هل اطيع اوامر ربى ...... ام اطيع اوامر زوجى ؟؟؟؟؟ انقذونى من حيرتى

[naglaa22]

0096.gif
هل اطيع اوامر ربى ...... ام اطيع اوامر زوجى ؟؟؟؟؟ انقذونى من حيرتى

انا الان منتقبه وزوجى يريد منى ان اغلع النقاب بسبب ما يحدث عندنا فى مصر من اضرار لكل من يظهر عليه مظر من مظاهر الاسلام

مثل اللحيه والنقاب

وهذه الحوادث كثرت عندنا فى مصر وبسبب خوفه علي وعلى الاولاد يأمرنى بخلع النقاب

وانا اسكن فى منطقه مليئه بالكنائس والناس هنا عندهم حاله عاصه من التعصب حتى من المسلمين انفسهم

ونتعرض فعلا للمضايقات منهم والشتايم والتريقه ويقولون خلاص نهايتكم قربت يا بتوع مرسى

المشكله اننى لا اريد ان اخلع النقاب وحدثت مشاكل بيننا بسبب هذا الموضوع

وقال لى الوضع الان فى مصر لا ينفع معه النقاب بسبب التطرف الذى اصبح فيه الناس وان الخطوره ليست عليكى لوحدك ولكن على الاولاد كمان

حافظى على اولادك وعلى نفسك

مش عارفه اخذ قرار خالص وفى نفس الوقت مش عايزه اعند معاه اكثر من ذلك لانه متعصب جدا ومتمسك برأيه

ماذا تفعلون لو كنتم مكانى ؟؟؟

انصحونى بالله عليكم انا كل همى ان اطيع ربى

[أم عبد الرحمن3122010]

حبيبتى يا نجلاء

ربنا يعملك الخير

انا مش لاقية كلام اقولة غير اللى قلتهولك

بس اكيد ربنا هيديكى بنيتك

[العجورية]

اختي الحبيبه
فرج الله همكم ونصركم واعلى شانكم بين الامم
والله ان القلب حزين عما يحدث في مصر الحبيبه على قلوبنا
اعتقد انه مش حرام تشيلي النقاب وخاصه نحن في وقت فتنه
انا اليوم سمعت اخت على المنصه قالت انها خلعت النقاب حتى تتمكن الحضور من المنصوره الى الميدان
انت كارهه لهذا االعمل وكشف الوجه والكفين ليس حرام ولكن عند الفتن ممكن ان نتقيها
ممكن يحصلك مشاكل ولاولادك ايضا انت في غنى عنها وتصبحي مخطئه من وجهة نظر زوجك
ويحملك مسؤلية النتائج السيئه التي ستحدث لا سمح الله
يارب يريح بال كل المسلمين والله انا تعبنا كثير

[*سهام الليل*]

الله يهديك للقرار الصائب .نجلاء..لو كنت مكانك كنت وقعت في نفس الحيرة

[ام اروى 86]

الاخت الغالية نجلاء

آلمنى جدا حديثك وما آل اله حال مصر الحبيبة

مصر بلد الازهر الشريف

اسال الله الجبار المنتقم ان ينتقم ممن كان السبب وان يفرج الكرب اللهم امين

والله يا غالية انا شايفة ان الحرب مش بس على المنتقبات لا على كل المحجبات عامة

ربنا يحفظ نساء المسلمين فى كل مكان يارب العالمين

اللهم مكن لدينك ولعبادك المؤمنين يارب

بصى يا غالية بغض النظر عن حكم الشرع فى لبس النقاب فرض او فضيلة

الا ان شعور المنتقبة عندما تخلع نقابها سترها وحياءها وتمشى بوجهها امام الناس شعور صعب جدا

اسال الله الايكتبه على اى مسلمة

احس بهذا الشعور عندما يرانى احد اقاربى عن طريق الخطأ فى منزل العائلة مثلا

انا هقولك هعمل ايه لو كنت مكانك مع انى شايفة انه حل صعب

انى اقعد فى بيتى ما اخرج منه ابدا الا للضرورة القصوى حتى ياتى الفرج من عندالله

عفتى وطهارتى....سترى وحيائي...حجابى ونقابى ..اغلى عندى من كل شئ

نسال الله الثبات على الحق

حبيبتى قلبى معك ومع كل اخواتى المنتقبات والمحجبات فى مصر

اعلم انها حرب شرسة على الاسلام ولكن قد يكون ابتلاء من عند الله ليمتحن المؤمنين

من سيصبر على ايمانه وعقيدته ومن سيسارع بالانسلاخ منها

هذا هو زمن الغربة فى الدين الذى حدثنا عنه حبيبنا محمد صلى الله عليه وسلم

فطوبى للغرباء .....طوبى للغرباء

[ام اروى 86]

