هل اطيع اوامر ربى ...... ام اطيع اوامر زوجى ؟؟؟؟؟ انقذونى من حيرتى

[ام اروى 86]

كيفك ام اروى وحشانا كتير
حبيبتى انا الان عرفت نقطة الخلاف
انا نسيت انكم لستم من القاهرة
ففى القاهرة الوضع ملتهب اكبر ما تتخيلو خاصة فى المناطف المحيطة بنا من رابعة والاتحادية والتحرير وشبرا
ففيها مجازر وقتل يوميا واهانات للمنتقبات والملتحين ونحن حقا نعيش هذا
واقول لك ابشرى امس فعلا تاكدت انهم الان اصبحو يجمعون الملتحين وازواج المنتقبات الى اماكن لا نعلمها كما حدث من قبل

فالله يستر على ازواجنا واخواننا الملتحون

كنزى يا حبيبتى ان شاء الله ليس بيننا خلاف

انا امى واخوتى ليسوا فى القاهرة ولكن زوجة خالى وابناءها فى شبرا وزوجات اولادها منتقبات

احدى قريباتى منتقبة ساكنة فى عمارات النصر امام وزارة الدفاع!

زوج اختى عمله فى القاهرة واهله فى القاهرة ويسافر من محافظتنا الى القاهرة بشكل دائم

غير كده الوضع فى المحافظات ايضا ملتهب انظرى الى بورسعيد والى دمنهور والى المنصورة يعنى فى اى مكان ممكن فى لحظة الوضع يشتد ويتأزم!

وكل الى فى القاهرة مهم اخواتى وامهاتى اكيد خايفة عليهم ولكن اين الثبات على الحق .. اين نصرتنا لدين الله

والله يا غالية لو امتلأ القلب يقينا بان لن يصيبنا الا ما كتب الله لنا فعلا

يعنى اكون متاكدة 100% ان ما سيحدث لى او لاولادى او لزوجى بسبب نقابى سيحدث لهم ايضا لو خلعت نقابى

يعنى ال120 شهيد .نحسبهم كذلك ولا نزكى على الله احدا..لو ما كانش فى ثورة ولا اعتصامات ولا اى شئ

مش كانوا هيموتوا برضه فى نفس الوقت ده ؟ايوه كانوا هيموتوا لان لكل اجل كتاب ولكن ربنا اراد لهم تلك النهاية المشرفة

ربنا يصبر ذويهم يارب

[ام اروى 86]

كيفك ام اروى وحشانا كتير
حبيبتى انا الان عرفت نقطة الخلاف
انا نسيت انكم لستم من القاهرة
ففى القاهرة الوضع ملتهب اكبر ما تتخيلو خاصة فى المناطف المحيطة بنا من رابعة والاتحادية والتحرير وشبرا
ففيها مجازر وقتل يوميا واهانات للمنتقبات والملتحين ونحن حقا نعيش هذا
واقول لك ابشرى امس فعلا تاكدت انهم الان اصبحو يجمعون الملتحين وازواج المنتقبات الى اماكن لا نعلمها كما حدث من قبل

فالله يستر على ازواجنا واخواننا الملتحون

الله يسلمك يا غالية وانتى والله وحشانى

يا حبيبتى ان شاء الله ليس بيننا خلاف

انا امى واخوتى ليسوا فى القاهرة ولكن زوجة خالى وابناءها فى شبرا وزوجات اولادها منتقبات

احدى قريباتى منتقبة ساكنة فى عمارات النصر امام وزارة الدفاع!

زوج اختى عمله فى القاهرة واهله فى القاهرة ويسافر من محافظتنا الى القاهرة بشكل دائم

غير كده الوضع فى المحافظات ايضا ملتهب انظرى الى بورسعيد والى دمنهور والى المنصورة يعنى فى اى مكان ممكن فى لحظة الوضع يشتد ويتأزم!

وكل الى فى القاهرة مهم اخواتى وامهاتى اكيد خايفة عليهم ولكن اين الثبات على الحق .. اين نصرتنا لدين الله

والله يا غالية لو امتلأ القلب يقينا بان لن يصيبنا الا ما كتب الله لنا فعلا

يعنى اكون متاكدة 100% ان ما سيحدث لى او لاولادى او لزوجى بسبب نقابى سيحدث لهم ايضا لو خلعت نقابى

يعنى ال120 شهيد .نحسبهم كذلك ولا نزكى على الله احدا..لو ما كانش فى ثورة ولا اعتصامات ولا اى شئ

مش كانوا هيموتوا برضه فى نفس الوقت ده ؟ايوه كانوا هيموتوا لان لكل اجل كتاب ولكن ربنا اراد لهم تلك النهاية المشرفة

ربنا يصبر ذويهم يارب

[أم عبد الرحمن3122010]

ام اروى حبيبتى اكيد احنا اصحاب واخوات ولا جدال على هذا
لكن رأى ان النزول لرابعة يكون للرجال وليس السيدات
وموضوع النقاب انا غير قادرة عالاقتناع بوجهة نظرك واحترمها جدا
لكن لانى اعيش الحال فى القاهرة وقريبة من الاحداث احس كلامك حماسى وبعيد شوى عن الواقع
لان الرجل لن يسامح زوجتة لو اعتقل وفقد شرفة

وانا ونجلاء من اكتر النساء المكافحين حتى نلبس النقاب ووفقنا الله بعد معاناة لهذا
لكن نجلاء وضعها صعب كتير
وحال مصر والقاهرة وشبرا اصعب واصعب

