@ @ ( مسابقه تحدى نفسك ) الفريق الثالث @ @

[sefo2]

معلش يا سمسم انا النت فصل عندى امبارح وانا معاكى ولسة شايفة الكلام دلوقت شوفى ياستى الشاى كترة يعمل امساك وهو الشاى يكون خفيف جدا وطبعا تصفية كويس من اى تفل وبسكوت شاى عادى وممكن اطفال المهم يكون بدون زبدة ولا سكر كتير ولا مواد حافظة وبالهنا والشفا

[yehia2007]

لاء لازم حيبان فى الهدوم اذا فى حاجه شويه ماسكه عليكى حتى لو لبس البيت حاولى تاخدى بالك
وبعدين انتى مش حاسه انك بقيتى اخف او حركتك خفيفه عن الاول او حتى حاسه ان جسمك ومعدتك مرتاحه لو حاسه بكده يبقى كويس متقلقيش يبقى جسمك حياخد وقته وحينزل

[reowesh]

اذيكم يا حبيبى عاملين ايه
وحشنى موت موت بس انتوا عارفين بقه انا عماله الف على الجهاز بتاعى وان شاء الله ربنا يكرم كدة واخلص بدرى
معلش يابنات انا مقصرة معاكم بس انتوا عارفين
انه بقى ماشيه على الرياضه ساعه فى اليوم يوم بعد يوم والحمد لله جايب نتيجه جميله جدا
والرجيم الصراحه مخرفه فيه شويه بس مش قوى وان شاء الله خير

ها احكولى انتوا عاملين ايه ؟؟؟؟؟

[yehia2007]

واخيييييييييييييييييييييييرا يا هند رديتى علينا
ع العمو يا ستى ربنا معاكى احنا عارفين بهدلة قبل الجواز ربنا يقويكى دى لوحدها رجيم واحنا اخبارنا موجوده عندك اطلعى فوق شويه واقرى وانتى تعرفى الاخبار
ابقى طمنينا عنك من وقت للتانى ياهند متبقيش بخيله كده هههههههههههههههههه

[yehia2007]

مساء الخير يا سوفه ازيك عامله ايه واخبار سوفه الجميل ايه
انا باه مشيت كويس النهارده الصبح شربت ميه تعويضا عن امبارح طبعا ههههههههههههه
والغدا سمكه مشويه وسلطه وشوية رز
والساعه 6 الا ربع شربت مج لبن مع كورن فليكس والساعه 8 اتعشيت نص رغيف سن وشوية فول وخيار وشكراااااااااا على كده بعد كده ميه وبس جيت كنت عايزه اتسلى شويه بحبة فستق وسودانى رررررررررجعت فى كلامى على طول وجبت ازازة ميه جمبى ورحت فاتحه النت علشان انسى وقلت ابلغك اللى حصل النهارده علشان اتادب شويه وكده يومى انتهى والحمدلله
الصبح ابقى احكيلى عملتى ايه

[sefo2]

يااااة يا هند وحشتينا عاملة اية ؟؟؟ ربنا معاكى ويتمملك على خير يارب
سمسم حبيبتى عاملة اية انتى ونور القمر بس اية يا ستى الشطارة دى ربنا يقويكى على فكرة انتى بتعملى مجهود كدة لان الرضاعة بتجوع بس ان شاء اللة ربنا معاكى
انا بئة عملت زى ماقلتلك امبارح بس جيت بليل واكلت حتة شيكولاتة من سيف طفسة مش كدة ههههههههههه بس كنت محتاجة حاجة مسكرة أوى بس من ساعة ماصحيت انهاردة وانا عمالة اشرب مية وطبعا فطارى زى كل يوم واللة الزبادى جميل جدا للفطار والعشا اما الغدا فبصراحة زهقت وشكلى كدة حديها تونة واغير شوية بس انا ناوية بكرة الخبط شوية عشان جسمى شكلة وقف عن النزول ربنا يسهل

[yehia2007]

