مساء الخير أو صباح الخير فين ما كنتم
أحب أقدم لكم اليوم الفراخ بالبسطرمة
حلوة جدا جدا لكن لازم تكونى من محبات البسطرمة
أولا : المقادير:
فراخ بانيه
بسطرمة
جبنه مثلثات أى نوع تفضليه
ثانيا : الطــــريقة
نفرد الفراخ وندق عليها بالشاكوش حتى تتىرقق
نجيب الجبنة المثلثات ونآخد القطعة كلها أو جزء منها حسب حجم الفراخ
نعملها على شكل إسطوانة ثم توضع بمنتصف الفراخ
تغطى بشريحة بسطرمة
وممكن لعاشقات البسطرمة نحط شريحة تحت الجبنى وشريحة فوقيها
ونطبق عليها قطعة الفراخ وتقفل بخلة الأسنان
ثم تحمر فى طاسة بها شوية زيت صغيرين أو زبدة اللى تحبيه
وتقلب على الجانب الآخر
وتقدم مع أرز أو تتآكل بالعيش وهى بصراحة تتىكل حااااف من حلاوتها
وبالهنا والشفـــــــا
أترككم مع الصور من مطبخى
ثم الجبنة
وبعديها تيجى البسطرمة
ملحوظة:هى البسطرمة لونها هنا كده متستغربوش
وتقفل بالخلة
وده شكلهم بعد التحمير
جربوها فعلا جميلة
الروابط المفضلة