خالتو العجورية اسمحيلى اقول حاجة بسيطة

مع احترامى الشديد لرايك

لكن لو كل منتقبة خلعت نقابها علشان الاحداث فى مصر هنكون بكده حققنا للعلمانيين هدفهم !

هم اكبر امانيهم ان يختفى النقاب واللحية من الشارع المصرى ويكون سمت البلد السمت العلمانى

فهل نحقق لهم امانيهم؟؟

وفى نقطة كمان :قل لن يصيبنا الا ما كتب الله لنا

واعلم ان الامة لو اجتمعت على ان ينفعوك بشئ لم ينفعوك الا بشئ قد كتبه الله لك
وان اجتمعوا على ان يضروك بشئ لم يضروك الا بشئ قد كتبه الله عليك رفعت الاقلام وجفت الصحف

وقدرالمؤمن محدد بوقت معين اذا جاء وقته اصابه سواء كان فى الميدان او فى بيته

سواء كانت الاخت بحجابها او تخلت عنه ما كتبه الله لها او عليها سيحدث

فلنصبر قليلا حتى يرى الله صدق ايماننا وعقيدتنا

ولنتامل معا هذا الحديث:
ثني محمد بن المثنى حدثنا يحيى عن إسماعيل حدثنا قيس عن خباب بن الأرت قال شكونا إلى رسول الله صلى الله عليه وسلم وهو متوسد بردة له في ظل الكعبة قلنا له ألا تستنصر لنا ألا تدعو الله لنا قال كان الرجل فيمن قبلكم يحفر له في الأرض فيجعل فيه فيجاء بالمنشار فيوضع على رأسه فيشق باثنتين وما يصده ذلك عن دينه ويمشط بأمشاط الحديد ما دون لحمه من عظم أو عصب وما يصده ذلك عن دينه والله ليتمن هذا الأمر حتى يسير الراكب من صنعاء إلى حضرموت لا يخاف إلا الله أو الذئب على غنمه ولكنكم تستعجلون

[** الشيماء **]

الصراحه قرار صعب ومش سهل

طيب معندكش بديل تاني


وقصة انك ماتطلعيش من البيت مستحيله


طيب انت بتقولي انه

اسكن فى منطقه مليئه بالكنائس

طيب دي تجيب لفكره انك تلبسي حجابك عادي بدل الخمار تجيبي

كمامات تحطي علي فمك وكده غطيتي النص وفاضل العينين البسي نظارات

كبيره يعني

وعشان مثلا الناس وكلامهم تقدري وانتو طلعين تلبسي اولادك معاكي كمامات


عشان الناس تفكر انه عشان الكنائس وكده

يمكن تكون حل مؤقت للوضع

[** الشيماء **]

غاليتي ام اروى

اذكر زمان سمعت وحده من تونس وانت عارفه

انه زمان في تونس يمنع منعا باتا لبس الخمار والحجاب

عليه مشاكل بس بتعدي لكن النقاب لا


المهم وحده سألت الشيخ ياشيخ انا نفسي انتقب

واقتدي بامهات المؤمنين بس الوضع عندنا بيحاربنا

ومش عارفه اعمل ايه

فالشيخ حكى له انه ليس عليها ان تلبس طالما ان لبست النقاب

يوجد ضرر لها فيه فالدين دين يسر وليس عسر فقال لها

التزمي فقط بحجابك

واذا في لبس النقاب ضرر واذيه بسبب مايحدث من احداث عندهم

هل تستمر بلبسه ؟؟؟ام حتقولي تحبس نفسها في البيت صعبه

والله يسر الي فيه الخير ويصلح حال مصر يارب

وان شاء الله فتره وتعدي

^_^

[ام اروى 86]

اختى الغالية الشيماء

الوضع فى مصر الان صراع بين العلمانيين وبين المسلمين الموحدين

فهل سنتركهم ينتصرون علينا؟

وانتى تفتكرى لو فرضا كل المنتقبات خلعوا النقاب سيرتاح العلمانيين ويهدأ بالهم ؟

لا والله سيواصلوا حربهم الشعواء حتى يختفى الحجاب تماما

فلو تخلينا عن نقابنا الذى هو اول خطوة فى هذه الحرب سنعطيهم الضوء الاخضر ليكملوا مخططهم فى الحرب على الاسلام

وكما ذكرت لن يصيبنا الا ماكتب الله لنا سواء كنا بنقابنا او بخمارنا او حتى بشعرنا!