صباح الخير يا سوفه انا كويسه الحمدلله وزى م قلتلك امبارح كملت يومى وم اكلتش حاجه شربت ميه وبس بس م انام اكلت تفاحه والصبح صاحيه مرتااااااااحه انتى عارفه انا مشكلتى ايه انانا اصلا مش بجوع بس بحب افضل اتسلى لما الاقى حاجه قدامى هههههههههههههههه لكن لازم اتعلم امسك نفسى بعد كده العشا يبقى خفيف ومحطش حاجه فى بئى تانى انا باه النهارده عامله ايييييييييييه فى الغدا ورق عنب ومحشى كوسه وفلفل رومى وفراخ مشويه فى الفرن شفتى باه اخر بوظااااااااان ربنا يستر بس ححاول اقلل الكميه بقالى كتير معملتش الاكله دى من ساعة مولدت ونفسى فيها علشان كده مش حفطر حشرب ميه للغدا علشان اجمع سعرات الفطار والغدا واخليهم مع بعض وحلعب رياضه نص ساعه
وحبقى ابلغك بالتفاصيل لاحقا ههههههههههه
بالنسبه ليكى باه انتى لازم تنوعى شويه علشان تنزلى الزبادى حلو بس مش فطار وغدا وعشا ده حتى الالبان لما بتاخديها فى الرجيم مش بتنزل الوزن انتى عارفه كده انها بتفضل مثبته الوزن ومش بتخليه يبان على الميزان ان نازل
حاولى تغيرى ودخلى رز او مكرونه النهارده

[sefo2]

بالهنا والشفا يا جميل بس انا مش باخد الزبادى غدا ومن يومين اكلت مكرونة مسلوقة اهو بحاول بس انتى لازم تفطرى حتى لو حاجة خفيفة عشان الجسم ماينتصش كل اللى داخلة فى الغدا يعنى ممكن تاخدى فاكهة ولبن كدة يعنى

[sefo2]

صباح الفل يا قمرات معقول الصفحة متفتحتش من يوم الخميس
المهم وحشتونى سمسم اخبارك اية يا جميل ونور مرات ابنى عاملة اية كبرت ولا لسة
هننننننننند وحشتينا ربنا معاكى
شوفو يا حلوين انا رحت وزنت نفسى يوم الخميس ولقيتنى نزلت !!!!!!!! كيلوو 100 جرام ياااااااااااة حاجة تزهق وامبارح اخدت اجازة من الرجيم وحبدأ تانى انهاردة بس حشوف دكتور لانى كدة الموضوع ولا فية خسسان ولا حاجة يمكن يدينى حاجة تظبط معايا شوية للغدة
النهاردة: فطرت شريحة توست +بيضة مسلوقة وكمان 3 ساعات تفاحة والغدا ان شاء اللة سلطة ولحمة مسلوقة وشريحة توست وطبعا مية عشان ازيا اثار العدوان بتاع امبارح هههههههههه
يلا قلولى اية اخباركم
اة نسيت المفروض ان قائد الفريق يسجل بيانات الفريق عند الموضوع الخاص بالاخت الراجية عفو ربها شوفو انا بياناتى السابقة كانت السن 29 الطول : 157 الوزن 87
حاليا الوزن 85 كيلو ونص

[yehia2007]

صباح الخير ياريرى عامه ايه وازى سوفه القمر يارب تكونو بخير
فعلا انتى لازم تروحى لدكتور يعملك تحليل ويشوف هرمونات الغده بالشكل ده اكيد مش مظبوطه علشان كده مش بتخسى بس لو اداكى دوا انشاء الله كل حاجه حتتظبط وتلاقى نفسك بتنزلى على طول حتى الغده كمان لو مش مظبوطه حتلاقيها بتاثر على الحمل وتأخره على شان تكونى فاهمه
تانى حاجه كلنا مبوظين الرجيم عادى يعنى انا مخرفه خميس وجمعه هههههههه عادى يعنى بس مش حاسه انى تقيله ودى اهم حاجه بتهمنى بس الميزان لسه طبعا متوزنتش لانى عارفه انى اكييييييييد مش نازله حاجه بس جسمى الرياضه شداه وهدومى كويسه عندى بنطلون من قبل متجوز ده انا مخلياه علشان اقيس نفسى عليه لما بزيد شويه الاقيه مسك عليا من عند الجناب والهانش بعرف على طول ووقف اكل بس طبعا ده ميمنعش انى محتاجه انزل 3 كيلو للظروف علشان لما ازيد مطلعش اوى قبل زى دلوقتى هههههههههههه طولت عليكى المهم انا النهارده حعمل شوربة خضار وصدر فرخه وسلطه علشان انا زهقت من الاكل والفطار طبعا مليش نفس افطر حاجه من لخبطت امبارح لحد الساعه 3الفجر هههههههههههههه متتخضيش اوى كده كلها تسالى والعشا باه انشاء الله حيبقى حاجه خفيفه اوى ممكن فاكهه وزبادى
ازيك يا هنننننننننننننننننننننند قوليلنا اخبارك ايه وربنا معاكى

