السلام عليكم ورحمه الله وبركاته
أخواتى فى الله كل عام وأنتم بألف خير بمناسبه العام الهجرى الجديد جعله الله عام صلاح ويفرج على أخواننا فى غزه وينصرهم ويثبت أقدامهم أن شاء السميع العليم
معى اليوم وصفه بلح الشام وكتير بتقابلهم مشكله عدم قرمشته او هشاشته من الداخل فحبيت أقدم طريقتى للأفاده ان شاء اللهبسم الله نبدأ
المقادير
(أنا عملت كميه صغيره وبأمكانك مضاعفه المكونات )
كوب ونصف دقيق
كوب ماء
ربع كوب زبده أو زيت
4 بيضات
فانيليا
ذره ملح
ولسر هشاشته
(معلقه ونصف كبيره سميد ناعم بالأضافه لملعقه ونصف كبيره نشا )
شيره بارده
الطريقه
ننخل الدقيق والملح والسميد والنشا مرتان حتى نتخلص من اى تكتلات فى طاجن نضع كوب الماء ومعه الزيت او الزبده ونتركه عالنار
نتركه يغلى وعند غليانه نهدى النار تماما
نضيف الدقيق المنخول مع المكونات السابقه دفعه واحده على الماء المغلى
ونقلب جيدا حتى تتكون عجينه غير ملتصقه كل هذا يستغرق حوالى خمس دقائق تقريبا
ننقل العجين لتبرد الى وعاء اخر
نقوم بخفق البيض مع الفانيليا بشوكه
وبعد ان نتأكد من ان العجينه بردت الى حد ما نضيف نصف مقدار البيض ممكن نستخدم العجانه او ممكن باليد انا استخدمت اليد لأن العجين قليل
سنجد العجين تفتت واصبح ناعم هكذا
نستمر فى العجن الى ان تتشرب العجين البيض تماما ونضيف باقى البيض بعد ذلك ونقلب باليد
ملحوظه مهمه
ستجدى ان العجين ناعم جدا ويلتصق باليد وهنا تبدأى بوضع رشات من الدقيق حوالى ملعقتين كبار وتعجنى سوف تكون اقل التصاقا من الأول وهنا خلصى اصابعك من العجين الملتصق وضعى ملعقه زيت فى يدك وقلبيها بخفه عالجين ستجدى العجينه لم تعد ملتصقه وتصبح سهله ومتماسكه معك ان شاء الله
نغلف العجين فى ورق بلاستيك ونتركها تهدأ حوالى نصف ساعه ولو الجو حار عندك ضعيها فى الثلاجه
نحضر كيس تزيين الحلوانى وندهن داخله بزيت مهم جدا حتى يسهل نزول بلح الشام منه
والدتى ربنا يديها الصحه يارب كانت تحضر اطباق فيبر ذات الغطاء زى اللى فى ماكدونالدز كده وتدهنها زيت بسيط وترص بلح الشام وتضعه فى الفريزر كتخزين ممكن يقعد شهر كامل وعند استخدامه سخنى الزيت بسيط وضعى الحبات وهى مجمده وبعدها زودى النار بالنسبه لى انا قليت على طول
تكون النار هاديه طبعا وعندما نشعر ان الحبه متماسكه نزود النار ونقلب فى وقت واحد
نخرجها على ورق المطبخ
نتركه تهدأ ونضعها على شيره بارده
نضعها فى مصفى حتى تصفى من الشيره طبعا ملاحظين أنى قليت كميه صغيره والباقى عملته اكلير قمت بالتخلص من طرف قمع التزيين وتركت كيس الحلوانى بدون اداه التزيين فى نهايته وقمت بتنزيل العجين على صينيه اسفه الصوره دى بنتى نور مسحتها بس عموما اغلبنا عارف الاكلير وشكله ووضعت الصينيه فى الفرن حوالى ساعه الا ربع
وخرجتها وتركتها تبرد وفتحتها من المنتصف زى الساندوتش ووضعتها فى الشيره ايضا وصفيتها وحشيتها كريمه مخفوقه
وسيحت شيكولاته فى حمام مائى ودهنت الوجه وتركت الشيكولاته تتماسك وتبرد عالوجه
وبعدها زينت الوجه بباقى الكريمه المخفوقه وده الشكل النهائى اتمنى يعجبكم
أتمنى يكون عجبكم ان شاء الله واى استفسار انا موجوده
الروابط المفضلة