المسالة مساله يقين وايمان بان الله معنا مع الحق فلنثبت ونكون اهلا للاختبار حتى ينصرنا القدير

[رودينا7]

حبيبتي نجلا اسأل الله ان يفرج همكم وينصركم علي ما انتم فيه
فوالله حال مصر يحزننا جميعا اسأل الله لك ولجميع الشعب المصري الأمن والأمان
موقفك صعب جدا ولقد مررت به كثيرا........... بالنسبة لي عندما كنت اضع في مثل هذا الموقف
فأختار ما ضرره اقل لي ولعائلتي وبما ان النقاب ليس فرض ولا اريد الخوض في هذا النقاش الطويل
والكل يعلم به فكنت عند الضرورة اخرج مع زوجي دون النقاب وكنت البس الخمار وبقدر الامكان
كنت اغطي من وجهي بالخمار مع ان الألم كان يعتصر قلبي فالموقف صعب لكن المضرة اقل
لي ولزوجي وابنائي وفي احيانا كثيرة لعائلتي ولكن اقارنها واقول في نفسي
اترك النقاب لفترة وجيزه واغطي من وجهي معظمه ولا ان نتعرض ليس للشتم والسب كلا
بل كانت تصل بهم الاعتقالات في صفوف النساء فوالله حدثت كثيرا وتعلمين ما معني اعتقال المرأة المسلمه
كان زوجي يقول نحن رجال اعتقلنا وتعودنا وخرجنا ونعتقل مجددا فلا عيب في ذلك ان كان في سبيل الله
لكن للنساء فأنها هتك للأعراض عافانا الله واياكم وجميع المسلمات
واقول ان تخرجي للضروره وان خرجت غطي ما استطعت من وجهك ولبسك شرعي ولله الحمد
واسأل الله ان يفرج عنكم وييسر امركم ويرزقكم الخير في بلدكم

[وعود الخير]

غاليتي

ربنا معكم يثبتكم وينصركم
وربنا ع الظالم المفتري

يا قلبي
والله صعب علي كتير وانا أقرأ كلامك
ومن قبله كلام الأخت أم رودي

شوفي يا قمر

ديننا والحمد لله دين سمح
ولست هنا لأفتي والعياذ بالله
لكن لنا من قصة عمار بن ياسر مع رسول الله صلى الله عليه وسلم عبرة وعظة

إن عادوا فعد

ربنا معك ينور قلبك ودربك
وحسبنا الله ونعم الوكيل

[أم عبد الرحمن3122010]

حبيبتى قرأت كل ردودكم بتمعن وتركيز

ومقتنعة بكل كلامكم لكن فى نقطة احب اوضحها لاختى الغالية ام اروى

نجلاء تحب النقاب جدا وانا اكتر انسانة احس بها
لكن ظروف نجلاء لو استمرت فى النقاب هتعانى من شيئين
اولا انها خارجة من عملية جراحية ولابد من زيارة الطبيب فى اقرب وقت وزوجها رافض خروجها من باب الشقة وهى بالنقاب وهى مريضة وهناك مشكلة بعد الجراحة تعانى منها والله عز وجل الشافى وكلنا نعلم ذلك لكن ولا ترمو بايديكم ف التهلكة يعنى تفضل فى المنزل وتنتظر الشفاء دون اخد بالاسباب ؟؟
النقطة الثانية اللى انا اعرفها عن رجال مصر ان لو فى حالة زى نجلاء وانها استمرت فى النقاب الزوج ابسط شئ يقولها انا مش راضى عنك شرعا
والاهم من هذا لو حصل قضاء وقدر اى ضرر بعد الشر لاولادها هيتوجهلها اللوم ويقولها انتى ونقابك السبب

