يالله نتغير سوى.....بإذن الله نستطيع...للجادآات فقط

[مستبشرة بالخير]

عملت على الفطار عصيرأخضر
سبانخ قبضة يد+جزرتن صغارغصن كرفس +قبضة صغيرة بقدونس +تفاحة متوسطة .مع مكعبات ثلج بالبلندر مع كوب ماء يم يم فرش ومنعش ...رآآآئع يشبع ...جربوووه بارد جدا يعطيكم نشاط وخفة...جاهزين للتغير....

[مستبشرة بالخير]

إذا كنت قد قررت أن تفقد الوزن الزائد،
وأنت على علم بأن الطريقة الوحيدة للقيام بذلك هي من خلال الجمع بين التدريبات مع اتباع نظام غذائي صحي ومتوازن ومغذي.ومع ذلك، هناك بعض أنواع من المشروبات التي من شأنها تسريع حرق الدهون وتساعدك على فقدان الوزن بشكل أسرع من غيرها.
وهنا سوف تجد أكثر 2 أطعمة شهرة في خسارة الوزن:
1- العصائر
والعصائر للتخلص من السموم ستكون حليفتك الوثقى في المعركة ضد الوزن الزائد، يمكن الإتكال على العصائر كوجبات يومية للتخلّص من الوزن الزائد على مدى أسبوع واحد.
ويمكن لهذه العصائر أن تتكوّن من الفواكه فقط أو الخضار أو جمعهما معاً.
ومن المعروف أن الحمضيات لديها القدرة على التخلص من السموم القوية، لذلك إذا كنت تبحثين عن الأطعمة التي تساعدك في تطهير جميع السموم التي جمعت داخلك.
كما يوصى بتناول الأطعمة الغنية بالألياف مثل جذور الزنجبيل، والجزر والتفاح.
2-
عصير الخضار يمكن الاستفادة منه لفقدان الوزن الذي تمّ تراكمه على المدى الطويل، ومن المعروف أن النوع الأكثر مناسبة من الخضار لانقاص الوزن هي الخضراء اللون.
من أهمّ الخضار لإنقاص الوزن، هي الملفوف، واللفت، والقرنبيط.
ومن فوائد الخضار أنه بالإضافة لمساعدته الجسم على محاربة السمنة، فإنها أيضاً تحقّق التوازن في مستويات الهرمون في الجسم ومنعه من الإختلال.
والخضار غنية جداً بالمغذيات النباتية الطبيعية التي تعدّ مثالية للحدّ من الدهون في الجسم، وتخفيف الإلتهاب والتحكّم في مستويات السكر في الدم، لتحقيق التوازن بين مستويات الهرمون، وزيادة التمثيل الغذائي الخاص بك، فضلا عن توفير إزالة السموم عامة.

[muslema]

جميل بشورة ،، بس عندي ما بيتوفر كل انواع الخضار ده حاحاول اكل الخضار المتوفر ومن غير ما اعصره ... حتى يحين اشعار اخر ( الاقى الخضرة دي واقدر استغلها )

مشكورة يا بشورة

[muslema]

انا فضيت اكتر من ١/٢ الصندوق ... ان شاء الله يقبل الاستقبال الان

[ام عبد الله عراق]

مرحبا بنات مرحبا مستبشره يوميات السبت
ف بيضه مقليه بشويه زيت+ربع رغيف ابيض+كوب شاي م ك سكر
غدا 4 م ك رز+مرق فاصوليا بيضاء +خضار +شويه دجاج وكفته
فواكه تقريبا6تمرات+تفاحه +نص موزه

ماء لتر ونص
رياضه لايوجد

[ام عبد الله عراق]

الف عافيه عليج العصير وحاول اجرب مشان اخس يارب واعذريني قله دخولي بسبب النت

[تخسيس]

جزاك الله خيرا

[muslema]

