كيفكم اخواتي.....من كم يوووم....خطيبي فاجئني انه جاي عندنا زيارة...في يوم مش من ضمن جدول الزيارات ههههههه..وطبعا مكنتش مجهزة نفسي اوي هعمله ايه واسويله ايه ولسه محدش هينزل السوق نعملنا شوبنج مطبخي..........شفت اللي بالتلاجة و طلعت عزومتنا البسيطة..بالشكل اللي هتشوفوه.....وبصراحة فيه وصفتين منهم للاخت الغالية wbaby.....ربنا يباركلها يارب....الوصفتين احلى من بعض ومشرفين جدا في العزومات وكمان اسهل منهم مفيش......
المنيو كان عبارة عن...شوربة لسان عصفور....مكرونة بشاميل...صينية قرنبيط باللحمة المفرومة...(خفييييفة وروووووووعة).. و صدور دجاج محشية ومقلية (منزلتهاش بالموضوع ده) ...وقالب الكفتة ولفايف اللحم المحشوة خضار للغالية wbaby...والسلطات تبولة....سلطة روسي....تومية.....بطاطس شيبس....وبس.....
اترككم مع الوصفات......وصفة وصفة وبالتفصيل.....
’’’’’’’صينية المكرونة بالبشاميل‘‘‘‘‘‘‘‘
طبعا اغلبكم يعرف المقادير بس هقولها تاني....ميضرش
***المقادير***
-كيس ونص مكرونة قلم (الكيس حوالي 400 جم)مسلوقة في مياة وملح خفيف
-كيلو الا ربع لحمة مفرومة معصجة
البشاميل...وهو ده سر جمال اي مكرونة بشاميل...احنا عاملين صينية كبيرة طبعا عشان تكفي...فالدقيق(الطحين) خدنا كوب الا ربع.,...والسمنة حوالي نص كوب....يتحطوا على بعض وعالنار....لحد مالدقيق يختلط بالسمنة كويس ثم نضيف لبن(حليب)حوالي كيلو او كيلو وربع.....ونقلب جيدا لحد مايكون الصوص بالمنظر ده...ولما يبرد بيتقل اكتر
وبعدين نتبله بالملح والفلفل.......و نتركه يبرد........
-افضل شيء لصينية المكرونة تكون المكرونة دافية شوية والبشاميل بارد....
-عند استخدام البشاميل بعد مايبرد نضيفله 4 بيضات مخفوقين ونقلبهم (فيه ناس لا تضيف البيض للبشاميل وتضعه عالوجه فقط بس الطريقة دي احسن بتدي احمرار للوش والبشاميل بيكون طري من الداخل وراااااااائع)
-نبدا نرص نص كمية المكرونة المسلوقة بالصينية......ونصب عليها نص البشاميل ونقلبهم كويس......
-نضع اللحم المفروم (العصاج)في النص......ثم نضع باقي المكرونة ...ثم البشاميل في الاخر
-لا حاجة لوضع بيضة مخفوقة اخرى عالوجه...ولكن لو تحبي مافيه مانع
-بالفرن يسخن على 180 ومن فوق وتحت لمدة نص ساعة او اقل...حتى يحمر الوجه ...هي احمرت زيادة بس متحرقتش....(من الاستعجال واللخمة)..وبالهنا والشفا...معلش مصورتش شكلها من جوة ساعة الاكل اتقطعت واتاكلت على طووووول بس كانت رائعة والله......
‘‘‘‘‘‘‘‘صينية القرنبيط الخفيفة باللحم المفروم‘‘‘‘‘‘‘‘
طبعا القرنبيط رائع ومغذي جدا...وياسلام عليه في صينية خفيفة وصحية....من غير قلي ولا كوليسترول زيادة والله بيكون طعمه يجنن وسهل وسريع
***المقادير***
راس قرنبيط كبيرة...
حوالي ربع كيلو لحم مفروم معصج...
حوالي 5 طماطم متوسطين مضروبين في الخلاط
بصلة كبيرة مفرومة مع فصين توم
مرق لحم او دجاج اللي عندك.....ملح وبهار
***الطريقة***
طبعا....عشان تكون خفيفة ومفيهاش زيت ولا سمن عملتها ني في ني...يعني قطعت القرنبيط زي الصورة وعليه الطماطم المضروبة والبصل بالتوم..واللحمة المفرومة ...وملح وبهار وعليه المرق وعالفرن على طووووول....سهلة ولذيذة جدا...واللي تجربها هتدعيلي
وتدخل الفرن لحد مالقرنبيط يستوي.......لا تاخد وقت ابدا
’’’’’’’قالب الكــــفتة‘‘‘‘‘‘‘‘
فعلا كان طعمه رائع وجميل جدا....وشكله يجنن كمان
***المقادير***
نص كيلو كفته
بصله كبيرة
3 ملاعق مسترده
ربع كوب صلصه طماطم البيتي
ولو المعجون الجاهز
معلقتين
ملح وفلفل اسود وحبهان ورشه خفيفه كمون
بيضه
ربع كوب بقسماط
بهارات لحمه معلقه صغيرة
***الطريقة***
نخلطهم سوا ونسيبهم ساعه
(شكل التتبيلة على بعضها)
عجنت اللحمة بالتتبيلة وحطيتها في قالب مبطن بالفويل..وعلى الوجه
وضعت ربع كوب صلصة طماطم اخر +زيتون اسود+فلفل اخضر ورشيت رشة زعتر ناشف
اضفت جبنة موتزاريلا
هنا شكله بعد الخروج من الفرن......نتركه يبرد قبل التقطيع(خطوة مهمة)
نرفع الفويل بالراحة ونضع القالب في طبق التقديم.....ونقطعه بعد مايبرد تماما.......كان روووووعة
ده رابط قالب الكفتة ل wbaby...جزاها الله خير يارب
الروابط المفضلة