يسعد صباح الصبايا
بمناسبه حلى و فاكهه 3 للموز
انا حبيت اجرب شي جديد فدورت على وصفات على النت و طلعت معي هاي الوصف فترجمتها و جربتها و طلعت كتير طيبه
المقادير
3 موز مستوي مهروس
2 كوب طحين
1 ملعقه كبيره بيكنغ باودر
1 اصبع زبده
1/2 كوب سكر
1 بيض
1 ملعقه صغيره فانيلا
1/3 كوب عسل
1/2 ملعقه صغيره قرفه
2/3 كوب لوز
الطريقه
اخفقي الزبده و السكر حتى يصبح المزيج ناعم
اضيفي البيضه و الفانيلا و اخفقي حتى تحصلي على مزيج باهت اللون
اضيفي الموز و حركي بالملعقه (لان الخفق سيهرس الموز اكثر من اللازم)
اضيفي الطحين و البيكنغ باودر و قلبي
هذا شكل الخليط و هو بيكون جامد ..انا بديت اخلطه بالخفاقه بعدين عجنته شوي بايدي
خذي من الخليط 3/2 كوب و اتركيه على جنب و صبي الباقي في قالب مدهون زيت و مرشوش بالطحين
ادخلى الصينيه الفرن على حراره 180 في الرف الاوسط 20 دقيقه و هذا شكلها بعد الخبز
اخلطي الخليط الذي احتفظت به مع العسل و اللوز و القرفه و اخلطي حتى يتجانس ثم صبيه على وجه الكيك
اعيديها للفرن لمده 20 دقيقه ثم حمريها من الاعلى و لا تنسيها مثل ما انا عملت هههههه
رشي عليها سكر على الوجه
و هاي صورتها من الجنب...بكون في طبقتين
و هاي صوره بعد التقطيع
الكيكه تقدم مع الكراميل (سكر بتحرقيه ليصير بني و بعدين بتصبي عليه ماء و بتحركي و بتتركيه على نار هادئه ليثقل)
و هذه مع الفراوله
ملاحظاتي
الكيكه طيبه و نكهه الموز لطيفه جدا بس حلاها خفيف في المره القادمه رح اضاعف السكر
اللوز رح احمصه نص تحميص عشان يقرش اكثر
اتمنى تعجبكم
الروابط المفضلة