@ @ ( مسابقه تحدى نفسك ) الفريق الثالث @ @

[yehia2007]

مساء الخير يا سوفه والف مبرووووووووووووووووووووووووك على النجم البرونزى وعقبال الفضى والذهبى
انا النهارده مؤدبه جدااااااااااااااا وماشيه كويس الحمدلله مكنش ليا نفس افطر الصبح واتغديت على الساعه 3 الضهر شوية سبانخ و6 معالق رز وحتتين لحمه وسلطه بعدها بتلات ساعات اكلت فاكهه والعشا مج لبن مع كورن فليكس بعد كده ممكن زبادى او فاكهه لسه مش عارفه والصبح نتكلم
سلاااااااااااااااااااااااااااااااااااااااااام بوسيلى سوفه الامور

[yehia2007]

صباح الخير يا سوفه عامله ايييييييييييييه واخبار سوفه ايه بوسيهولى
انا لسه عند وعدى من امبارح مشيت كويس بس دلوقتى بوزن نفسى لقيت زايده نص كيلو مش عارفه ازاى ممكن علشان الدوره اربت تيجى ولا ايه مع انى حاجه نفسى فى الهدوم خفيفه ومش حاسه انى تخنت

[sefo2]

صباح الفل يا سمسم اللة يبارك فيكى تصدقى مخدتش بالى من موضوع النجم البرونزى دة !!!
المهم اخبارك اية انتى ونور حبيبتى كبرت ولا لسة برافو انك كنتى شاطرة امبارح وانا كمان بس انهاردة فطرت سندوتش جبنة فلمنك حبيت اغير ومش مهم اكل حاجة تانى غير فى الغدا حيكون سمك ان شاء اللة وسلطة والعشا كوب لبن وخوخة

[yehia2007]

انا النهارده عندى سبانخ ورز من امبارح للغدا وحاكل فاكهه وزبادى لو جعت والعشا اى حاجه خفيفه لبن مع كورن فليكس

[sefo2]

صباح الخير ياأمورات عاملين اية سمسم عاملة اية انتى ونور ؟ وعاملة اية مع اكلها ورجيمك ربنا معاكى
انا يا ستى امبارح عديت اليوم على خير وبدأت انهاردة اعمل خلطة الزنجبيل دى اللى بتتحط على مناطق معينة يمكن ربنا يسهل بس اييييييية نار يا حبيبى نار هههههههههه وفطرت بيضة وكوب نسكافية
والغدا حعمل سلطة واقطع عليها جبنة قريش وواحدة توست تغييير لحسن زهقت انتى اخبارك اية ؟؟
هنننننننند : شكلك نسيتينا

[sefo2]

انتىى لسة نايمة ياسمسم

[yehia2007]

اهلا يا سوفه ازيك يا قمر وازى سوفه العسل خطيب بنتى الحلوه هههههههههههه
صباح الضهر معلش انا صحيت الساعه 11 اصل نور مسهرانى للساعه 4 ونص الفجر لكا خليتنى اشد فى شعرى ههههههههه وكل م اقولها نامى يا بت تضحك فاكرانى بهزر معاها مجرمه خطيبة ابنك دى
المهم انا مشيت كويس وجيت اكتبلك الصبح النت فصل واتمسح الكلام ولسه جاى
انا امبارح مشيت كويس زى م قولتلك والنهارده الصبح اكلت زبادى وشربت ميه والغدا كان باميه وصدر فرخه وشوية رز
والعشا لبن مع كورن فليكس علشان انا بحب الكورن فليكس زى الاطفال هههههههههه وممكن بعدها فاكهه بس انا قررت م اتوزنش الا بعد متيجى الدوره وتخلص علشان مزودانى مع انى مرتاحه فى لبسى وشكلى
وبالنسبه للخلطه العجيبه اللى انتى بتعمليها انا قريتها جربيها وقوليلى انشاء الله تعمل نتيجه ومعلش استحمليها كله بفايده
الصبح انشاء الله نتقابل بوسيلى سوفه

[yehia2007]