السلام عليكم ، اسعد الله اوقاتكم بكل خير

يوميات السبت ٦ /٩

ف: قهوة بحليب ١/٢ ن+ خيار+ ٢ توست بجبن ابيض ٤ ن= ٤،٥ ن

س: جوافة صغيرة١/٢ ن

غ: لقمة ببيض ٢ ن+ ٤ محشي كرنب ٣ ن+ ١/٢ صدر دجاج مشوى ٣ ن+ زبادى ١.٥ ن= ١٠ ن

س: ٣ تمر ١ ن+ تفاحة ١ ن

ع: ٢ توست بالحبوب ٢ ن+ م ك جبن لايت١،٥ ن+ خيار وطماطم = ٥،٥ ن

٣ تمر ١ ن

مجموع : ٢٢ ن من ٢٢ ن

مياه ٩ ك ماء ( لترين الا ربع)

رياضة ١/٢ ساعة مشى

[مستبشرة بالخير]

يوم السبت
فطار
ماء قهوة من غير سكر
تفاحة +كوب كبير عصير خضار
قطعة خبز شعير بمثلث جبنة وزعتر
الغدآ
سلطة طماطم ببقدونس وملعقة زيت زيتون وقطعة فيتا مكعب صغير جدا للطعم وريحان +طبق عدس بخضار وقطعة جاج منزوع الجلد
وقت السناك كنت عند جارتي ضيفتني وافل وحدة متوسطة +كوب شاي بسكر خفيف
العشا مافيش
أول مادخلت أخذت كوكتيل زنجبيل بليمون ونعناع حرآاق للشحووم ومنعش أكيد من غير سكر
الرياضة نص ساعة..الماء من لتر ونص
.بإذن الله نتغير للأحسن

[muslema]

صباح الخير...المدونة جميلة جدا وتحسيه فكره زينا ونفس كلامنا واللي حسينا بيه علی طول فترة الكفاح مع الوزن . ان شاء الله يكون حافز لنا ع الجد والاستمرار.

Sent from my GT-I9500 using منتديات لكي mobile app

[مستبشرة بالخير]

سلام الله عليكم صبا ح الخير لكل الشطورات
برافو مسلمة وأم عبد الله ..بداية هايلة ..ماشاء الله
لوجي وينك يا بطة؟؟؟
بقى لك الصبح لكتابة يوم البارح إلحقي ...خليك جدعة واهزمي شحومك والله سوى نقدر ...
عندك حق المدونة شدتني من شعري لهنا وكلامو قوي ومقنننننع ربنا يحميه ماشا ء الله
ربنا يقوينا آليوم ونكون ملتزمات وصامدات
الرياضة ...
تحسن المزاج...تخلي خلايانا تتنفس وتحرق دهوننا ونكون بصحة وجمال ..حتى ما تتقل علينا نعملها قبل أي شغل بعد الفجر حلوة ومحفزلنا..تكون لنا حصن منيع طووول اليوم ...وأي شيء ذو سعرات نحرقو بإي مشروب ...البارح مباشرة لما طلعت من عند الجارة أخذت السلم بدل الأسنسور ...الحركة ...الحركة...يالله يومكم نشيط وبعيد عن الخمول ...وما تنسيش مفتاح الصحة عندك ...

نقول تاني :-
ريجيم بدون رياضه = خمول وإرهاق وتعب وصداع وترهل وضعف عضلات
ريجيم مع رياضه = نشاط ورشاقه وصحه وجسم مشدود وتقوية للعضلات

[مستبشرة بالخير]

الحمد لله وحده: كيف فقدت 27 كجم في 6 أشهر؟! (بالتدريج و بدون ضغط نفسي)