انا عوزة اقولك انا عانيت فى موضوع الاخت نجلاء جداااااااااااا ونفسى انها تستمر بية
لكن فى المنطقة عندهم منتقبات كثير اتشتمو واتسبو واتهانو وبيضربو وبيموتو ونجلاء عندها ولد وبنت محتاجين ام تربيهم فهى ليهم المسئولة الاساسية عنهم

فعلشان كدة موقفها محرج وصعب جداااااااااا

[ام اروى 86]

اختى الغالية الشيماء

انا موافقة على فتوى الشيخ للمراة التونسية لان النقاب كان نادر جدا فى تونس

فصعب انها تبدا لوحدها وتعرض نفسها للمخاطر

ولكن فى مصر الوضع مختلف المنتقبات بالملايين والحمدلله

والنقطة الى باكد عليها تانى ان الحرب فى مصر مش بس على النقاب

اخواتنا الى استشهدوا فى المنصورة هل كانوا منتقبات ؟ لا

وكان فى مسيرة فى محافظتى.. البلطجية حبسوا النساء فى مكان وقالوا لهم مش هنخرجكم الا لما تخلعوا الحجاب!

مقالوش لما تخلعوا النقاب!

الحرب على الحجاب.. اى حجاب اسلامى .. هم يعلمون جيدا ان معظم الاخوان المسلمين نساؤهم يرتدون الخمار وليس النقاب

يعنى اقصد اقول ان لو المنتقبة خلعت نقابها ونزلت بحجابها المحتشم لن تكون بذلك فى مأمن من البلطجية او الشرطة او الجيش

هم لن يرضوا الا بالعرى والمجون وبمصر علمانية

حسبنا الله ونعم الوكيل

حسبنا الله ونعم الوكيل

[ام اروى 86]

حبيبتى قرأت كل ردودكم بتمعن وتركيز

ومقتنعة بكل كلامكم لكن فى نقطة احب اوضحها لاختى الغالية ام اروى

نجلاء تحب النقاب جدا وانا اكتر انسانة احس بها
لكن ظروف نجلاء لو استمرت فى النقاب هتعانى من شيئين
اولا انها خارجة من عملية جراحية ولابد من زيارة الطبيب فى اقرب وقت وزوجها رافض خروجها من باب الشقة وهى بالنقاب وهى مريضة وهناك مشكلة بعد الجراحة تعانى منها والله عز وجل الشافى وكلنا نعلم ذلك لكن ولا ترمو بايديكم ف التهلكة يعنى تفضل فى المنزل وتنتظر الشفاء دون اخد بالاسباب ؟؟
النقطة الثانية اللى انا اعرفها عن رجال مصر ان لو فى حالة زى نجلاء وانها استمرت فى النقاب الزوج ابسط شئ يقولها انا مش راضى عنك شرعا
والاهم من هذا لو حصل قضاء وقدر اى ضرر بعد الشر لاولادها هيتوجهلها اللوم ويقولها انتى ونقابك السبب

انا عوزة اقولك انا عانيت فى موضوع الاخت نجلاء جداااااااااااا ونفسى انها تستمر بية
لكن فى المنطقة عندهم منتقبات كثير اتشتمو واتسبو واتهانو وبيضربو وبيموتو ونجلاء عندها ولد وبنت محتاجين ام تربيهم فهى ليهم المسئولة الاساسية عنهم

فعلشان كدة موقفها محرج وصعب جداااااااااا

ربنا يشفيها ويعافيها يارب هى وكل المسلمين والمسلمات ويلبسها ثوب الصحة والعافية اللهم امين

كنزى يا حبيبتى انا هرد عليك فى كل جزئية على حدة :
اولا :انا مقدرة موقف اخواتنا فى مصر تماما وما تفكريش علشان انا بعيدة عن الوضع يبقى مش حاسة بيه لا والله ربنا اعلم بحالنا

ولما كنت فى مصر ذقنا الويلات على ايدى امن الدولة وكان بيتنا مرتعا لزوار الفجر.. الحمدلله .. ومنعنا من السفر خارج البلاد لم نسافر الا بعد الثورة..

وانا والدتى واخواتى منتقبات وابى وازواج اخواتى ملتحيين وبعض اقاربى فى رابعة وربنا اعلم بمدى خوفى وقلقى عليهم يعنى ايدى مش فى الميه البارده زى ما بيقولوا

ثانيا:باكد تانى ان الخوف مش بس على المنتقبات الحرب دلوقتى على كل ما هو اسلامى يعنى بالعربى كده لو رضيوا بالحجاب يبقى حجاب الموضة الى على جينز وبادى !!