صباح الخير فى عز الفجر يا سوفه يا قمر ازيك وازى حبيب قلبى العسل جوز بنتى ههههههههههه
انا قلت اقولك على اخر اخبارى لانى مش عارفه امتى حنام وامتى حصحى نورلسه صاحيه طبعا واحنا قاعدين سهرانين
انا مشيت كويس بس الساعه 12 جعت واكلت سندوتش لبنه لعب كمان لما صحيت ساعه رياضه
بكره انشاء الله عايزه برده امشى كويس والخبط يوم الجمعه
وانتى اخبار الخلطه السريه اييييييييييه ربنا يعينك
عايزه اسألك امتى نور تستعمل المشايه فى اى شهر انا ملاحظاها بتزحف كويس الحمدلله ولما تلاقى حاجه عاليا بتزق برجلها وتقف علشان تطلع عليها وكمان لما بتزحف بترفع رجلها من ورا وتفردها مش عارفه كده عادى ولا هى سابقه لانى بسمع ان حركة البنات اسرع من الولاد
ويارب اعرف اقابلك الصبح اكتبيلى كل اخبارك وانتى وحشاااااااااااااااااانى جدااااااااااا

[sefo2]

صباح الفل سمسم ربنا معاكى اية الشقاوة دى يا نور كدة سيف يحبك هههههههههههههههههه
اصلة يحب الشقاوة زى عنية انتى لسة مقعدتيش نور فمشاية انا كنت بقعد سيف فيها من اخر الشهر الرابع بس ايييييييييية حتلفى وراها فى الشقة لما تخسى من غير رجيم وهى حتحس انها اسرع منك وحتاخدها لعبة وتستكشف وياعينى عليكى لما تبدأ الاستكشاف ربنا يخليهالك وتفرحى بيها
على فكرة انا سيف كان مقرف جدا فى نومة بس واحدة صاحبتى قالتلى من الشهر السادس عودية النور يطفى وسيبى ضوء بسيط أوى عشان مايخفش ونامى وخدية جنبك وحتى لو صحى اعملى نفسك نايمة الا اذا كان جعان برضة واللة كنت برضعة وانا نايمة ماقومش عشان مايفؤش طبعا فضلت على كدة 3 شهور لحد ماتعود فعلا على معاد نوم اقصاها الساعة 1 لحد دلوقتى جربى يمكن تنفع معاكى
انا ياستى امبارح برضة كلة تمام بس بليل اكلت بطاطا مشوية واحدة بس كان نفسى فيها من ساعة ماجيت هنا ومش لاقية منها والحمد للة جبتها وكلتها هههههههه
والخلطة السحرية دى بتسخن الجسم بس حلوة قلت حعملها يوم ويوم عشان الجلد مايلتهبش
النهاردة اكلت زبادى اصلى حتغدى مكرونة بالباشاميل والعشا تفاح والحمد للة

[yehia2007]

صباح الخير يا سوفه انا جييييييييييت وبرافو عليكى وبعدين مفيهاش حاجه لما تاكلى بطاطا واحده مش حتعمل حاجه واللهى انا لسه من كم يوم بقول عايزه اعمل مكرونه بالباشميل بس خايفه منها هههههههههه خليها لما انزل شويه
النهارده انا لسه مش عارفه حاكل ايه
بالنسبه لنور مش غلط على عضلات رجليها المشايه انا خايفه علشان كده كل محس انها بتضغط على رجلها بمسكها بس اليومين دول زادت سرغة السلحفاه وهى بتزحف وكل شويه عايزه تمسك اى حاجه من الارض ومش بتخلينى بعرف اقعد عماله امسك فيها وارجعها مكانها ههههههههههههههه

[sefo2]

صباح الخير يا سمسم وحشتينى اليومين دول عاملة اية وخطيبة ابنى العسل عاملة اية ؟؟ كبرت ولا لسة !!!
انا بصراحة فقدت الامل انى ممكن الاقى هند ...................
انتى اية اخبارك ؟ انا يا ستى اول امبارح اكلت مكرونة بشاميل زى ماقلت لك واعتبرت ان دة يوم اللخبطة بس قبلها وزنت نفسى لقيتنى نزلت 600 جلاام كمان يا سلاااااااااام
بس الحمد للة وامبارح كنت ماشية كويس بس جوزى كان اجازة طبعا نزل بعد الصلاة جاب بلح وعنب وطبعا انتى عرفتى الباقى اتغديت لحمة مسلوقة وسلطة وبعدها دخلت على البلح ومنة على العنب ......... حاجة فظيعة حتقولى عليا طفسة هههههههههه بس مقدرش اقاوم الفاكهة والمشكلة ان فاكهة الصيف كلها ممنوعات طمنينى عليكى

[yehia2007]