مبدأيا الفرق كبير جدا.. أصبحت إنسان تاني خالص.. فرق كبير جدا في التنفس... و الحركة و اللبس .. شراء اللبس ده كان عذاب .. كنت بألبس ف البنطلونات 42 أكبر مقاس ف الدستة بقيت 34 و واسع عليا كمان! و التيشيرتات كنت XXL بقيت L و واسع كمان! .. وجع الظهر و الركبتين راح الحمد لله ..
تصدق اكتشفت إني عندي ضلوع ؟! بعد ما تخلصت من أكوام الشحم بدأت أحس ضلوعي.. كانت مفاجأة الصراحة!
- مبدأيا لازم يكون عندك أمل.. الأمل يخلق دوافع الكفاح و النجاح.. لا تيأس .. استمر.. داوم ..
- الفكرة المهمة اللي تركز عليها إنك متفكرش إنه دايت.. شيء مؤقت.. لا .. ده أسلوب حياة= تعديل شامل في سلوكك الغذائي و الصحي = for life= نية الإستمرارية ..
نبدأ؟؟
- أنا خسيت 27 كجم في 6 شهور.. ازاي؟!
- بعدت تماما عن التيك أواي و العيش الفينو و المياه الغازية و الأكل المقلي و الحلويات و السكر و الشيبسي ده من اليوم الأول.. مفيش يعني مفيش.
- الحد الأقصى في الوجبة نص رغيف بلدي أو 3 ملاعق أرز أو 4 ملاعق مكرونة.
- البروتين مسلوق أو مشوي كان في البداية ممكن بكمية غير محدودة..
- اشتريت شوفان..علبة شوفان نصف كيلو بحوالي 10جنيه و نصف ممكن تفطر بيها 7 أيام ..
- تاني بأكد .. مهم جدا تبعد عن التيك أواي .. كل في البيت و لو شغلك بيخليك تقعد بره البيت كتير خد معاك أكل من البيت .. دايما بيكون معايا جزر - خيار - خس- موز - برتقال- جوافة - كمثرى - تفاح - تمر .. مفيد أوي التمر
- اشرب ماء كثير .. كثير .. كثير..
- امشي نصف ساعة يوميا و العب تمارين في البيت 10 دقائق فقط .. لكن داوم عليهم ..
بالنسبة للمشي .. ممكن تنزل قبل محطة شغلك ب ربع ساعة و تكمل مشي .. اعمل كده و أنت رايح و أنت راجع.
*في المرحلة الأولى كان الأكل كالآتي :
- الإفطار:
* شوفان .. مقدار فنجانين شوفان على كوب لبن أو ماء مع ملعقة سكر ..ممكن تضيف ملعقة زبيب و سوداني مطحون بيدو طعم حلو و فايدة غذائية .. وجبة كاملة ممكن اقعد عليها 7 ساعات!
* أو نصف رغيف مع فول
* أو بيضتين مسلوقتين
* أو قطعة جبن قريش
مع خيار و طماطم و خس
و كوب نسكافيه أو شاي بلبن من غير سكر.
بالنسبة للشرب بدون سكر مع الوقت هتتعود عليه و هتبدأ تحس بطعم جديد للنسكافيه و الشاي و تستغرب ازاي أنا كنت بأشربه بسكر؟
- الغداء:
* نصف رغيف أو 3 ملاعق أرز أو 4 مكرونة
* طبق سلطة كبير ( أساسي ) و طبق شوربة كبير
- طبق خضار .. كل على قد ما تقدر . ..
- قطعتين لحم وسط أو ربع فرخة أو ربع سمك مشوي أو علبة تونة صفي منها الزيت..
أفضل تقسم و جبة الغدا على مرتين الشوربة و الأرز و الخضار و بعدها بساعتين السلطة و البروتين .. مثلا .. الطريقة دي بتقلل إحساسك بالجوع و بتخلي معدل الحرق أعلى..
-العشاء:
ممكن زي الفطار .. و لو جيت على نفسك خليها فاكهة و كوب لبن.. و أخر النوم ساعتين او ثلاثة بعد العشاء ..
لو جعت بين الوجبات عليك بالأصدقاء الأوفياء :
الخس و الجزر و الخيار و الطماطم و الموز و التفاح و البرتقال ..
مع الماء طبعا.. اشرب ميه كثير.