يعنى اقصد ان لو الاخت خرجت بنقابها نفس القلق والخوف عليها زى ما لو خرجت بحجابها المحتشم !

والله انا قلبى يعتصر الما وانا بكتبلك دلوقتى .. محدش كان يتخيل ان ده يكون مصير مصر.. ربنا يفرج الكرب يارب..ان شاء الله غمة وتنزاح

ثالثا:بالنسبة لكلامك عن موقف الرجل فى مصر لو زوجته بقيت بالنقاب سيقول لها : انا لست راضى عنك شرعا

بصى يا غالية لو زوجك جه فى مرة وقالك لو صليتى السنن او الضحى او مثلا قيام الليل انا مش راضى عنك شرعا ماذا سيكون ردك؟

انا لو مكانك اقوله :ما ترضاش .. انا بعمل طاعة بعمل عبادة مش بعمل معصية

طبعا انا قلت صلاة السنن مش الصيام لان معروف ان المراة لا تصوم النوافل الا برضى زوجها

وانا هنا شبهت لبس النقاب بالسنن على اقل الاحتمالات لان اراء العلماء فيه لا تخرج عن كونه فرض او سنة مفيش عالم مثلا قالك انه مكروه!

اما نقطة انه لو اصابها او اسرتها اى ضرر سيقول لها انتى ونقابك السبب .. هقوله لا ده قضاء وقدر انا لو كنت بشعرى حتى سيحدث لى ما كتبه الله علي

المسالة مسالة يقين وايمان وتوكل على الله

امال نقول ايه للحرائر الاتى خرجن بالملايين فى كل انحاء مصر بحجابهم ونقابهم ثأرا للشرعية وثأرا لاخواتهم الاتى استشدوا على ايدى القتلة الظلمة؟

اليس لديهم اولاد وبنات مسؤليين منهم ؟

والله يا كنزى لو ما وقفنا فى وجه الباطل اليوم لن تقوم لنا قومة بعد ذلك

انا مؤمنة جدا بقول احدهم :ان اموت واقفا خير من ان اعيش راكعا ذليلا مهانا

وفى النهاية هذا هو رايى والاختلاف فى الراى لايفسد للود قضية

ويسر اللهم للاخت نجلاء امر رشد وشفاها وعافاها وحفظها واسرتها من كل سوء

[أم عبد الرحمن3122010]

حبيبتى ام اروى انا سعيدة جدا بكلامك ودفاعك عن النقاب

لكن حبيبتى الزوج لو قال لزوجتة مش راضى عنك وينفعش انها تقولة مترضاش لان الملائكة هتظل تلعنها وعليها واجب الطاعة لزوجها فيما لا يعصى الله
يعنى انا هعكس كلامك
زوج نجلاء قالها البسى عباية واسدال بحجاب طويل ولا تكشفى نفسك بشئ غير ساتر والنقاب فضيلة واة انها تتقرب الى الله بة لكن هو ليس فرض كالصلاة والصياام مثلا
لكن الفرض انها تطيع زوجها

النقطة التانية .. ان زوج نجلاء لما يطلب منها مثلا ترك الزى الشرعى وارتداء حاجة مش شرعية وقتها تعترض ولو قال مش هكون راضى عنك تقولة عادى وان لا طاعة لمخلوق فى معصية الله لكن النقاب مختلف الاراء حولة

النقطة التالتة وارجو منكى تقبلها منى لانى اعيش فيها فى القاهرة وفى مصر واعلمها اكتر منك لانى بعيش واقعها ان هنا كل المضطهدين فعلا منتقبات وملتحين لانهم بياخدو النقاب واللحية انك تبع محمد مرسى والاخوان على الرغم ان محدش من الاخوان منتقبة

وبعدين حبيبتى انا مثل ما نجلاء قالتلى ان السيدتان اللى تم قتلهما كانو منتقبات

والنقطة الاخيرة حول ان الموضوع موضوع ايمان ويقين بالله طبعا اكيد
لكن فى فرق بين التوكل على الله والتواكل
يعنى لازم ناخد بالاسباب طالما مش بنمنع الفرض

دة قصدى فهمانى