حملة هأخس و ابقي أمورة و ألعب مع ولادي الكورة (2)*فتح باب التسجيل من جديد*أهلا بكم

[Emy122001]

جيجانو ازيك يا عسل وحشاااااااااااااااني موت شكرا لدعواتك وربنا يخليكي ليا
ام احمد وأريج ربنا يخليكي يا عسل انا بقيت كويسة شوية بس ما صدقت وقومت نضفت اوضة ندى قام التراب سد انفي تاني ربنا يتقبل دعاكى يارب
بيرو لا يا جميل مش انتي اللي عادتيني ولا حاجة لان احنا الاثنين تعبانين في نفس الوقت وربنا يشفيكي ويشفينا ان شاء الله وربنا يسمع منك وماما تبقى كويسة ان شاء الله
مولاتي ربنا يخليكي يارب وشكرا على دعوتك الحلوة دي

[Emy122001]

بقيت يومي امبارح
الغدا
رغيف سن بجبنة بيضة وخيارة وطمطماية
العشا
2 قطعة بيتزا +قطعة جبنة رومي + قطعة شمام
انا امبارح شربت مية كتير والرياضة شيل المراتب وتنضيفها ومسيح وغسيل بطانية يعني ظبطت وعملت تمارين لكافة اعضاء الجسم لما الجسم مبقاش موجود اصلا مش حاسة غير بالام في ظهري فظيعة
انتي عندك حق يا بيرو التلبيخ الاسبوع دة كبير اوي وربنا يستر
انا شكلي كدة هبقى كورة الاسبوع او بطيخة الاسبوع

[مولاتى]

السلام عليكم

ازيكم يا بنات
بكرة الميزان ربنا يستر


يوميات الخميس

الفطار : رغيف + طبق فول + طماطماية + شاى بلبن بدون سكر

بعدها بساعتين كوب نسكافيه بلبن بدون سكر

الغدا : تفاحة

العشا : كوب لبن

الماء : لترين
الرياضة : ساعة مشى

انا لخبطت اوى فى الفطار واكلت رغيف علشان كده قررت اعاقب نفسى
و قضيت باقى اليوم فاكهه ولبن بس
وهدخل انام دلوقتى علشان تعبانه جدا ومنمتش من امبارح
بقالى يومين منمتش وكمان علشان ماكلش حاجه تانيه
النوم افيد
وربنا يستر بقى على الميزان

[ريحانة الود]

ازيكم يا قمرات وحشتونى وحشتووووووووووووووووووووونى
مبروووك علينا الجزء الجديد وان شاء الله نوصل للى نتمناه
معلش انا لسه مصلحة النت النهارده
انا حبيت اسلم عليكم وان شاء الله ادخل تانى اقول اخبارى

[ام احمدواريج]

السلام عليكم
ازيكم يا بنات
ازيك يا بيرو ربنا يهديلك ماذن ان شاء الله
يوووووووميات الخميس
الافطار
2شابورة
الغدا
4ملاعق ارز
3ملاعق بسله بالجزر
سناااااااااااااااااك بس من غير ضرب
علبة دانيت
3بسكوتات
الصراحة كنت عند ناس وكانوا عاملين حلا خطيربالدانيت والبسكوت بس فكلت
3قهوة عربى
1شاى
العشا
نص رغيف اسمر
كلت معاة بيض مقلى ولبنة
المية 2لتر
1شاى اخضر بدون
اية دة اية العك دة كل دة اكل يا ساتر مفجوعة على الاخر مش كدة
والله انا محبطة جدا الاسبوع دة وحاسة انى مخستش اى حاجة

[Emy122001]

ازيكو يا بنات
انا وزنت وطلعت خسيت يادوب 400 جم والله كويس بعد العك دة يعني بقيت 107.2 كجم وطبعا هشيل شعار امورة الاسبوع من التوقيع ومبروك مقدما لحاملة اللقب
انا بكرة هبقى خارجة ان شاء الله فيمكن معرفش ادخل
هتوحشووووووووووووووووني

[bero333]

مولااااااتي
ايوة كده و انا باقرا الفطار كنت هأنط اديكي عضة معتبرة بس لقيتك صلحتي جاية تبوظي قبل الميزان
يااللا اوزني عشان نشوف النتيجة و ان شاء الله موفقة يا حبيبتي

ايمي
مبرووووووووووووك النزول يا عسل
اعتقد ان تنظيف الشبابيك و المراتب انقذوكي بال 400 جم دول هههههههههههههههه
التزمي بقي الاسبوع ده عشان انتي كده بتعملي تثبيت لوزنك

ريحاااااااااااااااااانة
ازيك يا عسل وحشتيني اوي ايوة كده الموضوع نور
في انتظار الاخبار علي احر من الجمر و كمان الميزان

ام احمد و اريج
مفيش حاجة اسمها احباااااااااااااااااااااط احنا هدفنا تغذية صحية
اوزني و ان شاء الله خير
و بطلي عك و عايزين رياضة
انا عارفة اني قلت هاتكلم امبارح بس بصراحة تعبت و نمت
هاتكلم النهاردة ان شاء الله
في انتظار الميزان

[bero333]

أما انا بقي
فقررت الاتي بعد بحث و تمحيص هههههههههههههههههه
سوف أتبع ريجيم النقاط بأذن الله
و السبب الغالية بنت الأحرار ربنا يكرمها يا رب و يبارك لها في أولادها دخلت أشوف الجزء الجديد بتاعها لقيت النقاط للمرضع

