قبل ما احط الموضوع بحثت في قوقل عن الاكلتين بالصوروهي عباره عن اكلتين بخاريه
وجدت طرق للغمن مختلفه بدون صور وواحد موضوع فقط للاخت شذى على ما اظن في بيت حواء بس للاسف كمان راحت صور الموضوع قبل ما اشوفها
والسمسو لم اجده نهائيا فقط وجدت اخت بتسال عن طريقته في عالم حواء
الا اذا كانوا حاطينه باسماء اخرى الله اعلم بس هذا الاسم المعروف لهذه الوصفتين
المهم من هذا كله اني جبت لكم الطريقه مخصوص لمنتدى لك وبناته الحلوين بالصور من الاوزبكيه زات نفسهم
نبدا باللغمن
هو عباره عن مكرونه تنعمل عالايد وتوضع عليها لحمه مطبوخه بالخضار ومرقتها
الطريقه صعبه شوي وفي عندنا حريم بخاريات يبيعوها جاهزه على فكره الاكل البخاري لذيذ ومتعوب عليه بصراحه
لا تفوتوه
نبدا مقادير العجينه
500 او 600 جم دقيق
بيضه
كوب ماء
ملعقه شاي ملح
نص ملعقة بكنج صودا مذوبه في ماء (هذه جديده لا توجد في اي طريقه قراتها )
نص كوب زيت
الطريقه
حطي الدقيق والملح والبيضه والماء في العجانه واعجنيها الين تتكون عجينه قاسيه شوي
[IMG][/IMG]
قسمي العجينه واعمليها اسطوانات وحطيها في ماء الصودا نص ساعه (بالامكان الاستغناء عن هذه الخطوه ووضع العجينه في الزيت على طول
[IMG][/IMG]
بعدين شيليها ومدديها شوي بيدك وحطيها في الزيت وخليها ترتاح شوي على بال ما تجهزي خليط اللحم
[IMG][/IMG]
[IMG][/IMG]
خليط اللحم
لحم مقطع مكعبات
بصل مفروم
طماطم مفرومه
كرنب مفروم
فلفل رومي
جزر مقطع مكعبات
بطاطس مكعبات
فاصوليا اذا حبيتي
ملح وفلفل اسود وبهارات وماجي
صلصه
ثوم مطحون
زيت
تحطي الزيت في قدر وتحطي البصل وتقلبي شوي الين يصفر تحطي الثوم وتقلبي ثم اضيفي اللحم(مره اتكلم عامي مره عربيه فصحى معليش اتحملوني )
قلبي اللحم الين ينزل ماؤه اضيفي الخضروات والطماطم والبهارات وخلي الصلصه والملح اخر شي علشان يستوي اللحم اسرع وحطي ماء يكفي لنضج اللحم واغلقي القدر وخليه على نار هادئه
تجهيز العجين
تاخذي اسطوانه من العجين وتمدديها بين ايديك يعني تحطي العجين بين كفيك وتبرمي او تحطيه على رخامة المطبخ وتدهنيها زيت وتبرميها فوقها الين ما تخف الاسطوانه وتطول معاك وتمدديها بايديك بالراحه مع استخدام الزيت
[IMG][/IMG]
لما تطول معاك لفيها بين الايدين يعني لفيه من اليد الاولى لليد التانيه مثل الصوره
[IMG][/IMG]
[IMG][/IMG]
لما تخلصي المقدار حطيه على طرف طاوله نظيفه حيتكون معاك شكل مكرونه اسباكيتي
[IMG][/IMG]
ممكن تستخدمي الة فتح العجين اذا حبيتي تسهلي الموضوع
بعد كدا تحطي ماء في قدر على النار تفوريه وتحطي كل لفه تغلي غلوتين تشيليها وتحطيها على مصفاة الين تنتهي من الكميه
[IMG][/IMG]
في هذه الفتره شيكي على مرقة اللحم لا تخلص وهو مااستوى لما يقرب يستوي حطي الملح والصلصه وقلبيه
[IMG][/IMG]
التقديم
حطي اللغمن في طبق وحطي اللحم والخضار عليه والمرقه ويؤكل بجانب الشطه البخاريه
طريقتها
تفرمي ثوم حوالي 4 حبات وتحطي في قدر حوالي نص كاسة زيت وتقلبي فيها الثوم الين يصفر تحطي خل اسود وفلفل احمر مطحون بودره (شطه حمرا) ومويه شوي وملح وتخليه يغلي وتطفي
[IMG][/IMG]
[IMG][/IMG]
[IMG][/IMG]
وتاكلوه بالهنا والعافيه
يتبع السمسو البخاري
الروابط المفضلة