هذا واقع لا يحسة الا من يعيش فى قلب الاحداث

وانا حبيبتى حتى لو وضعت نفسى مكان نجلاء ساجد نفسى فى حيرتها واتخذ قرارى بخلع نقابى
لانى لن اسامح نفسى لو تعرض ابنى للازى او زوجى بسببى
اهون على الموت حبيبتى

كيف ساستطيع النظر فى عين زوجى وهو مكسور بسببى
كبف استطيع ان امنح الامان لابنى وانا كنت سبب هتك عرضة فى السجون وتعذيبة

لا حبيبتى
الدين يسر وليس عسر
والضرورات تبيح المعذورات حبيبتى
واكيد كل الفتاوى وخاصة من السعودين الاكثر التزاما وصرامة فى موضوع النقاب اجازو ترك النقاب فى هذا الوضع خوفا من ان يلحق بنا ضرر
لكن مثلا لو منعونا عن الصلاة وقتها نصمد ولا يهم حتى لو اشعلو الارض الذى نصلى عليها
فسنصلى وسط النار ولا نترك الصلاة

لكن اولادنا وازواجنا لالالا

لن نتحمل اذاهم بسببنا

[naglaa22]

السلام عليكم ورحمة الله ..

بصي أنا رأيي ما تخلعيش النقاب .. أنا هقولك رأي وممكن تلاقي كلامي ملخبط أو فيه قسوة بس سامحيني ..

الراى الاخر هو ما احتاجه الان لان الموضوع بقه اكبر مما كنت اتوقع

حاجة كمان أنا متذكرة موضوع لحضرتك عن مشكلة بينك و بين زوجك بسبب أحلام .. معلش في ردي يعني .. قولي له فرضا قلعت النقاب لا سمح الله و جه واحد قليل الذوق

و ما أكترهم و فضل متنح في ملامحي وفي وشي .. احنا كده دخلنا في مشكلة تانية خاصة أنه واضح أنه غيور ..

حاجة كمان .. احنا لبسنا النقاب فيوم كان حلو و مكانش فيه مشاكل أو كانت بسيطة بس دلوقت دا ابتلاء من ربنا لنا هل هنثبت على ما نعتقده ولا لأ ..

أنا مريت بأزمة النقاب في الجامعات و يمكن تكوني سمعت عنها و الحمد لله و عدت .. ما تتخليش عن معتقداتك بسهولة و أن كان عالكلام ياما بنسمع كتير

و خلينا نصبر نفسنا احنا مش أحسن من الرسول اللي اتقال في حقه كل حاجة سيئة .. و على رأي واحد بيقول يعني هما شتموا ربنا سبحانه و شتموا الرسول

صلى الله عليه وسلم احنا اللي عاديين مش هنتشتم ..

بصي أنا عارفة مأساة الكلام و بيجرح و أنا عايشة في منطقة شعبية في بلد موردة للبلطجية في مصر .. بس بنحاول نتجنب الخروج خاصة بالليل .. مشاويرنا تتقضى بالنهار

نبقى مع بعض محدش يمشي لوحده .. أصلها فترة لازم نصبر عليها ..

دار الإفتاء و للأسف ما افتكرش لها موقف نصرة للإسلام .. فقولي لزوجك يوفر المشوار دا ..

اتكلمي مع زوجك من منطق أنت الأقوى و أنت اللي على حق .. أصل حتى ايام أزمة النقاب في الجامعة برضو والدي اختار الحل الأسهل اكشف وشي .. بس كان دا بعينهم

و قولي له موضوع النقاب مالوش علاقة بخراب بيت ..

حاجة كمان عشان ما يفكرش أن المشكلة هتتحل لما تقلعيه .. لما تلبسي إسدال أو خمار هتزيد المشكلة و لو لاحظتي أن النساء اللي اتقتلوا مثلا في المنصورة كانوا مختمرات ..

نفس الأزمة هتفضلي فيها ..

القضية قضية أنهم مش عايزين ملامح لدين الإسلام أصلا و لازم تفهميه كده .. ولازم تفهميه أن لازم ينصرك على الحق اللي أنت عليه احنا مش أحسن من الرسول ولا الصحابة ..

لازم يكون هو اللي سند لك في الأزمات و حضرتك سند له في الأزمات دي ..

و الله أنا متابعة المنتدى دا من يوم ما كنت في أولى إعدادي سنة 2003 تقريبا و سجلت بالمخصوص و الله عشان موضوعك دا..

أنا بقولك الكلام و أنا عارفة قد إيه المعاناة اللي بنعانيها و بصبر نفسي قبل ما أصبرك .. بس ما حيلتنا غير ندعي ربنا ينصر الإسلام و يعز المسلمين في هذا الشهر يارب ..

و ربنا يثبتنا دايما على الحق و سامحيني على كلامي و على الإطالة ..

