الله يا وعود الخير
صحيح : إنك اسم على مسمى
كل شي بيجي منك خير
و موضوعنا كله خير , لإنه من ريحة الجدات
و بيضلوا الجدات هني الخير و البركة
و بالفعل , ما في أحلى و لا أطيب من أطباق الجدات
الله يرحم ستي ( أم أبي ) , ماتت من عشرين سنة
كان ما في أطيب من أكلها , و كانت كتير شاطرة مو بس بالأكل , كمان بكل شي
و كانت تخبز عالتنور
و الله يرحم ستي ( أم أمي )
ماتت السنة الماضية
كمان كانت تخبز عالتنور , وأنا صغيرة
و كان ما في أطيب من أكلها بالدنيا
و بدون مبالغة : ما دقت بحياتي أطيب من الكبة و الكوسا محشي يلي كانت تطبخهن
و لا المكدوس و الزيتون من تحت إيديها , كان رووووعة
الله يرحمهن
و إن شاء الله العمر الطويل إلكن جميعآ و لحبايبكن
مشكورة , أخت وعود عالموضوع المفعم بالأصالة , و عبق الذكريات الحلوة
و أيام الطفولة السعيدة
بإذن الله , إلي مشاركة , أو ربما أكثر
و لكم جميعآ كل التحية و الود , و أحلى باقة ورد
الروابط المفضلة