*وصفه مبتكره*مشـــاركتى لتوتو فى ملف لسان العصفوووور - اللى عايزة تولد تيجى :)
دي مشاركة بسيطة منى لتوتو الغالية
فى ملف لسان العصفور
الأكلة دى عملتها وكنت بأحضر صورها
علشان أكتب الموضوع الأسبوع اللى فات
وولدت ... اللى عايزة تولد تعملها وتتوكل على الله
هههههه
لسان العصفور بالكبد والقوانص والخضار
طبق شهى ومفيد ولذيذ وأهم حاجة
زى ما قلت لكم بيولد
المقـــادير
1/2 كيلو كبد وقوانص الفراخ مغسولة جيدا ومنظفة ومقطعة
حوالى 1/2 كيس لسان عصفور
معلقتين سمن
بصلة كبيرة
خضار أى خضار تحبيه
ملح وفلفل
الطــريقة
فى طاسة نضع البصلة مع السمن تتشوح
ثم نضيف الكبد والقوانص
وتترك على النار ونقلبها ثم نضيف لسان العصفور
ويقلب حتى يحمر
ثم نضيف الخضروات ( انا أضفت بسلة وجزر)
وقليل من الماء أو المرقة زى ما بتحبى
وتغطى وتترك حتى تمام السوا
تغرف فى سيرفيس وتقدم بالهنا والشفا
طبق خفيف ولذيذ جدا
أتمنى يكون طبقى اليوم عجبكم
ويكون عجبك توتو
حبيباتى إستمتعت جدا بالحملة هذا الصيف ولو إنى مشاركاتى مش كتير نتيجة لحالتى الصحية لكن فعلا إستمتعت بيكم كلكم وبالتعرف عليكم مشرفات وحبوبات ومشاركات غاليات على قلبى
الله يديم الود والمحبة
أحبكم فى الله
رد مع الاستدلال
كتبت بواسطة ملكةالرومانسيه
الروابط المفضلة