مدارس مدارس............الجزء الرابع

[muslium]

أزيك يا دندونه
شكلها هتطلع حلوه المدرسخ ديه
ربنا يقدم اللى فيه الخير
طيب قوليلى اخبار باقى المصاريف ايه؟
و هى فين بالظبط
يعنى ابدأ فى الطريق الصحراوى و افضل ماشيه لحد ما الاقى سحابه و لا ايه؟

[dinahahmed]

ازيك يا مسلم
بالنسبة لموقع المدرسة هية فى الطريق الصحراوى ك 26 اول يمين بعد نزلى المحور الدخلة بتاعتها اما م سوليدير الناحية التانية
والمصروفات 4000 للبرايميرى بس بصراحة مسالتش على الكى جى والباص لحد الشيخ زايد 1350
ونسيت اسال على اللبس
لو عايزة اسالك على اللبس او الباص للرماية ممكن اكلمهم واسالهم لك او لو عايزة تستفسرى بنفسك دى ارقامهم
35390914 35392191 0129988930

[muslium]

شكرا ليكى يا دينا جزاكى الله خيرا وربنا يوفقك يا رب

مسمعتيش عن مدرسه اسمها Giza language school فى الرمايه؟

[dinahahmed]

لا و الله مسمعتش عنها خالص

[dr om yara]

ازيلو ياجماعة انا متابعاكوا من السنة اللى فاتيت كنت بفكر انقل ولادى السنة اللى فاتيت بس رجعت فى كلامى بس السنة دى انا جاااااااااااادة دلونى ارجوكم حد يعرف حاجة عن مدرسة الفارابى اللى فى التجمع الخامس

[kouky5]

السلام عليكم ام جوري

انا متفقة معاكي ومع البنات ان لازم يبقي لكي وقفة في اللي حصل
اولا: البنت ماكنتش غلطانة لانها كانت غايبة
وحتي لو ماكنتش غايبة مايكنش العقاب بالشكل ده ابدا
ثانيا: بتقولي ان 14 كانوا غايبين وهي عاقبت 4 فقط وده ظلم وده له مردود مش كويس علي الاطفال تربويا
فانتي روحي بكرة وافهمي ايه اللي حصل بالضبط وياريت لو تعرفي حد كمان من اولياء امور الاولاد اللي مع بنتك في الفصل ياريت لو تروحوا كلكم سوا

وطبعا مستنين منك تطمنينا عملتي ايه ...ربنا معاكي

[muslium]

ال CD بتاعة مدرسة محرم
للتنزيل

http://rapidshare.com/files/224190189/moharramils.rar.html

مستنيه رأيكم

[muslium]

شيلوا اى سبيس
http://rapidshare.com/files/224190189/ moharramils.rar.html

[dinahahmed]

شيلوا اى سبيس
http://rapidshare.com/files/224190189/ moharramils.rar.html

اللينك فى ايرور مش بيدخل

[بطرس كرم]

مدارس بى كرنك للغات افضل مدارس مصر الجديدة كلها
علميا وادبيا وكيفية التعامل مع الطلبة انها تتعامل معهم باسلوب علمى تربوى ولعل السبب فى ذلك هو ان ادارة المدرسة تعمل فى المجال التربوى اكثر من ثلاثون عام وانا عن تجربة فى هذة المدارس فلى ابنتان فى هذة المدرسة وان هذة المدرسةلها كثير من الامتيازات التى جعلت منها دائما الاولى على مدارس مصر الجديدة التعليمية فى جميع المسابقات وعلى راسها مسابقات اوئل الطلبة وهى التى توضح تفوق المدرسة علميا التى دائما مداس بى كرنك تحقق فيها نتائج مبهرة فى جميع مراحلها من المرحلة الابتدائية حتى الثانوية العامة ومن خلال تعاملى مع المدرسة لاحظت ان سبب تقدم وازدهار المدرسة عدة عوامل وهى :
اولا :مديرة مدرسة :فهى استاذة تربوية لها خبرة عظيمة فى المجال التربوى فهى تهتم بكل كبيرة وصغيرة فى المدرسة ومنها على سبيل المثال لا على سبيل الحصر
حضورها قبل الطابور الصباحى و اهتمامها منذ البداية بالاذاعة المدرسية لعلمها التربوى ان اهمية الاذاعة المدرسية كتنشيط لمعلومات الطلبة فى جميع اللغات (عربى _انجليزى _ فرنسى) وتنشيطهم رياضيا حتى يكون العقل السليم فى الجسم السليم
واشراف مديرة المدرسة على كل شى فى المدرسة فى فهى تعامل الطلبة كانهم اولاد واحفادا لها وان كان لك ان تتاكدمن حب الطلبة فاحضر حفل خريجى مداس الكرنك وشاهد مدى الحب بين الطلبة القدامى ومديرة المدرسة وكيفية معاملتهم لها
ثانيا : وكيل مدرسة :على درجة عالية من الخبرة فى مجال الادرة على مستوى محافظة القاهرة وهذا مما مكنة من التعامل مع موسسة تعليمية بهذا الحجم على درجة عالية من الدقة
ثالثا _ رؤساء اقسام:نادرا وتحدى ان يتجمع كل هؤلاء روساء الاقسام فىمدرسة واحدة فكلهم على درجة عالية من الخبرة العلمية كل منهما فى مادتة فخبرة كل منهما اكثر من ثلاثين عاما مما تمكنة من التعامل مع المدرسين وكيفية تدريبهم واعطائهم الارشادات التعليمية السليمة
رابعا : هيئة تدريس:وهى معجزة ان تتجمع هيئة تدرسةعلى مستوى عالى علميا وتربويا فى جميع المواد ودرجة عالية من الثقافة العامة والسبب فى ذلك هو عند اختيار المدرس الذى يعمل فى المدرسة يخضع لعدة اختبارات فى غاية الصعوبة حتى يتهيا للعمل فى هذة المدرسة العريقة

