لالا مش بكل
انى توا بادية بنحضر الماستر كان ربي وفقنى وتخصصي تدريس اللغه الانجليزية يستر الله وخلاص

كتبت بواسطة juri

انا الحق منعرفش عليش بس اجي نزيك بكل وحده تشكر في نفسها ههههههه
الله يخليكي حبيتي والله ابصراحه كلامكم حشمني

الحق ينقال اسمك لامع في المنتدى ومعروف عليك انك فالحه وعندك حق تشكر مقريضاتك مادامهم من تحت يدياتك تبارك الله عليك

ماما الااااااااااااء
المقروض (تحفة)
روووووووووووعة رووووووووعة رووووعة
الله يسلم يدياتك ويسلم لك وليدك وربي يفرحك بيه وتشوفيه
كيف ما تبي واحسن
وربي يخليك لينا والله فرحتينا بالطريقة ع الاخر وان شاء الله
اليوم نقعمزله
لكن للتاكيد الكيلة مالقي ؟؟؟
وسامحينا ع التعب والله

بالمناسبه يابنات منى تعرف طريقه لقمة مقرمشة
ياهمى ماما تجيها تقرمش روعه وحتى اللي يفضل يقعد مقرمش ماترتخيش
لاكن المشكله ماقدرتش نديرها زيها

المهم والمطلوب هل كمية النشا لما تكون هلبه تخليها مقرمشة والا شنى بزبط
للعلم ماما ادير فاها بالبطاطا المسلوقه

كتبت بواسطة ماما الاء

يا مرحبتين حبوبة
الحق اني جديدة على المنتدى
ومن اول ما خشيت البنات يشكرو في صنعة ايديك وقالو شغلها مية مية
ولهذا عندي ثقة في الموضوع وفي رايك وصنعة ايديك وكنت نبي نجرب طريقتك متاع الغليان بس الحق خفت على صوابعي راحت من بالي حكاية نحرك بكاشيك اللوح توة فكرتني بيها ام السنفور
يلا المرة الجاية حنجرب ونغلي الزيت باذن الله
بس شكلها السمدينة بعدين تتحمر من سخونة الزيت
بس بنجربها باذن الله
عطيك الصحة وطول العمر

يامرحبتين بيكي
جديده صح بس في وقت قصير درتي بصمه.
ههههههههههههههههههه لا حركيه بالكشك . وان شاء الله اتجربيه ويطلعلك قنين
ربي يحفظك يارب

سلامات لاحلى عضوات
ماشاء الله عليكم تهبلوا ولو اني زعلانة عليكم شوية هكي لاتنشدوا لاتدورووووووووووووووا معقولة والا امدايريني ماني منكم يا هووووووووو

اني كنت حابة انزل حلويات العيد لكن جوالي امفشلني تصويره مش حلو


حبيبتي جوري مقروضك يهبل بس حبيت نسأل عن بسكوت الوان الطيف اللي في الملف كيف طريقة تشكيله لأني نبي انديره علي ولادة اختي ربي يقومها بالسلامة

ماما الاء ماشاء الله عليك كل حلوياتك تهبببببببببببببببببببببببببببببببببل اطير العقل عيني عليك باردة بس نبي منك طريقة مضبوطة للعبمبر امتاع جوز الهند كان تعرفيه انتي والا وحدة من الاخوات بس تكون طريقة مجربة ومضمونة حاكم صاحبتكم تموت فيه

واني شفت في هالايام حلو حلو هلبة ما نعرفش اسمه عند وحدة بس اتحشمت نسأل علي طريقته بس ممكن نوصفه وياريت لو اي وحدة عندها فكرة عليه تقولي اماااااااااااااااااااااااااااااانة المهم هو مقصوص دوائر وبعدين ملفوفة اطراف الدائرة علي بعضها زي القمع ونحس فيها مطروحة بالة الرشدة بس مش رقيقة هلبة ومعسلة ومحشية بمكسرات صحيحة وحتى هي مخلوطة بعسل تقيل وعجينتها فيها هلبة سمسم ياريت تكونوا فهمتوا عليا

[quote=اسيرة السهر;6783891][center]سلامات لاحلى عضوات
ماشاء الله عليكم تهبلوا ولو اني زعلانة عليكم شوية هكي لاتنشدوا لاتدورووووووووووووووا معقولة والا امدايريني ماني منكم
والله والله
انت بالبال والخاطر مرتين بنسال عليك لكن قلت كثرت
من النشدة ع الغايبات
والله استفقدناك وخليتي مكانك
وان شاء الله الي شدك علينا خير وربي ما يجيب زعل يا قمررر

اسيرة السهر
شوفي ملف الحلويات الجزائرية
في وحدة تقطع دواير وتحشي مكسرات وتلم علي بعض كورني
بالك هي الي ادوري فيها
واستني البنات بالك يعرفوها الطريقة

كيف حالكم بناويت
ان شاء الله كويسين
صحة فطوركم توة كيف ضمينا المطبخ وشربت القهوة مع السلة جت مش عادية بكل .. وحدة تشكر في روحها
بالنسبة لعبنبر جوز الهند من عيوني حنكتبه ليك حبيبة اسيرة السهر والله اني جديدة وكيف قاعدة نتعرف على البنات وفرحانة بيكم اكثر ما تتصوري لمة حلوة حلوة حلوة
واللي تقولي عليه هذي راه حاجة قديمة هلبة على منعرفها
بس نبي نزبط الشكل بالزبط
ممكن تكون العشيشات تنقص بماكينة الرشدة
بس مش فاهمة كيف ماكينة رشدة وملفوفة على لعض
اللي نعرفه وزي ما قلتي ووصفني وحدة اسمها القفص الصدري بس هذي قديمة هلبة تنطرح العجينة وتنقص مستطيلات صغيرة ومن الجوانب تنقص بالموس خطوط وتنحشى باللوز وينلمو الخيوط على بعض وكانك تظفري فيها وبعد ما اطيب تتعسل وهذي عجينتها في جنجلان يا ريت تقولي ليا هذي او لا لو هذي عندي طريقتها بس زيدي فهمني يا سمحة
لان قصة ماكينة الرشدة نحس فيها مش مزبوطة لان كل وحدة وطريقتها
هذا لو فهمتك صح
وربي يقوم اختك بالسلامة وتفرحو بخلفتها يا رب

اااه تفكرته العشيش اللي قلتى عليه يا ماما الاء
هداكا تقريبا مش بمكينة رشدة لو نفس اللي نعرفها
اندخلو العجينة في ماكينة الفرم اليدويه اللي يديرو فيها في الطعمية ويرحو فيها في التمر عرفتوها
والعجينة اللي تطلع زي الخيوط نلفوهم زي العشي بشوية ونحطو في الوسط المكسرات مكسرة ومعسله وتطييب وبعدين تتعسل وقت التقديم