اكيد النقاب رحمنى من مشاكل كتير بسبب غيرته الشديده

وصدقينى انا كمان كنت خايفه جدااااااااااا بردو بسبب الموضوع الخاص بالاحلام وكويس انك متذكراه وانا مكنتش عايزه افتح الموضوع ده تانى لانها كانت من اصعب المشاكل التى واجهتها فى حياتى
وكل يوم اتمنى ان انسى هذا الموضوع لانه مازال يؤلمنى جداااااااااا

بس يا ايه ان مش قادره اوصفلك الموضوع بقى كبير قد ايه اكبر مما تتخيلى

ولو انا كنت معتقده ان المشكله التى حصلت منذ سنتان اكبر مشكله فى حياتى بس الان صدقينى مشكلة النقاب انا كنت بتعامل معاها بأستهتار وكنت متخيله انه مجرد تهديد من زوجى ويعدى

وكنت بقول ايه الى ممكن يحصل هيزعل شويه وخلاص بس خلاص المشكله بقى ليها ابعاد تانيه ومبقاش فيها اى مناقشه مش عارفه اقولك ايه فى حاجات كتير صعب الواحد يتحدث عنها

بس الان نحن خرجنا من مرحلت المناقشه اغلق هذا الباب تماما واصبح العناد الان هو المسيطر على الموقف منى ومنه

قلت كلام ما كان يجب ان اقوله وندمانه عليه بس صدقينى انا مش عارفه اخذ قرار خالص والموضوع مش سهل زى ما انتى متخيلاه صدقينى

انا مش عارفه انتى متزوجه ام لا بس صدقينى الموضوع مع الازواج مختلف تماما مع الاباء صدقينى

تصدقى بالله انا حاربت كل عائلتى علشان خاطر الحجاب العادى مش النقاب احنا من عائله غنيه وذات مستوى ثقافى عالى او بمعنى اخر ذات مناصب عاليه فى البلد
وكان عندهم الى تلبس الحجاب او الايشارب الخادمات فقط ولما طلبت ان ارتدى الحجاب العائله كلها حاربتنى ده الحجاب مش النقاب وفعلا لبست الحجاب رغم انف الجميع
وكانوا بيقولا انى هفضحم بحجابى هذا لانى بشبه الخدامين
رحمة الله على من مات وغفر الله لمن مازال عايش منهم

تخيلى بقى كل ده بسبب الحجاب العادى الايشارب تخيلى بقه ماذا حدث عندما ارتديت النقاب هسيبك لخيالك لانى هذا ليس موضوعنا ولكن يجب ان تعلمى انى الان خسرت كل عائلتى بسبب النقاب

ولكن ولله الحمد ربنا جعلنى سبب فى هداية بعض بنات هذه العائله والحمد لله ايضا اختى وامى التى حاربتنى بسبب النقاب هما الان مرتدين النقاب وزوجة اخى ايضا اقنعتها بأرتداء النقاب حتى بنات خالتى هما ايضا اصبحوا منتقبات

النقاب اختى ايه بالنسبة لى لم يكن زى ارتديه لا والله واشهد الله على ذلك ولكنه كان رساله ابعثها للجميع عن الاسلام قبل ارندائى للنقاب سعيت ان اقون قدوه حسنه به سعيت ان يكون نقابى يعطى سمعه حسنه لكل المنتقبات لانه كما تعلمين ما يقال عنه الان

النقاب بالنسبة لى حياه او موت ضحيت بالكثير والكثير من اجله يكفى ان اقول لكى وهذه اول مره اقولها لاحد انى حرمت من ميراث ابى بسبب نقابى وظلمت ايضا

لن يكفى عشرات الصفح لاقول لكى اختى ماذا فعلت من اجل نقابى

صدقينى لو تعلمى ما اشعر به الان كنتى قدرتى تحسى بالمرار الذى اشعر به لو تعرفى انى كنت على استعداد تام ان يخرب بيتى بسبب النقاب وكنت على استعداد ايضا عن الانفصال عن زوجى بسبب النقاب رغم ان عمر ابنى 16 عشر عام وابنتى 11 عاما رغم كل هذا وجدت نفسى سأضحى بكل شيء من اجل نقابى

ولكنى قمت بأنزالى الموضوع هنا لشدة ثقتى فيكم وفى ارائكم الصادقه والنابعه من القلب

انا فى عذاب لا يعلمه الا الله صدقينى انا قلبى بيتألم ومش مصدقه بعد كل هذه التحديات التى واقفت امامها دون تنازل منى من اجل نقابى لاقتناعى به الشديد تخليت عن اشياء اكثر مما تتخيلين صدقينى

ولكنى الان اما امرين

بيتى واولادى وزوجى ونقابى ايهما اعز على قلبى ايهما سأفضله على الاخر من منهما يجب ان اتمسك به مهما كانت العواقب

هذا هو العذاب الذى اعيشه الان

الان على ان اختار بين هذا وذاك

هتعملى ايه لو زوجك خيرك بين حياتك معاه وبين النقاب ولو اخترت النقاب وخربت بيتى هلى سيفرح بى ربى وقتها ام ايضا سأكون اخطأت وسيغضب الله على

بالله عليكى قولى لى ماذا ستفعلين وقتها ؟؟؟؟؟؟؟؟؟

خراب بيتك اما نقابك ماذا ستختارين ؟؟؟؟؟؟؟؟؟؟؟؟؟

مش عايزه حد يقول ان الاختيار سهل صدقونى صعب لان حاربت من اجل نقابى وتعبت كثيراااااا علشان احافظ عليه اكثر ما تعبت فى تربية اولادى وبناء اسرتى

ماذا ستفعلين لو كنتى مكانى وقتها وايهما ستختارين بيتك ام نقابك ؟؟؟؟؟؟؟

صدقينى اكتب هذا الكلام الان ودموعى لا تفارقنى واتألم فوق ما تتخيلى صدقينى انا اتمنى الموت الان ولا افارق نقابى اقسم بالله اتمنى الموت الان دون ان افارق نقابى لانه كل حياتى

[naglaa22]

