المعروف انه المنسف بينعمل بلحمة الخروف , بس برضه كنوع من التغيير بينعمل بالدجاج , بيطلع اخف وما بياخذ وقت.
الطريقة:
- يقلب الدجاج بقليل من الزيت حتى يحمر
- نضيف الهيل الناعم وورق الغار وشوية مستكة ورشة يهار وملح
- نضيف ماء مغلي حتى يغمر الدجاج ونترك على نار هادئة 20 دقيقة
- نفتح الطنجرة ونضيف الجميد الممروس والمنعم على الخلاط ونتركه يغلي 10 دقائق
- نضيف لبن الشنينة المخلوط على الخلاط مع اللبن الروب و ملعقة صغيرة نشا ونترك المزيج يغلي
- نضيف مكعب ماجي ونغلي حتى يتسبك المزيج جيدا ويغلظ قوامه قليلا
- عند التقديم نضع خبز الكماج في جاط التقديم ونسقيه باللبن الساخن
- نضع فوقه طبقة من الرز المفلفل و الملون بالكركم
- نصف قطع الدجاج على الوجه ويزين باللوز و الصنوبر
- يقدم اللبن او الجميد بجانب المنسف ويؤكل مع المخللات والبصل الاخضر
عزيزاتي الاكلة سهلة وسرييييعة ولذيذة ودسمها متوازن (ما رح يعجب تغريد الحكي !!)
ان شاء الله تعجبكم ودمتم سالمين
الروابط المفضلة