[sefo2]

صباح الخير يا سمسم وصباح الخير يا هند يالى وحشتينا وطنشتينا
عاملين اية أزيك يا سمسم انتى ونور على فكرة عمالة أدور على ورقة الاكل لنور مش لقياها شكلى كدة نسيتها فمصر بس سمعت انهاردة الصبح خبيرة تغذية بتقول ان من 6 شهور لازم تعودى الطفل على الاكل وطبعا المية اساسى بس قالت حاولى مرة تعملى الاكل لنور تقيل شوية ومرة خفيف عشان تتعود على البلع فى كل الحالات بصى لما تصحى تعالى البيت المصرى وانا احكيلك اللى سمعتة وكتبتة لك
المهم انا امبارح مشيت كويس الحمد للة ورحت بليل لدكتورة بس المشكلة هنا مافيش غدد ياباطنى يا جراحة اللى رحت لة قبل كدة كان جراحة بس دى باطنى المهم عملت التحليل وكشفت على العقدة الجديدة بالسونار برضة بتزيد وقالتلى حتى لو التحليل فية نقص هرمون مش حقدر اديكى دواء !!! حاجة غريبة انا متهيألى انا الوحيدة اللى عملت عملية الغدة وماخدتش دوا بعدها خالص!!!!!!
المهم انهاردة ان شاء اللة حفطر فول وشريحة توست والغدا لحمة مشوية و3معالق مكرونة مسلوقة وطبعا سلطة

[yehia2007]

صباح النور يا سوفه كويس واللهى انك كشفتى بس ليه كده مش تقوليلها انها مأثره على جسمك ومش بتنزل وزنك علشان تشوف السبب عموما هما اصلا كلهم مش بيفهمو بس لما تسافرى اول حاجه تعمليها تشوفى دكتور كويس وتعالى وانا احكيلك على دكتورى فى البيت المصرى
تانى حاجه برافو عليكى انك ماشيه انا باه امبارح كنت باكل اى حاجه من زهقى جتلى حالك اكتئاب مفاجئه ومضايقه ومكنتش ماشيه على اى نظام بس دلوقتى بتوزن وزنى ثابت ون الاسبوع اللى فات الحمد لله 61 الاربع مش مهم احسن من الزياده تعالى باه نتكلم فى البيت المصرى

[sefo2]

صباح الفل يارشيقات عاملين اية ازيك يا سمسم انتى ونور معلش النور قطع عندى امبارح وانا اون لاين وا\لما رجع جوزى رجع معاة ههههه
المهم انا امبارح لخبط بليل شوية اكلت مكسرات وعملت سندوتش جبنة فلمنك بس اية ولا همنى ههههههه على فكرة انا قلت للدكتورة على موضوع الوزن وقالت برضة مش حقدر اديكى حاجة عشان اللى حتخدية حيزود الهرمون وبالتالى العقدة الموجودة حتكبر واحنا عايزنها مستقرة او حتى بتكبر ببطء عشان مش حقدر اعمل عملية تانى غير لما يعدى على الاولى 5 سنين على الاقل خاصة انى بعد العملية الاولى صوتى كات رايح لمدة شهرين يلا الحمد للة المهم انتى طمنينى عليكى انتى ونور
هند :انتى فيييين

[yehia2007]

صباح الخير يا سوفه معلش انا لسه صاحيه نور بقت ندله اليومين دول وبتسهرنى للفجر حتى الرياضه بقالى يومين مش بلحق اعملها لما مضايقه اوى انا امبارح مشيت كويس والنهارده عايزه كمان امشى كويس ربنا يسهل نفسى اظبط نفسى شويه علشان بعد كده لو طلعت كيلو يبقى سهل انزله لكن بصراحه 3 كيلو دول عندى كانهم 50 كيلو ههههههههههههههه
على فكره انا الدكتور بتاعى فى مصر دكتور النسا كمان تخصص غدد ممتازاوى لو محصلش حمل فى الفتره دى لا قدر الله لما تسافرى حديكى عنوانه بصراحه هايل هو الوحيد اللى عرف حالتى لما كنت بسقط خليه يكتشف الخلل منين ممكن يبقى من الغده الله اعلم وبعدين انا رايى تاجلى الحمل لما تسافرى علشان تمبسطى فى الاجازه ليه البهدله دى خلى الهموم والتعب فى الغربه ههههههههههه
وربنا كريم

[sefo2]

تعالى بئة البيت المصرى عشان احكيلك التطورات