نفسى فى اجابة تريح قلبى ( ردود قيمة )

[أم عبد الرحمن3122010]

اااااااااااة يا قلبى يا ما انت شايل وساكت علشان عشقتو بهدلك

دى مقدمة بسيطة عن احساسى

طبعا الحمد لله انا كتير منكم يعرفونى وعرفو مشكلتى مع حماتى الله يرحمها ويسامحها

وكانو عارفين مشكلتى مع زوجى وتعارفة المستمر على بنات

انا مش هنكر بس ما اراة امامى ان زوجى لم يتحدث الى بنات على النت واصبح ملتزم

ولكن يحدث شئ غريب فى حياتى


فجاة بدون سابق انذار اجدة عصبى جدا
مثلا لو فلوس قصرت معانا القاة متعصب رغم ان الحمد لله والشكر لله عمرى ما قلتلو مش معايا فلوس او انى محتاجة والفلوس مش مقضية لا والله ممكن ومرت علينا شهور مكنتش بجيب فراخ نهائى ولا سمك ولا فاكهة وقلت الحمد لله احسن من غيرى
حاليا بيحب يعرف الفلوس اتصرفت فاية فكل شوية بعرفو معايا كام وصرفت فى اية
القاة فجاة اتعصب ويقولى هاتى اللى انتى عوزاة مهى مبقتش فارقة عادى اصرفى براحتك رغم انى برضو مش مسرفة لان عندنا التزامات يعنى ايجار وكهربا وغاز غير المية وبمبرز ابنى وسوبر ماركت وجمعية بس مش عارفة لية بيحسسنى انى بحط فلوس فى جيبى



وثانى مشكلة على اهون سبب يرفع صوتة عليا
يعنى مثلا من شوية كنا فى الشارع وانا حطة ابنى فى العربية بتاعتو ولقيت عربية جاية فخفت اعدى رفع صوتو عليا فى الشارع وزعق وقالى اية مالك واقفة كدة لية متتحركى
واحتراما لية سكت ومردتش
تخيلو بعدها فضل طووووووووول الطريق مش بيكلمنى ولحد دلوقتى ورجع دخل نام وسابنى رغم ان دة مش معاد نوم


دى مشاكلى مع زوجى

لكن انا عندى مشكلة كبيرة فى حياتى انى عاطفية اوى ودموعى قريبة وبيصعب عليا نفسى من اقل شئ ومش عارفة هو لية بقى يعاملنى كدة وكلمتو كتير قالى معلش عارف انى عصبى بس وعد مش هزعلك تانى

وللاسف الشديد مفيش فايدة

وللاسف الاكبر انى حسة ساعات انو بيدوس على كرامتى وبقف ساكتة مش عارفة اتصرف ولا اخد اى قرار صح وبخاف المشكلة تكبر لو وصلت لحد من اهلى او اهلة وان البيت يتخرب لان مهما كان يهمنى ان ابنى يتربى فى حضن امو وابوة

انا تعبانة اوى ومزهولة من اللى بيحصل ومش عارفة اتصرف ازاى ولا اعمل اية

[بيبي مورو]

كنوزة يا بطة

أولا احمدي ربنا إن موضوع البنات ده خلص خلاص

ثاني حاجة وهي الأهم إنتي لازم في المرحلة دي تعرفي إزاي تكسبي جوزك وتقربيه منك علشان ميرجعش للنت تاني

ثالث حاجة موضوع العصبية ده جديد وانتي اول مرة تشتكي منه وممكن جدا يكون بسبب وفاة والدته

مهم جدا إنك تتكلمي معاه وتعرفي إزاي تحتضينيه يعني زي ما بنقول بالمصري تحوطي عليه

اكسبيه في صفك وقربي منه وشوفي هو بيفكر إزاي

ولو بيتعصب على موضوع الفلوس

اقعدي معاه وقولي له طيب يا حبيبي تحب إننا نعمل إيه ونصرف إزاي

وهاتي ورقة وقلم وانتي معاه واكتبي التزامات كل شهر اللي مش بتتغير

واخصميها من باقي المرتب

واتفقي معاه إنكم تنزلوا تشتروا طلبات البيت سوا

وحاولي تكون الحاجات اللي بتشتريها على أد الشهر مش زيادة عنه

اقعدي وفكري الأكلات اللي ممكن تعمليها طول الشهر باليوم

وشوفي هتحتاجي خضار ورز ومكرونة وكده على حسب الأكلات طول الشهر

واكتبي واحسبي ويكون معاكي وبكده هتتحل مشكلة الفلوس

وباقولك تاني إن عصبيته دي بسبب وفاة والدته ربنا يرحمها ويغفر لها

ربنا يهديكم ويصلح لكم الحال

كنوزة أقول لك كلمة صغنونة ومتزعليش مني

انتي مش عارفه تتعاملي مع جوزك وبتقعدي تشتكي لكن مش بتحاولي تاخدي موقف علشان حياتك تتظبط

لو عرفتي ازاي تكسبيه وتخليه يكون قريب منك وخصوصا إن مشكلته الأساسية بتاعت النت خلصتي منها كل مشاكلك هتتحل

[أم عبد الرحمن3122010]

كنوزة يا بطة

أولا احمدي ربنا إن موضوع البنات ده خلص خلاص

ثاني حاجة وهي الأهم إنتي لازم في المرحلة دي تعرفي إزاي تكسبي جوزك وتقربيه منك علشان ميرجعش للنت تاني

ثالث حاجة موضوع العصبية ده جديد وانتي اول مرة تشتكي منه وممكن جدا يكون بسبب وفاة والدته