و ده اللي يفيدنا كلنا لمن تحب اتباع نفس النظام

---

النقاط المفروضة
50 - 59 ===16 نقطة
60 - 69 ===18 نقطة
70-79=== 20 نقطة
80- 89 ===22 نقطة
90-99 ===24 نقطة
100-109 ===26 نقطة
110- 119 ===28 نقطة

ولو كنتي مرضع
قبل الست شهور (إعتماد 100% على الرضاعة) بتضيفي 12 نقطة
ولو ابنك من 6 - 9 شهر === بضيفي 8 نقاط
لو ابنك بعد السنة أو 10 شهور بتضيفي 6 نقاط
وذلك حسب كمية رضاعته

يعني انا كده ليا 40 نقطة
انا هأمشي علي 35 نقطة عشان أقلل وزني ببطء أو أحافظ عليه و ان شاء الله مش هأتجاوز النقاط المحددة و هأحاول استغلها في مأكولات و مشروبات تدر اللبن و كمان هأمتنع عن السكريات و الدهون ما عدا زيت الزيتون بكميات قليلة و هأشرب مية كتيررررررررررررررررر
و هأجرب الأسبوع ده و ربنا يسهل
انا وزنت دلوقتي و زدت
بقيت 113.3 كجم
انا طبعا زعلانة بس مش محبطة ان شاء الله أنزل تاني مع ريجيم المرضعات
و ده رابط موضوع بنوتة في أول صفحة كل التفاصيل عن ريجيم النقاط
http://www.lakii.com/vb/showthread.php?t=666284

[bero333]

اما عن الرياضة يا بنات

انا عارفة ان تقريبا كلنا مش عندنا وقت نخصصه للرياضة و كمان بنكسل
عشان كده هاقولكم علي سر من اسراري

اتحركي في البيت في وقت الشغل طبعا الوقت اللي بتروحي و تيجي فيه كتير

اتحركي علي شكل هرولة او جري بطيء
و انتي في المطبخ و مستنية المية تغلي مثلا او الشاي او اي اكل
اجري في المكان ببطء مش بشكل عنيف المهم يكون فيه مجهود منتظم متواصل لفترة
اظن مفيش اسهل من كده
الاسبوع ده مش هاتهاون في الرياضة ابداااااااااااااااااااااااا
يا تري كام واحدة هتكتب انا كسلانة؟

[مولاتى]

بيرو
انا بجد ندمت اوى بعد فطار امبارح
بس انتى عارفة الشيطان شاطر
والفول بصراحة كان حلو اوى ويجنن مقدرتش اقاومه
بس الحمد لله عوضتها باقى اليوم

بالنسبة للوزن
انا وزنت دلوقتى وزنى الخميس الماضى كان 72.5
وزنى اليوم 72
نص كيلو الحمد لله نعمة وفضل من الله

[lovely_nory2]

ازيكم يا حلوين
وحشتوني وحشتوني وحشتوووووووووووووووووني

ازيك يا بيروووووووووو
وحشتيني اوي اوي
متحبطيش يا جميل انا الحمد لله تخنت ال 2 كيلو اللي خسيتهم رجعت 87 كيلو تاني

عموما هنبدا بكره من جديد و هشوف ريجيم النقاط ده و ربنا يسهل او همشي على ريجيم دكتور بهاء ناجي هو كويس اوي و ربنا يكرم و هلعب رياضه و التزم عليها ان شاء الله

و يارب يكرمنا كلنا و مبروووووووووووووووووووووووووووك لكل اللي خسو الاسبوع ده و شدو الهمه رمضان على الابواب.

[saramshmsh]

ازيكم كلكم عاملين ايءة يارب تكونو خسيتو كويس الاسبوع دة

بيرووووووووووو
انا الصراحة ما بداتش الريجيم يوم الا ربع بس كنت واخدة بالى من الاكل والحمد لله وزنى مزدش زى ما انا]وان شاء الله هلتزم من بكرة

[ام احمدواريج]

السلام عليكم
مبروك لكل البنات الانقص وزنهم
انا نقصت نص كيلو بس يعنى بقيت 90
يوميات الجمعة
الافطار
كوب لبن خالى
1توست رجيم وعلية لبنة
الغدا
رغيف الا ربع اسمر
علبة تونة مصفاة
العشا
تفاحة
المية 2لتر
1شاى اخضر بدون
الرياضة غسلت
شفط بطن 10 دقائق

[bero333]

مولاتي
أم أحمد و أريج

مبرووووووووووووووووووك النزول الف مبروك و ياللا اسبوع جديد بحماس جديد ان شاء الله

سارة
شاطرة ياللا نبدأ سوا بقي من النهاردة ان شاء الله

لافلي
وحشتيني جدااااااااااااااااااااااااا
الحمد لله علي سلامتك و المفروض تحطي كورة الأسبوع في التوقيع يا عسل
و ياللا من النهاردة التزاااااااااااااااااااااااااام


فين باقي البنات؟
فين الميزان و اليوميات؟
انا زعلانة منكم بجد

[مولاتى]

السلام عليكم

بيرو
الله يبارك فيكى يا قمر
وان شاء الله اباركلك الاسبوع الجاى وتكونى خسيتى رقم كويس مع ريجيم النقاط
هو فعلا ريجيم كويس اوى
وانا جريت روحت وراكى علشان تعرفى انى مقدرش على بعدك يا قمر


يوميات الجمعة

الفطار : 2 توست أسمر + جبنة قريش بمعلقة زيت زيتون + خيار + شاى بلبن بدون سكر

الغدا : نص رغيف + ربع فرخة + طبق ملوخية + سلطة

العشا : كوب شاى اخضر بالنعناع بدون سكر

الماء : لتر ونص
الرياضة : نص ساعة مشى