ده كتاب رائع عندى من زمان عمرى ما هتميت بيه . من فترة طلعته وقريته وبجد استفدت منه كتير جدا .


تجارب ناس كل واحد له سبب ومشكلة أدت بيه لزيادة الوزن وكل واحد اعتمد طريقة وأسلوب في تغيير عاداته


والسيطرة على وزنه والتمتع بالرشاقة بعد ما كان أغلبهم فقد الامل


تعالو نتابع ونشوف ونتعلم وزي ما هما نجحو وقدرو احنا كمان بعون الله هنقدر وهننجح




في مقدمة الكتاب الكاتبة بتقول :


يمكنك أن تقوم بذلك يمكنك أن تتغلب على السمنة .. والسؤال لماذا أنا متأكدة من ذلك ؟؟ لأنني خضت التجربة


ونجحت في معركتي مع السمنة فبعد مرور عشر سنوات من الصراع مع جسمي رغبت أخيرا في


التوقف . كان جسدي زائدا قرابة العشرين كيلو معظمها في رأسي .



وبتحكي ليزا مشوارها في التخلص من الوزن الزائد للأبد وبتقول :


لما كان عندى 13 سنة كان عندي زيادة في منطقة الفخذين وقررت انى لازم اتخلص من الوزن الزائد فورا



وحطيت في حساباتي الساذجة اني لو قدرت أعمل تغيير في شكل جسمي هبقى سعيدة .


وكانت النتيجة إنه بقى الأكل محل اهتمامي وبقى هو المكافأة واللوم وتأنيب الضمير والعقاب كمان . وبقى مقياس


سعادتي وتمتعي بحياتي انه اليوم السعيد هو اليوم اللي ما كلش فيه كتير واليوم التعيس هو اليوم


اللي ما اتمالكش نفسي وآكل حاجة من قائمة الطعام المحظورة عليا . وبدلا من التمتع بحياتي ركزت على حاجات


تافهة سخيفة زي بنطلوني الجينز اللي بقيت مش قادرة اقفله . وكان كل ده أشبه بالدوران في


دائرة مغلقة وضيعت كتيييير من الوقت ومن سنين عمري



وأخيرا بعد سنوات من الاضطراب النفسي وتأرجح وزني بين الزيادة والنقصان وقفت وقفة جادة مع نفسي بحثت



كتير وقريت كتير واتعلمت ازاي أغير تفكيري من التركيز في الاكل وابتديت أدور على الحل



للمشكلة الحقيقية اللي هيا في تفكيري انا مش في الاكل نفسه .


واتعلمت أسيطر على نفسي بعبارة صغيرة (( توقفي ..اهدئي و فكري )) وفي اللحظة اللي كنت بجري عشان افتح



كيس شيبس أو علبة بسكوت كانت العبارة دى بترن فجأة في عقلي






توقفي . إهدئي وفكري






وكنت فعلا بتوقف وبفكر ..



أنا ليه عاوزة آكل ؟؟ ولما كنت بكتشف احساس الإحباط اللي جوايا وبكتشف السبب ورا الاحساس ده بقه الشيبس



والبسكوت أقل أهمية ومتعة بكتييييير .



يمكن هي فكرة بسيطة بس فعلا نجحت في علاجي من الشره للأكل ومن الوزن الزائد للأبد والنهارده يسعدني أقول



ان وزني صحي ومثالي .



ومن الخبرة الطويلة اللي اكتسبتها في كفاحي في خسارة الوزن الزائد يمكنني القول إنه من الممكن تماما الفوز في



هذا الكفاح .



والآن بحكم شغلي كمدربة في فريق التوعية الصحية لمخاطر السمنة أكثر حاجة بتسعدني متابعة حالات نجاح ناس



بيعتبروها زي المعجزة بإنهم تغلبو على السمنة وبقت صحتهم ولياقتهم أحسن وحابين يشاركو



غيرهم ممن يعاني نفس المشكلة تجاربهم لأن النجاح مش سهل والمشوار شاق وساعات كتير بتبقى محتاج دعم



وحماس من ناس عانو نفس المشكلة ومرو بنفس الاحساس وحسو بنفس الملل وعشان تتأكد




إنك هتنجح زي ما هما نجحو .








دى كانت الفكرة ورا كتابة الموضوع ده دول ناس عاديين زينا وفي قصصهم كتير من الأيحاء والدعم والفوائد اللي



ممكن نستفيد منها


كل فترة هنزل قصة أو اثنين بإذن الله


وكل ما علينا إننا نقرر إننا نتغلب على الوزن الزائد للأبد وما نسمحش إنه يسمم حياتنا ويضيع أجمل سنين عمرنا


ونشوف تجارب الناس دى ونقرر إننا ننتصر زيهم ونشحذ همتنا


ونقلب الصفحة ونبتدي في صنع حياتنا الجديدة .


التجربة الأولى
[موضوع قيِّم ] تغييرات بسيطة أدت إلى نجاح دائم

موضوع رائع كاراميلا
تسلم إيديكي
قرأت عالسريع لأني مستعجلة ..بدي أطلع
ولي عودة للقراءة بتمعن

جزاك الله خيرا حبيبتي

رااااااااااااااااااااااااائعة كارميلا
كلام جميل جدا لقيتي الكتاب دا فين ؟؟؟ومين المؤلفة اللي بتتكلم عن نفسها متابعاك بكل اهتمام وفي انتظار قصص النجاح

السلام عليكم

يسعد مساكي كرميلا

صراحة مبين الكتاب شيق كتير

العبارة رائعة ومعبرة

انا وغيري اكيد بالانتظار

بانتظار قصص وتجارب ناجحة

وتسلمي على الموضوع

السلام عليكم ورحمة تااه وبركاته
كرميلا موضوع رائع متلك الله ينور عليك
مستنين بعض التجارب

موضوع قمة في الروعة
تسلمي كرموشة
ان شاء الله الكل يستفيد
بانتظارك...

جزاك الله خير

تسلم يدك كريمه ع النقل المفيد والممتع
وكان وين الكتاب من زماااان هههههه
الحمدلله انك فتحتيه ياعسل

جزاك الله كل خير

حلو قوى الموضوع ...واكيد فيه فايدة عظيمة ....فى انتظار قصص النجاح ...لا تتاخرى علينا يا جميلة

الله لا يحرم ك االاجر يا كريمة هو دا الي محتااجييينه جرررررعااااااااااااااااااااات قصص وتجاارب ناجحة حتى نكمل مشواار العمر
لي عودة للتمعن تسلم يمناااكي يا عسل بلدي مصفي ههههههههههههههههههوربنا يمتعك بالصحة والرشاقة طوول المر وكل الي ببالك