خامسا:انها اول مدرسة اجدها تتعامل فى مجال الشيتات الاسبوعية وهى عبارة عن مراجعة اسبوعية مع الطلبة لتمكنهم من مراجعة ما درسوة خلال اسبوع فى جميع المواد حتى تعودهم فى كيفية التعامل مع اسئلة الامتحانات
سادسا:اداءات اسبوعية وامتحنات شهرية فاصبح الطالب لايهاب من امتحان اخر العام
سابعا : حب الطلبة للمدرسة فى المدرسة الوحيدة التى يذهب اليها الطلبة لاخر يوم فى الدراسة وحتى فى ايام الاجازات تفتح المدرسة ابوابها للطلبة لممارسة الانشطة المختلفة
ثامنا : مناهج بى كرنك للغات خاصة اللغات مختارة بعناية فائقة وتلاحظ هذا فى ابنائك فهم يتحدثون اللغة بطلاقة سواء الانجليزية او الفرنسية او المواد التى تدرس باللغة الانجليزية
تاسعا : المدرسة الوحيدة التى توزع الكتب والكشاكيل على الطلبة قبل بدا العام الدراسى حتى يتسنى للطالب الدراسة من اول يوم


شكر من القلب لمدارس بى كرنك
بطرس كرم والى امر طالبتان المدرسة

[eyadnasr4u]

ميرسي يا قمر
شوفتي الصدف عملت سيرش وكلمتهم وهما ذوق قوي وقالولي نص المعلومات دي
بس انا للاسف ميزانيتي 5 الالف فقططططط
فهمل مش هلاقي حاجه كويسه بالسعر ده ؟؟
النزهه فرع الحجاز بالسعر ده بس مش هتقبل ابني لانه 4 وشهر بس

السلام عليكم انا ابنى قدمتله وقبل فى النزهه وعمره 4سنين واسبوعين و الله الموفق

[ٍPossy]

متهيالى يا بوسى كدة كويس اوى مدام عارفين شكل الحرف و متهيالى ده كفاية على سنهم لسة انتى بتقولى داخلين كى جى 2
فده حلو قوى متقلقيش ان شاء اللة مش حتحسى باى فرق بينهم وبين زميلاهم

ربنا يخليكي يا دينا وشكرا على ردك عليا وفعلا طمنتيني أوي

واسمحيلي أباى استشيرك في أي موضوع خاص بالأولاد في الدراسة لأني حاسة إن عندك نظرة صائبة وهستفيد كتير من خبرتك انشاء الله

وألف شكر تاني وربنا يكرمك في أولادك آمين

[ahmedkimo82]

