حملة ريجيم السعرات الحراريه-أصح ريجيم في العالم

[مريوما**]

نورهان انتى ماعى اون لاين
تعرفى وصفه لتفتيح المناطق الغامقه فى الجسم زى الركبه

[norhan_bosy]

حبيبة قلبى مريوما معلش اسفة خالص النت فصل عندى ومعرفتش اكلمك اوعى تزعلى ياقمر
من عنيا ياقمر عندى وصفة حلوة خالص
وصفة لتبيض الركب والكوع
ليمونة واحدة نعصرها على اربع ملاعق كبيرة لبن بودرة وبعد كده نضيف شوية مياه صغيرة جدا نعجن بيها الى ان يصبح زى الكريم وندهن بيه الركبة والكوع ونتركه حتى يجف وبعد كده نفركه ثم نغسل مكانه
تعمليه مرة كل يوم وهتلاقى النتيجة بعد ايام بسيطة
ويارب توصلى للوزن اللى نفسك فيه اختك نورهان

[norhan_bosy]

ممكن يا جماعه تساعدونى
ممكن تقولوا لى ازاى اغير اسمى من نورهان_نورهان الى نورهان _بوسى علشان اختى بوسى زعلانه انى كتبت اسمى انا بس و هى كانت طالبه انى اشارك لها معايا بس انا و الله موش اقصد نسيت خالص

[Enas Hatem]

السلام عليكم ورحمة الله وبركاته
احبائي في الله وضعت لكم وصفه للكيك تحت عنوان [SIZE=4](اكلات لايت تنفع للديت )[/SIZE]عايزه اسمع رايكم عشان لو اعجبكم انا عندى وصفات كتيرو سلامى الخاص جدا للدوكتور لولو

[مريوما**]

شكرا نورهان على الوصفه
بس معلش انا عايزه اعرف انتى جربنيها اوى تعرفى حد جربها والنتيجه تظهر بعد ادى ايه واعمل كميه لكل يوم بيومه ولا مش مشكله لو عملته كله مره واحده يعنى لكذا يوم
واسف نورهان انا اسالتى كتير وبنسبل لتغير الاسم متهيقلى من تحكم العضو جربىوان شاء الله البنات يسعدوكى

[مريوما**]

هاهاها لولو معاى اون لاين هاهاها
لولو حببتى ان رقم كان 16 بس انا مش متاكده ولا انتى عتعملى ارقام جديده على كيفك يا فندم اى رقم انت تقوله انا موفقه عليه شفتى اانا مطيعه ازاى
لولو انتى عتنزلى الريجيم الجديد الاسبوع اللى جاى صح لو كده يا ريت تنزليه يبدرى علشان اجيب الحاجه ماشى هو عيكون كم سعر

[lolo4loly]

السلام عليكم ورحمة الله وبركاته

ممكن اسالك سؤال يا قمر هو بعيد عن الرجيم

بحكم خبرتك كنت عايزة اعرف علاج للسواد اللى موجود تحت العين
وكمان لو فى تجاعيد خفيفة اسفل العين علما ان سنى 27 سنة
واختى سنها 16ونص وعندها برده سواد تحت العين
ياريت تنجدينى يا لولو يا احلى دكتورة معلش ياحبيبتى عارفة انى هغلبك معايا
اخر سؤال بقا معلش استحملينى
كنت عايزة اعرف حاجة تودى الرؤوس السوداء اللى فى الوجه

