الله الله الله عالمجدرة
و ما أدراكم مالمجدرة ؟؟؟
المجدرة أكلة مقدرة
و أنا مو بس من عشااااق المجدرة
هيي أكلتي المفضلة
ست وعود :
الله يعطيكي العافية , و يقويكي , و يسلم دياتك الحلوين , و مشكووورة على هالطبق اللي أسال لعابي من عند هالصبح
بددك تسمحيلي بالطنجرة باللي فيها و أكيد مع البصل المقلي
و اسمحيلي كمان بهالمداخلة الصغيرة :
نحن الشائع عنا : إنه المجدرة : هيي البرغل مع العدس , منعملها دائمآ و منحبها كتير و اسمها المجدرة
من زمان : كانوا جداتنا : يطبخوها مع الأورمة ( لية مفرومة , بيغلوها عالنار , لتسيخ و ييتأكدوا إنها تخلصت من المي يلي فيها , و بيحطولها ملح و لحمة هبرة مفرومة , و بعدين ييستنوا لتبرد , و يعبوها بالقطرميزات , و ييحتفظوا فيها للطبخ )
و لكن نحن منعملها مع زيت الزيتون , و كمان منقلي البصل بزيت الزيتون , و بنطبخ المجدرة بزيت البصل المقلي , و بنحط البصل المقلي على وجهها
و بنقدم معها المخلل , و سلطة بندورة و خيار , أو صوص مكون من مرقة تمر هندي و بصل مفروم ناعم و نعنع يابس
و كما مجدرتك بنطبخها , و اسمها : مجدرة رز أو ( مدردرة )
و أنا بمووووووت بالمدردرة لإنها جدآآآ لذيذة
ماما بتعملها مع سمنة عربية
بتطلع شغلة
و في نوع من المجدرة متوارث عن جداتنا , و جدآ طيب
و لكن ما راح إحكي عنه هلأ
يمكن قدموا ضمن هالملف , متل ما بيريد رب العالمين
و مرة تانية : مشكوووورة أخت وعود
و جزاك الله خيرآ و بارك فيكي
الروابط المفضلة