مهم جدا إنك تتكلمي معاه وتعرفي إزاي تحتضينيه يعني زي ما بنقول بالمصري تحوطي عليه

اكسبيه في صفك وقربي منه وشوفي هو بيفكر إزاي

ولو بيتعصب على موضوع الفلوس

اقعدي معاه وقولي له طيب يا حبيبي تحب إننا نعمل إيه ونصرف إزاي

وهاتي ورقة وقلم وانتي معاه واكتبي التزامات كل شهر اللي مش بتتغير

واخصميها من باقي المرتب

واتفقي معاه إنكم تنزلوا تشتروا طلبات البيت سوا

وحاولي تكون الحاجات اللي بتشتريها على أد الشهر مش زيادة عنه

اقعدي وفكري الأكلات اللي ممكن تعمليها طول الشهر باليوم

وشوفي هتحتاجي خضار ورز ومكرونة وكده على حسب الأكلات طول الشهر

واكتبي واحسبي ويكون معاكي وبكده هتتحل مشكلة الفلوس

وباقولك تاني إن عصبيته دي بسبب وفاة والدته ربنا يرحمها ويغفر لها

ربنا يهديكم ويصلح لكم الحال

كنوزة أقول لك كلمة صغنونة ومتزعليش مني

انتي مش عارفه تتعاملي مع جوزك وبتقعدي تشتكي لكن مش بتحاولي تاخدي موقف علشان حياتك تتظبط

لو عرفتي ازاي تكسبيه وتخليه يكون قريب منك وخصوصا إن مشكلته الأساسية بتاعت النت خلصتي منها كل مشاكلك هتتحل

والله يا قمر انا مزعلتش منك
بالعكس ان هو اوقات كتير جدا بيقولى لما بيغضب ويسيبنى ويدخل الاوضة يقولى لية مجتيش ورايا تصالحينى كالعادة
وبقيت بالعكس بحاول اراضية وبقولو انا وانت المفروض حياتنا تستقر دلوقتى مش نكون عندنا خلافات

وانا والله مش بدافع عن نفسى والكمال لله طبعا لكن بحاول اراضية فى كل شئ وبسالو هل انا مقصرة معاك ؟ او تحب اعمل حاجة انا مش بعملها ؟
وبحاول اكون زى مبيقولى

عارفة يعنى قبل كدة كان بيتعصب عليا فى الشارع كنت بزعل وبعيط
واوقات مش بعرف امسك نفسى فكنت برد علية بهدوء

جة من فترة وقالى لا لو زعلتك فى الشارع عاتبينى بينى وبينك

انا نفسى اعرف اية تاعبو

وانا بقول ان مش موضوع وفاة حماتى لان هو بقالو فترة كدة من قبل حماتى ما تتعب ولا يحصلها حاجة او بالادق هو دة طبعة عصبى بس العصبية زادت

فهمانى يا حبيبتى

لو شايفانى غلطانة فهمينى انا بعتبركو اخواتى والله

[بيبي مورو]

طيب بصي يا كنوزة بما إن موضوع العصبية من قبل وفاة والدته

يبقى ممكن تكون الأستاذة المحترمة اللي كان بيكلمها على النت طبعا استغنت عنه ولقت واحد غيره أو جوزها رجع من السفر

المهم ممكن يكون هو ده السبب في عصبيته الزايدة

ومش معنى إني باقولك تقربي منه وتحاولي تكسبيه إنك تجري وراه وتغيري نفسك كل شويه علشانه

يعني بما إنه عنده استعداد للمناقشة

اقعدي معاه في وقت يكون رايق فيه واتفقي معاه على نقط أساسية

قولي له طبعا أنا بحبك وانت عارف كده كويس

لكن زي لما بازعلك وباجي أصالحك أنا كمان محتاجة أحس إنك بتحبني وبتخاف على زعلي وبتيجي تصالحني

واتكلمي معاه بدلال يعني مثلا قولي له هو أنا ماستاهلش إنك تصالحني يعني ولا إيه لكن بدلع طبعا يعني مش بخناقه ههههههه

فاهماني طبعا يا كنوزة

انتي عارفه لما بييجي لنا مزاج للدلع بنعرف نتدلع كويس أوي

واتكلمي معه وقولي له متخبيش حاجه عليا وعرفني عنك كل شيئ

لكن انتي محتاجه لما يتكلم معاكي تمسكي اعصابك كويس أوي

لإن مش كل الكلام اللي هيقوله هيبقى عادي ومش هيضايق

وخلي بالك إنه لو اتكلم معاكي مره في موضوع واتنرفزتي عليه أو خاصمتيه مش هيحكي لك حاجه تاني أبدا

أوك يا كنوزة وحاولي تفهميه إنك مش بتحبيه يزعق فيكي

وهو مره مع الثانية هيحاول يسيطر على غضبه

[نور العيون123]

ربنا يريح قلبك كنزي

أنا شايفة من كلامك انه طيب رغم عصبيته يعني مثلا عايزك تدخلي وراه تصالحيه معناته انه طايقك وبيحبك مش

مثلا انه مش طايقك وكمان عنده استعداد تعاتبيه وده شيء كويس لو مش طايقك مش هيطيق عتابك

أنا ظني والله أعلم انه بيعاني من مجاهدة نفسه في عدم الكلام ع النت مع البنات زي ما تعود وده ضاغط

على أعصابه لأنه ترك من أجلك فرأيي تحمليه شوية مع كثرة دعائك الي أن تمر هذه الفترة وان شاء الله يبقى أفضل

من أول وبعدين يا كنزي محدش عايش كده وردي يعني لازم كل انسان يكون في حياته مشاكل اوعي تنتظري الوردي

ربنا بعد عنك مشكله وجت غيرها امال الحسنات هتجيلك منين انا كنت أقول في نفسي عن بلاء معين

الحمد لله انه بلاء بعيد عن جسمي أفضل ما يكون مرض وأفضل أروح واجي ع المستشفيات

والحمد لله ان البلااء ليس في ابنك فتحملي اختي الحبيبة لانه لاااااااااااااااازم بلاء واذا أحب الله عبدا ابتلاه

