~ ♥♥ أسهــــل كاسات تيراميســـــــو من ديات لبنــــــــــان لأحلى صبايا ~ ♥
السلام عليكم اخواتي الغاليات
سبق ونزلت طريقة تيراميسو كنت معتمدتها من زمان .. فيها بيض وجبنة ماسكاربوني ""طبعا هيك الوصفة الأصلية "" .. والصبايا بالموضوع كتير سألوني
اذا ممكن استبدال الماسكاربوني واذا ممكن الاستغناء عن البيض..
الوصفة الاولى على هذا الرابط
اليوم ان شاء الله بقدم لكم كاسات التيراميسو حلوة للضيافة والطريقة ما فيها بيض واستبدلنا الجبنة الماسكاربوني بما انها غير متوفرة عند الكل والمكونات بسيطة ومتوفرة بكل بيت تقريبا
اخترعتها وطلعت يا سلام.. ما في فرق بالطعم ومريحة راسي انها بلا بيض ني خاصة ان استعماله من دون تسوية فيه خطورة بهالأيام!
وهلق بعملها ساعة يلي بدي لأنها سهلة وما بتاخد وقت كتير وممكن تتحضر قبل بيومين
كاسات التيراميسو
المقادير
بسكوت ليديز فنجرز
هاد شكلها
كمية من القهوة النسكافيه بدون سكر محضرة بماء عادي يعني حرارة الغرفة
ليتر كريمة خفق منخفقها منيح بالمضرب تبع الكيك الكهربائي حتى تجمد وتصير متل الجبن ومنوضعها بالثلاجة
ثلاثة ارباع كوب سكر
7 حبات جبن كيري مهروسة بالشوكة ومتروكة بحرارة الغرفة
كاكاو خام
الطريقة
بعد تحضير الكريمة المخفوقة (كما ذكرت أعلاه) نخرجها من الثاجة ونخلطها مع الكيري والسكر ونعيدها للثلاجة ساعة على الأقل..
نغمس البسكوت بسرعة بالقهوة ونرصه بالكاسة (ممكن تعمليها بالصينية)
نضع كريمة فوقها .. ممكن تملسي سطح الكريمة لكن انا حبيت اقدمها بطريقة مختلفة .. خليتها بتعرّجاتها
وكمان واحدة
نرش الوجه بالكاكاو الخام غير مضاف له السكر ونمرره بالمصفاية فوق الكريمة ليصير عندنا هذا الشكل
ما شاء الله ولا قوة الا بالله
وهذه لصبايا الدردشة
وهاي لكل محبّي التيراميسو
ممكن تحضيرها قبل بيومين لكن بدون اضافة الكاكاو وتغطية الوجه بالنايلون الشفاف حتى ما ينشف الوجه.. ترش بالكاكاو عند التقديم...
بالهنا والعافية
ملاحظة هامة.. اضافة الشوكولاته او السكر للقهوة بيروّح طعمة التيراميسو الاصلية..
لا تنسوني من دعواتكم الغالية على قلبي وان شاء الله لكن بالمثل
رد مع الاستدلال
اعذروني لغيابي 
*
*
كتبت بواسطة ●•°BaSmA°•●
الروابط المفضلة