وعليكم السلام ورحمة الله وبركاته
اهلا بك اختي الغالية نجلاء
موضوعك مهم جدا بس بي عتب عليك يا غالية
ليه عملتي الموضوع تفضيل بين اطاعتك لربك او لزوجك؟؟
اسأل الله ان لا يجعلنا ايتها الحبيبة ممن يكفر العشير
اولا ..
اهنيء زوجك بأختيارة لك زوجة تقية وام نقية احسبك كذلك والله حسيبك اخيتي
زوجك كذلك غاليتي انسان اكثر من رائع فأين هو الرجل اليوم الذي يظفر بذات الدين الا من رحم ربي والله المستعان
ثانيا ..
انت وزوجك مشكلتكم واحدة وتبحثون عن حل يحفظكم ويسير بمركب اسرتكم الى بر الامان بهدوء وسلام
هو يا حبيبة عرض عليك ما رآه يحفظك واولادك من الاذى في غضون هذه الاوضاع الصعبة التي تمر بها بلدكم
مؤكد لا يريدك عصيان اوامر الله تعالى والا لما اختارك متدينة من الاساس ولما سمح لك بلبس النقاب طوال عيشك معه
انظري الية نظرة الخائف المحب لك ولاولاده وليست نظرة الآمر لك بالتخلي عما امرك الله به
هكذا اراه .. والله حسيبه
غاليتي قضيتكم واحدة انتِ وهو .. اولادكم ، امنكم ، ومؤكد دينكم
نجلاء .. لكل وقت آذان ولكل فعل ردة فعل توازيه
لا تتسرعي بأصدار حكم على من احبك واهتم بأمرك فقط لانه خالفك في بعض شأنك
ولا تجعلي الشيطان ان يلهيك في هذا الشهر الفضيل بأمور يصورها لك كيفما شاء هو
لا تحكمي العاطفة دوما
ألف الله بينكما وجمعكما على الخير ووفقكما في جميع امركم وحفظ اسرتكم من جميع الفتن
هذه همستي اليك
وادعوا لك بالخير والصلاح والتوفيق كلما ذكرتك
سلمك ربي وحفظك

مش عارفه اقول ايه ضاعت منى كل الكلمات جعلتينى اقف عاجزه عن اى رد كل ما استطيع فعله الان هو بكائى الشديد واحاول ان اتمالك نفسى لاخرج لكى ما بداخلى

انا بالفعل ندمانه جدا لان قلت لزوجى كلام ما كان يجب ان اقوله اتهمته ان ايمانه ضعيف وانه سقط من ناظرى وقلت له انى صدمت فيه لانه امرنى بهذا

فى كلام مكنتش عايزه اقوله لكنك زى ما تكونى عارفه انا عملت ايه وقلت ايه بالفعل الموضوع انا كنت واخداه بعصبيه جدا وكنت انظر لزوجى نظرت الخائف ويؤسفنى ان اقول ذلك

لم انظر لوجهة نظره او لخوفه علينا كنت عاميه على ان ارى ذلك مش عارفه ماذا حدث لى اول مره اتخلى عن عقلى تماما الذى دائما يكون اول ما استعين به فى مشاكلى

حاسه انى عنيده جدا لدرجة ان بيتى هيتخرب

عايزه حد يرجنى ويوقفنى عند حدى ويقولى فوقى بيتك هيتخرب

والله يا اختى انتى عملتى كده فى رسالتك هذه

ندمانه على كلام كتير قلته واول مره اقوله فى حياتى لزوجى

حاسه انى مغيبه تماما ولا اعطيه اى عذر لطلبه هذا

عايزه اعمل واقفه مع نفسى وابعد واستجمع كلامتى وعقلى الوضع كله بالنسبة لى مأثر فه وخصوصا مع الاحداث الاخيره حاسه انى بخرج غضبى على زوجى دون ان يشعر رغم علمى انه الاخر متألم

مش عارفه اقول ايه الامور كلها ابتدت نتضيع من بين يدى مش عارفه

حاسه انى تايهه وتعبانه اوى بتمنى انى اكون فى حلم مزعج وافوق منه بيتى هيضيع منى هخرب بيتى بأيدى

انا حاسه انى كبرت المشكله جدااااااا ونفسى المها تانى

الصمت الان هو اللغه السائده الان مع زوجى هو فى حالة غضب شديده منى وانا الاخرى كذلك ولكن انا من يجب عليها ان تنهى هذه الحاله وبسرعه لانى انا من جعلها تتصاعد وتكبر بهذه الطريقه لانى لم اكن عاقله تماما فى مناقشتها

لم انظر له نظة المحب الخائف علينا انا والاولاد لا لم اراه كذلك كنت انظر له بطريقه مختلفه تماما

بجد ندمانه انى جرحته جداااااااا مش عارفه انا جرارى ايه اين عقلى مش عارفه

نفسى اعتذر عن ما قلته وما صفته به من جبن وضعف ايمان اول مره يزعل منى كده لدرجة انه عايز يترك البيت لغاية ما الامور تهدا بينا مش عارفه ازاى سمحت لنفسى ان الامور توصل لكده

اكيد ربنا غضبان على الان لانى اغضبته بشده

ياربى عنى على ما انا فيه لانى بجد تايهه وبجد تعبت اووووووووووى محتجالك يارب محتجالك خرجنى من مشكلتى دى على خير انا عايزه ارضيك يارب وارضى زوجى حاسه انى هخسر كل حاجه

