@ @ ( مسابقه تحدى نفسك ) الفريق الثالث @ @

[sefo2]

وصلتنى البوسة العسل ووصلتنى الاكل اللى بيحرق الدهون ميرسى يا قمر ربنا يبارك لك

[sefo2]

انتى فيييين يا اااااااا هند من امبارح عاملة اية فى الرجيم بتاعك

[yehia2007]

هههههههههههههههههههههههههه
يا هند يا ريت تسمعينا وتردىىىىىىىىىىىىىىىىىىىى

[sefo2]

صباح الخير يابنات انتو فين لسة كسلانين انتى فين ياهند ادتينا الرجيم وهربتى ههههههههههه
سمسم : اخبارك اية ونور عاملة اية بوسيهالى بوسة كبيرةةةة يارب تكونو بخير صحيح يا سمسم مقولتليش انتى عندك ولاد غير نور ولا اية
انا امبارح عكيت الدنيا بعد الغدا اكلت بلح بس بصراحة شكلو كان مغرى ومتعشتش قعدت اشرب فمية قلت يمكن تزحلقة هههه وانهاردة ان شاء اللة مش ناوية اعكها تانى ربنا يسترانا حتغدى سمك وسلطة ولفطار كوب لبن عايزة اعوض امبارح

[yehia2007]

صباح النور يا سيفو انا صاحيه من بدرى واللهى وفاتحه النت بس نور مش مخليانى اعمل حاجه
انا عندى نوربس وكفايه عليا لحد كده الحمدلله بس ربنا يخليهالى ويحفظها من كل شر قبلها حملت 3 مرات وسقطت
ضحكتينى وانتى بتزحلقى البلح بالميه هههههههههههههه انا كمان بحبه اوى البلح ده بتاع مصر الاسود الجميل ده والاحمر كمان المستوى شويه ده يودى فى داهيه هههههههههه بس انا مش لاقياه هنا خالص وانا كمان بسافر فى الشتا مش بلاقيه وانتى مسافره امتى وساكنه فين فى مصر
على فكره انا ماشيه على نظام ال3 ساعات مرتاحه اوى وعلى طول حاسه بطنى خفيفه ومرتاحه وباكل خفيف خالص وباعده عن الحلويات بس مش عامله رجيم معين

[sefo2]

حبيبتى ربنا يخليهالك ويحميها واللة يا سمسم انا مشكلتى مع البلح المستوى اكتر من الاحمر ودة اوانة هنا بيسموة الرطب بس ايةةةةةة واللة انا بفكر فعلا فموضوع ال3 ساعات بس بعد الاسبوع دة احسن
انا ياستى يمكن انزل على اخر السنة او اول السنة الجديدة حسب اجازة جوزى لانة بيشتغل مهندس فى مكتب استشارى فحسب مايخلص الموقع اللى فية حاليا حننزل انا فمصر ساكنة فى المعادى بس ناوية ان شاء اللة انقل فيصل جنب ماما بس ربنا يسهل لحسن انا شقتى فى العمارة اللى جنب حماتى ومقولكيييييش الحموات وبناتهم وعمايلهم يلا اللة يسامحهم انتى بقى ساكنة فين؟؟؟؟؟

[sefo2]

بقولك يا سمسم لاقيت فى الركن هنا موضوع عن تنظيم غذاء المرضع حاولى تشوفية يمكن ينفع فى تنزيل الوزن بدون ماتتأثر نور

[yehia2007]

ياريت يا سيفو واللهى تيجى فيصل ايه اللى يوديكى المعادى بعيد اوى انا يا ستى ماما فى فيصل عند مدارس المستقبل فى الابراج اللى ع الشارع البيضا معروفه وانا قبلها بمحطه فى الطرابق فى شارع مدارس فضل بعد المدارس بشويه كده وانتى مامتك فين فى فيصل؟
بالنسبه لرجيم المرضعات انا لسه شايفاه دلوقتى حدخله واشوفه على فكره انا نازله انشاء الله على شهر 11 او 12 بأذن الله يا رب نتقابل.

[sefo2]

صباح الفل يا سمسم اخبار خطيبة ابنى اية واللة فرحتينى اننا جران انا ماما ساكنة أول فيصل الشارع اللى على ناصيتة كوفى شوب اسمها اولاد نافع واختى ساكنة فى المريوطية واخويا فى الهرم انا الوحيدة اللى لوحدى عشان كدة عمالة ازن على جوزى عشان احصلهم انا حسيت انك ففيصل او على الاقل مامتك هناك لما قلتى انك تربية رياضية وصراحة انا معرفش غير تربية رياضية اللى ففيصل
ان شاء اللة نتقابل فمصر عشان انا عايزة انزل قبل جوزى وهو يبقى يحصلنا عايزة اخد اجازة بجد من كل اللى هنا ههههههه
شوفى يا ستى انا امبارح مشيت على النظام وملخبطش لانى اكلت سمك كتير نوع اول مرة اجيبة بس لاقيت طعمة تحفة فكان هوا والسلطة قفلو ومتعشتش غير مية انتى عارفة السمك.......
انهاردة انا شربت كوب لبن رايب + خيارة والغدا ان شاء اللة حيكون شوربة خضار وفراخ
ويمكن العشا زى الفطار لان اللبن الرايب مريحنى جدا
ياااااا هننند انتى فين ياااااااااااااهند طمنينا عليكى