هههههههههههههههههههههههههه
ضحكتينى يا سوفه واحلى صباح عليكى انتى وسوفه العسل ونور الحمدلله كويسه وادينى معاها علشان تكبر بس امبارح وال امبارح م اكلتهاش حاجه
طبعا مش حقول عنط طفسه ولا حاجه لانى طفسه اكتر منك كمان انا ملخبطه بقالى يومين وامبارح كلت كيك وشوكولاته والدنيا بايظه ع الاخر وقلت لجوزى امبارح انا من بكره انشاء الله حبدأ الرجيم وايااااااااااااااااااك وانتى فاهمه اللى حيجرا بعد كده ههههههههههههه وانا بوعدك من دلوقتى فى مثل هذا الوقت الساعه 8 ونص صباحا الى يوم السبت القادم فى نفس المعاد انك تشوفى سمسم تانيه محصلتش واحده مؤدبه ملتزمه مش بتلخبط وماشيه كويس والميزان بينا الحكم
ايه رايك باه ؟
وهند يا ستى تلاقيها فى شهر العسل انتى لسه فاكره تسالى هههههههههههههه
انا حشوف بيت مصرى علشان ندخل نرغى شويه يلا تعالى انا مستنياكى

[sefo2]

صباح الفل يا سمسم اية اخبارك ونور حبيبتى عاملة اية ؟ يارب تكونو بخير .........
اية اخبار الشطارة لخبطى ولا لسة انا امبارح مشيت كويس الحمد للة بس تصدقى يا سمسم بقيت حاسة انى مش عايزة اكل او بمعنى اصح اقعد اكل احس انى حاكل اكللل بس بمجرد مابدأ اكل الاقينى شبعت بسرعة وماليش نفس اكمل أحسن برضة مش كدة ؟؟؟؟؟؟؟؟؟
انهاردة انا شربت نسكافية وكلت موزة ودة الفطار اما الغدا مش عارفة وحاسة انى زهقت لو عندك اقتراحات قوليلى والعشا ان شاء اللة حيكون زبادى وخيار

[yehia2007]

صباح الخير يا احلى سوفه فى الدنيا واجمل خطيب لبنتى عاملين ايه يا حلوووووووووين
انا بقى ملخبطتش طبعا زى م وعدتك ومشيت كويس طوووووووووول اليوم اتغديت على طول من غير فطار علشان كنت نايمه وصحيت متاخره وعلى الساعه 1 الضهر اكلت شوية رز مع لوبيا وصدر فرخه مشوى فى الفرن
واتعشيت الساعه 8 الاربع على طول من غير لخبطه فى النص كلت 2 فينو صغيرين سن مع واحده لانشون ووحتة جبنه رومى وبالليل جعت وشربت كباية لبن خالى الدسم مع كورن فليكس ده لانى طبعا كنت سهرانه مع نور للساعه 5 الفجر شفتى باه شطوره ازاى ايه رايك باه
اما بالنسبه ليكى كويس اوى ان جسمك اتعود على الكميات القليله احمدى ربنا كده كويس
بالنسبه لغداكى حاولى تعملى حاجه تشبعك علشان انتى اكلك النهارده قليل موز وزبادى كده حتجوعى لو مش متغديه كويس اعملى طبق سلطه محترم مع حتتين لحمه او ربع فرخه وشوية رز وخضاراومكرونه
انا نسيت اقولك جوزى امبارح بيتصل قبل ماييجى وبيقولى هااااه اجيب بيتزا انا طبعا شطوره قلتلو لاااااااااء انا عامله رجيم هات انت على ادك وهاتلى لبن خالى الدسم راح مجبش حاجه ههههههههههههه شفتى باه شطوره ازاى
انا صحيت الصبح الساعه 8 وكنت جعانه طبعا علشان مش ملخبطه امبارح واكلت واحد فينو صغير مع حتة لانشون وميه وحستنى الغدا على الضهر بس مش عارفه برده لسه حطبخ ايه والعشا ممكن لبن وكورن فليكس وصحيت دلوقتى لعبت نص ساعه رياضه وحرجع انام باه علشان دماغى حتفرقع من قلة النوم
معلش امبارح لما لقيتك خرجتى قلت اكيد النت فصل رحت خارجه انا كمان والضهر لما صحيت لقيتك كنت رجعتى تانى لينا يوم نرغى فيه بس اكون نايمه وفايقه شويه
ايه رايك فيا باه انا شاطره ولا نص نص ؟؟؟؟؟؟؟

[sefo2]

برافو يا سمسم وربنا يهدينا ويكون كلة بفايدة
تصبحى على خير وان شاء اللة نديها رغى قريب لما تكون شاطرة ونايمة كويس