تسعدوا به مدى الحياه


اغلى ما عند المؤ&.jpeg

phpThumb_generated_thumbnailjpg.jpeg

وكل عام وانتم بخير

img_1343505525_624.jpg

[أم عبد الرحمن3122010]

حبيبتى نجلاء كنت هجنن عليكى واستنيتك كتير وبعتالك رسالة عالخاص لما مدخلتيش امبارح

معلش يا نجلاء ازمة وتعدى

وفعلا اللى كبر الموضوع معكم هو العند من الطرفين

وحلو جدا نقطة انك قلعتى النقاب علشان مرض مش بطلب من زوجك

هذة نقطة مهمة علشان محدش من الاهل يدخل او يقول كلام

بجد يا نجلاء مش عارفة اقولك اية قلقت لما مش لقيتك بعتيلى الخاص لكن اطمنت دلوقتى عليكم
وعسى ان تكرهو شئ وهو خيرا لكم وعسى ان تحبو شئ وهو شر لكم

ورب ضرة نافعة

وحلو اوى انكم اتفقتو وفضفضت بكل ما كان جواكم

اعترفى بقى ها هتجيبى اية لبس للعيد ؟؟؟؟؟؟؟؟؟؟؟؟؟؟؟؟؟؟؟

ربنا يسعك يا نجلاء ويفرحكم ويهدى سركم يارب وتكون اخر الازمات

[DAHUBA14]

كل عام و انتم بألف خير
الحمد لله حمدا كثيرا طيبا مبارك فيه كما ينبغي لجلال وجهه و عظيم سلطانه
الف حمد و شكر لله تعالى ، ان الموضوع انتهى على خير
أسال الله العظيم ان يجعل ما اصابك من هم و حزن في الأيام الماضية في ميزان حسناتك
وان شاء الله القادم اجمل يا غالية
سوف تزول الغمة و تعود الأمور احسن من ذي قبل ان شاء الله تعالى
لا نملك سوى الدعاء ،و الله سبحانه وتعالى هو القادر على ان يغير الحال لأحسن حال
يااارب .... اللهم آمين .

[naglaa22]

حبيبتى نجلاء كنت هجنن عليكى واستنيتك كتير وبعتالك رسالة عالخاص لما مدخلتيش امبارح

معلش يا نجلاء ازمة وتعدى

وفعلا اللى كبر الموضوع معكم هو العند من الطرفين

وحلو جدا نقطة انك قلعتى النقاب علشان مرض مش بطلب من زوجك

هذة نقطة مهمة علشان محدش من الاهل يدخل او يقول كلام

بجد يا نجلاء مش عارفة اقولك اية قلقت لما مش لقيتك بعتيلى الخاص لكن اطمنت دلوقتى عليكم
وعسى ان تكرهو شئ وهو خيرا لكم وعسى ان تحبو شئ وهو شر لكم

ورب ضرة نافعة

وحلو اوى انكم اتفقتو وفضفضت بكل ما كان جواكم

اعترفى بقى ها هتجيبى اية لبس للعيد ؟؟؟؟؟؟؟؟؟؟؟؟؟؟؟؟؟؟؟

ربنا يسعك يا نجلاء ويفرحكم ويهدى سركم يارب وتكون اخر الازمات

شكرا ليكى حبيبتى ميرو والحمد لله الموضوع عدا على خير بينى وبينك كنت مرعوبه بس ربك ستر والحمد لله

اما يا ستى على لبس العيد وحياتك نزلنا ومجبناش حاجه علشان ملفناش كتير وغدا هننزل تانى ونشوف وربنا يسهل يارب وربنا يرزقنا بحاجه حلوه لمريم لانها هتزعل اوى لو معرفناش نجيب لها حاجه

لانى للاسف مقدرتش اروح لاكثر من مكان لان دى كانت اول خروجه لى بعد العمليه التى اجريتها منذ شهر ونصف وبينى وبينك تعبت اوى ومقدرتش اكمل

والله يا بنتى نزلت مخصوش علشان مريم متزعلش

هقولك على حاجه تموتك من الضحك

لما نزلت امبارح طبعا كانت اول مره انزل من غير نقاب وكنت هموت ومفيش حد يرانى ولو كنتى شفتى شكلى كنتى هتموتى من الضحك زوجى بيقولى انتى شكلك غريب اوى

كنت مخليه الطارحه مغطيع معظم وجهى لدرجة ان زوجى قال لى انتى شكلك زى الحراميه المتخفين كنت مغطيه حواجبى كلها ومعظم خدودى وذقنى مش قادره اوصفلك شكلى كان شكله ايه

