ريجيم الهوانم يلا رشاقة يا هوانم

[أم جورى]

حلو اوى على فكرة بس واضح ان الدايت اتحفظ خلاص معظمه زى بعضه بس اللى ينفذ

منتظرين الأخبار يا لولو

[قلوب خضراء]

قلوب يا قمر خليكى معانا انتى بس وكله هيبقى تمام

بكرة اخر يوم فى الاسبوع الأول وهنزل نظام ريجيم للى وزنهم من 90 ل100 ك

ونظام تانى مش هتحسى معاه بجوع خالص مالص والله وفيه كيكة وفيه شوكليت

كانت صاحبتى متابعة مع دكتورة بعد الولادة وعملته هايل جدا

الحقينى بالنظام ده ينوبك ثواب انا فعلا محتاجة ريجيم مايجوعش عشان كمان اقدر استمر عليه خصوصا ان وزنى حاليا 89 كيلو
يللا ياجميل احنا منتظرين

[أم جورى]

الأسبوع التانى يا مسهل يا رب

ده الاسبوع التانى من ريجيم الدكتور بهاء

الافطار : كوب شاى او نسكافيه بلبن خالى الدسم + معلقة صغيرة عسل نحل + 3 معالق فول او بيضة اومليت + 2 شريحة توست

العشاء : علبة زبادى + 2 ثمرة فاكهة

الغداء :
1- وجبة مفتوحة

2- علبة تونة + رغيف سن + سلطة

3- شريحتين بيتزا + سلطة

4- 2/1 كيلو سمك مشوى + 4معالق ارز + سلطة

5- 4/1 فرخة مشوية + 8 معالق مكرونة بالصلصة + سلطة

6- علبة تونة + سلطة + رغيف سن

7- 8 معالق فول + معلقة صغيرة زيت زيتون او زيت بذر الكتان + رغيف سن + سلطة

طبعا مكرونة بالصلصة مش بتاعتنا الحلوة دى لأ نقطة زيت بس انا مش فاهمة قطعتين بيتزا ازاى وأد ايه

[أم جورى]

وده النظام اللى بقول عليه لمدة شهرين

الأسبوع الأول

الافطار

شاى بلبن بدون سكر + 1|4 رغيف + قطعة جبنة مثلثات أو قطعة جبنة قريش

بعد ساعتين

كوب زبادى يفضل لايت أو كوب جريب فروت

بعد ساعتين ثمرة فاكهة

ممنوع تين وبلح وعصير قصب وممنوعات الفاكهة عموما

الغداء

1|2 كيلو شوربة خضار + سلطة + ربع فرخة أو تونة او 2 سمكة صغيرة

بعد ساعتين
ربع رغيف بقطعة جبنة قريش

بعد ساعتين كوب زبادى

العشاء

بيضة + سلطة أو تونة + سلطة

ممكن الاستغناء عن االاسناكس اللى بين الوجبات بقطعة كيك أو مربع شيكولاتة

أو 2 بسكوت

مسموح بنسكافيه و3 مرات سكر دايت

واتحدى لو جوعتو بس السناكس دى فى حالة الفطار بدرى جدااااااااااااااااااااا

مش تصحو الساعة 3 وتاكلو كل ده وأنا اصلا عملته قبل كدة وماكنتش بقدر اكل السناكس دى خالص

بس مش عارفة أكمل بتاع بهاء ولا أخد الاسبوع التانى الريجيم ده

[بيرى 79]

والله لسة صاحية وداخلة اسال عليكي ربنا يكرمك ياقمر
انا بنتي وديتها وياريتني ما ودتها
مدرسة في منتهى الغباء ربنا يهديهم

الف مبروك على النزول عقبالي يارب
ومستنية الدايت يا حبيبتي

ما تزعليش نفسك يا فرح علشان المدرسة انا على ما كنت متابعة انها بيبي كلاس مش كدة ؟
وان شاء اللة ربنا يكرمك السنة اللى جاية فى مدرسة حلوة
وكدة ولا كدة بيبى كلاس بيبقى اكترة لعب ربنا يكرمنا السنة الجاية ويزيح الغمة اللى جتلنا دى

[بيرى 79]

نظام دكتور خالد دراهم
الاسبوع الاول

اولا وجبة الفطور:

ربع رغيف بلدى +طبق فول صغير 4 ملاعق بدون زيت او سمن
او ربع رغيف بلدى +بيضة مسلوقة
او 2 ثمرة فاكهة فيما عدا الممنوع من الفواكة
+كوب شاى بملعقة سكر واحدة او شاى بحليب بدون سكر
مسموح بتناول 2 ملعقة سكر يوميا او عسل نحل

ثانيا وجبة الغذاء

النشويات:

ربع رغيف بلدى
او 3ملاعق ارز
او 3 ملاعق مكرونة

الخضروات:

طبق سوتية
او شوربة خضار بدون بطاطس وتكون على ماء او شوربة لحم بدون وش
وطبق سلطة بثمرة طماطم واحدة

اللحوم:

1او 2 سريحة لحم احمر مسلوق او مشوى
او ربع فرخة مسلوقة او مشوية من الصدر
او 3 سمكات مشوية او علبة تونة

الفاكهة ثمرة واحدة ما عدا الفاكهة الممنوعة

العشاء:

كوب حليب بدون سكر
او زبادى وسط بدون وش
او قطعة جبن قريش+خيار+طماطم
او فاكهة 2 ثمرة متوسطة الحجم

[أم جورى]

ميرسى يا بيرى تسلم ايديكى يا جميلة

طب الناس اللى ماشية معايا هتعمل اى واحد فى الانظمة دى

[يُمنى]

انا هابدا امشي على الدايت بتاعك يا جوجو لاني بدات احس اني محتاجة حاجة مسكرة وده في كيك وربنا يسهل على فكرة انا نزلت كيلو ونص في اول اسبوع من دايت الدكتور بهاء من غير رياضة خالص

[أم جورى]

انا اتوزنت على الميزان بتاعى بس هو بايظ ومش متأكدة منه هتوزن فى اى صيديلىة بكرة وعلى فكرة لازم تتوزنى الصبح وتكونى معندكيش امساك لانه بيزود الوزن جدا

[فرح1983]

انا برضو ميزاني بيخرف يا جوجو
بس حاسة اني خسيت بس مش كتير
يعني ممكن كيلو او حاجة
يللة حلو برضو

بالنسبة للدايت
كله زي بعضه زي ما انت شايفة
عشان كدة انا باكل من اللي بعمله
بقلل يعني

[أم جورى]

ايوة يا فرح الواحد حفظ خلاص اهاردة عملت الباذنجان كا نجميل بدل السلطة لأنى زهقت منها

[ام ندى123]

كلامكم جميل ومشجع اوى انا نفسي بطنى تخس ساعدونى من فضلكم بحب صحبتكم الجميلة دى

[ربيعة ام وليد]

أختي أم جوري بكرة هبدا الدايت متاعك على شان مخسيت ولا نص لسة في89

[أم جورى]

أم ندى اهلا بيكى معانا يلا ابدئى من انهاردة

ربيعة الدايت ده لو مشيتى عليه بالظبط هتشوفى النتيجة ان شاء الله

[فرح1983]

جوجو
مش موضوع بتنجان يا بنتي
طيب اديني الفرق بي ريجيم د.بهاء ود.خالد كدة؟؟