تجمع فريق العزيمه لنزول 30 كيلو خلال 3 شهور الجزء الخامس

[ام ملك وادهم]

ما شاء الله تبارك الله

بتعاونكم والتزامكم بنفتتح الجزءالخامس بحمد الله واتمنى من الله ان يكون هذا الجزء اكثر نشاطا ويشهد التزاما اكثر منا جميعا

ومرحبا باي اخت تنضم للفريق فقد فتحت هذا الفريق لنلتقي فيه اخوات في الله لديناهدف واحد وهو دخول العام الجديد باذن الله وقد تخلصنا من سمنتنا واستعدنا رشاقتنا وثقتنا بانفسنا

ولولا تشجيعكن وانضمامكن والتزامكن ما استمر الموضوع حتى الان

ولمن تريد الاستفاده
رابط الجزء الاول http://www.lakii.com/vb/showthread.php?t=597568
رابط الجزء الثاني http://www.lakii.com/vb/showthread.php?t=600914
رابط الجزء الثالث http://www.lakii.com/vb/showthread.php?t=602314
رابط الجزء الرابع http://www.lakii.com/vb/showthread.php?t=603459

ولمن تريد الانضمام للفريق عليها الالتزام بالتالي

اول مره كتابه الوزن والطول والوزن المطلوب

الدخول يوميا لكتابه اليوميات

الميزان يوم الاثنين من كل اسبوع باذن الله

ربنا يقوينا ويقويكم جميعا

[الاسم الصعب]

ااخر رد في القديم واول رد في الجديدأنا وراك وراك
ألف مبروك عليكم الجزء الجديد

[ام ملك وادهم]

اما انا عن نفسي رحت للدكتور النهارده وللاسف منلتش غير كيلو و700 جرام
يعني 2 الا ربع تقريبا

طبعا هو كويس بس انا طماعه فعلشان كده الدكتور قالي اخد يومين فري لحد يوم الاربعاء ومن يوم الخميس ابدا من جديد واداني نظام جديد هنزله النهارده باذن الله

يعني انا نسبتي المئويه هي 1,78

معلش انا بعتذرلكم كلكم اني قصرت الاسبوع ده في الرياضه
انا اسفه جدا بس اوعدكم اني التزم من الاسبوع اللي جاي باذن الله

[ام ملك وادهم]

ااخر رد في القديم واول رد في الجديدأنا وراك وراك
ألف مبروك عليكم الجزء الجديد

يا اهلا يا اهلا بالقمر

فين الوزن الجدييييييد؟

[ام ملك وادهم]

حصاد الاسبوع الرابع


hala510 فقدت 1.96

ربى كريم فقدت 2,57

ساره فقدت 1,69

boah فقدت 2,77

اثينا فقدت 2,77

ام ملك وادهم فقدت 1,78


ايه يا بنات فين باقي البنات هو الجروب 6 بس؟؟؟؟؟؟؟؟؟

عموما لاول مره لقب رشيقه الاسبوع مناصفه بين

اثينا و boah


الف الف مبرووووووووووووووووووووووووووووك

وده شعار الرشيقه اتفضلو حطوه في توقيعكم



وياااااااارب كل مره تكون اكتر من واحده رشيقه الاسبوع


الف الف مبرووووووووووووووووووووووووووووووووووووووك

وعقبال كل اسبوع


ملحوظه
القائمه قابله للتعديل حتى الغد مراعاه لظروف البنات اللي مقدروش يدخلوا

[الاسم الصعب]

ألف مبروك عليك النزول وعقبال ما توصلي للي بتتمنه يارب

طبعا هو كويس بس انا طماعه

ده مش طمع ده طموح وأمل وهتوصليله قريب ان شاء الله
وأهم حاجة في الريجيم انه عايز بال طويييييل خالص
أصل احنا لما اتخنا اتخنا بفترة طوييله فمنستكترش فترة كمان عشان نخس بس يارب ما اتكونش طوييله اكتر من تحملنا
تحياتي ليك

فين الوزن الجدييييييد؟

الوزن مع فريقي هيكون يوم الاربع ان شاء الله بس انا حاسة باخبار حلوة
عقبال الكل يارب

[ام ملك وادهم]

تنوري في اي وقت ياقمر
ربنا يقويكي ويقوي فريقك

[اثينا]

الف الف مبروك علينا الجزء الخامس وان شاء الله تكون نتايجة حلوة
والف الف مبروك مرة تانية لكل البنات اللي نقصت اوزانهم
والف الف مبروك حبيبتي ام ادهم وان شاء الله الاسبوع الجاي تدخلي عال الثمانينات بأذن الله

[ام ملك وادهم]

خلاصه تجربتي اول شهر مع الريجيم

انا بدات يوم 29-9-2009

كان وزني 105 والحمد لله اصبح 93,300

يعني مجمل ما فقدته كان 11 كيلو و 700 جرام ولله الحمد

ومعدل ما فقدت من كتله جسمي كان 11,14% من كتله جسمي ولله الحمد

من تجربي الشصيه استخلصت ما يلي

1- اصعب وقت هم اول 3 ايام وبعدين بتتكيفي مع الريجيم جسمك بيتعود على قله الاكل

2- شرب الماء من اهم عوامل الريجيم لانه بيمنع جفاف البشره وبيمنع الاحساس بالارهاق وبيسبب الشعور بالامتلاء وبيساعد على الهضم غير فايدته في اذابه الدهون

