نفسى فى اجابة تريح قلبى ( ردود قيمة )

[أم عبد الرحمن3122010]

في أول شهور لزواجنا ..جوزي قال لي بالهزار : لا ياروح مامتك .. وشي أتقلب ..كأني وحش ..وقلت له من فضلك ماتجيبش سيرة أمي ..قال لي هو أنا قلت إيه ؟ مش إنت برضه روح مامتك ..قلت له مابحبش الأسلوب ده ..النهارده تقولي مامتك ..وأنا أقولك مامتك ..وندخل بأه في أمي وأمك وأبويا وأبوك ..مالكش دعوة بأهلي ..ودي كانت نهاية روح مامتك
وأول خناقة رفع صوته ..قلت له أنا مش طرشة ..ماترفعش صوتك ..قال لي أنا راجل ومن حقي أرفع صوتي ..قلت له وأنا مش خرسة ..وممكن أرفع صوتي وأسمع اللي في آخر الشارع..وبعد كده قعدت أبكي ..جاء يصالحني وقال لي كل ده علشان صوتي علي عليكي ..أومال لو كنت ضربتك كان يحصل إيه ؟ ..قلت له قسما برب العزة ترفع إيدك عليا أقتلك ..قال أنا أقوى منك ماتقدريش عليا ..قلت وإنت نايم أخنقك بغاز البوتاجاز ..وأرجع الأنبوبة مكانها ..قال لي بتهزري ..قلت له باتكلم جد ..قال لي تبقي مجنونة ..قلت له خلاص خاف على نفسك من المجنونة اللي معاك
ولنا حاليا 31 سنة متجوزين ..لارفع صوته ..ولا مد إيده ..ولا أنا قتلته بالغاز

هههههههههههههههههههه

ماشاء الله والله بجد ضحتينى موت
بجد دمك خفيف اوى يا قمر

وربنا يكرمك وتحتفلى بال100 سنة جواز

[صاحبة البيت]

بصراحة يا كنزي أنا موش هقول حاجة بعد كلام البنات
غير حاجة واحدة
إلا الشارع ..إلا الشارع
فهمتي
بيتكم تعملوا فيه اللي عاوزينه
تتخانقوا تتصالحوا تقطعوا في بعض ولكن
إلا الشارع الشارع لبتوع الشوارع
لامؤاخذة متزعليش مني
ياريت تتعودي على حاجة مهمة
عشان السنين اللي جاية بإذن الله
اتعودي لو حتحصل مشكلة تدخلوا غرفتكم
نعم أعرف إن إبنك صغير وموش هيفهم اللي بتعملوه
ولكن تعبيرات وجوهكم هو يفهمها
حاولوا لا تتعصبوا على بعض أمام الولد

ولنا حاليا 31 سنة متجوزين ..لارفع صوته ..ولا مد إيده ..ولا أنا قتلته بالغاز

ست فوفا
خسارة الأنبوبة خليها للطبيخ
ههههههههههه
ربنا يهدي الأحوال وتنصلح اموركم
وافهمي كلام الأخوات واعقليه كويس
هتستفيدي
أفادهم الله

[أم عبد الرحمن3122010]

والله حبيبتى صاحبة البيت انا افهم كلامك حتى لا يتعقد ابنى وهذا صحيح

لكن الله يهدية بقى

[صاحبة البيت]

والله حبيبتى صاحبة البيت انا افهم كلامك حتى لا يتعقد ابنى وهذا صحيح

لكن الله يهدية بقى

ربنا يهديه ويباركلك فيه إن شاء الله
بصي يا كنزي
انتي لسه في بداية حياتك
واللي بيتعود على الشكوى من الأول بيفضل على كده
حاولي مع نفسك تحلي أمورك
وبيت أهلك ما يوصله غير الطيب عن بيتك
حاولي تدخلي في مواضيع النافذة وتشوفي مشاكل البنات
واللي تحسي إن مشكلتها أصعب من مشكلتك
إحمدي ربنا على حالك
واتعلمي من كل مشكلة تقريها
أي نعم موش كل الحلول تنفعك لأن كل واحد ليه اسلوبه في حياته
ولكنها ستظل مخزون في عقلك الباطن وقت الحاجة لحل منهم هتطلعيه
ولأن كل مشكلة بتكون ليها أكتر من حل
لهذا لا تيأسي وللعلم
الحياة ياما هتشوفي فيها فلو كبرتي فيها المشكلة الصغيرة
وقت ما هتيجي المشكلة الكبيرة هتحسي أنها ماساة
وموش هتقدري تحليها
ربنا يوفقك وأعتذر لو طولت عليكي

[(أم ليان)]

اكتبي في جوجل بوصلة الشخصية واعرفي ماهو نمط زوجك لتعرفي كيف تتعاملي معه ؟
أعطيك بعض الامثلة على أنماط الشخصية
مثلا النمط الشمالي بيحب المرأة القوية ويكره الضعيفة اللي على أي شئ تبكي ولا تهمه دموع المرأة وأشياء أخرى عنيد
النمط الجنوبي رقيق رومانسي كريم لايقاوم دموع المرأة حساس يعني ممكن يتزوج على زوجته لأنه رحم وحدة يتيمة أو مطلقة فحس نفسه سوبرمان اللي حينقذها مسوف بمعنى الحاجة اللي تخرب ممكن تظل أشهر ماصلحها
وهناك الشرقي والغربي

[أم عبد الرحمن3122010]

شكرا يا قمرات ربنا يكرمكم

[شيمه الحب]

