@ @ ( مسابقه تحدى نفسك ) الفريق الثالث @ @

[yehia2007]

فينك يا هند كسلانه ولا اييييييييييييييييييييييه

ياااااااااااااااااااااا هنننننننننننننننننند

[reowesh]

اذيكم يا احلى ينات انا هنا اهوة يا سمسم بس معلش اصلى عملت التمارين وزوت كمان تمارين زيادة وطبعا
جسمى كله هيموتنى لدرجه انى ما بتحركش من مكانى كل عضلاتى هتموتنى
انا لسه هوزن شويه كدة بليل بس الاقى حد يسحبنى وانزل اوزن عشان معنديش ميزان فى البيت
معلش يا سيفو بكرة هتروق وتحلى وان شاء الله بليل هكتبلك نظام ريجيم جديد تمشى عليه اسبوع ومتزعليش ومعلش احسن مم مافيش خاااالص وعلى فكرة ان شاء الله هتنزلى وهتبقى زى الفل بس اصبرى ان الله مع الصابرين وربنا يكرمك وتبقى احسن وحدة وارشق واحدة يا باشا ولا تزعل ياااا قمر خير يا حبيبتى
يا سمسم انتى نزلتى كام ؟؟؟؟؟
انتظرونى يا بنات وعاوزين ننظم نفسنا شويه ونمشى على برنامج مضبوط

[reowesh]

انا جيت يا بنات تانى
على فكرة انا الحمد لله نزلت كيلو ونصف عقبال كل اسبوع باذن الله ادعولى وانا كمان هدعلكوى حبايبى
يالا بقه يا سيفو شدى حيلك يا حبيبتى معاى وادى رجيم الاسبوع دة من دكتور كبير فى مصر وهذا الرجيم يبتدى بيه
سمسم اعتقد انه كويس ليكى بس حاولى تشربى ماء كتيييييييييييير عشان الرضاعه يا جميييل وربنا يوفئك

وعاوزين نتفق مع بعض ان احنا هنلتزم سوا بالرجيم دة سيبنا بقه من لعب العيال الى كنا بنحضر بيه نفسنا فى الاول دة قشطه يا بنات

بسم الله الرحمن الرحيم توكلنا على الله

النظام الغذائى رقم (1)

اليوم الاول:

الافطار: رغيف سن (او ربع رغيف بلدى)+ جبنه قريش + سلاطه
الغذاء : 2 قطعه لحم +سلطه خضراء+ رغيف سن + خضار
العشاء : 2 ثمرة فاكه + كوب لبن


اليوم الثانى :

الافطار: رغيف سن (او ربع رغيف بلدى)+ بيضه + سلاطه
الغذاء : ربع فرخه +شربه خضار + رغيف سن + سلاطه
العشاء : بيضه مسلوقه + سلاطه


اليوم الثالث :

الافطار: رغيف سن (او ربع رغيف بلدى)+ قطعه جبن قريش + سلاطه
الغذاء : سلامون علب (100 جرام) +ثمرة فاكه + رغيف سن + سلاطه خضراء
العشاء : بيضه مسلوقه + 2 ثمرة خيار


اليوم الرابع :

الافطار: كوب لبن خالى الدسم + ثمرة فاكه + ربع رغيف سن
الغذاء : 2بيضه مسلوقه +سلطه خضراء+ رغيف سن + ثمرة فاكه
العشاء : 2 ثمرة فاكه + طبق شوربه خضار



اليوم الخامس :

الافطار: رغيف سن (او ربع رغيف بلدى)+ 3 ملاعق فول + خيار
الغذاء : 2 سمكه مشويه + سلطه خضراء+ رغيف سن +
العشاء : 2 ثمرة فاكه + كوب زبادى


اليوم السادس :

الافطار: رغيف سن (او ربع رغيف بلدى)+ بيضه + عصير برتقال
الغذاء : ربع فرخه +سلطه خضراء+ رغيف سن + شوربه خضار
العشاء : 2 ثمرة فاكه +سلاطه



اليوم السابع :

الافطار: رغيف سن (او ربع رغيف بلدى)+ بيضه + سلاطه
الغذاء : 2 قطعه لحم مسلوق +طبق شربه خضار + رغيف سن + سلاطه
العشاء : 2 ثمرة فاكه + سلاطه

[reowesh]

ودلوقتى شويه نصائح مع الممنوعات

فاكه ممنوعه ( مانجو - بلح - تين - عنب - موز )
ممنوعه ( البسله + البطاطس )


هنا ما يعادل الاكل لو حابه تغيرى حاجه مكان حاجه يعنى

4/1 فرخه = 2 لحمه = 2 بيضه مسلوقه
2 سمكه مشويه = تونه
سلاطه = شوربه الخضار
جبنه قريش = كوب لبن = كوب زبادى
رغيف سن = ربغ بلدى = 3 ملاعق ارز = 3 مكرونه

والتمارين المفضله مع هذا النظام هو الجرى فى المكان و نط الحبل

وبس يا بنات اى حد عاوز حاجه تانى يقولى قشطه يا بنات وبالتوفيق لينا كلنا والله المستعان يا فريق الرشاقه

[sefo2]

