السلام عليكم ورحمة الله
بجد ادمنت عمايل المعجنات هههههههه والفضل لربنا وليكم
بس العجينة اللى استخدمتها المرة دى عجينة لامى ربنا يخليها وهى مش بتستعمل معاير بس الاحساس وعلمتنى اعملها
والمقادير كالتالى
دقيق كانو حوالى 2 كيلو
ولبن حليب دافى دة بقى اللى بالاحساس هههههه
وقطعه خميرة اد عين الجمل وندوبها فى ماية دافية ومعلقة سكر
وبيكنج بودر معلقة كبير
وشوية ملح
وكمان سمن وزيت ودة كمان بالعين بس حوالى كوبيتين سمن ونص كوباية زيت
نحط الدقيق والملح والبيكنج بودر وبعدين باقى المقادر ونعجن لحد ما تسيب العجينة ايدينا
ودى الصور ويارب تعجبكم
دى بيتزا باللحم المفروم
اما دى كانت فراخ
ودة كام شكل تانى محشية لحم مفروم وجبن رومى وزتون
وخلية محشية جبن رومى
ودة كرواسون محشي زتون اسود وفى محشي جبنة
ودة اخر حاجة لما فاضت العجينة ودة من اختراعى
عملت عجينة على شكل دايرة وعجينه قدها وقطعتها بغطا زجاجة وعملت شكل وردة فوق وحشيتها جبن رومى وزيتون
ورشيت سمسم وحبة البركه
وقفلتها بالضغط بالشوكة
ودة بعد الفرن
ودى اقرب
وشكرا ليكم
الروابط المفضلة