وكان الصالحون اذا مر بهم فترة بغير بلاء يقلقون ويخافون ان يكون غضب الله عليهم

وبعدين كتير رجال بيتعصبوا في الشارع او بيتعصبوا في اوقات غريبة هحكيلك موقف تستغربي عليه

كنا مرة في هيبر بندة ورحنا عند السمك واللي كان بيبيع بائع أجنبي فسألته عن تمن السمك

زوجي اتجنن عشان سألت الرجل وقعد يزعق ويقول لي بتسالي ليه وانا واقف هو انا طرطور هنا

ومسك سمكه حطها عند عيني كان هيدخلها ف عيني والناس وقفت تتفرج عليه زي ما يكون ركبه

ساعتها عفريت وتحملت وسكت بس الدموع اتحبست في عيني وسكت عشان الناس وقفت تتفرج

فربنا يهديهم نتحمل ونصبر ونحتسب لان اوقات أخرى بيبقوا كويسين

[أم عبد الرحمن3122010]

فهمت كلامك بيبى مورو وباذن الله هحاول معاة تانى وتالت

تسلمو نور العيون اكيد كلامك واضح ومستوعباة

[eng2008]

السلام عليكم

معلش أنا رأيي غير الأخوات و وفاة الأم ليس لها علاقة ده تلكيك و فيه سبب تاني

بجد كفاية اللي استحملتيه و الضغط النفسي عليك من رعاية حماتك و ظروف وفاتها من حقك شوية استجمام هتفضلي لحد إمتى كده؟

أصلا المفروض يبدأ يعوضك و يرد لك جميل رعايتك لأمه و تعبك الجسدي و العصبي

أنا أرفض تماما العصبية أمام الناس و زوجي ممكن يتعصب براحته داخل المنزل "لأسباب معقولة" لكن خارج المنزل لا أطيق و لا أسكت و أنا ضد الرأي القائل بالصبر في هذه المواقف يعني المفروض انتي تاخدي موقف و تخاصميه مش هو يتعصب و يخاصمك

يعني انتي تجاوزتي عن الموقف ده و بعد كده حاولي تعرفي فيه ايه و لو لم تصلي لشيء معه نبهيه أن لا يكرر تصرفاته و أن يراعي مشاعرك

اعتبري نفسك في بداية جديدة لحياتك كلها و شكلي حياتك و علاقتك بزوجك من جديد و أنت أدرى بما تريدين و ما لا تريدينه منه

و انتظري بعد مرور "فترة معقولة" على الوفاة ثم جددي الديكور أو اقترحي الخروج لمصيف أو فسحة و فرفشي و جددي نشاطك من أجل سعادتك و من أجل طفلك

ربنا معاكي

[أم عبد الرحمن3122010]

بعمل كدة قعلا حبيبتى

وببدا حياتى من جديد

[FOFFA]

في أحد البرامج الدينية ..اتصلت زوجة وقالت زوجي عصبي ودائما يثور علي ..فقال لها ضيف البرنامج (وأظنه كان الدكتور صبري عبد الرءوف):
جوزك ده عصبي إزاي يعني ؟ بيعمل إيه ؟
قالت له : بيرفع صوته ..ويكسر أي حاجة ..وممكن يضربني لما يتعصب
قال لها : يعني في عمله ..بيتعصب على رئيسه ويرفع صوته وممكن يضربه ؟ لو رجل المرور أوقفه بينزل يضربه ؟
الزوجة : لا طبعا
قال لها : جوزك مش عصبي ..جوزك قليل أدب ...العصبي بيتعصب على الكل ومابيعرفش أبوه وقت الغضب..ومادام بيقدر يتمالك نفسه مع الأقوى منه ..ممكن إنت كمان تجبريه إنه يبطل الأسلوب ده معاكي

[بيبي مورو]

فوفا تصدقي إني باقول الكلمة دي لجوزي

طبعا مش باقول له انت قليل الأدب ههههههههههههههه

لكن هو كتير بيقول لي نسيت ومكنتش مركز

أقول له وفي شغلك بتبقى كده ,, لو غلطت غلطة واحدة في شغلك هيقولوا لك مع السلامة

مع العلم إنه شغله محتاج تركيز جامد وحفظ كمية أرقام مش طبيعية وبيترقى في شغله

يقول لي مهو البيت هو المكان اللي الواحد المفروض يرتاح فيه

أقول له طبعا ترتاح فيه لكن مش على حساب الموجودين معاك,, لازم تعمل لهم حساب

ولا المفروض كل الناس يشوفوا الوش الحلو بتاعك واللي في البيت انكتب عليهم يشوفوا الهم علشان انت تبقى براحتك

كنوزة حاولي مره واتنين وثلاثة وأهم حاجة الإحترام المتبادل

لازم يحترمك زي لما بتحترميه

ربنا يديكي العمر الطويل والصحة لما هتكبروا في السن اللي هيبقى هو العشرة والإحترام مع شوية من الحب لكن طبعا مش هيكون زي أيام الشباب

باتكلم كإني عندي 80 سنه ههههههههههههههههههههههه

بصي يا بنتي أنا باحارب مع جوزي علشان يتغير من 6 سنين وهو عمر جوازي

جوزي ما شاء الله خايفه عليه من الحسد /: فيه البدع

وكل شويه اختراعات عجيبة مره يعرف واحدة ومره كدب ومره تليفونات

وفوق ده كله بيتهمني اتهامات كل شويه ومره أول لما ولدت وكنت عند ماما اتهمني إني كنت أعرف واحد

