بطلتى اليوم تحلم بالرشاقة
تعيش أيام وليالى كئيبة
تفكر بالسمنة ومشاكلها
فكرت وفكرت ثم قررت
سأبث همى وشكواى بالمنتدى
لعل هناك من يساعدنى
وقد كان
تبادر الجميع للنصح وتقديم يد العون
وكان القرار
الانضمام الى مجموعة تحقق الحلم والأمل المنشود
البطلة : بعد السلام والتحية
أنا بتمنى أنزل وزنى..
ساعدونى
لكن بصراحة من غير حرمان من الرز والمكرونة والخبز والشوكولاتة والجاتوه..
وكمان أنا ما بحب الرياضة ..
وبأسهر للصبح وبأنام للساعة 4 بعد الظهر..
بلسم الجروح (في حالةذهول) يعني انتي بتعملي كل حاجة بتزيد الوزن..
وللأسف بتحاولى تضعى شروط معقدة
البطلة : ما فى بعد الصراحة لان الصراحة راحة
بلسم الجروح :طيب أختى وأنا كمان ها أكلمك بكل صراحة..
انتي عشتي حياتك بطريقتك.. والنتيجة كانت معاناة واكتئاب
وهذا اختى اوصللك للوصول للمجموعة
سؤالى تحبى تجربى طريقتنا الصح؟
البطلة : أكيد وشو هى الطريقة يا ترى؟
بلسم الجروح:إننا نتعامل مع جسمنا بالطريقة الصح..
الطريقة اللي مفروض نتعامل معاه بحيث نتمتع بالصحة
ووزننا يفضل ممتاز
البطلة:بلهفة كيف؟
بلسم الجروح :لازم في الأول نصلح الاخطاء اللي قمنا بيها في حق جسمنا..
فيه خلل حصل في الهورمونات نتيجة الوزن الزائد..
مثلا أنسجة الجسم بتقل حساسيتها للانسولين لما يكون فيه دهون زيادة..
وبالتالي البنكرياس بيفرز انسولين أكثر علشان الانسجة تحس بيه..
فيحصل جوع زيادة وأيضا تخزين لكل حاجة بتاكليها في الجسم فيزيد الوزن.
البطلة: يا لهوى! طب ونصلح الخلل دا ازاي؟
بلسم الجروح:بنظام صحى ومتوازن ها نقلل الأغذية اللي بتنشط افراز الانسولين في الجسم،
وفي نفس الوقت بتقلل الوزن،
فيرجع مستوى الانسولين للطبيعي ويقل تخزين الجسم للغذاء.
البطلة: خلاص ححاول اتبع النظام
بلسم الجروح:النظام بيكون بالالتزام بأنواع معينة من الأكل في أول اسبوعين
ثم نتدرج لحد ما توصلي انك تقريبا تاكل كل حاجة بتفيد الجسم ومش ها تتحرمي من حاجة.
البطلة : صحيح مش ها انحرم من حاجة؟ يعني ها أكل تورتة وجاتوه وبسبوسة وكنافة؟
بلسم الجروح:لا .. الموضوع مش كده.. فيه أنواع طعام لازم تحترسي منها جدا
علشان تحافظي على وزنك اللي ها توصليله.
البطلة : يعني برضه حرمان؟
بلسم الجروح:مفيش حاجة غالية من غير ثمن..
ممكن تشتري جوهرة ثمينة ببلاش؟ ولا لازم تدفعي فلوس مقابلها؟
البطلة: طبعا لازم الحاجة الغالية يندفع تمنها.
بلسم الجروح:الصحة والرشاقة حاجة غالية جدا
وتستاهل تدفعي قدامها بعض الحرمان من الأغذية ذات التأثير السيء على الصحة.
هي: طب ممكن أطلب طلب؟
بلسم الجروح:اتفضلي.
هي:أصلى معزومة عند صاحبتى. ممكن أكل قطعة بسبوسة؟
بلسم الجروح: (بيأس والم) الظاهر ان كلامي ما قدرت اوصلو صح..
يا قمرانتي بتعانى من مرض اسمه السمنة.. ولازم تلتزمي وتقاومي.
البطلة : طب حتة صغيرة بس.
بلسم الجروح:(تمشيا مع الواقع) كم حجم القطعة يعنى؟
البطلة : يعني.. نص الصنية مثلا..
.
.
.
بنتظر تعليقكم الحلو مثل صنية البسبوسة
وحبيت اذكركم يا غاليات
ابدا ما بقصد اى واحدة
لكن حتى نأخذ العبرة
من قصص مشابهةفالبطلة افتراضية وهمية
الروابط المفضلة