وكل ما زوجى يعلق على شكلى اقوله لو مش عاجبك هرجع للنقاب سكت ومعلقش بس لما عودنا للمنزل قال لى بجد مينفعش كده لان شكلك مكنش طبيعى بطلى هبل ومتعاقبنيش علشان النقاب

وفعلا الاولد قالوا لى ذلك ضحكت وقلت له ربنا يسهل

بس بجد الى خلانى عملت كده لانى كنت بحاول ادارى معظم وجهى لانى كنت حاسه انى زى العريانه بالضبط وكنت ماشيه ومنزله وجهى للارض بجد اليوم كان غريب اوى

بس محتاجه اوضب لبسى لانى مكنتش مستعده خالص للموضوع ده وناقصنى بعض الاشياء هحاول اكملها لان النقاب على الاذدال مكنش محتاج اى توضيب زى ما انتى فاهمه فعلا لبس النقاب مريح فى كل حاجه

يالا الله يرحم النقاب وايامه الحلوه والجميله وحسبى الله ونعم الوكيل فى من كان السبب فى ذلك

يارب ميكنش ما حدث لى بسبب ذنب قمت به دون ان اعلم ربنا يغفر لنا جميعا ويخرجنا من الدنيا دى على خير

شكرا حبيبتى على وقوفك معى فى هذه الازمه ربنا يخليكى ليا يارب ونفرح بيكى كده وانتى حامل بنونو جديد ويعوض تعبك وصبك على خير وتجيبى احلى نونو فى الدنيا

بوسيلى بودى كتيرررررررر بجد وحشنى موووووت

[naglaa22]

كل عام و انتم بألف خير
الحمد لله حمدا كثيرا طيبا مبارك فيه كما ينبغي لجلال وجهه و عظيم سلطانه
الف حمد و شكر لله تعالى ، ان الموضوع انتهى على خير
أسال الله العظيم ان يجعل ما اصابك من هم و حزن في الأيام الماضية في ميزان حسناتك
وان شاء الله القادم اجمل يا غالية
سوف تزول الغمة و تعود الأمور احسن من ذي قبل ان شاء الله تعالى
لا نملك سوى الدعاء ،و الله سبحانه وتعالى هو القادر على ان يغير الحال لأحسن حال
يااارب .... اللهم آمين .

يارب يارب تزول هذه الغمه على خير يارب ونفرح جميعا بنصر يريح بالنا وينتقم لنا ممن كانوا السبب فى ذلك


اختى الحبيبه ربنا يكرمك يارب ويسعدك ويسترها معاكى فى الدنيا والاخره

اشكرك على دعواتك الغاليه ونصائحك التى كلى امل ان يجعلها الله فى موازين حسناتك

ربنا ما يحرمنى منك يارب اشكرك من كل قلبى على وقوفك معى فى هذه الازمه مش لاقيه كلام اقوله ولكنى ادعوا لكى عن ظهر الغيب دائما

احبك فى الله اختى الحبيبه

[آيـة]

الحمد لله أن المشكلة اتحلت ..

ادعي ربنا دايما أنه يسترك دنيا و آخرة و أنت بت صلي ..

معلش معرفتش أرد امبارح لأن الكهربا عمالة تقطع ..

و كل سنة و أنت طيبة ..

[naglaa22]

الحمد لله أن المشكلة اتحلت ..

ادعي ربنا دايما أنه يسترك دنيا و آخرة و أنت بت صلي ..

معلش معرفتش أرد امبارح لأن الكهربا عمالة تقطع ..

و كل سنة و أنت طيبة ..

ولا يهمك حبيبتى كلنا وحياتك قطع النور مبهدلنا وبيطول اوى

الغريبه ان محدش بيعلق من الاخبار ولا حاجه زى ما كانو بيعملوا ايام الدكتور مرسى كلهم مخروسين الان وملهمش حس لانعم مجرد عبيد لاسيادهم حسبى الله ونعم الوكيل فيهم

بس انا خايفه اوى على اخوتنا الى فى رابعه والنهضه حاسه ان فى مجزره هتحصل فى حقهم الناس دى هيه الى هترجعلنا كرمتنا وحريتنا تانى ربنا يسترها معاهم يارب

اشكرك اختى ايه واتمنى لكى السعاده والستر فى الدنيا والاخره حبيبتى وسعيده جدا بمعرفتك يا قمر ربنا يمعنا دائما على حبه ورضاه