تعبت بجد يارب مليش غيرك ألهمنى الصواب يارب ألهمنى ما يرضيك عنى هذا كل ما اريده مش عايزه حاجه من الدنيا غير رضاك

[DAHUBA14]

غاليتي نجلاء هوني عليك
ان شاء الله الأمور تعود كما كانت بينك و بين زوجك
المهم ان لا تتركي الصمت يكون هو المسيطر على الوضع
انت تعلمي ما فعلت ، و كيف اغضبتي زوجك ، و انت ايضا تعلمي الطريقه المناسبة
التي تصالحي بها زوجك و تعيدي المياه بينكما الى مجاريها
المهم ان تتصرفي بعقل و حكمة و بسرعه ايضا
لا تعلمي يا اختي ما الذي يخبئه الله تعالى لكما ، ربما كانت هذه الظروف امتحان من الله تعالى
كي يعلم مدى صبركما و وتحملكما الوقوف امام العواصف
امسكي بيد زوجك جيدا و كوني بقربه و اعلمي انه لن يفعل شيئ ربما يضرك
ثقي به و اظهري له هذه الثقه ، هى ظروف و سوف تنتهي ان شاء الله سريعه
وتعود الأمور افضل مما كانت بحول الله و قوته .
دعواتي ترافقك .

[آيـة]

لا حول ولا قوة إلا بالله .. إنا لله و إنا إليه راجعون ..

بصي أنا ندمت أني رديت ردي الأول .. بس هعيد لك الجملة اللي قلتها فوق برضو .. النقاب مالوش دعوة بخراب البيت ..

و معنديش غير أني أقولك صالحيه و بلاش يحصل شرخ بينكم عشان الموضوع دا .. ترجعي تصالحيه أنتِ عاندت وهو عاند بس لازم نوصل لحل وسط ..

لو ينفع بس من غير مشكلة بينكم تتفقوا على حل .. مثلا عدم الخروج حاليا باعتبار وجود انفلات أمني أصلا ..

أصل بصي أنا بعد اللي حضرتك قلتيه مش هقدر أتخذ قرار بسهولة .. بس في المقابل هاتفق مع الشخص اللي قدامي أن مشاكلنا لها حلول غير الفراق ( لا قدر الله ) دي نقطة مهمة جدا جدا ..

بس ما تنسيش الاستغفار فهو بيفرج الهموم ..

و ربنا يفرج همك وهموم المسلمين أجمعين ..

و ياليت تسامحيني لو كلامي سبب لكِ مشكلة ..

[أم عبد الرحمن3122010]

حبيبتى نجلاء ..
انا قلبى وجعنى عليكى جداااااااااااا والله
بصى يا نجلاء انتى ولادك كبار مش صغيرين وبعد الجواز الواحدة ملهاش الا بيتها وعيالها
انتى زوجك فى الاول طلب منك انك تقلعى النقاب علشان وضع البلد وانتى عاندتى او بمعنى اصح تمسكتى لعل وعسى يرجع فى كلامة
لكن لانة بيخرج وبيقعد مع الناس عرف الخطر اللى عليكو وعلية وعلى ابنك
وانتى للاسف فعلا كبرتى المشكلة ليكى حق تخافى من انة يغير تانى وتحصل مشاكل اكبر لكن مكنتيش سبقتى الاحداث وفى قعدة واحدة كنتى فهمتية وكلمتية قصاد اولادة علشان يكونو شهود وخاصة انهم وةاعيين كل المشاكل والاحداث والحوارات الموجودة بينكم

فهمية انك هتقلعى النقاب ارضاء لية وخوق على بيتك وعيالك من البهدلة
يا نجلاء انتى عارفة البهدلة للى بيشوفوها هناك محدش هيسامحك لا يقف ف صف ك الكل هيقولك غلطانة وعنيدة ومش هتستفادى حاجة وبيتك هيتخرب

زوجك بيحبك جدا ولهذا بيغيير عليكى
انتى كلمية بحب وصالحية باى طريقة واطلبة انة يسامحك

واقعدو اتكلمو بهدوء وحلو الموضوع ببساطة وبحب وتقولى كل اللى جواكى من مخاوفك من غيرتة عليكى

وابقى طمنينى عنك

[naglaa22]

نجلاء ..
انتِ لما اخذت قرار بلبس النقاب كان عن اقتناع ولإتقاء الفتن ولارضاء رب العالمين بالاول والاخير
ولماتفكري تخلعية لامر حفظك وحفظ اسرتك لازم يكون همك الاول هو الله مش الناس
الناس لو فضلتي متمسكة به وصار لاسرتك امر سيء راح تتكلم وتقول هو ربنا مش امرها تلبسه وترمي بنفسها واسرتها للتهلكة
وان خلعتيتيه برضه راح تتكلم
وارضاء الناس اختي الحبيبة غاية لا تدرك
...

