يومياتى مع الدايت

[seso198]

السلام عليكم ورحمه الله وبركاته
زهقت بجد من الوزن الزياده
انا عندى طفلين ولد عمره 9 سنين وبنت عمرها سنه و 4 أشهر وعمرى 28 سنه
برضع + وزنى 96 + الطول 162
مش هقول حابه انزل للوزن كذا بس هدعى من ربنا ان انزل ويكون جسمى صحى
الا حابب يشاركنى يا اهلا وسهلا

الرجيم الا همشى عليه بالرد التانى + رياضه على الاقل 30 دقيقه "رياضه بالبيت - او رقص او مشى" الا تحبه + شرب الماء لا يقل عن لتر ونص حوالى " 6 اكواب ماء "+ أخذ فيتامين من الصيدليه + فيتامين زنك "للحفاظ على الشعر "

[seso198]

رجيم اول اسبوع
من تاريخ 6 - 1 - 2013 الى 13 - 1 2013

رجيم 1

وجبة الإفطار

كوب شاي أو نسكافيه بلبن خالي الدسم + ملعقة عسل نحل + قطعة جبن بيضاء أو 2 بيضة مسلوقة + 2 توست سن
أو صحن بليله من دون سكر ويمكن اضافه ملعقه عسل ابيض عليها



وجبة الغداء

اليوم الأول : وجبة مفتوحة.
اليوم الثاني : 1/2 كيلو سمك مشوي + 4 ملاعق أرز + سلطة خضراء.
اليوم الثالث : 10 ملاعق كشري + سلطة خضراء.
اليوم الرابع : علبة تونة + سلطة خضراء + 2 توست سن.
اليوم الخامس : 3 قطع شيش طاووق + 1/4 كيلو بطاطس فرن + سلطة خضراء.
اليوم السادس : 8 محشيات كوسة وباذنجان + سلطة خضراء.
اليوم السابع : 1/4 كيلو كفتة مشوية + رغيف سن + سلطة خضراء.


وجبة العشاء

2 مغرفة شوربة خضار أو 3 ثمرات فاكهة " ممنوع المانجو والتين و البلح و الموز"

ربنا يقوينى ويقويكم ان شاء الله

[-بلسم الجروح-]

بالتوفيق حبيبتى

ربنا يحميكى


وكلى اكمل صحى من البيت

وما تلتزمى بليستات


وابتعدى عن الدهون والمقالى


وربنا يكرمك ويوفقك

[كونور]

بالتوفيق ويارب توصلى لوزن اللى انتى حابه

[{ أم أنـــس }]

السللام عليكم

اهلا بك اختي

بتمنى لك التوفيق ونزول وزنك بالصحة والعافية ان شاء الله

الرجيم المكتوب جيد وبيه تقريبا كل العناصر

وبامكانك اذا شعرتي بالجوع بين الوجبات تخدي خضار قليلة السعرات مثل الخيار والخس

رغم ما بحبذ الاكل يكون مكتوب بس المهم البداية

بالتوفيق ان شاء الله

[KARIMA33]

بالتوفيق يا قمر


يارب تخسي بصحة وعافية يارب


استمري

[seso198]

شكرا لردودكم المشجعه
انا اعتبرت انهارده نص يوم رجيم مع انى المفروض ابتدأ بكرة
بس باليل بعد العشاء بنزل عملت ايه خلال اليوم
وانا كمان ما احب الجدول المكتوب بس بحاول امشى عليه يمكن بالاول لحد اضبط اكلى

[seso198]

السلام عليكم ورحمه الله وبركاته
اليوم خارج الرجيم لسه ما دخلت بالنظار الا هيبدأ غدا " الاحد " ان شاء الله

الفطار
رغيف بلدى بيض بالبسطرمه + رغيف بلدى جبنه بيضا بالطماطم " الرغيف صغير جدا يعتبر من الحجم العادى نصف رغيف " + كوب عصير برتقال + خيار وماطم وجرجير
^
الفطار خارج الدايت بالمره

سناك : كوب شاى أحمر

الغداء
2 معلقه ارز + 3 قطع شيش طاووق + قطعه صغيرة لحم مشويه قد صوابع ايدى+ سلطه

سناك : شاى اخضر

العشاء :2 بيضه مسلوقه + 1 طماطم + 2 خيارة + لقمه عيش بلدى قد صوابع ايدى

المفروض كان العشا شوربه او فاكهه بس كنت جعانه فقولت اكل حاجه معقوله بدل ما اجوع اكثر والخبط جامد

وقبل ما انام اكلت 1 موزة

شرب ماء قبل الاكل "2 كوب " + رياضه " مشى فى البيت رايح جاى "

يارب ده كان تجربه قبل اسبوع الدايت الرسمى
ادعولى ربنا يثبتنى

[sana5783]

ربي يثبتك ويوفقك

[مدام الدكتور]

ربنا يوفقك وتوصلى للوزن المظبوط وانا كمان نفسى اخس لو تحبى نشجع بعض لانه المنافسه بالريجيم بتجيب نتيجه افضل

[muslema]

الله يوفقك ويوفق الجميع ...هو مشوار طويل وممل ...لكن اللى بيهونه وييسره بعد الاتكال على الله ....الصحبة الحلوة

[seso198]

شكرا لتشجيعكم جميعا
مدام الدكتور طبعا يفرحنى اشتراك معايا بنشجع بعض
الدايت بالرد التانى فى الصفحه الاولى وانهارده اول يوم له

[مدام الدكتور]

صباح الخير seso
انا شفت النظام وعاجبنى اوى

انا من امبارح ابتديت تخفيف وهحاول العب رياضه من النهارده واشرب 8 اكواب ماء وزنى 90 ونص وطولى 170

[seso198]

^
مدام الدكتور جدعه الله يقويكى
شدى حيلك معايا


يومى انهارده
" كنت مسافرة "

قبل الفطار : نص تفاحه و ماء
الفطار: نص رغيف بلدى جبنه بطماطم و نص رغيف بلدى بيضه مسلوقه " الرغيف صغير " + طماطم وخيار +ماء
الغداء : ربع فرخه مشويه + ا كفته + قطعتين صغيرتين كباب + 2 معلقه ارز + سلطه + معلقتين شوربه لسان العصفور
سناك : كوب شاى احمر
العشاء " علبه زبادى + 2 يوسفى

الرياضه : اتمشيت كثير انهارده " تسوق " + ماء للاسف مش كتير بسبب السفر والحركه حوالى لتر

[seso198]

السلام عليكم
انهارده صحيت متأخر ما فطرت طبعا
اتغديت على طول
باليل اقولكم اكلت ايه ويومى كان ازاى