ولكى منى ومن بوسى ارق تحياتنا لكى ولجميع الاخوات

عيوني نورهان وبوسي
يا عمري السواد اللي تحت العين علاجه اولا وقبل اي شيء داخلي بمعنى:
1-التغذيه الصحيه
2-الفيتامينات والمعادن اللازمه لازم تاخدي مع الدايت فيتامينات و معادن ولو انت في مصر يا نرهونه يبقى انصحك ب"سوبر فيت" او "ثيراجران" الاتنين ممتازين واهم الفيتامينات للبشرة E-A-B وبما ان اول اتنين موجودين ذايبين في الدهون وده قليل شويه في الدايت فلازم تتاخديهم من برة يعني من الكبسولات اللي قلتلك عليها
3-النوم النوم النوم ثم النوم عنصر هااااااااااااااام جدا جدا والنوم بالليل مش النوم الصبح بعد الفجر فهمتيني يا عمري
4- الماء الماء الماء المااااااااااااااااااااااااااااااء بقيت معزه خلاص لازم تشربي مش اقل من 8 اكواب والمفروض تزوديهم ل10 في حالتك
وبعد ده كله يجي دور الكريمات لازم تجيبي جل لمنطقة ما حول العين ودايما تبقي مرطباها وتلبسي نضارة شمس اثناء خروجك ادام الشمس وتحطي كريم واقي للشمسSPF100 MAX FACTOR ده ممتاز صحيح غالي شويه(85 جنيه) لكن ممتاز في منه لوشن وكريم انصحك تستخدميه
والتجاعيد نفس الكلام ويفيدك من الوصفات الطبيعيه الخيار والبطاطس تحطي شريحه على كل عين لمدة 20 دق وتبقى تمام
بالنسبه للرؤوس السوده لازم تنظفي وشك بحمام بخار فيه نعناع وقرنفل وبعده ليمون بالذات في منطقة الانف ثم تحطي ماسك قابض للمسام عشان ما تعبيش من الجو والماسك هو ليمونه وبياض بيضه مش عايزه اقولك اكتر من رائع
وممكن تعملي 3 مرات في الاسبوع ماسك نازل جديد من نيتروجنا اللي هو T-zone لمنطقه الجبهه والانف سمعت انه حلو اوي برضه بس لسه مش جربته لكن عموما اي حاجه من نيتروجنا حلوة ماركه نضيفه
معلش طولت عليكي يا قمر
بس يا رب اكون افدتك سلامي لكي يا قمر انت واختك بوسي
لولو

[lolo4loly]

اختي وحبيبتي احزان الماضي
الله يكرمك ويخليكي على ذوقك يا قمر
بالنسبه لاستفساراتك
1- انا اولا محتاجه كم سعر يوميا ؟ بالنسبه للشخص العادي محتاج 2200 سعر حراري وطبعا مع الدايت بنقللهم
2-المفروض كم معلقه سكر يوميا؟ السكر ممكن تخليه مكان اي سناك حوالي 2 ملعقه صغيرة
3-ومثلا الكيك ممكن ابدله مثلا بكوب لبن مع تفاحه او اتنين ؟ لا يا عمري الكيك لو كان في الوجبات تبدليه من عيلته يعني بتلات ارباع كوب كورن فلكس او 5 قطع بسكوت شاي ساده او ممكن توست ريجسم او رغيف سن او ربع رغيف بلدي وممكن بداله ثمرة فاكهه واحده
4-الوجبه الفرى المفروض سعراته تكون ايه؟؟
يعنى مثلا ممكن تكون فى حدود 2000كالورى وباقى اليوه مثلا 700 وبكده اكون اخدت المعدل الطبيعى
اللى جسمى محتاجه بدون اى زياده ؟ بالنسبه للوجبه الفري بالعكس المطلوب فيها انك تزودي في الكالوري اكتر من طول اسبوع الدايت عشان تكسري تعود الجسم على الريجيم فكولي اللي انت عايزاه بدون خوف من الزياده يا حبي لكن وجبه واحده بس طبعا

ولو انا مشيت على ده شهر المفروض انزل كم فى الشهر بعد حساب السعرات
المفروض تخسي في اول اسبوع من3-5 كيلو نقول متوسط 4 كيلو وكل اسبوع قولي متوسط كيلو يعني اول شهر 7-8 كيلو ويمكن اكتر انا حاطالك باقل تقدير وان شاء الله يا قمر تنزلي الوزن اللي انت عايزاه
وربنا يوفقك
لولو