ان كنت سيدة غير عاملة فالامر هين ان شاء الله تعالى
اتفقي مع زوجك على مساعدتك في قضاء حوائجك بالخارج وحوائج البيت والاولاد
ومؤكد هو راح يساعدك ويتعاون معاك وربنا يعينه ويوفقكم لكل خير
وانت ابقي في البيت ولا تخرجي الا للامر المهم جدا
واعلمي ان الله تعالى قال " وقرن في بيوتكن ولا تبرجن تبرج الجاهلية الاولى "
فأنت مؤكد وان حبيتي الخروج مش راح تخرجي متبرجة والحجاب والعباية فيهم من الستر ما يحفظك ويبعدك عن دائرة المتبرجات
واعرف نساء كثيرات سواء بمصر او ببلدان اسلامية اخرى لا يرتدين النقاب ولكنهن عفيفات متمسكات بدينهن وبتعاليمه
اتمنى منك سريعا ان تنهي هذا الخلاف بينكما وان تكونا معا انت وزوجك واولادك دائما على قلب واحد
تحلوا مشاكلكم واموركم بعرض افكاركم على بعض واخذ المفيد والمريح منها والملائم لظروفكم
وفقكم ربي

اختى الحبيبه انا بالفعل قررت ان اترك عملى خارج البيت وهو التدريس بعد ان طلب زوجى منى خلع النقاب

وعندما قررت هذا قررته اعتقادا منى ان هذا سيكون مبرر لى لعدم خلع النقاب لانى لن اضطر بعد ذلك للخروج من بيتى

رغم حاجت البيت الشديده لعملى ولكنى فعلت هذا فى سبيل الله واعلم ان الله سيعوضنى ان شاء الله

وهذه من ضمن الخطوات التى اتخذتها لاحافظ على نقابى وللاسف لم تأتى بنتيجه ايضا

الان الوضع صار متأزم بينى وبينه ولكنى اسعى لحل بأذن الله ولكنى احببت ان استعين ببعض العقلاء من العائله الذين اثق فيهم

وسأعرض عليهم الموقف وسأفلع ما يرونه صواب ولكنى سأجعلهم شهداء على هذه القرارت علشان محدش يلومنى ويقول ان ما فعلته كان خاطئا

لانى اعلم جيدا ان خلع نقابى سيكون ايضا له توابع خطيره على وعلى بيتى انا لا اعلم ما هى ولكنى اشعر بذلك لان غيرت زوجى ليست لها حدود ربنا يعديها على خير

[naglaa22]

نجلااااااااااااااااااااااااااااء :
عااااااااااااااااااااطفية بكل احوالك
مش راح الومك واتمنى انك تعلمتي من اللي حصل معاك ذا
خلاص طالما ابنك عرف بالخلاف اللي اصلا مش مفروض يبقى خلاف
لانكم كلكم مشكلتكم واحده وهمكم واحد
بس نظرتكم لحلها مختلفه
الكلام ذا موجه لابنك خاصة وهي رسالتي اليه
ابني الغالي ..
اعلم حفظك ربي ان من اجمل ما يسعد الام والاب اهتمام ابناؤهم لشؤنهم
ومما يزيدنا فخرا وتفاخرا بكم ايها الابناء ان نرى لكم مواقف واراء تنير لنا طريقنا تنبع من تعاليم الاسلام وحرصكم علينا بأن لا نخرج من دائرتها
ابني الغالي
اعلم حفظك ربي ان ديننا دين يسر ولن يشاد الدين احد الا غلبه لذا طلب منا رسولنا الكريم بأن نيسر ولا نعسر
وان ما يحدث بوطنك اليوم يحتاج الى رجال وانت وان صغر سنك فموقفك ومشاورة امك لك دليل على رجولة
والرجولة ايها العزيز ان ننظر للصورة كاملة لا الى ما يعجبنا فيها فقط
ونحن مطالبون بان نقضي حياتنا بتحمل خيرها وشرها سواء بالشكر او بالصبر
والاخرة هي دار السعادة الحقيقية
ان ما يحصل اليوم بين والديك هو نقاش حادث في اغلب البيوت وهو امر طبيعي للغاية
فلا تميل بمشاعرك اتجاه احدهما وتنكر فضل الآخر
كن معاونا لهما في تعدي هذه الازمه على خير
وكن دائما مؤلف بينهما بالكلمة الطيبة والضحكة البريئة والدعاااء الصادق لهما في هذا الشهر الكريم
نعم الاب والام الذي انت ابنا لهما
ونعم الدين الذي يرى منك هذا الاهتمام برغم صغر سنك
حفظك الله ووفقك في جميع امرك
ورزقك بر والديك وطاعتهما وارضاء رب العالمين

مش عارفه اقول ايه للمره الثانيه اقف عاجزه عن الشكر ربنا يكرمك يارب اختى عابره

جعلت ابنى يقرأ كلمات حضرتك وبالفعل ساعد هذا فى اقناعى لوجهة نظر والده التى لم اكن انا ايضا لا اراها

واقتنع بكل كلمه فيها وقال لى يا امى انا خارج هذا الموضوع وافعلى ما تريه صواب انتى وابى

وفرح ابنى بقرارى ترك العمل خارج البيت وقال هذا افضل حتى لو حصل وخلعت النقاب يبقى كده مش هتخرجى غير للضروره لغاية ما الدنيا تهدى

بس هو بيعترض عن ان ادخل حد من العائله فى بأن يكون شاهدا فى هذا القرار

قال لى ان الموضوع مش محتاج انا كبير واستطيع ان نجلس جميعا ونجد حل لهذا الوضع دون تدخل حد

لان عمرنا ما حد عرف عننا حاجه ومن الافضل ان تظل المشكله بيننا ولا يعلم بها احد

ولو حدث ونزعتى النقاب بلاش تقولى ان بابا هو من امرك بذلك بل قولى انك تعبتى منه حتى تغلقى امام الجميع اى تساؤلات ملهاش لازمه

سبحان الله حسيت ان ابنى كبر وبقه فاهم وعاقل وفعلا سوف اخذ بنصيحته ونحل الموضوع بيننا