ومع العشرة فهمت إنه كل مصيبة بيعملها بيحاول يتهمني بيها علشان يطلع هو من الموضوع

وطبعا قصاد كل ده لو قصرت في حاجه أبقى نكدية ومش باراعي بيتي ولا جوزي

وهو مش قادر يفهم إني خلاص بقيت على آخري

لكن دلوقتي بدأ يتغير ويتحسن وطبعا بيفلت منه كل شويه حاجه

وعلى طول أنا ماشية على خط واحد يعني مينفعش أقول له إني مش ممكن اقبل تصرف معين ومره أعديه

التصرف الغلط مينفعش يعني منفعش مفيهاش يمين ولا شمال

وبافكره إني عديت له حاجات كبيرة جدا زي اتهاماته ليا علشان أحافظ على بيتي وإبني

لكن في أي لحظة ممكن أستغنى عنه لو معرفش إزاي يقدرني وهادوس على قلبي ومش هيهمني حب ولا غيره

ولما بدأ يحس إني بقيت قويه قدامه بدأ فعلا يحاول يتغير لإنه حس إني فعلا باضيع منه

حكيت قصة حياتي ,, ربنا يسامحك يا كنوزة

يعني كل لما أشوف ليكي موضوع أقول مش هادخله لإنه بيقلب عليا المواجع

وبرضه بادخل مفيش فايده هههههههههه

ربنا يهدينا ويهدي لنا أزواجنا ويصلح لنا الأحوال

[امي مشتاقه لك]

سوري الموضوع طووووويل
فن ترويض الزوج العصبي


زوجك عصبي، ضاقت بكِ الحياة معه، تشتاقين إلى أيام الخطوبة أحياناً وغالباً ما تفكرين في الانفصال، نعم لقد أصبحت حياتك معه أشبه بوجبة طعام فاسدة، وأوشكت النهاية من الاقتراب .

عزيزتي قبل أن تفكري في الخلاص وتستسلمي إلى فكرة الانفصال، فكري في حل عملي، حاولي التأقلم معه، علميه معني الحب، تحملي سخافاته إلى أن يعتاد الحياة الجديدة، وثقي أنكِ أهل لحسن التصرف، فالدراسات وأطباء الصحة النفسية يؤكدون أن المرأة أكثر منطقية من الرجل . ويرجعون السبب إلى الألياف العصبية في المخ والموصلة بين الفص الأيسر وهو فص المنطق والفص الأيمن وهو فص العواطف أقوي عند المرأة بالمقارنة بالرجل، مما يجعل لدي المرأة القدرة علي التعامل مع الحدث بمنطقية وعاطفية أكثر من الرجل، لذا تنجح النساء غالباً استخدما المنطق لحل المشكلات التي تواجههن .

طيب القلب

لا تتعاملي مع عصبية زوجك وكأنها تعمداً لجرح كرامتك، صحيح أنك قد تكونين تعملين مثله تماماً وتزيد مسئوليات المنزل على عاتقك وحدك، وإنما تذكري أن هدفك هو أن تعيشي داخل أسرة مستقرة، دون أن تخوضي تجربة الانفصال .

يرى الدكتور أحمد النجار المختص في الاستشارات والدراسات والتدريب، أن الزوج العصبي طيب القلب، ولكنه سريع الغضب وهو حاد المزاج شديد الانفعال ويشعر بضرورة الإسراع في الهجوم على الآخرين قبل أن يباغتوه بالهجوم، ونجده لا يثق بأحد ويركز على نقاشات متصيدة .

لذا حاولي ألا تظهري له ضيقك كي لا يأخذ الخلاف منعطفاً أكبر، وحاولي أن تتعلمي من خبرات العاقلات اللواتي يتمتعن بكم لا بأس به من الحكمة .

سر الزواج الناجح

الصراحة بين الزوجين مطلوبة، ولكن بعض الخصوصية مطلوبة أكثر خاصة إذا كانت تتمثل في مشاعر قد تزعج الطرف الآخر، فمن الحكمة التي تؤكدها المتزوجات أن المرأة لا يجدر بها الإفصاح دائماً عن ضيقها من زوجها، وإلا أصبح ضيقها منه أمراً عادياً وبالتالي لا يسعى الزوج لمصالحتها .

يُحكى أن زوجين ظلا يتصارحان حول كل شيء في حياتهما طوال مدة زواجهما التي تعدت الستين، ويسعدان بقضاء كل الوقت في الكلام أو خدمة أحدهما الآخر، ولم تكن بينهما أسرار، ولكن الزوجة العجوز كانت تحتفظ بصندوق فوق أحد الأرفف، وحذرت زوجها مرارا من فتحه أو سؤالها عن محتواه، ولأن الزوج كان يحترم رغبات زوجته فإنه لم يأبه بأمر الصندوق، إلى أن كان يوم أنهك فيه المرض الزوجة وقال الطبيب أن أيامها باتت معدودة، وبدأ الزوج الحزين يتأهب لمرحلة الترمل، ويضع حاجيات زوجته في حقائب ليحتفظ بها كذكريات.

ثم وقعت عينه على الصندوق فحمله وتوجه به إلى السرير حيث ترقد زوجته المريضة، التي ما أن رأت الصندوق حتى ابتسمت في حنو وقالت له : لا بأس، بإمكانك فتح الصندوق، فوجد بداخله دميتين من القماش وإبر النسج المعروفة بالكروشيه، وتحت كل ذلك مبلغ 25 ألف دولار، فسألها عن تلك الأشياء .


فقالت العجوز هامسة : عندما تزوجتك أبلغتني جدتي أن سر الزواج الناجح يكمن في تفادي الجدل والناقر ونقير، ونصحتني بأنه كلما غضبت منك، أكتم غضبي وأقوم بصنع دمية من القماش مستخدمة الإبر.

هنا كاد الرجل أن يشرق بدموعه : دميتان فقط؟ يعني لم تغضب مني طوال ستين سنة سوى مرتين؟

ورغم حزنه على كون زوجته في فراش الموت فقد أحس بالسعادة لأنه فهم أنه لم يغضبها سوى مرتين .