[yehia2007]

صباح الخير يا سيفو عامله ايه النهارده
انا باه اااااااااااااااااه لو اقولك ع اللى عملته امبارح لحد الساعه 7 المغرب وانا ماشيه كويس وبعدين جوزى جه وجايب معاه سندوتشات شاورمه وفطيره بالقشطه والمكسرات وعصيل كوكتييييييييل اعمل ايه طبعا اكلت 2 شاورما وشربت العصير واكلت الفطير ههههههههههههههه بهدلت الدنيا النهارده انشاء الله مفيش لا عيش ولارز ابدا سلطات وسبانخ بالمعلقه مع صدر فرخه وميه طول اليوم

[yehia2007]

ده احنا طلعنا جيران ع الاخر احنا لينا شقه فى المساحه بعد متعدى الشارع بتاع مامتك مش بتلاقى سوبر ماركت المعطر ونادى فيديو احنا العماره اللى قصاده اول بلكونه وتيته الله يرحمها بيتها كان فى شارع مامتك ع اليمين يعد عيد نافع احنا اكيد نعرف بعض يا ريت تدخلى ع الدردشه اللى فى ملتقى الاخاء والترحيب عند البيت المصرى علشان نتكلم

[sefo2]

ده احنا طلعنا جيران ع الاخر احنا لينا شقه فى المساحه بعد متعدى الشارع بتاع مامتك مش بتلاقى سوبر ماركت المعطر ونادى فيديو احنا العماره اللى قصاده اول بلكونه وتيته الله يرحمها بيتها كان فى شارع مامتك ع اليمين يعد عيد نافع احنا اكيد نعرف بعض يا ريت تدخلى ع الدردشه اللى فى ملتقى الاخاء والترحيب عند البيت المصرى علشان نتكلم

سمسم انا دخلت البيت المصرى بس لاقيتة مغلق واتفتح بأسم تانى المهم خبطت ودخلت هههههه

[yehia2007]

روحى يا سوفه يلا واستنينى وافضلى اكتبى وانا جيالك

[reowesh]

انا اهوة يا بنات
ها اخبار الرجيم معاكم ايه ياريت يا جماعه نفوكس على حاجه واحدة يعنى الصراحه بالنسبه لى ما فى احلى من السعرات الحراريه

وممكن عمل كل اسبوعين او ثلاثه رجيم كميائى انما صحى كانت الدكتورة تعملى كدة
وتقولى عشان نستقذ الجسم ونخلى ينزل غصب عنه لانه يتعود على نظامك الى انتى ماشيه عليه المهم طمننونى عليكم يا بنات
معلش انا مش موجودة بقالى يومين عشان ولله الحمد بجهز اصلى عروسه وفى احتمال كدة اجوز عن قريب جدا
ادعولى يا بنات

على فكرة انا الحمد لله لعبت النهاردة ساعه رياضيه ونضفت البيت كمان
وفطرت 3 ملاعق قول وربع ربع الرغيف يعنى حاجه لا تذكر وبشرب ماااااااء كتيييييييييييييييييييييير عشان دة التحدى الاول بتاعنا وبعمل ذى ما الكتاب قال فى شرب الماء والحمد لله

هااااا انتوا قولوى ايه اخباركم حد الرجيم مضيقوا حد بيشتكى من حاجه جسم بشرة شعر اى حاجه يا بنات
دى فرصه مش اى حد بقولوا اى حاجه بس انتوا حبايبى

مستنياكم ياله سلالالالالالالالالالالالالام

[yehia2007]

واخيرااااااااااااا يا هند بعد كل النداءات دى رديتى اللهم لك الحمد يارب
انا قلت هند اتجوزت وسابتنا هههههههههههههههه
انا يا هند مبوظه الدنيا من امبارح لما حتجنن يعنى الكيلو اللى نزلتو شكله حيطلع الاسبوع ده ربنا يستر
بالنسبه لزيت الزيتون وااااااااااااااو مقلكيش يا هند تحفه بجد ربنا يخليكى يارب ويسعد قلبك ويفرحك
بحطه يوم بعد يوم وبجد مفعوله بان من اول مره انا بحب كده لما اعمل حاجه تبان على طول حتى البقع مكان حب الشباب فى حبايه من ايام الحمل لما كنت باخد مثبت فى اول الشهور طلعتلى بسبب الدوا ومبقعه مكانها لحد دلوقتى بقالها 10 شهور مش حتصدقى من تانى مره لونها بدا يخف عن الاول مع انى استعملت كريمات كتير ومفيش فايده بس سبحان الله
نفسى باه فى حاجه تفتح البشره علشان انا مجهده من قلة النوم من نور بس تكون وصفه سهله وبسيطه برده وكمان شعرى بينزل من الرضاعه وبهتان عايزه حاجه للشعر بسيطه برده
معلش احنا تاعبينك معانا يا هنده ومتبقيش تغيبى كده امال لما تتجوزى حتعملى ايه ههههههههههه
وانتى باه ساكنه فين وحتتجوزى فن يمكن تكونى قريبه مننا لما ننزل نشوفك انشاء الله.