بجد سعيده بأبنى لانى حسيت انه راجل رغم صغر سنه

بأذن الله سوف نجلس جميعا اليوم بعد صلاة الفجر ونتحدث فى الموضوع ونتشاور ونخرج بما فيه خير لنا جميعا

ربنا يقدر لنا الخير بأذن الله

[naglaa22]

سلام اختي نجلاء
حقيقة ما يحدث في مصر امر يندى له الجبين نسال الله تعالى ان يفرج عنكم كل كرب و سائر المسلمين و اقول ان هذه فتنة من فتن اخر هذا الزمن
صحيح ان اختياركي سيكون صعبا و لكن برايي اجتنبي هذه الفنتة واتبعي ما يقول زوجك ما دام ان النقاب ليس فرضا على الاقل حتى تزول هذه الازمة
فاذا خفت الامور قليلا عودي الى نقابك
و انصحك باستشارة خير المستشارين الله عز وجل فصلي صلاة استخارة لعل الله يهديكي الى خير السبيل.
هذا و الله اعلم
اسال الله لك لكل المؤمنات الصالحات خير الثواب وحسن الجزاء

اشكرك اختى اصيله بأذن الله سنجد مخرج من هذه المشكله هذا ما اسعى له بأذن الله ولن اجعل الموضوع يطول اكثر من ذلك

لكى منى كل الشكر والتقدير اختى العزيزه على نصيحتك الغاليه

دعواتك يا ست الكل

[naglaa22]

ربي يكتبلك اللي فيه الخير ويفرج همك
لو انا كنت مكانك ما اتخلى عن نقابي ابدا لو شو صار ، ايش رح يعملولك انتي واولادك ؟
يشتموكم ؟ يضربوكم ؟ يقتلوكم ؟ رح تكوني اخدتي اجر كبيييير وضحيتي بنفسك واولادك وزوجك في سبيل الله
حاولي تفهمي زوجك الموضوع واقنعيه بمقدار الاجر اللي رح تاخدوه لو تمسكتوا بتعاليم دينكم
ورايي انك قبل ما تخرجي ونتي لابسة النقاب قولي اللهم اني استودعتك نفسي وابنائي وزوجي
واذا مرة زوجك ما وافق مثل ما قالت الشيماء البسي كمامات ونظارة، صلي استخارة وربي يكتب لك اللي فيه الخير
ربي يحفظكم من كل شر

ابنتى الحبيبه فيفو اشكرك يا قلبى على نصيحتك الغاليه ليتنى كنت فى مثل شجاعتك حبيبتى الان بس يا غاليه الوضع مختلف صدقينى لما تكونى متزوجه وعنك اولاد

القرار لازم يجى منا جميعا ولا استطيع ان انفرد به لوحدى لاننا جميعا اسره واحده ومشكلتنا هنا تخصنا جميعا

صدقينى ابنتى هذا ما تعلمته من هذه المشكله ان اراعى مصلحة الجميع لانى كنت انانيه وكنت اهتم بنفسى فقط وما اريده وهذا صدقينى خطأ لاننا جميعا فى مركب واحده

عندما كنت فى مثل عمرك كنت مثلك كده ميهمنيش حد واعمل ما اريده لكن الان صحب

وغدا بأذن الله عندما يكون لكى زوج واسره اكيد هيكون ليكى رأى مختلف

ونصيحتى لكى ابنتى ان لا تقعى فى الخطأ الذى وقعت فيه لاننى كنت انانيه ولم اراعى مصلحة اسرتى كلها ولم اضعها فى اعتبارى وكنت عنيده بدرجه عمتنى عن رؤية ان بيتى كاد ان يخرب

وصدقينى استفدت كثيرا بكل اراء اخواتى لانهم اناروا لى طريقى لارى ما كنت لا اراه

***************
ابنتى الغاليه سعيده بيكى جدا واتمنى من الله ان اشوفك عروسه زى القمر وان يرزقك الزوج الصالح لانك فعلا بنوته قلبها طيب اوووووووى وذات خلق عالى ؤبتل يكرمك حبيبتى يارب

اتمنى لكى النجاح والتوفيق فى دراستك وان تنالى الدرجه العلميه التى تتمنيها وان تسعدى فى حياتك كلها

[naglaa22]

.
أتمنى أن أصرخ فأُسمع كل غافل لما يحاك لدينه وهو عنه غافل
لن أطيل فمع كل حرف يكتب أشعر بألم فقط سأدعو لكم بالثبات وأن يكشف الله عنكم ما أنتم فيه من محنة
والله لكأنّ أزمتكم هي سهم خرق قلوبنا فزاده ألمًا على مابه من جراح ... حسبنا الله ونعم الوكيل ...

أختي نجلاء نصيحتي لك عندما تسجدين لله في كل حين ادعيه وادعيه ثمّ ادعيه وألحي وكرري واطلبي منه راجية متوسلة
أنتي وكل غاالية تعاني ماتعانيه
فأنتم الآن مضطرون ودعاء المضطر مجاب بإذن الله
{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }النمل62...