ثم سألها: حسنا، عرفنا سر الدميتين ولكن ماذا عن الخمسة والعشرين ألف دولار؟ أجابته زوجته: هذا هو المبلغ الذي جمعته من بيع بقية الدمى .

كيف تتعاملين معه

بعد أن عرفتِ أن تفادي الجدل والناقر ونقير، هو سر الزواج الناجح، هل لديكِ استعداداً لتكوني مركز الأسرة . يجب أن يكون المركز أقوى طرف ولكن عليكِ أن تتظاهري بأنك الأضعف فقوتك تكمن في ضعفك وحاجتك إلى زوجك .

ثقي تماماً أنه قدر ما يخشى الرجال ذكاء المرأة، قدر ما تستطيع المرأة أن تقنعهم بضعفها وحاجتها إليهم، خبرات المتزوجات تؤكد لكِ أن الهدوء وقت اشتعال عاصفة غضب زوجك العصبي هي الحل الأفضل، وإلا لن تفوت العاصفة إلا بعد تدمير شيء ما ربما يكون كرامتك أو مشاعرك . ومهما بلغت عصبيته كوني هادئة ومتماسكة وقوية، ابتعدي تماماً عن التوتر، وكثرة الكلام والحركة، والبكاء، لأن هذه الأمور ستزيد من حدة غضبه وعصبيته .

قد تكونين ماهرة في التحكم في انفعالاتك، ولكن هذا لا يكفي تحكمي أيضاً في تعبيرات وجهك، فلا تنظري له بحدة، ولا تجعلي نظراته تبدو بلا معنى وكأنك لا تهتمين به وبكلامه، وثقي أن الكلمة الطيبة الهادئة هي الأجدى في ذلك الموقف .

إذا كان زوجك شديد العصبية لا تشعريه وكأنه يتحدث إلى صنم بلا جدوى، اجعليه يشعر أن هدوءك من أجل متابعته والعمل على راحته فيما بعد، وأكدي له بهدوء أنك تتابعين كلامه وتفهمينه جيداً .

هناك عبارات وكلمات تزيد من اشتعال غضب زوجك، فلا تلاحقينه بكلمة " اهدأ" أو " لا أرى أن الأمر في حاجة لكل هذه العصبية " أو " هذا خطر على أعصابك " بالتأكد أنه يعلم كل ذلك ولكن هذه الكلمات تشيطه غضباً، استبدليها بـ "أنت على حق"، "ولنفكر سوياً في حل كي لا يتكرر الأمر ثانية"، "أعدك بأني سأعمل جاهدة على تحقيق ما تريد " .. وهكذا

غالبا لا تكون معدة الرجل أقرب طريق إلى قلبه خاصة مع تقدم الأجيال، ولكن الرجل بصفة عامة يحب أن يشعر بأنك مهتمة به، فلا مانع من أن تقيمي له في اليوم التالي مأدبة عشاء رومانسية وتصنعي بنفسك أحب الأطباق إليه . هذا سيجعله يخرج من عصبيته تماماً وينقلب حاله رأساً على عقب .

عندما تكونين مخطئة بعمل ما قومي بمناداة زوجك بأحب الأسماء إليه، وقدمي له اعتذارك، واحتملي ما قد يقوله لك من عبارات عن سبب التأخير مع التأثر الشديد .

لا تستفزيه عندما يغضب، ولا تثيريه بكلمات وعــبارات تبين له مدى استهانتـــك بشخصيته.

لا تجعلي العبوس رفيقك، واحرصي على ألا تفارق وجهك الابتسامة المشرقة المضيئة والفكاهة والبشاشة، لكي تمنحي زوجك السعادة وتنعمي بحياة زوجية سعيدة.

في النهاية تذكري أن الهدايا لا تؤسر قلوب النساء فقط، تذكري زوجك بهدية كلما سنحت لكِ الظروف،

[سوسوفوفو]

انا عندى مشكلة كبيرة فى حيات

ى انى عاطفية اوى ودموعى قريبة وبيصعب عليا نفسى من اقل شئ ومش عارفة هو لية بقى يعاملنى كدة وكلمتو كتير قالى معلش عارف انى عصبى بس وعد مش هزعلك تانى

وللاسف الشديد مفيش فايدة

وللاسف الاكبر انى حسة ساعات انو بيدوس على كرامتى وبقف ساكتة مش عارفة اتصرف ولا اخد اى قرار صح وبخاف المشكلة تكبر لو وصلت لحد من اهلى او اهلة وان البيت يتخرب لان مهما كان يهمنى ان ابنى يتربى فى حضن امو وابوة

انا تعبانة اوى ومزهولة من اللى بيحصل ومش عارفة اتصرف ازاى ولا اعمل اية

Hojd أختي اولا ربنا يصلح حالك ويريح بالك
من منا لا تحب زوجها أبو عيالها .ولكن أختي مش على حساب حقوقي كإنسانة كرمها الله.عاطفتك الزائدة المتحكمة فيكي جعلتك أسفة لا تعرفي تحلي مشاكلك
أختي حل المشاكل يحتاج لعقل وتخطيط وتفكير مهما كانت المشكلة صغيرة
أنتي بحاجة لجلسة صفاء وهدوء مع نفسك حتى تعرفي تحلي مشاكلك وتقرري. حاولي تفهمي زوجك أكثر.والأهم تفهمي ماذا تريدي أنت منه
أسفة تدربي تكوني قوية بحترامك لنفسك (الرجل لا يحب الزوجة المنكسرة)
أرجوكي لا تشعري زوجك هو سبب تعاستك . واعتقد هذا الأحساس واصل له لأن اي موقف منه تعتبريه مشكلة وهم.لا يأختي مش كل موقف نعتبرة مشكلة لازم نتعلم نطنش ونمشي ونعدي.بشرط مش على حساب حقي بالاحترام
حاولي وقت الموقف تسكتي وبعد ساعة تصرفي معة عادي في أمور الحياة والله سوف يقدر هذا منكي في يوم من الايام .أصبري وحافظي على بيتك
يابنتي عادي الي بيحصل معك وسعي صدرك ولا تتعبي ولا تحزني
أرجوكي أوعديني تتعلمي تطنشي وأشغلي نفسك بأمورتنفعك ولا يكون شغلك الشاغل زوجك.ولا تنسي اللهم لا مانع لما أعطيت .ولا معطي لما منعت