3- من عوارض الريجيم المزعجه هي الامساك ولقد تغلبت عليه بحمد الله بثلاثه اشياء الماء وعصير البرتقال الخالي السكر ونقط بيكولاكس 10 نقط على ربع كوب ماء يوم بعد يوم

4- لتجنب الانيميا يجب اخد نوع من الحديد والفيتامينات وانا شخصيا ارشح الماتيرنا لانه امن جدا ورائع لانه مجمع من عده فيتامينات وحديد ويمنع احساس الارهاق والدوخه والهبوط

5- مع اول كيلو بتخسيه بتحسي بالفرق وبتشجعي اكتر واكتر

6- ان الريجيم الجماعي مشجع ومفيد وانا شخصيا استفدت منه جدا ولولاكم ما كنت عملت اي حاجه

7- صعوبه الريجيم او ضعف الاراده وهم بنداري بيه حبنا للاكل

8- حطي دايما في بالك لذه الاكل لحظات ولذه الرشاقه سنوات

ربنا معانا ومعاكم ومع الكل

وكل شهر وانتم طيبين

[ام ملك وادهم]

الف الف مبروك علينا الجزء الخامس وان شاء الله تكون نتايجة حلوة
والف الف مبروك مرة تانية لكل البنات اللي نقصت اوزانهم
والف الف مبروك حبيبتي ام ادهم وان شاء الله الاسبوع الجاي تدخلي عال الثمانينات بأذن الله

الف الف مبروك ياقمر
يا رشيقتنا الحلوه
عقبال كل شهر ياااااااااااارب

الله يبارك فيكي يا عسل

[اثينا]

حبيبتي ام ادهم طمنينا على حماتك ان شاءالله تكون احسن دلوقتي
وطمنيني على ادهومة العسل سلامتة الف سلامة
هو بيشكي من اية
وياريت حبيبتي ما تكوني زعلتي من كلامي بخصوص غيابي دة بس عتاب معزة مش اكثر
والله انا كنت وما زلت مريضة جدا عندي التهاب في الاذن والله العظيم بابكي منه زي العيال وباخذ علاج بدون فائدة وعندي موعد مع الدكتور يوم الاربعاء ان شاء الله
ادعيلي ربنا يشفيني
وبالنسبة للريجيم حاشوف ريجيمك الاسبوع دة ممكن امشي علية واذا لا حاقولك على ريجيمي ان شاء الله

[آسي]

الف مبرووك ياام ادهم
وعقبال ماتوصلي ل 65 كيلو ان شاء الله

حبيبة قلبي سألتيلي ع الدوا

[ام ملك وادهم]

حبيبتي ام ادهم طمنينا على حماتك ان شاءالله تكون احسن دلوقتي
وطمنيني على ادهومة العسل سلامتة الف سلامة
هو بيشكي من اية
وياريت حبيبتي ما تكوني زعلتي من كلامي بخصوص غيابي دة بس عتاب معزة مش اكثر
والله انا كنت وما زلت مريضة جدا عندي التهاب في الاذن والله العظيم بابكي منه زي العيال وباخذ علاج بدون فائدة وعندي موعد مع الدكتور يوم الاربعاء ان شاء الله
ادعيلي ربنا يشفيني
وبالنسبة للريجيم حاشوف ريجيمك الاسبوع دة ممكن امشي علية واذا لا حاقولك على ريجيمي ان شاء الله

لا طبعا ياقمر انا عمرب ما ازعل منك ولا من اي واحده مننا لاننا اخوات لينا على بعض حق العتاب وهو عتاب الاخت لاختها
والف الف سلامه عليكي بس خلي بالك ان انا وانا صغيره كان عندي التهاب اذن وسطى وفعلا كان متعب ومرهق جدا
لازم تعالجيه عند اخصائي كويس علشان ميرجعش تاني لا قدر الله

ربنا يطمنا عليكي يارب

بالنسبه لحماتي هي الحمد لله احسن هي كانت بتشتكي من دهون على الكبد وفتق سري وكانت مش عايزه تعمل العمليه بس كلنا اتكاترنا عليها وخليناها تعملها والحمد لله هي احسن بس مركبينلها قسطره في بطنها وهيشيلوها كمان شهر باذن الله بس الحمد لله هي بتتحسن

اما ادهم فكانت حرارته 38,6 ووديناه للدكتور وقال ان عنده التهاب في الحلق واداله خافض حراره ومضاد حيوي كل 4 ساعات ويشوفه تاني يوم الاربعاء

ادعيله

وتسلمى عالسؤال

[ام ملك وادهم]

الف مبرووك ياام ادهم
وعقبال ماتوصلي ل 65 كيلو ان شاء الله

حبيبة قلبي سألتيلي ع الدوا

طبعا ياقمر
مش هو بيولاكس بيوفايبر

هو قالي انه مش فيتامين هو بيسد الشهيه وهو فعال بس مش امن 100% يعني على المدى الطويل بيسبب الفشل الكلوي لا قدر الله والامن منه هو السيبوترم

ربنا يبعد عنا كلنا الشر

[ميسو 2009]

مرحبا ومبروك علينا الجزء الجديد.....

بالنسبة للوزن انا ما نزلتش غير كيلو واحد بس

ما بعرف ليه مع اني كنت ملتزمة بالريجيم ...

صراحة كتير كنت مدايقة بس مش مشكلة ان شاء الله الاسبوع الجاي بنزل اكتر...

الوزن الجديد 84