مساء الخير يا جباليا .. احنى عندنا التسعة المساء
كيف حالك و حال العويلة
للبحث في شبكة لكِ النسائية:
|
الحمد لله نسلموا عليك وانتي شني حال عويلتك
جمعة مباركة للجميع
لا تنسون قراءة سورة الكهف والصلاة على الرسول صلى الله عليه وسلم
نــــــــــــحــــــــــن لا نستسلم... ننتـــــــــصر أم نمــــــــــوتWe do not surrender.. We win or die
:
[/center]
معليشي راهو اختي خاشة سخونة و تخرط شويا
مس ليبيا ضروري تجاوبيني وين بتنزلو في الرباط عن طريق شركة البراق ولا في الدار البيضاء عن طريق الخطوط الليبية او المغربية
كان بتنزلو في الرباط اول حاجة طبعا تلفو فيها و اهم المناطق اللي مفروض دورو فيها هي
شارع محمد الخامس هو شارع منسق و في وسطه في نافورة و ممر نخل حاجة روهة و الشارع كبيييير و في مبنى البرلمان و ممكن تصورو بحداه على فكرة و في قصر الملك مش في نفس الشارع لكن في الجيهة هاديكا و حتى هو ممكن تصورو بحداه لين تعييو و ما حدش يكلمكم حتى بحدا البوابة الرئيسية متاعه عادي
و طبعا في المدينة ضروري تمشو لي سويقة هادي زي ما تقولو حنا عندنا الرشيد في طرابلس لكن حنا هازيين عليه الرشيد بينما سويقة حاجة مليحة يعني و كان بتشري حاجة اشريها من سويقة
مكان تاني ( قصبة الوداية ) و هي المدينة القديمة متاع الرباط نظيفة عل الاخر و مطلة على المحيط تقعدي تدهوري فيها لين توصلي للقمة متاعها تلقي الاطلالة على المحيط و فيها مقهى ممكن تطلبي فيه ( الاتاي) الشاهي المغربي
و بعدين كان تبي تشوفي الشوارع النظيفة و الحياش الفخمة تعالي لي (حي الرياض) هذا شارع جميل و منسق و فيه عمارات و فلل جميلة
و الشارع الافخم منه اسمه ( زعير ) مافيشي عمارات كله فلل الفلل الفخمة و يسكنو فيه اغنياء الرباط و الوزراء و هكي يعني
و بالنسبة للاسواق متلا كان تبو تقضو فيه سوق المرجان في منه 2 مرجان الكبير و مرجان صغير هو عبارة عن سوق كبيييييييييييييييييييييييير فيه كل شي مواد غذائية ملابس عطور اكسسوارات لكن يفضل ان ما تاخدوش منه الا المواد الغذائية و متلا شامبوهات او هكي يعني و الملابس و الحاجات التانية ممكن تلقوها في الدكاكين العادية زي ما قتلك قبل متلا في السويقة
و طبعا المقاهي هنا في كل مكان و عادي مافيش مشكلة ان تخشو انت و العائلة هنا لان ما حدش يشبحلك ولا يعدل عليك
و في منطقة اقدال هي تكتب اكدال والكاف فوقها تلاتة نقط و تنطق ق زي ما حنا بالليبي نننطقو فيها
هادي زي ما تقولي المدينة العصرية كلها عمارات و دكاكين الراقية ( و الغالية ) نسبيا ممكن تشري منها حاجات
و طبعا ما نوصيكش شناطيكم رد بالكم منتهم يعني شنطة اليد رد بالك منها خاصة في الزحمة
و معلومة التاكسيات هنا ما يركبوش الا تلاتة اشخاص و يقولوله التاكسي الصغير بس فيه تاكسي كبير لكن حاجة مش اوي يعني ما تركبوش فيه و الاحسن انكم تاجرو سيارة و تمشو وين ما تبو
و رد بالكم من فرق العملة مش اللي يقولوهولكم تعطوه و خلاص
متلا التاكسيات من شارع لي شارع يعني تكلف حوالي 25 درهم في النهار و ممكن 35 درهم في الليل
السويقة كان بتشري متلا شناطي يد في حدود 50 درهم 100 درهم اكتر من هكي يغش فيك
الملابس على حسب المنطقة اكدال غالية شويا مش هلبا لكن ممكن تلقي نفس الحاجة في مكان تاني ارخص يعني
اه و نسيت حاجة سوق ميجا مول في طريق زعير ضروري تمشوله شوق كبير في ارقى الماركات زي فيرزاتشي و و هكي يعني بس غااااااااااااااااااااااااااااااااااااااااااااااااا ااااااااااااااااااااالي يعني بالنسبة للناس العاديين واحد يخش يتفرج عليه و يطلع و فيه صالة تزلج و فيه العاب و فيه صالة بولنج
ان شاء الله نكون عطيتك معلومات على الرباط و ستني الباقي ان شاء الله
السلام عليكم و رحمة الله و بركاته
كيفكون يا حلوين ...حابين نغير اللهجة شوى <<معليش .. من ضيقة الخاطر >>
لا و الله يا غالية .... ياريت .مش معقولة :رواد وعقول ينسرفن شورهن بعيد عن الهدرزة خياااااااااااااااااانة
مشنوقة فى الحوش .. كان عندى ضيوف ..
عقول.. مسكينة .. على احر من الجمر .. اليوم النتيجة ..
ان شاء الله بالنجاح
هيا فرحينا عاد
و الله نخمم فيك
امدير دورة فى الحوش و نرجع ندير طلة..
يا بنات .. المدة الجاية اظروف معينة ممكن ما نقدرش نخش للنت دايما . فخلوا بالكم من الموضوع
و اول ما يتسكر .. نفتحوا واد ثانى بنفس الاسم تقريبا .. و نرقموه ..و هكذا
مسلسل مكسيكى ...
السلام عليكم ورحمة الله وبركاته
كيف حالكم يا بنات ...
تعرفوا والله نحس في روحي متضايقة ومتحسسة من القوانين الجديدة
واول حاجة قريتها قانون خاص بمواضيع الهدرزة (قصدي الدردشة ) كانهم قاصدين هدرزتنا
آخر مرة عدل بواسطة المنـ أم ــذر : 07-07-2006 في 06:45 PM
الروابط المفضلة