اميره من رايى بالراحه على زوجك شويه وحاولى تحتويه

حكايه الفلوس جوزى كان عمره ما سال عن اى شئ لا فلوس ولا اكل هو يقول عاوز كذا وخلاص لكن مع ضيق الاحوال وتعبه فى الشغل وملتزمات كتيره
اصبح يسال ويقول فلوسنا فين وقالى انى اكتب كل شهر مصاريفنا لان ممكن يدخل لنا كتير ومنجبش حاجه فى البيت ومفيش فلوس ولما اكتشف ان العجز عنده معتش بيتكلم

حكايه العصبيه الفتى نظره لها لان هذا لا يجوز خاصه وان كنتم فى الشارع
لى عوده ان شاء الله

[-بلسم الجروح-]

في أول شهور لزواجنا ..جوزي قال لي بالهزار : لا ياروح مامتك .. وشي أتقلب ..كأني وحش ..وقلت له من فضلك ماتجيبش سيرة أمي ..قال لي هو أنا قلت إيه ؟ مش إنت برضه روح مامتك ..قلت له مابحبش الأسلوب ده ..النهارده تقولي مامتك ..وأنا أقولك مامتك ..وندخل بأه في أمي وأمك وأبويا وأبوك ..مالكش دعوة بأهلي ..ودي كانت نهاية روح مامتك
وأول خناقة رفع صوته ..قلت له أنا مش طرشة ..ماترفعش صوتك ..قال لي أنا راجل ومن حقي أرفع صوتي ..قلت له وأنا مش خرسة ..وممكن أرفع صوتي وأسمع اللي في آخر الشارع..وبعد كده قعدت أبكي ..جاء يصالحني وقال لي كل ده علشان صوتي علي عليكي ..أومال لو كنت ضربتك كان يحصل إيه ؟ ..قلت له قسما برب العزة ترفع إيدك عليا أقتلك ..قال أنا أقوى منك ماتقدريش عليا ..قلت وإنت نايم أخنقك بغاز البوتاجاز ..وأرجع الأنبوبة مكانها ..قال لي بتهزري ..قلت له باتكلم جد ..قال لي تبقي مجنونة ..قلت له خلاص خاف على نفسك من المجنونة اللي معاك
ولنا حاليا 31 سنة متجوزين ..لارفع صوته ..ولا مد إيده ..ولا أنا قتلته بالغاز

السلام عليكم

بصراحة اختى فوفا ردودك ظريفة وجميلة وتكون فى الصميم

الا هالرد ضحكنننننننننى بقوة

اضحك الله سنك

يعنى دبحتى القطة لجوزك

قصدى انبوبة الغاز

[أم عبد الرحمن3122010]

تسلمو يا بنات

[omyassineee]

ربما يفكر كل ما كان يحدث مع امه وانك لتاخذي بخاطرها فيفجر كل ذلك فيك اقول ربما..
وثانيا هو ماتت امه وربما يرى فيك انت الان امه و زوجته .....ويريد ان تاخذي بخاطره وتدلعيه شوي .....
في هذه الحالة اختي طيبي بخاطره وحاولي ان تتفاديه اذا شفت انه تعصب..ولا تبالغي كي لا يعتاد على ذلك...وانا زوجي لما يترك لي مصروف البيت اكتب كل ما اشتريته في ورقة واضعه امامه ورغم انه لا يسالني ابدا ولا يقرا الورقة المهم اني ريحت نفسي وكتبت............
ربي يعدي اموركم على خير

[حنين الياسمين]

ماشاء الله الاخوات ماقصروا بارك الله فيهن

بس بدي ئلك شي نصيحه صدقيني انتي الوحيده الي بتعرفي كيف تكسبي زوجك وتفهمي عليه من نظرة عيونه

حبيت ادعيلك الله يوفقكم مع بعض ونور حياتكم بالايمان يارب

[انسانه نادره]

في أحد البرامج الدينية ..اتصلت زوجة وقالت زوجي عصبي ودائما يثور علي ..فقال لها ضيف البرنامج (وأظنه كان الدكتور صبري عبد الرءوف):
جوزك ده عصبي إزاي يعني ؟ بيعمل إيه ؟
قالت له : بيرفع صوته ..ويكسر أي حاجة ..وممكن يضربني لما يتعصب
قال لها : يعني في عمله ..بيتعصب على رئيسه ويرفع صوته وممكن يضربه ؟ لو رجل المرور أوقفه بينزل يضربه ؟
الزوجة : لا طبعا
قال لها : جوزك مش عصبي ..جوزك قليل أدب ...العصبي بيتعصب على الكل ومابيعرفش أبوه وقت الغضب..ومادام بيقدر يتمالك نفسه مع الأقوى منه ..ممكن إنت كمان تجبريه إنه يبطل الأسلوب ده معاكي

انتي رااااااااااااااااااااااائعه
انتزعي الاحترام الاحترام الاحترام من زوجك بالحسنى اولا....... ثم استخدمي ذكاااء وذهاااااء الانثى
هو اوقات كتير جدا بيقولى لما بيغضب ويسيبنى ويدخل الاوضة يقولى لية مجتيش ورايا تصالحينى كالعادة
شوفي كلامك دا هو بيغضب ويزعل وانتي بتصالحيه كالعاده ................زوجك اتعود انه يزعلك وانتي تيجي تصالحيه ...... لازم تغيري الاسلوب دا .
ربنا معاكي

[أم عبد الرحمن3122010]

جزاكم الله كل خير بصراة انا كلمتو وهو حس انى متجنباة شوية فقلتلو انت مش بتحافظ على شعورى وبتتعصب عليا وانا بضايق وهو صالحنى ووعدنى مش هيتعصب عليا
وحتى انا قلتلو انت مش عصبى لانك لو عصبى هتتعصب على الكل مش عليا لوحدى وزى ما بتتحكم فى اعصابك فى الشغل انا اولى انك متتعصبش عليا


احبكم فى الله