- ممكن تاخد مقدار كفك سوداني أو كوب فشار.. لو أنت غني ممكن مكسرات بندق .. فزدق .. كاجو .. 50 جرام .. خلونا ف السوداني .. ده سناك بين للوجبات.. و ممكن تبقى وجبة عشا.
- مهم جدا:
اعمل يوم واحد توزن فيه و ثبته مش كل ما تشوف ميزان توزن نفسك بلاش وسوسة .. و ثبت الميزان و الوقت اللي بتوزن فيه و خلي بقية اليوم ده حر .. عك فيه بأكل الممنوعات..
ابدأ اوزن نفسك و اعمل اليوم الحر بعد أسبوعين من بدء الدايت.
- بعد شهر على النظام ده هتخس بإذن الله ما بين 6 إلى 8 كجم ..
المرحلة الثانية:
- ابدأ قلل العيش ل ربع رغيف
- الغدا زي ماهو..
- العشا فاكهة فقط ..
ممكن تعمل اسبوع الفواكه : و ممكن تكرره كذا أسبوع
فطار و عشا فاكهة فقط تفاحتين /موزتين / جوافتين .. مع النسكافيه.
- جيب لبن خالي الدسم و اشرب كوب بين الفطار و الغدا و كوب بين الغدا و العشا مفيد جدا و بيزود الحرق ..
- حاول تزود الرياضة امشي ساعة .. لما وزنك هيقل 10 كجم ابدأ اجري.. 20 دقيقة 3 أو 4 مرات في الأسبوع.. كمان في app لأجهزة الأندرويد اسمه max capacity training
16 دقيقة تمرين يوم و يوم لكن رائع فعلا..
- في حاجات خليها عادة عندك استخدم السلم بدل الأسانسير .. كل ما يكون عندك وقت امشي بدل المواصلات.. نام جعان شوية و قوم من ع الأكل جعان شوية.. كل ببطء و امضغ كويس ..
- لو حسيت بهبوط كل موزة/ تفاحة / شوية تمر أو في بسكوت شوفان او بسكويت نخالة قمح .. مسكر و السعرات بتاعته مش عالية الباكو حوالي 140 سعر .. بجنيه و ربع الباكو خليه معاك لو هبط أو جعت كله و اشرب معاه ماء او شاي او نسكافيه من غير سكر..
- اعمل يوم خلي غداك فيه مكرونة مسلوقة مع ملح و فلفل أي كمية .. و سلطة خضرا..
- ممكن تعمل البانيه من غير قلي في الزيت .. تجيبه و تحطه في البيض و البقسماط و بعد كده تحطه في صينية و تدهنها زيت و البانيه كمان .. حاجة بسيطة جدا و تغطيها بفويل و تدخله الفرن .. نفس الطعم بزيت أقل
-تنبيهات أخيرة:
- متتكلمش كتير و تعمل فرح أنا عامل دايت .. أنا عامل دايت .. داري على دايتك يئيد لما تخس هيبان عليك .. لكن المهم الإستمرار ..
- بعد المرحلة الأولى حوالي 4- 6 أسابيع هيبدأ معدل نقصان الوزن يبطأ .. و بعد 3 شهور تقريبا هتقابلك غالبا فترة ثبات مقرفة جدا .. لا تيأس .، استمر ..
- متسمعش كلام حد انت كده حلو .. ياااه أنت خسيت كتير .. كفاية كده .. امض و لا تلتفت
- متعكش غير في يوم الحر free .. و لو بحاجة بسيطة .. آه حتة الهريسة الصغيرة دي هتبوظ كل حاجة .. و حتة المشبك ده هيضيع الدايت .. مطلوب صرامة في التنفيذ
- احتسب.. خلي نيتك الوصول لمرحلة من العلاقة مع الأكل زي ما النبي وصفها : بحسب ابن آدم لقيمات يقمن صلبه!
- لما يقل أكلك .. هيعتدل نومك و يزيد نشاطك و يزيد إنجازك..
- أنا كنت 115 كجم و صلت ل 88 كجم و فاضلي 8 كيلو معصلجين جدا .. دعواتكم
- كنت بأنزل بمعدل 2 كجم أسبوعيا أول 6 أسابيع.. و بعد كده كجم واحد أسبوعيا لمدة 10 أسابيع .. و بعد كده 2 أو 3 كجم كل شهر..
بالتوفيق للجميع

