السلام عليكم ورحمة الله وبركاته

من فتره سويت السنبوسه بالعجين قليت نصها والنص الثاني فرزنته

وااليوم كنت صايمه طلعت المفرزن وسويته فطور لي مع شوربة ربيان باالشوفان

وطلعت لذيذه بالمره

والمقادير بسيطه مره

2 كوب دقيق

قليل من الملح

مويه للعجن

4 ملاعق زيت

تعجن مع بعض وتكون قاسيه شوي وتترك ترتاح شوي وتجهزي الحشوه الي تبغي

تحشي فيها اي حشوه تعجبك

ثم شكليها واحشيها وبمكانك قليها او وضعها بالفرن مع دهنها بقليل من الزيت بالفرشه

انا ما دهنتها لاني ما احب كثر الزيوت

والي انقلت بالزيت طبعا الذ من الي بالفرن بس اخف الي بالفرن

واترككم مع الصور لنوعين

شكلتها ووضعتها على رشة دقيق لاجل ما تلتصق



بعد القلي





هاذي الي سويت بالفرن وكانت طيبه ولا كأنها كانت مفرزنه



وهاذا فطوري الشوربه مع السنبوسه الليله