صباح الخير يا رشيقات اية الاخبار ميرسى يا هند على الرجيم الجميل دة بس قوليلى المفروض الواحد يخس علية اد اية فى الاسبوع وبعدين مافيش تمارين غير دى انا لو حامل وعملت التمارين دى حولد قبل ماحمل هههههه
سمسم : صباح الفل اخبارك اية انتى ونور عاملة اية معاكى انهاردة طمنينى عليكى
انا لسة مبدأتش حاجة انهاردة قلت استنى اشوف والحمد للة لاقيت هند كتبت النظام وحبدا دلوقت افطر اتفضلو معايا

[yehia2007]

صباح الخير يا هند انا الحمدلله كويسه ونزلت كيلو مع اللخبطه شويه لانى مكنتش منتظمه اوى فى الرجيم بس انشاء الله الاسبوع ده يبقى احسن انا بالنسبه لى مش عايزه انزل اكتر من كيلو فى الاسبوع علشان الرضاعه
وانتى معلش استحملى لازم جسمك يوجعك فى الاول بعد كم مره حتبقى كويسه والعبى مع المدربه فى التلفزيون الصبح زى مقلتلك احسن علشان تحسى بنتيجه وبالنسبه للرجيم عجبنى اوى وهو شبه اللى انا كاتباه فى الاول لو قريتيه وربنا معانا

[yehia2007]

صباح الخير يا رشيقات اية الاخبار ميرسى يا هند على الرجيم الجميل دة بس قوليلى المفروض الواحد يخس علية اد اية فى الاسبوع وبعدين مافيش تمارين غير دى انا لو حامل وعملت التمارين دى حولد قبل ماحمل هههههه
سمسم : صباح الفل اخبارك اية انتى ونور عاملة اية معاكى انهاردة طمنينى عليكى
انا لسة مبدأتش حاجة انهاردة قلت استنى اشوف والحمد للة لاقيت هند كتبت النظام وحبدا دلوقت افطر اتفضلو معايا

صباح الخير يا سيفو ازيك وازى سيف عامل ايه بوسيهولى
انا الحمدلله كويسه ونور الحمدلله وامبارح اديتها عصير خوخ عجبها اوى وكانت مبسوطه منه
وبالنسبه للرياضه حاولى تلعبى التمارين على الواقف من غير تنطيط بس زودى فى العد اى تمارين تقدرى تعمليها على خفيف ويارب تكونى متابعه تمارين التلفزيون اللى قلتلكو عليها وربنا يكرمك ويرزقك بالحمل انشاء الله بس استنى شويه لما تنزلى حبه علشان فى الحمل صعب تعملى رجيم وربنا يكرمك يارب

[sefo2]

ازيك يا سمسم الحمد للة ان نور بخير واحسن انهاردة بس متكتريش من الخوخ لحسن بيعمل اسهال ربنا يخليهالك وتكبر عشان العريس مستنى
شوفتى لاقيت فى الركن شوية رجيمات انما اية اخر جمالهههه واللة الواحد ممكن يجرب بس الاسبوع الجاى انا ابتديت مع هند خلاص وربنا يقوينا

[yehia2007]

على فكره يا هند انا بحط يوم بعد يوم زيت الزتون على وشى زى ما قالت هند مش قادره اقولك يجننننننننن بجد وحتحسى بفرق من اول مره بس واظبى عليه
وانتى عملتى وصفة التفتيح ولا لسه
لازم نشكر هند القمر وربنا يكرمها ويوفقها يارب وتتجوز وتشوف اللى احنا شايفينه هههههههههههه

[sefo2]

واللة لسة ياسمسم مجربتش الوصفة عارفة من ساعت ما وزنت نفسى وحالتى النفسية وحشة اوى وزهقانة من نفسى اوى يلا ربنا يعديها على خير

[yehia2007]

متزعليش يا سيفو ولا تضايقى نفسك خالص انشاء الله حتنزلى وتبقىزى القمر بس حاولى تروحى تعملى تحليل الغده علشان تطمنى احتمال تكونى عايزه تاخدى دوا او تزودى الجرعه لو بتاخدى وانتى حتلاقى نفسك كويسه وانا حدورلك على الاكل اللى بيزود الحرق فى الجسم واقولك

[yehia2007]

ازيك يا سيفو انا جبتلك الاكل اللى بيعمل على حرق الدهون علشان يساعد معاكى شويه.
لحم بتلو-صدور فراخ-تونه-ديك رومى-بيض-سمك موسى
لبن خالى الدسم-جبن خالى الدسم-جبن قريش-زبادى منزوع الدسم
خيار-خس-فول-بروكلى-كرنب-باميه-بقدونس-جزر-بطاطس
تفاح-موز-كانتلوب-جريب فروت-برتقال-كمثرى
رز بنى-شعير
زيت زيتون-زيت سمسم-زبده

[yehia2007]

صباح الخير يا سيفو عامله ايه النهارده يا جميل واخبار سوفه ايه
اخبارك ايه النهارده بقيتى كويسه وعامله ايه فى الرجيم

[sefo2]

صباح الفل يا سمسم انا كلة تمام وسيفو بيقولك سلمى على عروستة انتى اخبارك اية يا جميل واخبار نور اية
انا الحمد للة ماشية كويس فى الرجيم بتاع هند بس وقفت السكر الدايت لانى قريت عنة بلاوى وباخد سكر عادى بقسم معلقة السكر على اليوم كلة لانى مقدرش استغنى عن الشاى
ودلوقتى حبدأ الفطار : جبنة قريش وتوست بنى
ربنا معانا بوسيلى نور

[yehia2007]

نور باعتالك السلام مع بوسه كبيره
قريتى الاكل اللى بيحرق الدهون؟