[norhan_bosy]

ميرسى جدا يا اجمل و احلى دكتوره على الوصفات الرائعه السهله جدا و باذن الله هقول لنورهان علشان تجيب الكريم و تعمل الوصفات

كنت عايزه اعرف منك بالنسبه لليوم الفرى ممكن اخليه فى وجبة العشا و اكل كريب و لب و شيكولا و شيبسى و دولسى ولا اكل حاجه واحده بس ميرسى ليكى جدا اختك بوسى و سلامى للجميع

[norhan_bosy]

حاضر يا مريوما من عنيه هنديلك نورهان علشان ترد عليكى

و انت عامله ايه و الرجيم عامل ايه معاكى ربنا يوفقنا جميعا و نحقق الوزن اللى احنا عايزينه

سلام يا عسل

[يُسر الرحمن]

ازيك يا لوليتا عامله ايه
اهلا مريومه انتى اون لاين اهو
اخبار الرجيم ايه

لولو ممكن سؤال انا بيتهيئلى ان منزلتش فى خلال شهر 7-8 كيلو
ده ممكن يكون بسبب انى مش ماشيه على الرجيم قوى
ايوا عمله رجيم مش باكل غير اكل محدد لكن مش ماشيه بالظبط على اللى مكتوب فى الرجيم
هو ده ممكن يكون سبب يعنى ممكن اكل فاكه وممكن لاء ممكن اشرب شاى فى سكر ممكن دايت
كده يعنى مش ماشيه بحزافيرة بعمل بدائل بس ممكن اشرب الشاى بسكر واخد فاكه فى نفس اليوم
تفتكرى ده ممكن ميخلنيش اقل
وسؤال تانى يا لوليتا هو بعد الشهر الاول بنزل بمعدل اد ايه فى الشهر مثلا عاوزة اعرف علشان لما اوزن نفسى اشوف اخبار اللى بعمله ايه
وشكرا ليكى يا قمر وجزاك الله عنا خير
ويارب يارب تخسى وتنزلى كل اللى فى بالك يا لوليتا انتى وجميع الاخوات فى المنتدى وجميع المسلمين اللهم امين
سلام يا قمر

[norhan_bosy]

حبيبتى مريوما انتى تامرى يا حبيبتى ايوة الوصفة دى رائعة عن تجربة وبتجيب نتيجة سريعة جدا يعنى قولى خلال عشرة او خمسة عشر يوم يبقى المكان ابيض زى باقى الجسم والله عن تجربة انا كنت بحطه يوم ويوم لايعنى يوم بعد يوم وجاب نتيجة رائعة موش هتصدقى
بالنسبة للكمية الكمية ممكن تعمليها مرة واحدة بس موش كتير يعنى مقدار يكفى لثلاث ايام فقط وتحفظيها فى التلاجة وتستعمليها وتجيب نتيجة بس اوعى تشيلى الخلطة لمدة اكتر من ثلاث ايام لانها بتتلف بعد مرور هذا الوقت يعنى تقدرى تعملى الوصفة وتشليها فى التلاجة كل ثلاث ايام اتمنى ان تحققى كل ما تردين ياقمر وتعجبك الوصفة
سلام يا قلبى اختك نورهان

[norhan_bosy]

ازيك ايناس و الله دى تبقى حاجه جميله ان فى اكلات دايت بس نشوف راى الدكتوره ايه علشان موش نقدر نعمل حاجه من غير ما نعرف رايها

سلام يا قمر اخواتك نورهان و بوسى

[norhan_bosy]

ازيك يا يسر الرحمن اخبارك ايه و يا ترى عملتى ايه النهارده لغبطى ولا.....

و الرجيم عامل ايه معاكى يا رب توصلى للوزن اللى نفسك فيه يا قمر
سلام يا قمر اخواتك نورهان و بوسى

[البشارة]

ألف شكر عزيزتي لولو والله يوفقك يارب