[أم عبد الرحمن3122010]

في أحد البرامج الدينية ..اتصلت زوجة وقالت زوجي عصبي ودائما يثور علي ..فقال لها ضيف البرنامج (وأظنه كان الدكتور صبري عبد الرءوف):
جوزك ده عصبي إزاي يعني ؟ بيعمل إيه ؟
قالت له : بيرفع صوته ..ويكسر أي حاجة ..وممكن يضربني لما يتعصب
قال لها : يعني في عمله ..بيتعصب على رئيسه ويرفع صوته وممكن يضربه ؟ لو رجل المرور أوقفه بينزل يضربه ؟
الزوجة : لا طبعا
قال لها : جوزك مش عصبي ..جوزك قليل أدب ...العصبي بيتعصب على الكل ومابيعرفش أبوه وقت الغضب..ومادام بيقدر يتمالك نفسه مع الأقوى منه ..ممكن إنت كمان تجبريه إنه يبطل الأسلوب ده معاكي

بجد اول مرة اضحك على ايدك انتى بسبب كلمة العصبى على الكل يا اما دى قلة ادب ههههههههههههه مش متخيلة لو واحدة قالتها لجوزها متهيقلى هيعملها كفتة فاهمة قصدك اكيد الكلمة مش هتتقال بس ضحكتينى بجد وانا مهمومة

فوفا تصدقي إني باقول الكلمة دي لجوزي

طبعا مش باقول له انت قليل الأدب ههههههههههههههه

لكن هو كتير بيقول لي نسيت ومكنتش مركز

أقول له وفي شغلك بتبقى كده ,, لو غلطت غلطة واحدة في شغلك هيقولوا لك مع السلامة

مع العلم إنه شغله محتاج تركيز جامد وحفظ كمية أرقام مش طبيعية وبيترقى في شغله

يقول لي مهو البيت هو المكان اللي الواحد المفروض يرتاح فيه

أقول له طبعا ترتاح فيه لكن مش على حساب الموجودين معاك,, لازم تعمل لهم حساب

ولا المفروض كل الناس يشوفوا الوش الحلو بتاعك واللي في البيت انكتب عليهم يشوفوا الهم علشان انت تبقى براحتك

كنوزة حاولي مره واتنين وثلاثة وأهم حاجة الإحترام المتبادل

لازم يحترمك زي لما بتحترميه

ربنا يديكي العمر الطويل والصحة لما هتكبروا في السن اللي هيبقى هو العشرة والإحترام مع شوية من الحب لكن طبعا مش هيكون زي أيام الشباب

باتكلم كإني عندي 80 سنه ههههههههههههههههههههههه

بصي يا بنتي أنا باحارب مع جوزي علشان يتغير من 6 سنين وهو عمر جوازي

جوزي ما شاء الله خايفه عليه من الحسد /: فيه البدع

وكل شويه اختراعات عجيبة مره يعرف واحدة ومره كدب ومره تليفونات

وفوق ده كله بيتهمني اتهامات كل شويه ومره أول لما ولدت وكنت عند ماما اتهمني إني كنت أعرف واحد

ومع العشرة فهمت إنه كل مصيبة بيعملها بيحاول يتهمني بيها علشان يطلع هو من الموضوع

وطبعا قصاد كل ده لو قصرت في حاجه أبقى نكدية ومش باراعي بيتي ولا جوزي

وهو مش قادر يفهم إني خلاص بقيت على آخري

لكن دلوقتي بدأ يتغير ويتحسن وطبعا بيفلت منه كل شويه حاجه

وعلى طول أنا ماشية على خط واحد يعني مينفعش أقول له إني مش ممكن اقبل تصرف معين ومره أعديه

التصرف الغلط مينفعش يعني منفعش مفيهاش يمين ولا شمال

وبافكره إني عديت له حاجات كبيرة جدا زي اتهاماته ليا علشان أحافظ على بيتي وإبني

لكن في أي لحظة ممكن أستغنى عنه لو معرفش إزاي يقدرني وهادوس على قلبي ومش هيهمني حب ولا غيره

ولما بدأ يحس إني بقيت قويه قدامه بدأ فعلا يحاول يتغير لإنه حس إني فعلا باضيع منه

حكيت قصة حياتي ,, ربنا يسامحك يا كنوزة

يعني كل لما أشوف ليكي موضوع أقول مش هادخله لإنه بيقلب عليا المواجع

وبرضه بادخل مفيش فايده هههههههههه

ربنا يهدينا ويهدي لنا أزواجنا ويصلح لنا الأحوال

ههههههههههههههههههه هو اية حكايتكم كل شوية اضحك اضحك اضحك والله يا بنتى مش قصدى اقلب المواجع بس اعمل اية هفرقع منا كل ما اخلص من حاجة تطلع حاجة هى الدنيا كدة محدش مرتاح

سوري الموضوع طووووويل
فن ترويض الزوج العصبي


زوجك عصبي، ضاقت بكِ الحياة معه، تشتاقين إلى أيام الخطوبة أحياناً وغالباً ما تفكرين في الانفصال، نعم لقد أصبحت حياتك معه أشبه بوجبة طعام فاسدة، وأوشكت النهاية من الاقتراب .

