[مجموعة]نجمات الرشاقة (الجزء الثالث )

[هبهوبة]

هلق مو فاضيتلك استني عليي

المهم

صار حواليكن شي باللي ولا سمعتي شي؟

أنا ورزان فقنا بالليل شي 2.5 على أصوات كأنو قصف وكل شوي شي يلمع بالسما

والجهة اللي عمشوف منها هالشي ممكن تكون نواحي حرستا والله أعلم

بقى طمنيني

[شـآم]

مبلا كأنو كان في انفجار

بس اطلاق نار لأ مافي

بعدين وليه شو أصدك عن جوزي

استني عليي أنا بورجيكي لما بدي فصل طقم .. ما رح اجي لعندك خخخخخخخخخخخ

يا بنات هبهوب بتعمل أطقم .. كتير حلوة هههههههه

[هبهوبة]

ك يا جدبة عمبمدح زوجك بس إنتي مخك تقيل شوي
بعدين بالليل مو صوت واحد أصواااات كل شوي واحد وبالسما شي يلمع
أنا حسيت الصوت قصف مو إنفجار .. وبعدين لا ما قلت إطلاق نار

[شـآم]

إيوا .. قلتيلي .. عم تمدحيه ما ..
والله ما بعرف وين
الله يلطف أحسن شي

[{ أم أنـــس }]

السلام عليكم

يسعد صباحكم يا حلويين
مين بدها قهوة

[شـآم]

أنا بدي قهوة

الصورة بتجنن رمرومة كأنها قدامنا

[شـآم]

[{ أم أنـــس }]

بالهنا والشفا على قلبك هلولتي

انتي غالية والطلب رخيص

ويا ريتك قريبة كنا شربنا سوا احلى قهوة

[هبهوبة]

تسلم إيدك أم أنس عالقهوة
أنا هلق بإيدي كوب الحليب
كنت جوووووعانة كتير
وكانت نفسي عمبتسولي بالتخبيص
بس قلت لاااااا
قوم أفطر ولو لسه بكير كتير بس أحسن لي من البسكوت والشوكولا

[{ أم أنـــس }]

يسعد صباحك هبة

انا التانية عملت مج النسكافيه الصباحي

صار لي يومين بدي اخبص

ههههههه
الفترة اياها

بس الحمد لله ما عندي ممنوعات بالبيت

باجلها ليوم الفري


طمنيني كيف الوضع اليوم الصبح ان شاء الله احسن

[هبهوبة]

هي زبطت الشعار
شو رأيك حنون

[وعود الخير]

صباح الورد
يوميات الأحد

الافطار: كوب ماء- ربع رغيف خبز قمح مع بيضة مقلية بملعقة زيت زيتون
السناك: -الفترة الأولى : 5 قطع بسكويت قمح
- الفترة الثانية: كوب لبن زبادي

الغداء: صحن سلطة خضرا- مغرفة فاصوليا حمرا-4 ملاعق رز ابيض
السناك: 5 حبات مشمش
العشا: صحن بوب كورن بالشطة
الماء: :2.5 ليتر
الرياضة: مشي ساعة + لعب 10 دقائق= 70 دقيقة

[هبهوبة]

أم أنس

والله أنا كل يوم عمفكر بالتخبيص بدون ما تكون الفترة إياها ههههههه

هلق الجو كتير عادي

الله يصلح الحال يا رب

[هبهوبة]

صباح الخير وعووود
كيفك؟

يلا عالسريع
اعترفي وزنك وطولك وأديش صرتي نازلة

مشا تاخدي نجوم التفاعل

وإذا ما بدك مو ضروري ما إنتيشموسة يعني بلاهن النجوم هههههه

[{ أم أنـــس }]

ههههههههههههه

الله يهدينا
انا من امس وبدي كيس شيبس

الاولاد طالعين نازلين يشتروا
اه بيعزموا علي
بس بدي اجرب كم نوع
خخخخخخخخخ