السلام عليكم ورحمة الله و بركاته
نتيجة جولتى لأوراسكوم و مجمع القوميات 6 أكتوبر
- الحمد لله روحت النهارده أوراسكوم على الساعه 8:30 (المحور كان زحمه) قابلنا المدير (مسيحى طبعا) و قالنا ان الأبليكشنز هتبتدى من بكره ان شاء الله و المفجأه انهم هيعملوا باص على العام الدراسى الجديد ان شاء الله
و بالنسبه لى علشان انا تحويل فطلب شوية الأوراق اللى من الأداره التعليميه و المدرسه و لو عدد المحولين فرنساوى كتير هيعملولهم فصل فرنساوى بدل الألمانى
المهم ملحقتش اشوف غير ام واحده ابنها فى كى جى سألتها و شكرتلى فى المدرسه اوى و أد أيه الولد أختلف و مهتمين بال activities أوى بجانب التعليم . و أجتماعات اولياء الأمور بتحصل بشكل دورى و بيقولوا فيها كل حاجه و لو فى اى مشكله بيتناقشوا لحد ما يوجدولها حل فى ساعتها (ده كلام الأم) كثافة الفصول ماكسيمام 25. و لما سألتها عن موضوع الدين و كده علشان اوراسكوم قالتلى نفس الكلام اللى قلته قبل كده أن المدرسات كلهم مسلمات و الأولاد فى المدرسه تقريبا كلهم مسلمن ما عدا شويه تعد على اصابع اليد الواحده. و قالتلى ان هم بيهتموا مثلا بعيد الأم يوم الطفوله و الحاجات ديه بس الأعياد الدينيه لأ
طبعا باقى مواصفات المدرسه و مميزاتها انا كتبتهم فى مشاركه قبل كده
- بعد كده روحت مجمع القوميات و قابلنا المدير (مسيحى برده) و عملنا تور جميله اوى فى المدرسه و قالولى انهم العام القادم أحتمال كبير يدرسوا ماكميلان السنه ديه بيدرسوا سلسله تانيه مش فاكره اسمها ايه دلوقتى. المدرسه جميله وواسعه و فيها ملاعب و حمام سباحه بس كله تحت الأنشاء و لما سألته متوقع يخلصوا امته قالى أحنا فى مصر يمكن سنه اتنين. شوفت غرف الأنشطه وورانا فصل برايمرى 3 و كان فيه 17 طالب و كانوا حلوين اوى. المدرسه حسب شرحه فيها اهتمام حلو اوى بالأنشطه و العدد صغير ماكسيمام 25 فى الكلاس و فى باصات بس هى الملاعب لسه متشطبتش. مبنى الكى جى جميل و لو انى مشفتهوش بالتفصيل لأنى كنت مهتمه بالبرايمرى. أكتر حاجه عاجبتنى ال sience lab بيقولى انه من برايمرى 1 بيدخلوه و يشتغلوا فيه و لو كان ده حقيقى يبقى حلو اوى.
لما سألناه عن اجتماعات الأباء يعنى رد بغير حماس كده و حسسنى انها مش بتحصل
الحمامات نظيفه و كويسه
عموما المدرسه جميله و المصاريف 3600 + 1800 باص + يونيفورم فى حدود 300
للأسف طبعا انا مقبلتش اولياء امور و علشان كده كل اللى قلته ده كلام المدير و نتيجة رؤيتى للواقع بس هل ده بيتنفذ فعلا و لا لأ مش عارفه لازم نكلم اولياء امور يأكدولنا ان المدرسه كويسه
النتيجه أن المدرستين احلى من بعض و الأتنين مفيهومش اهتمام خاص بالدين يعنى لا تحفيظ قرأن مثلا او كده بس السلوكيات و الأخلاقيات اوكيه .
المدرستين مفيهومش فصل اولاد عن بنات يعنى مشتركه لحد ثانوى
و ديه السلبيات اللى انا شايفاها فيهم غير كده هايلين
قولولى ايه رأيكم؟
انا خلاص مش هروح مدارس تانى انا شايفه ان واحده من الأتنين دول هتبقى حلوه اوى و مش هخسر حاجه لما اجرب
كمان هم لسه جداد و بيحولوا يعملوا سمعه كويسه فصوتنا هيبقى ليه تأثير
و ان شاء الله ناويه سواء وديت بنتى لأوراسكوم او القوميه هعمل جروب على الفيس بوك لأولياء الأمور اللى أولادهم فى المدارس علشان نبقى أيد واحده و نقدر نحقق مطالبنا. يعنى انا مثلا نفسى يفصلوا اولاد عن بنات من اول اعدادى و متهيألى لو كل اولياء الأمور عندهم نفس الرغبه يبقى ايه المانع يخلوا الأولاد فى فصل و البنات فى فصل و هكذا
و ربنا يهدينى للى فيه الخير
هصلى استخاره ان شاء الله وربنا يقدم اللى فيه الخير

ممكن يا اخوات عنواين مدارس :
مجمع القوميات - المصريه للغات الي في الهرم - اوراسكم
بالمناسبه انا زميلي في الشغل ابنه في الاهرامات للغات و بيشكر فيها شكر رهيب لدرجة اني فكرت ادخلها انا !!

[ahmedkimo82]

حاجه كمان مافيش و لاحد قال حاجه عن Dream internatoinal school اكيد هي ممتازه بس مصروفاتها كام ؟؟

انا ساكن في حدائق الاهرام البوابه الرابعه (الملك مينا)

[ahmedkimo82]

هل الافضل ادخل ابني بيبي كلاس و لا حضانه ... هو دلوقتي عنده سنتين و 9 شهور