عزيزتي قبل أن تفكري في الخلاص وتستسلمي إلى فكرة الانفصال، فكري في حل عملي، حاولي التأقلم معه، علميه معني الحب، تحملي سخافاته إلى أن يعتاد الحياة الجديدة، وثقي أنكِ أهل لحسن التصرف، فالدراسات وأطباء الصحة النفسية يؤكدون أن المرأة أكثر منطقية من الرجل . ويرجعون السبب إلى الألياف العصبية في المخ والموصلة بين الفص الأيسر وهو فص المنطق والفص الأيمن وهو فص العواطف أقوي عند المرأة بالمقارنة بالرجل، مما يجعل لدي المرأة القدرة علي التعامل مع الحدث بمنطقية وعاطفية أكثر من الرجل، لذا تنجح النساء غالباً استخدما المنطق لحل المشكلات التي تواجههن .

طيب القلب

لا تتعاملي مع عصبية زوجك وكأنها تعمداً لجرح كرامتك، صحيح أنك قد تكونين تعملين مثله تماماً وتزيد مسئوليات المنزل على عاتقك وحدك، وإنما تذكري أن هدفك هو أن تعيشي داخل أسرة مستقرة، دون أن تخوضي تجربة الانفصال .

يرى الدكتور أحمد النجار المختص في الاستشارات والدراسات والتدريب، أن الزوج العصبي طيب القلب، ولكنه سريع الغضب وهو حاد المزاج شديد الانفعال ويشعر بضرورة الإسراع في الهجوم على الآخرين قبل أن يباغتوه بالهجوم، ونجده لا يثق بأحد ويركز على نقاشات متصيدة .

لذا حاولي ألا تظهري له ضيقك كي لا يأخذ الخلاف منعطفاً أكبر، وحاولي أن تتعلمي من خبرات العاقلات اللواتي يتمتعن بكم لا بأس به من الحكمة .

سر الزواج الناجح

الصراحة بين الزوجين مطلوبة، ولكن بعض الخصوصية مطلوبة أكثر خاصة إذا كانت تتمثل في مشاعر قد تزعج الطرف الآخر، فمن الحكمة التي تؤكدها المتزوجات أن المرأة لا يجدر بها الإفصاح دائماً عن ضيقها من زوجها، وإلا أصبح ضيقها منه أمراً عادياً وبالتالي لا يسعى الزوج لمصالحتها .

يُحكى أن زوجين ظلا يتصارحان حول كل شيء في حياتهما طوال مدة زواجهما التي تعدت الستين، ويسعدان بقضاء كل الوقت في الكلام أو خدمة أحدهما الآخر، ولم تكن بينهما أسرار، ولكن الزوجة العجوز كانت تحتفظ بصندوق فوق أحد الأرفف، وحذرت زوجها مرارا من فتحه أو سؤالها عن محتواه، ولأن الزوج كان يحترم رغبات زوجته فإنه لم يأبه بأمر الصندوق، إلى أن كان يوم أنهك فيه المرض الزوجة وقال الطبيب أن أيامها باتت معدودة، وبدأ الزوج الحزين يتأهب لمرحلة الترمل، ويضع حاجيات زوجته في حقائب ليحتفظ بها كذكريات.

ثم وقعت عينه على الصندوق فحمله وتوجه به إلى السرير حيث ترقد زوجته المريضة، التي ما أن رأت الصندوق حتى ابتسمت في حنو وقالت له : لا بأس، بإمكانك فتح الصندوق، فوجد بداخله دميتين من القماش وإبر النسج المعروفة بالكروشيه، وتحت كل ذلك مبلغ 25 ألف دولار، فسألها عن تلك الأشياء .


فقالت العجوز هامسة : عندما تزوجتك أبلغتني جدتي أن سر الزواج الناجح يكمن في تفادي الجدل والناقر ونقير، ونصحتني بأنه كلما غضبت منك، أكتم غضبي وأقوم بصنع دمية من القماش مستخدمة الإبر.

هنا كاد الرجل أن يشرق بدموعه : دميتان فقط؟ يعني لم تغضب مني طوال ستين سنة سوى مرتين؟

ورغم حزنه على كون زوجته في فراش الموت فقد أحس بالسعادة لأنه فهم أنه لم يغضبها سوى مرتين .

ثم سألها: حسنا، عرفنا سر الدميتين ولكن ماذا عن الخمسة والعشرين ألف دولار؟ أجابته زوجته: هذا هو المبلغ الذي جمعته من بيع بقية الدمى .

كيف تتعاملين معه

بعد أن عرفتِ أن تفادي الجدل والناقر ونقير، هو سر الزواج الناجح، هل لديكِ استعداداً لتكوني مركز الأسرة . يجب أن يكون المركز أقوى طرف ولكن عليكِ أن تتظاهري بأنك الأضعف فقوتك تكمن في ضعفك وحاجتك إلى زوجك .

ثقي تماماً أنه قدر ما يخشى الرجال ذكاء المرأة، قدر ما تستطيع المرأة أن تقنعهم بضعفها وحاجتها إليهم، خبرات المتزوجات تؤكد لكِ أن الهدوء وقت اشتعال عاصفة غضب زوجك العصبي هي الحل الأفضل، وإلا لن تفوت العاصفة إلا بعد تدمير شيء ما ربما يكون كرامتك أو مشاعرك . ومهما بلغت عصبيته كوني هادئة ومتماسكة وقوية، ابتعدي تماماً عن التوتر، وكثرة الكلام والحركة، والبكاء، لأن هذه الأمور ستزيد من حدة غضبه وعصبيته .

قد تكونين ماهرة في التحكم في انفعالاتك، ولكن هذا لا يكفي تحكمي أيضاً في تعبيرات وجهك، فلا تنظري له بحدة، ولا تجعلي نظراته تبدو بلا معنى وكأنك لا تهتمين به وبكلامه، وثقي أن الكلمة الطيبة الهادئة هي الأجدى في ذلك الموقف .