ربنا يكرمك يارب اختى الغاليه سمو الحياه

اشكرك حبيبتى على دعواتك الغاليه

سبحان الله رمضان هذا العام مختلف عن كل عام

اول مره انسى نفسى بالدعاء رغم حاجتى اليه

ويمكن ده حالنا جميعا هذه الفتره

كل دعواتى ورجائى لله ان ينصر دينه فى الارض

حاسه اننا فى ابتلاء شديد لم يجدث فى حياتى وشعرت بما اشعر به الان

لم اشعر بالخوف على دينى واسلامى كما انا خائفه عليه الان اعلم ان الله غالب لامره

بس حاسه اننا كلنا فى امتحان كبير ومحتاج مننا صبر مرعوبه بما ستؤول اليه الامور فى مصر

كنت حزينه لما وصل ايه حالى واجبارى على تنازلى عن نقابى لكن ما وصل اليه حال المصرين اصبح يحزننى اكثر

ليس لى غير الدعاء اختى بأن ينصرنا وعندى يقين فى الله بأننا سنرى نصر الله مهما طال الظلم وهذه ثقتى فى ربى

ربنا ينصرنا جميعا ويعز الاسلام والمسلمين ويرحمنا مما نحن فيه وينجينا من الفتن ما ظهر منها وما بطن

ربنا ميحرمنيش منكى اختى ومن دعواتك الغاليه

[naglaa22]

اسأل الله ان يلهمك الصواب
لي تعليق على عبارة هل اطيع أوامر ربي
لا معصية ولا ذنب على من خلعت النقاب ولبست الحجاب الشرعي وهناك من الادلة الكثير التي تبين على ان كشف الوجه جائز مع ان قناعتي التامة بان النقاب اكملن
كلام اعجبني اوجهه لكل من أخطأ يربط الدين بالتيارات السياسية إوعي في يوم تتريق علي الملتحي والدقن
عشان مختلف مع الإخوان ولا السلفين "لإن اللحية سنة النبي"

- إوعي في يوم تتريق علي النقاب لإن ده كان لبس زوجات النبي

... - إوعي في يوم دينك يتهز عشان مختلف مع تيار إسلامي في السياسة
اوعى فى يوم تتريق على دول لانهم من سنن حببنا النبى
.
اللحية سنه
.
والحجاب فرض

ربنا يكرمك يا رب اختى هو ده الكلا م الصح النقاب واللحيه لا يصح لاحد ان يهين صاحبهما لانهم ليس لهم علاقه بالسياسه

ولكن اختى اين اصحاب العقول التى تقولين لهم هذا العقول الان مغيبه وكل ما يرمز للاسلام اصبح يوجه اليه اصابع الاتهام

ربنا ختم على قلوب الكثيرن لدرجة انهم اصبحوا يكذبون ويصدقون اكاذيبهم واختلط بهم الحق بالباطل

بيعقبونا لاننا نتبع سنه من سنن النبى او فرض من فروض الله

حسبى الله ونعم الوكيل فى كل ظالم وكل من يستبيح دمائنا لاننا يظهر علينا مظهر من مظاهر الاسلام او التدين ويتهمونا بما ليس فينا

[naglaa22]

غاليتي نجلاء هوني عليك
ان شاء الله الأمور تعود كما كانت بينك و بين زوجك
المهم ان لا تتركي الصمت يكون هو المسيطر على الوضع
انت تعلمي ما فعلت ، و كيف اغضبتي زوجك ، و انت ايضا تعلمي الطريقه المناسبة
التي تصالحي بها زوجك و تعيدي المياه بينكما الى مجاريها
المهم ان تتصرفي بعقل و حكمة و بسرعه ايضا
لا تعلمي يا اختي ما الذي يخبئه الله تعالى لكما ، ربما كانت هذه الظروف امتحان من الله تعالى
كي يعلم مدى صبركما و وتحملكما الوقوف امام العواصف
امسكي بيد زوجك جيدا و كوني بقربه و اعلمي انه لن يفعل شيئ ربما يضرك
ثقي به و اظهري له هذه الثقه ، هى ظروف و سوف تنتهي ان شاء الله سريعه
وتعود الأمور افضل مما كانت بحول الله و قوته .
دعواتي ترافقك .

اكيد اختى اتعلمت الدرس مشكلتى دى متعرفيش عملت فيا ايه مش عارفه ماذا حدث لى بس بعترف انى اخطأت فى اكثر من شيئ

ولن اخجل من ان اعترف بها هنا امامكم

اخطأت عندما لغيت عقلى وتعاملت مع الموضوع بعاطفه شديده

اخطأت عندما لم اعطى لزوجى اى عذر لطلبه هذا منى ولم اعطى لنفسى فرصه ولو بسيطه لارى وجهة نظره واحاول ان اتفهمها

اخطأت عندما اتهمته بقلة الايمان وبالتردد والجبن

اخطات عندما جعلت اولادى يشعرون بهذه المشكله ولم احتويها

اخطأت عندما اتخذت العند سبيل لحل هذه المشكله

اخطات لانى جعلت الصمت يرافقنى انا وزوجى طوال فترة المشكله

اخطأت لانى كنت اهرب من مناقشة الموضوع بعقلانيه

اعترف ان اخطأت فى معالجتى لهذه المشكله ولكنى لن استمر فى هذا الخطأ

واعرف ان الموضوع كان صعب وكان القرار فيه اصعب مما كنت اتوقع

لكن اختى اعدك انى لن اطيل الفتره اكثر من ذلك جاء الوقت للمواجهه واتخاذ القرار المناسب للجميع بأذن الله بعد الفجر اليوم ستكون لنا جلسه عائليه وسأعتذر لزوجى عن ما بدر منى ونضع الخطوات
الازمه للمرحله القادمه وما سيترتب عليها من اى تغير للاوضاع فى البيت

لكى منى كل الشكر والتقدير والاحترام اختى وبالفعل كنتى نعم العون لى ربنا ميحرمنيش منك يارب