[مستبشرة بالخير]

يالله هيا بطبوطات كانت كبسولة الصبح عالريق ...حتى نتشجع بقووووة
....أشوفكم باليل بإذن الله
دعواتكم

[muslema]

عجبتني فكرة تقسيم الغدا دي
Sent from my GT-I9500 using منتديات لكي mobile app

[muslema]

من مدونة خسسنى دوت كوم

١٠ مؤشرات لأنك محتاج تخس و تخسر وزنك

دايماً بتبقى عايز تخس و تبقى حلو كده و fit بس بتكسل، و عملت تلتميت دايت و وقفت و مكملتش، عارف احساسك كويس بعد كام يوم بتزهق، عايز افكرك بالأعراض اللي انت حاسس بيها دلوقتي و هاتختفي تماماً لما توصل لهدفك و تخسر وزنك الزيادة و اللي مضايقاك طول الوقت.

افتكر ازاي بتنهج و نفسك بيتقطع لما بتطلع السلم
بتتطلع سلمتين زي الفيل و تنهج و ماتقدرش تكمل و تبقى حاسس ان روحك هاتتطلع و اقل مجهود بيجيب اخرك و نفسيك تبقى في الارض؟ ده بسبب ان عضلاتك و قلبك بيحركوا كتله اكبر بكتير من اللي ربنا خالقهم ليها، الحمل كبير يا ابن عمي و لازم تساعد

الواقع ان مع كل كيلو هاتخسروا من وزنك هاتحس بتحسن واضح في الموضوع ده و يا سلام لو شوية مشي كل يوم هايكون التأثير سحري و نفسك هايطول و هاتمرن جسمك انه يتحمل اكتر و يكون صحي اكتر. لكن لما تقرب من وزنك المثالي هايكون الموضوع ده كله من الماضي تماما و هاتطلع السلم زي الفراشة. الفكره ان عضلاتك متمرنه على وزن كبير بالفعل فلما تخسر الوزن ده هاتلاقي عضلاتك قوية على وزنك الجديد و ده هايديلك احساس بالانتعاش، انت بس محتاج تخلع الغلاف الدهني اللي على جسمك الرياضي اللي جوا!

افتكر ليه بتكره تشتري لبس جديد و معركة انك تلاقي مقاسك في البنطلونات او ان اللبس يداري البلاوي
اكتر مشكله كانت بتسببي ازمه هي اني انزل اشتري لبس، انا بالذات كانت مشكلتي في مقاسات البنطلونات، دايما مقاس البنطلون بيكون اصعب حاج في كل لبسي و ساعتها مش بفكر في الماركه و لا الخامه و لا اللون، المهم اني لقيت مقاس ينفع يتلبس، كان ممكن اجيب منه اتنين عشان مش ضامن المستقبل!

مسأله انك تختار و تنقي دي كانت من درب الخيال، كنت ادخل المحل من دول اول حاجة اسألها و انا وشي في الارض هو هل مقاسي موجود في البنطلونات و ساعتها اغلب الوقت الراجل يرد عليها بنظره من فوق لتحت و نظره خبيثه معناها "مافيش فايده".

مش لاقي لبس يليق عليك؟
سيبك من البنطلون، طيب ايه اخبار باقي اللبس؟ جربت تلبس قميص و كرشك "يبُظ" منه لما تقعد و يبقى هايفرقع منك؟ و لا جنابك بتطلع من التيشرت؟ ماتزعلش، عارف ان دي اسرار مش حاسس بيها غيرنا لكن لازم تتغير، لو عندك المشاكل دي لازم تشتغل شوية و تعذب الدهون دي اللي منكده عليك حياتك. دايماً كانت عندي المشاكل دي، إن اللبس بيكون شكله هايبقى تحفة عليا لكن لما البسه يطلع "مفشول" من حته من الحتت الكتير اللي مفشوله