إذا كان زوجك شديد العصبية لا تشعريه وكأنه يتحدث إلى صنم بلا جدوى، اجعليه يشعر أن هدوءك من أجل متابعته والعمل على راحته فيما بعد، وأكدي له بهدوء أنك تتابعين كلامه وتفهمينه جيداً .

هناك عبارات وكلمات تزيد من اشتعال غضب زوجك، فلا تلاحقينه بكلمة " اهدأ" أو " لا أرى أن الأمر في حاجة لكل هذه العصبية " أو " هذا خطر على أعصابك " بالتأكد أنه يعلم كل ذلك ولكن هذه الكلمات تشيطه غضباً، استبدليها بـ "أنت على حق"، "ولنفكر سوياً في حل كي لا يتكرر الأمر ثانية"، "أعدك بأني سأعمل جاهدة على تحقيق ما تريد " .. وهكذا

غالبا لا تكون معدة الرجل أقرب طريق إلى قلبه خاصة مع تقدم الأجيال، ولكن الرجل بصفة عامة يحب أن يشعر بأنك مهتمة به، فلا مانع من أن تقيمي له في اليوم التالي مأدبة عشاء رومانسية وتصنعي بنفسك أحب الأطباق إليه . هذا سيجعله يخرج من عصبيته تماماً وينقلب حاله رأساً على عقب .

عندما تكونين مخطئة بعمل ما قومي بمناداة زوجك بأحب الأسماء إليه، وقدمي له اعتذارك، واحتملي ما قد يقوله لك من عبارات عن سبب التأخير مع التأثر الشديد .

لا تستفزيه عندما يغضب، ولا تثيريه بكلمات وعــبارات تبين له مدى استهانتـــك بشخصيته.

لا تجعلي العبوس رفيقك، واحرصي على ألا تفارق وجهك الابتسامة المشرقة المضيئة والفكاهة والبشاشة، لكي تمنحي زوجك السعادة وتنعمي بحياة زوجية سعيدة.

في النهاية تذكري أن الهدايا لا تؤسر قلوب النساء فقط، تذكري زوجك بهدية كلما سنحت لكِ الظروف،

اهو انتى بقى كلامك قلب عليا المواجع وحسسنى بالرومانسية اللى جيبانى ورا

[أم عبد الرحمن3122010]

Hojd أختي اولا ربنا يصلح حالك ويريح بالك
من منا لا تحب زوجها أبو عيالها .ولكن أختي مش على حساب حقوقي كإنسانة كرمها الله.عاطفتك الزائدة المتحكمة فيكي جعلتك أسفة لا تعرفي تحلي مشاكلك
أختي حل المشاكل يحتاج لعقل وتخطيط وتفكير مهما كانت المشكلة صغيرة
أنتي بحاجة لجلسة صفاء وهدوء مع نفسك حتى تعرفي تحلي مشاكلك وتقرري. حاولي تفهمي زوجك أكثر.والأهم تفهمي ماذا تريدي أنت منه
أسفة تدربي تكوني قوية بحترامك لنفسك (الرجل لا يحب الزوجة المنكسرة)
أرجوكي لا تشعري زوجك هو سبب تعاستك . واعتقد هذا الأحساس واصل له لأن اي موقف منه تعتبريه مشكلة وهم.لا يأختي مش كل موقف نعتبرة مشكلة لازم نتعلم نطنش ونمشي ونعدي.بشرط مش على حساب حقي بالاحترام
حاولي وقت الموقف تسكتي وبعد ساعة تصرفي معة عادي في أمور الحياة والله سوف يقدر هذا منكي في يوم من الايام .أصبري وحافظي على بيتك
يابنتي عادي الي بيحصل معك وسعي صدرك ولا تتعبي ولا تحزني
أرجوكي أوعديني تتعلمي تطنشي وأشغلي نفسك بأمورتنفعك ولا يكون شغلك الشاغل زوجك.ولا تنسي اللهم لا مانع لما أعطيت .ولا معطي لما منعت

حبيبتى انا عملت فعلا كدة وبقالى 7ساعات بعد الموقف ساكتة وهو نايم وحتى عملت العشا لانو صابح صايم ودخلتو الاوضة مكلش وقالى مش جعان ومش قلتلك اعملى حاجة

[FOFFA]

في أول شهور لزواجنا ..جوزي قال لي بالهزار : لا ياروح مامتك .. وشي أتقلب ..كأني وحش ..وقلت له من فضلك ماتجيبش سيرة أمي ..قال لي هو أنا قلت إيه ؟ مش إنت برضه روح مامتك ..قلت له مابحبش الأسلوب ده ..النهارده تقولي مامتك ..وأنا أقولك مامتك ..وندخل بأه في أمي وأمك وأبويا وأبوك ..مالكش دعوة بأهلي ..ودي كانت نهاية روح مامتك
وأول خناقة رفع صوته ..قلت له أنا مش طرشة ..ماترفعش صوتك ..قال لي أنا راجل ومن حقي أرفع صوتي ..قلت له وأنا مش خرسة ..وممكن أرفع صوتي وأسمع اللي في آخر الشارع..وبعد كده قعدت أبكي ..جاء يصالحني وقال لي كل ده علشان صوتي علي عليكي ..أومال لو كنت ضربتك كان يحصل إيه ؟ ..قلت له قسما برب العزة ترفع إيدك عليا أقتلك ..قال أنا أقوى منك ماتقدريش عليا ..قلت وإنت نايم أخنقك بغاز البوتاجاز ..وأرجع الأنبوبة مكانها ..قال لي بتهزري ..قلت له باتكلم جد ..قال لي تبقي مجنونة ..قلت له خلاص خاف على نفسك من المجنونة اللي معاك
ولنا حاليا 31 سنة متجوزين ..لارفع صوته ..ولا مد إيده ..ولا أنا قتلته بالغاز