ركبتك بتوجعك في الصلاة؟
أنا عندي اصلاً إصابة في ركبتي (تمزق جزئي في الرباط الصليبي و الغضروف الهلالي) لكن كنت فاكر ان سبب آلام ركبتي في الصلاة هو الموضوع ده منفرداً. الحقيقة ان الوزن كان هو المشكله الحقيقة و تقريباً كل مشاكل ركبتي (حتى المرتبطة بالرباط الصليبي) اختفت بعد ماخسرت جزء كبير من وزني. فاكر كويس اوي الام ركبتي لما كنت احاول اجلس على كرسي او اقوم منه، كأني بحاول اقوم عربية نقل تقيل. لو عندك نفس المشاكل يبقى انت محتاج نفس الحل. تخس يا معلم!
انا كنت بطلت كل انواع الرياضة بسبب اصابة ركبتي، اكتشفت اني لما خسرت وزني اني اقدر العب اغلب الرياضات تاني بحرص طالما عضلات رجلي قوية. اساطير بتتكسر!
ضهرك بيوجعك مع الوقفه او المشي؟ (اسفل الضهر او اعلى الضهر)
سامعك و انت بتقول "ايوووه انا عندي المشكله دي" بتبقى اول واحد لما بتركب المترو بتفكر تدور على كرسي عشان ضهرك هايقتلك من الوجع، ده غير ركبك و رجلك اللي ورمت من الوزن. و ساعتها بتنسى كل اخلاق الثورة -- نظام بقى تقعد الستات الاول و الكلام ده -- ما انت بتعاني معاناه رهيبه ماحدش حاسس بيها. ايام تصحى من النوم تلاقي ضهرك قافش و مش قادر تتحرك؟ وزنك يا معلم ده غير ان ده دليل واضح إنك محتاج شويه تمارين تقويه و إطاله لعضلاتك
بتشخر و انت نايم؟ او نفَسَك بيتقطع اثناء النوم؟
ماتخافش مش هاقول لحد المشكلة اغلب الاوقات بتكون بسبب زيادة الوزن و هو موضوع في منتهى الخطورة و ماتخدوش باتستهار خصوصاً لو بعد ما تصحى بيكون عندك صداع و احساس بالإجهاد العام. و افتكر دايماً انك لو مش بتنام بعمق هاتاكل اكتر...ايوه!
عندك مشاكل في الهضم و انتفاخ طول الوقت؟
بطنك على طول بتوجعك و بتعاني من الانتفاخ، الغازات، الاسهال، الخ… الاسباب مختلفه لكل شخص على حده، لكن الشئ المشترك هو إنك لما بتنظم اكلك و تختار اختيارات صحية فبطنك بترتاح خصوصاً لما تقلل الدهون. الاحساس بالتخمة بعد الاكل من اكتر الحاجات اللي هاتختلف بعد ماتأكل وجبات اصغر، مش هاتحس بالنعاس بعد الاكل لأن الاكل خفيف.
بتعاني في ربط رباط الجزمة (الحذاء)؟
من اشهر المشاكل اللي اي حد عنده كرش هو ان نفسه بيتقطع و هو بيحاول يربط الجزمة بسبب ان بطنه بتضغط على القفص الصدري، المشكله دي هاتكون من الماضي إن شاء الله. هاتنزل حتى تربط الرباط و انت في منتهى الراحة.

بيجيلك صداع مستمر؟
لو ماعندكش اسباب مرضية للصداع فممارسة الرياضة و الاكل الصحي هايساعد بشكل كبير انك تتخلص من الصداع، خصوصاً الصداع النصفي. في حالتي انا تحديداً الرياضة و المشي ساعدت بشكل كبير على اني اتخلص من الصداع اللي كان ملازمني من و انا في فترة المدرسة و حتى التخرج من الجامعة و ماكنتش فاهم اسبابه و عملت كشف عام على النظر و رسم مخ و مالقيتش سبب واضح.

عندك احساس مستمر بالكسل و عايز تنام طول الوقت؟
عارف انك ماكنتش تعرف ان ده من اعراض زيادة الوزن و السمنة، الحقيقة ان السبب بسيط هو ان جسمك بيبذل مجهود كبير جداً في الحركة بسبب الوزن الزيادة و بسبب انك بدون ممارسة رياضة بتكون عضلاتك متصلبة و لا تتحمل المجهود، فجسمك طبيعي يعني يكون عايز يريح نفسه بدل البهدله اللي انت مبهدلهاله دي و بناءاً عليه بيديلك الاحساس ده بتاع الأنتخة و النوم المتواصل.

-- أحمد سليمان